Zeinu Hizkuntza kurtsoak

Pentsiodunek protesta egingo dute otsailaren 22an, Gasteizen

'Arabako Pentsionistak Lanean' eta 'Por una vida digna' erretirodunen elkarteek mobilizazioak iragarri dituzte, “erosteko ahalmen galeraren” aurrean protesta egiteko

1.080 euroko gutxieneko pentsioa eta urtero BEZaren arabera eguneratzea eskatu dute gaur 'Arabako Pentsionistak Lanean' eta 'Por una vida digna' erretirodunen elkarteek Gasteizen. Iñaki Martin 'Arabako Pentsionistak Lanean' elkarteko ordezkariak eta Juan Antonio Armentia 'Por una vida digna'ko bozeramaileak mobilizazioak iragarri dituzte, pentsiodunen kolektiboaren “erosteko ahalmen galeraren” aurrean protesta egiteko.

Urtarrilaren 31an ia 1.400 erretirodunek elkarretaratzea egin zuten Correos eraikuntzaren aurrean, Gasteizen, % 0,25eko igoera iragarriz Gizarte Segurantzak bidalitako gutuna sinbolikoki itzultzeko. Orain bi elkarteek manifestazioa deitu dute otsailaren 22rako eta elkarretaratzeak hileko lehen astelehen guztietan, Andre Maria Zuriaren plazan.

“Une honetan egoera jasanezina da, 2014tik % 0,25eko igoera batekin daramagu, eta 2022ra arte horrela jarraituko dugula mehatxu egin digute”, salatu du Armentiak. “Ezin daiteke onartu”, erantsi du.

Etorkizuneko pentsioak kalkulatzeko zenbatekoen murrizketaz ohartarazi du ekintzaileak. Gainera, 2040an pentsioak % 40ko jaitsiera izatea aurreikusi dutela kritikatu du Armentiak. Ordurako “15 milioi pentsiodun baino gehiago” izango direla azpimarratu du Armentiak, baina ordainketak egiteko aurrekontu-saila BPGren % 10etik gora kokatuko ez duela azaldu du Espainiako Gobernuak.

Gutxieneko alarguntza-pentsioa 480 eurokoa da eta erretirodunen batezbesteko pentsioa 760 eurokoa da. 1.080 euroko gutxieneko “pentsio duina” eskatu dute kolektiboek, baita urtero BEZaren arabera igotzea ere. Azkenik, 2018ko ekitaldiaren % 0,25a bertan behera uztea aldarrikatu du Armentiak.

Bestalde, pentsioak “Estatuko Aurrekontu Orokorrekin bermatzea” defendatu du Martinek, pentsio funts pribatuekin osatu beharrean.

Kamioientzako N-1eko bidesaria oker dabilela salatu du Hiruk eta eteteko eskatu du

Sindikatuak ziurtatu duenez, AT sistema martxan jarri eta lehen hilabetean hogei akats baino gehiago zenbatu ditu

Gipuzkoako N-1 errepidean kamioiei ezartzen zaien bidesari berria oker dabilela salatu du Hiru garraiolarien sindikatuak. Hori dela eta, AT sistemak behar bezala funtzionatzen duela egiaztatu arte bertan behera uztea eskatu du. Horrez gain, oker kobratutako gidariei dirua itzultzea ere eskatu du, baita horrek hilabete guztian bildutako dirua itzultzea esan nahi badu ere.

Lasarte Orian eskainitako prentsaurrekoan Hiruko ordezkariek azaldu dutenez, Via-T sistema izanagatik ere AT sistemak ez die bidesaria kobratu hainbat garraiolariri. Gerora, ordea, ordaindu ez dutenek Aldundiaren mehatxuzko eskutitza jaso dute, baina xehetasunik (noiz eta nola) eta argazkirik gabe.

Ez hori bakarrik, ba omen dira ordaindu beharrik gabe bidesaria kobratu zaien furgoneta, autobus, karabana eta bestelako garraiolariak. Salatu duenez, hogeitik gora kasu zenbatu dituzte eta Diputazioa ez da kaltetuekin harremanetan jarri.

Ildo horretan, ordainketak errepasatzeko eskatu die Hiru sindikatuak gisa horretako ibilgailuak dituztenei, eta akatsen bat antzemanez gero, beraiekin harremanetan jartzeko.

Duela hilabete sartu zen indarrean sistema berria eta egunean, batez beste, 32.000 kamioi igarotzen dira N-1 errepidetik.

8.661 lagunek eman dute izena Osakidetzaren LEPean inskribatzeko lehen egunean

Erizaintza, Erizaintza laguntzailea, Administrazia eta Zeladore kategoria profesionaleetan eman dute gehienek izena. Azterketak maiatza eta ekaina artean egingo dituzte

Euskal Osasun Zerbitzuak atzo, ostirala, ireki zuen 2016-2017 ekitaldiko Osakidetzaren Lan Eskaintza Publikoan (LEP) izena emateko epea. Eta 8.661 lagunek eman dute izena lehen egunean. Interesdunek hilabeteko epea (martxoaren 16ra arte) dute izena emateko Osakidetzaren webgunean. Erizaintza, Erizaintza laguntzailea, Administrazia eta Zeladore kategoria profesionaleetan eman dute gehienek izena.

Hemen daukazue LEPan izena emateko dokumentua.

Bestalde, badaude lan eskaintza publikoan jasotako lanbide kategorien oinarri bereziak, baita haietako bakoitzari dagokion gai zerrenda ere.

Gainerako kategorietako hautaproben deialdia datorren astean argitaratuko dute.

Guztira, 3.335 lanpostu eskainiko dituzte, ia lanbide kategoria eta espezialitate mediko guztietakoak, eta azterketak maiatza eta ekaina artean egingo dituzte.

Hiru pertsona zauritu dira Iruñean, asteburuan izandako hamar borrokatan

Guztira, hiru pertsona artatu dituzte osasun zentroetan. Horietako batek zauri larriak zituen belarrian, hozkada baten ondorioz

Hiru pertsona zauritu dira asteburuan Iruñean izandako hamar borroka edo erasotan, Iruñeko Udaltzaingoak ohar batean jakinarazi duenez. Hiru zauritu horiek osasun arreta bar izan zuten. Horietako batek zauri larriak zituen belarrian, hozkada baten ondorioz. Zehatz-mehatz esanda, geruza kartilaginosoaren zati bat galdu du.

Zenbait kasutan, borroka horietan parte hartu dutenak identifikatu dituzte eta beste kasu batzuk, ostera, ikerketa fasean daude. Udaltzaingoak azpimarratu duenez, eragindako lesioen arabera, litekeena da horietako zenbaiti lesio delituak leporatzea.

Hiritarren Segurtasunari lotuta, Udaltzaingoak 147 esku-hartze egin ditu asteburuan. Esaterako, zortzi droga atzemate egin ditu, horietako lau hiriko Donibane auzoko lokal batean.

Horiei lotuta, pertsona batek autoan ihes egin zuen. Gutxira, ordea, geldiarazi egin zuten eta auto barruan droga atzeman zuten. Halaber, droga proban positibo eman zuen eta 1.000 euroko isuna jartzeaz gain, gidabaimeneko sei puntu kendu zizkioten.

Trafikoari dagokionez, auto bat bidetik atera zen Nafarroa kalearen eta Abejeras kalearen arteko biribilgune batean eta, inor zauritu ez bazen ere, gidariak baimendutako alkohol tasa gainditu zuen. Ondorioz, 1.000 euroko isuna jarri eta gidabaimeneko sei puntu kendu zizkioten.

Troitiñoren aurkako epaiketa gaur ANn, estradizioa hiru urtez eskatu eta gero

2011an kartzelatik atera zuten eta Erresuma Batura joan zen. Hango agintariek behin eta berriz uko egin diote Justizia espainiarraren esku uzteari, aurreko maiatzera arte

Auzitegi Nazionaleko Lehen Sekzioak Antton Troitiño epaituko du gaur, astelehena, eta 11 urteko kartzela zigorra ezar liezaioke. 2011an kaleratu zuten Troitiño eta Erresuma Batura joan zen, ordutik han egon da, aurreko maiatzean Espainiaratu zuten arte.

Fiskaltzak Troitiño organizazio terrorista baten kide izatea eta delitua berriz egitea egotzi dio. Gainera, espetxera joateko zigorraz gain, 20 urteko erabateko gaitasungabetzea eta bost urteko zaintzapeko askatasuna ezartzea eskatu du.

Iazko maiatzean onartu zuen Erresuma Batuko Justiziak Troitiño Espainiaratzea, hiru urteko prozesuaren ostean.

Pablo Ruz De la Mata orduko fiskalaren Epaitegiko titularrak 2014an emandako atxilotzeko agindu bati esker lortu du estradizioa ANk. Orduan, ETAko kide izatea eta NANa faltsutzea leporatu zioten.

2012an atxilotu zuten Londresen, Auzitegi Nazionalak egindako lehen eskakizunari jarraituta. Horrezkero, kartzelan sartu zuten baina, 2013an Estrasburgoko Auzitegiak Parot doktrina bertan behera utzi eta gero, aske geratu zen berriz, Justizia britainiarrak estradizio eskaeraren nondik norakoak ezagutu nahi baitzituzten.

2014an atxilotu zuten berriz, Poliziak Ruzi erreguzko mandatua egitea eskatu eta gero, Troitiñoren Londreseko etxean ETAren agiriak agertu eta gero.

Fiskalaren arabera, Troitiño klandestinitatean murgildu zen, akats baten ondorioz 2011an aske geratu ostean, eta ETA organizazio terroristarekin harremanetan jarri zen berriz, Espainiatik ihes egiten lagun ziezaion, bilatzeko eta atxilotzeko agindua eraginkortasunik gabe uzteko. 2011an aske geratu zenerako, 24 urte emanda zituen espetxean, baina 2017ra arte geratzea aurreikusita zegoen, Parot doktrina aplikatuta.

Pentsiodunek protesta egingo dute otsailaren 22an, Gasteizen

Pentsiodunek protesta egingo dute otsailaren ...
Pentsiodunek protesta egingo dute otsailaren 22an, Gasteizen

'Arabako Pentsionistak Lanean' eta 'P...
2:53 min.

'Arabako Pentsionistak Lanean' eta 'Por una vida digna' erretirodunen elkarteek mobilizazioak iragarri dituzte, “erosteko ahalmen galeraren” aurrean protesta egiteko

1.080 euroko gutxieneko pentsioa eta urtero BEZaren arabera eguneratzea eskatu dute gaur 'Arabako Pentsionistak Lanean' eta 'Por una vida digna' erretirodunen elkarteek Gasteizen. Iñaki Martin 'Arabako Pentsionistak Lanean' elkarteko ordezkariak eta Juan Antonio Armentia 'Por una vida digna'ko bozeramaileak mobilizazioak iragarri dituzte, pentsiodunen kolektiboaren “erosteko ahalmen galeraren” aurrean protesta egiteko. Urtarrilaren 31an ia 1.400 erretirodunek elkarretaratzea egin zuten Correos eraikuntzaren aurrean, Gasteizen, % 0,25eko igoera iragarriz Gizarte Segurantzak bidalitako gutuna sinbolikoki itzultzeko. Orain bi elkarteek manifestazioa deitu dute otsailaren 22rako eta elkarretaratzeak hileko lehen astelehen guztietan, Andre Maria Zuriaren plazan. “Une honetan egoera jasanezina da, 2014tik % 0,25eko igoera batekin daramagu, eta 2022ra arte horrela jarraituko dugula mehatxu egin digute”, salatu du Armentiak. “Ezin daiteke onartu”, erantsi du. Etorkizuneko pentsioak kalkulatzeko zenbatekoen murrizketaz ohartarazi du ekintzaileak. Gainera, 2040an pentsioak % 40ko jaitsiera izatea aurreikusi dutela kritikatu du Armentiak. Ordurako “15 milioi pentsiodun baino gehiago” izango direla azpimarratu du Armentiak, baina ordainketak egiteko aurrekontu-saila BPGren % 10etik gora kokatuko ez duela azaldu du Espainiako Gobernuak. Gutxieneko alarguntza-pentsioa 480 eurokoa da eta erretirodunen batezbesteko pentsioa 760 eurokoa da. 1.080 euroko gutxieneko “pentsio duina” eskatu dute kolektiboek, baita urtero BEZaren arabera igotzea ere. Azkenik, 2018ko ekitaldiaren % 0,25a bertan behera uztea aldarrikatu du Armentiak. Bestalde, pentsioak “Estatuko Aurrekontu Orokorrekin bermatzea” defendatu du Martinek, pentsio funts pribatuekin osatu beharrean.

2018/02/19

Kamioientzako N-1eko bidesaria oker dabilela salatu du Hiruk eta eteteko eskatu du

Kamioientzako N-1eko bidesaria oker dabilela ...
Kamioientzako N-1eko bidesaria oker dabilela salatu du Hiruk eta eteteko eskatu du

Sindikatuak ziurtatu duenez, AT siste...
1:41 min.

Sindikatuak ziurtatu duenez, AT sistema martxan jarri eta lehen hilabetean hogei akats baino gehiago zenbatu ditu

Gipuzkoako N-1 errepidean kamioiei ezartzen zaien bidesari berria oker dabilela salatu du Hiru garraiolarien sindikatuak. Hori dela eta, AT sistemak behar bezala funtzionatzen duela egiaztatu arte bertan behera uztea eskatu du. Horrez gain, oker kobratutako gidariei dirua itzultzea ere eskatu du, baita horrek hilabete guztian bildutako dirua itzultzea esan nahi badu ere. Lasarte Orian eskainitako prentsaurrekoan Hiruko ordezkariek azaldu dutenez, Via-T sistema izanagatik ere AT sistemak ez die bidesaria kobratu hainbat garraiolariri. Gerora, ordea, ordaindu ez dutenek Aldundiaren mehatxuzko eskutitza jaso dute, baina xehetasunik (noiz eta nola) eta argazkirik gabe. Ez hori bakarrik, ba omen dira ordaindu beharrik gabe bidesaria kobratu zaien furgoneta, autobus, karabana eta bestelako garraiolariak. Salatu duenez, hogeitik gora kasu zenbatu dituzte eta Diputazioa ez da kaltetuekin harremanetan jarri. Ildo horretan, ordainketak errepasatzeko eskatu die Hiru sindikatuak gisa horretako ibilgailuak dituztenei, eta akatsen bat antzemanez gero, beraiekin harremanetan jartzeko. Duela hilabete sartu zen indarrean sistema berria eta egunean, batez beste, 32.000 kamioi igarotzen dira N-1 errepidetik.

2018/02/19

8.661 lagunek eman dute izena Osakidetzaren LEPean inskribatzeko lehen egunean

8.661 lagunek eman dute izena Osakidetzaren L...
8.661 lagunek eman dute izena Osakidetzaren LEPean inskribatzeko lehen egunean

Erizaintza, Erizaintza laguntzailea, ...
1:05 min.

Erizaintza, Erizaintza laguntzailea, Administrazia eta Zeladore kategoria profesionaleetan eman dute gehienek izena. Azterketak maiatza eta ekaina artean egingo dituzte

Euskal Osasun Zerbitzuak atzo, ostirala, ireki zuen 2016-2017 ekitaldiko Osakidetzaren Lan Eskaintza Publikoan (LEP) izena emateko epea. Eta 8.661 lagunek eman dute izena lehen egunean. Interesdunek hilabeteko epea (martxoaren 16ra arte) dute izena emateko Osakidetzaren webgunean. Erizaintza, Erizaintza laguntzailea, Administrazia eta Zeladore kategoria profesionaleetan eman dute gehienek izena. Hemen daukazue LEPan izena emateko dokumentua. Bestalde, badaude lan eskaintza publikoan jasotako lanbide kategorien oinarri bereziak, baita haietako bakoitzari dagokion gai zerrenda ere. Gainerako kategorietako hautaproben deialdia datorren astean argitaratuko dute. Guztira, 3.335 lanpostu eskainiko dituzte, ia lanbide kategoria eta espezialitate mediko guztietakoak, eta azterketak maiatza eta ekaina artean egingo dituzte.

2018/02/19

Hiru pertsona zauritu dira Iruñean, asteburuan izandako hamar borrokatan

Hiru pertsona zauritu dira Iruñean, asteburua...
Hiru pertsona zauritu dira Iruñean, asteburuan izandako hamar borrokatan

Guztira, hiru pertsona artatu dituzte...
1:41 min.

Guztira, hiru pertsona artatu dituzte osasun zentroetan. Horietako batek zauri larriak zituen belarrian, hozkada baten ondorioz

Hiru pertsona zauritu dira asteburuan Iruñean izandako hamar borroka edo erasotan, Iruñeko Udaltzaingoak ohar batean jakinarazi duenez. Hiru zauritu horiek osasun arreta bar izan zuten. Horietako batek zauri larriak zituen belarrian, hozkada baten ondorioz. Zehatz-mehatz esanda, geruza kartilaginosoaren zati bat galdu du. Zenbait kasutan, borroka horietan parte hartu dutenak identifikatu dituzte eta beste kasu batzuk, ostera, ikerketa fasean daude. Udaltzaingoak azpimarratu duenez, eragindako lesioen arabera, litekeena da horietako zenbaiti lesio delituak leporatzea. Hiritarren Segurtasunari lotuta, Udaltzaingoak 147 esku-hartze egin ditu asteburuan. Esaterako, zortzi droga atzemate egin ditu, horietako lau hiriko Donibane auzoko lokal batean. Horiei lotuta, pertsona batek autoan ihes egin zuen. Gutxira, ordea, geldiarazi egin zuten eta auto barruan droga atzeman zuten. Halaber, droga proban positibo eman zuen eta 1.000 euroko isuna jartzeaz gain, gidabaimeneko sei puntu kendu zizkioten. Trafikoari dagokionez, auto bat bidetik atera zen Nafarroa kalearen eta Abejeras kalearen arteko biribilgune batean eta, inor zauritu ez bazen ere, gidariak baimendutako alkohol tasa gainditu zuen. Ondorioz, 1.000 euroko isuna jarri eta gidabaimeneko sei puntu kendu zizkioten.

2018/02/19

Troitiñoren aurkako epaiketa gaur ANn, estradizioa hiru urtez eskatu eta gero

Troitiñoren aurkako epaiketa gaur ANn, estrad...
Troitiñoren aurkako epaiketa gaur ANn, estradizioa hiru urtez eskatu eta gero

2011an kartzelatik atera zuten eta Er...
2:37 min.

2011an kartzelatik atera zuten eta Erresuma Batura joan zen. Hango agintariek behin eta berriz uko egin diote Justizia espainiarraren esku uzteari, aurreko maiatzera arte

Auzitegi Nazionaleko Lehen Sekzioak Antton Troitiño epaituko du gaur, astelehena, eta 11 urteko kartzela zigorra ezar liezaioke. 2011an kaleratu zuten Troitiño eta Erresuma Batura joan zen, ordutik han egon da, aurreko maiatzean Espainiaratu zuten arte. Fiskaltzak Troitiño organizazio terrorista baten kide izatea eta delitua berriz egitea egotzi dio. Gainera, espetxera joateko zigorraz gain, 20 urteko erabateko gaitasungabetzea eta bost urteko zaintzapeko askatasuna ezartzea eskatu du. Iazko maiatzean onartu zuen Erresuma Batuko Justiziak Troitiño Espainiaratzea, hiru urteko prozesuaren ostean. Pablo Ruz De la Mata orduko fiskalaren Epaitegiko titularrak 2014an emandako atxilotzeko agindu bati esker lortu du estradizioa ANk. Orduan, ETAko kide izatea eta NANa faltsutzea leporatu zioten. 2012an atxilotu zuten Londresen, Auzitegi Nazionalak egindako lehen eskakizunari jarraituta. Horrezkero, kartzelan sartu zuten baina, 2013an Estrasburgoko Auzitegiak Parot doktrina bertan behera utzi eta gero, aske geratu zen berriz, Justizia britainiarrak estradizio eskaeraren nondik norakoak ezagutu nahi baitzituzten. 2014an atxilotu zuten berriz, Poliziak Ruzi erreguzko mandatua egitea eskatu eta gero, Troitiñoren Londreseko etxean ETAren agiriak agertu eta gero. Fiskalaren arabera, Troitiño klandestinitatean murgildu zen, akats baten ondorioz 2011an aske geratu ostean, eta ETA organizazio terroristarekin harremanetan jarri zen berriz, Espainiatik ihes egiten lagun ziezaion, bilatzeko eta atxilotzeko agindua eraginkortasunik gabe uzteko. 2011an aske geratu zenerako, 24 urte emanda zituen espetxean, baina 2017ra arte geratzea aurreikusita zegoen, Parot doktrina aplikatuta.

2018/02/19

Otsaila 2018
AAAOOLI
 1234
567891011
12131415161718
19202122232425
262728 
Urtarrila 2018
AAAOOLI
1234567
891011121314
15161718192021
22232425262728
293031 

        2018-01-25ko bideoen artxiboa

Diru-bilketak % 11,7 gora egin du Bizkaia, Gipuzkoa eta Araban, 2017an

Diru-bilketak % 11,7 gora egin du Bizkaia, Gi...
Diru-bilketak % 11,7 gora egin du Bizkaia, Gipuzkoa eta Araban, 2017an

EAEko hiru ogasunek 14.473,7 milioi e...
3:05 min.

EAEko hiru ogasunek 14.473,7 milioi euro bildu dituzte, errekor historikoa; izan ere, 2007ko, krisi aurreko, marka gainditu dute. Orduan 13.772 milioi bildu zituzten

Euskal Autonomia Erkidegoko hiru ogasunek 14.473,7 milioieuro bildu zituzten 2017an, 2016an baino % 11,7 gehiago, errekor historikoa; izan ere, 2007ko, krisi aurreko, marka gainditu dute. Orduan 13.772 milioi bildu zituzten. Are gehiago, Eusko Jaurlaritzak iragan urrian egindako aurreikuspenak hobetu dituzte. Horrela, diru-sarrera handiagoak izan dira, 2016an baino 1.523 milioi euro gehiago, hain zuzen ere. Zenbaki absolutuetan gorakada historiko handiena izan da. Finantza Publikoen Euskal Kontseiluak diru-bilketa 14.367 milioikoa izango zela aurreikusi zuen iragan urrian, baina azkenean iragarpen horiek ere 106,7 milioitan gainditu dira. Hala ere, tributu itunduen igoera historiko hori BEZren diru-bilketagatik gertatu dela kontuan izan behar da, iragan maiatzean, Kontzertu Ekonomikoaren Batzorde Mistoan adostutako akordioen ondorio dira, alegia. Bildutako 14.473,7 milioi horietatik 600 bat akordio horren ondorio dira, Eusko Jaurlaritzako Ogasun eta Ekonomia Saileko iturriek zehaztu dutenez. Honenbestez, horiek kontuan hartuko ez balira diru-bilketaren benetako gorakada % 7 ingurukoa izango litzateke. Lurraldeka, igoerarik handiena Araban gertatu da, 2.303 milioi bildu dituzte bertan, aurreko ekitaldian baino % 13 gehiago. Bizkaian, 7.500,5 milioi bildu dituzte, 2016an baino % 11,7 gehiago, eta Gipuzkoan 4.670,2 milioi, % 11,3 gehiago. Bildutako 14,473,7 milioi horietatik, 5.132,1 PFEZren bidez jaso dira (% 6 gora), 1.111,6 bazkun-zerga (% 10,8 gora), ia 6.000 milioi BEZaren bidez eta beste 1.273,7 milioi hidrokarburoen gaineko zergarekin. Finantza Publikoen Euskal Kontseilua otsailaren 13an bilduko da, ekitaldiari behin betiko amaiera emateko.

Donostiako Udalak kamerak jarriko ditu igogailu publikoetan, segurtasuna handitzeko

Donostiako Udalak kamerak jarriko ditu igogai...
Donostiako Udalak kamerak jarriko ditu igogailu publikoetan, segurtasuna handitzeko

Segurtasuna hobetu nahi du, bereziki,...
1:07 min.

Segurtasuna hobetu nahi du, bereziki, sexu-erasoak eta bandalismoa saihesteko. Hasieran zazpi toki hauetan jarriko dituzte: Mundaiz, Cristina-Enea, Aquariuma, Sagües, Aizkorri (bi) eta Renfe

Donostiako Udalak kamerak ipiniko ditu hiriko igogailu publikoetan. Guztira, 20 igogailu daude, baina hasierako fasean zazpi gune hauetan jarriko dituzte: Mundaiz, Cristina-Enea, Aquariuma, Sagües, Aizkorri (bi) eta Renfeko geltokia. Segurtasuna kezka iturri da aspaldian hiriburuan, eta horrela segurtasuna hobetu nahi du Udalak. Zehazki, hiru helburu ditu: eraso sexistak saihestea, bandalismoa prebenitzea eta funtzionamendu akatsak edota geldialdiak zuzentzea. Datorren astelehenean hasiko dira kamerak jartzen, eta Udalak 17.000 euroko aurrekontua bideratuko du lan horietarako.

Amazonek egoitza logistiko bat ireki nahi du Trapagaranen

Amazonek egoitza logistiko bat ireki nahi du ...
Amazonek egoitza logistiko bat ireki nahi du Trapagaranen

Babcock lantegi zaharraren nabea eros...
1:37 min.

Babcock lantegi zaharraren nabea erosteko aukera aztertzen ari da konpainia estatubatuarra

Amazon konpainia estatubatuarra Trapagaranen (Bizkaia) egoitza logistiko bat irekitzeko aukera aztertzen ari da. Babcock lantegi zaharraren nabea erosteko asmoa du. 1.000 metro koadro inguruko orubea da eta bertan zentro logistiko bat jarri nahiko luke, Xabier Cuellar Trapagarango alkateak ETBri baieztatu zionez. Nolanahi ere, oraingoz aukera bat baino ez da; izan ere, negoziazioa itxi gabe dago eta beste hainbat enpresak ere agertu dute pabilioi zaharra erosteko nahia, gune estrategikoan kokatuta baitago. Alkatearen esanetan, Amazonen etorrerak bultzada emango lioke herriari, munduko enpresarik handienetakoa delako eta sortuko liratekeen lanpostuengatik. Babcock enpresako langile ohiak ere itxaropentsu azaldu dira, akordioa gauzatuz gero, enpresak urteetan zor dien dirua berreskuratuko luketelako.

Rajoyk ez du parekatuko emakumeen eta gizonen soldata:

Rajoyk ez du parekatuko emakumeen eta gizonen...
Rajoyk ez du parekatuko emakumeen eta gizonen soldata: 'Ez gaitezen horretan sartu'

Espainiako enpresek soldaten parekota...
1:28 min.

Espainiako enpresek soldaten parekotasun eza murrizteko pausoak eman dituztela aitortu du, nahiz eta abiadura azkarragoa izan beharko liratekeen

Mariano Rajoy Espainiako Gobernuko presidenteak alde batera utzi zuen enpresa pribatuak legez emakumeen eta gizonen soldatak parekatzera behartzea. “Ez gaitezen horretan sartu”, adierazi zuen, eta gobernariak bere betekizunak zeintzuk diren jakiteko orduan oso zuhurrak izan behar direla gogorarazi zuen. Onda Cerori eskainitako elkarrizketa batean, Rajoyk aitortu zuen Espainiako enpresek norabide egokian eman dituztela pausoak soldaten parekotasun eza murrizteko, hori lau puntuan jaitsita 2012tik, eta Espainia Europako batez bestekoa baino hobeto egotea ahalbidetuta. Hala ere, seguruenik abiadura azkarragoa izan beharko litzatekeela onartu zuen. Bestalde, Rajoy ez dator bat Gobernua enpresetako soldatak finkatzen hastearekin. “Ez nuke neure burua ikusiko zuei zer kobratu behar duzuen esaten”, azaldu zuen Onda Ceroko langileei buruz. Halaber, enpresa batean funtzio berdinak egiten dituzten emakume eta gizon batek berdina kobratzearen inguruan ez zuela iritzirik eman nahi errepikatu zuen. “Ez gaitezen horretan sartu, eman ditzagun pausoak norabide berean hori baita arazoak konpontzeko modu egokiena; Espainia Europan gauzak hoberen egiten ari den herrialdeetako bat da", esan zuen, bukatzeko.

Polizia eta Guardia Zibila Parlamentua zaintzen ari dira, inbestidura ekiditeko

Polizia eta Guardia Zibila Parlamentua zaintz...
Polizia eta Guardia Zibila Parlamentua zaintzen ari dira, inbestidura ekiditeko

Kataluniako Parlamentuaren estolderia...
1:44 min.

Kataluniako Parlamentuaren estolderia ikuskatu dute eta kontrol-neurriak zorroztu dituzte mugan eta aireportuetan

Espainiako Barne Ministerioak polizia-operazioa jarri du abian Katalunian, Carles Puigdemont Generalitateko presidente izendatzea ekiditeko. Plan horren baitan, Espainiako Poliziak eta Guardia Zibilak Kataluniako Parlamentuko estolderia ikuskatu dute eta kontrol-neurriak zorroztu dituzte Kataluniako mugan eta aireportuetan, Europa Press agentziak polizia-iturriak aipatuta zabaldu duenez. Poliziek Kataluniako Parlamentua dagoen zitadelako lurpea miatu dute asteazken honetan, horretarako eskumenik ez badute ere. Segurtasun eskumena Esquadra Mossoei dagokie. Kataluniako Polizia autonomikoak adierazi du inbestidura saioaren egunean ikuskatu dituztela estolderiak, ohiko protokoloari jarraituta. Generalitateko presidentea izendatzeko inbestidura saioa urtarrilaren 30ean izango da. Carles Puigdemontek esan du egun horretan Parlamentuan egon nahi duela, baina erantsi du hara joan barik ere badaudela beste aukera batzuk saioan parte hartzeko. Roger Torrent Kataluniako Parlamentuko presidentearekin bildu ostean egin ditu adierazpenok. Carles Puigdemont da presidentegai bakarra.