Zeinu Hizkuntza kurtsoak

Pentsiodunek protesta egingo dute otsailaren 22an, Gasteizen

'Arabako Pentsionistak Lanean' eta 'Por una vida digna' erretirodunen elkarteek mobilizazioak iragarri dituzte, “erosteko ahalmen galeraren” aurrean protesta egiteko

1.080 euroko gutxieneko pentsioa eta urtero BEZaren arabera eguneratzea eskatu dute gaur 'Arabako Pentsionistak Lanean' eta 'Por una vida digna' erretirodunen elkarteek Gasteizen. Iñaki Martin 'Arabako Pentsionistak Lanean' elkarteko ordezkariak eta Juan Antonio Armentia 'Por una vida digna'ko bozeramaileak mobilizazioak iragarri dituzte, pentsiodunen kolektiboaren “erosteko ahalmen galeraren” aurrean protesta egiteko.

Urtarrilaren 31an ia 1.400 erretirodunek elkarretaratzea egin zuten Correos eraikuntzaren aurrean, Gasteizen, % 0,25eko igoera iragarriz Gizarte Segurantzak bidalitako gutuna sinbolikoki itzultzeko. Orain bi elkarteek manifestazioa deitu dute otsailaren 22rako eta elkarretaratzeak hileko lehen astelehen guztietan, Andre Maria Zuriaren plazan.

“Une honetan egoera jasanezina da, 2014tik % 0,25eko igoera batekin daramagu, eta 2022ra arte horrela jarraituko dugula mehatxu egin digute”, salatu du Armentiak. “Ezin daiteke onartu”, erantsi du.

Etorkizuneko pentsioak kalkulatzeko zenbatekoen murrizketaz ohartarazi du ekintzaileak. Gainera, 2040an pentsioak % 40ko jaitsiera izatea aurreikusi dutela kritikatu du Armentiak. Ordurako “15 milioi pentsiodun baino gehiago” izango direla azpimarratu du Armentiak, baina ordainketak egiteko aurrekontu-saila BPGren % 10etik gora kokatuko ez duela azaldu du Espainiako Gobernuak.

Gutxieneko alarguntza-pentsioa 480 eurokoa da eta erretirodunen batezbesteko pentsioa 760 eurokoa da. 1.080 euroko gutxieneko “pentsio duina” eskatu dute kolektiboek, baita urtero BEZaren arabera igotzea ere. Azkenik, 2018ko ekitaldiaren % 0,25a bertan behera uztea aldarrikatu du Armentiak.

Bestalde, pentsioak “Estatuko Aurrekontu Orokorrekin bermatzea” defendatu du Martinek, pentsio funts pribatuekin osatu beharrean.

Kamioientzako N-1eko bidesaria oker dabilela salatu du Hiruk eta eteteko eskatu du

Sindikatuak ziurtatu duenez, AT sistema martxan jarri eta lehen hilabetean hogei akats baino gehiago zenbatu ditu

Gipuzkoako N-1 errepidean kamioiei ezartzen zaien bidesari berria oker dabilela salatu du Hiru garraiolarien sindikatuak. Hori dela eta, AT sistemak behar bezala funtzionatzen duela egiaztatu arte bertan behera uztea eskatu du. Horrez gain, oker kobratutako gidariei dirua itzultzea ere eskatu du, baita horrek hilabete guztian bildutako dirua itzultzea esan nahi badu ere.

Lasarte Orian eskainitako prentsaurrekoan Hiruko ordezkariek azaldu dutenez, Via-T sistema izanagatik ere AT sistemak ez die bidesaria kobratu hainbat garraiolariri. Gerora, ordea, ordaindu ez dutenek Aldundiaren mehatxuzko eskutitza jaso dute, baina xehetasunik (noiz eta nola) eta argazkirik gabe.

Ez hori bakarrik, ba omen dira ordaindu beharrik gabe bidesaria kobratu zaien furgoneta, autobus, karabana eta bestelako garraiolariak. Salatu duenez, hogeitik gora kasu zenbatu dituzte eta Diputazioa ez da kaltetuekin harremanetan jarri.

Ildo horretan, ordainketak errepasatzeko eskatu die Hiru sindikatuak gisa horretako ibilgailuak dituztenei, eta akatsen bat antzemanez gero, beraiekin harremanetan jartzeko.

Duela hilabete sartu zen indarrean sistema berria eta egunean, batez beste, 32.000 kamioi igarotzen dira N-1 errepidetik.

8.661 lagunek eman dute izena Osakidetzaren LEPean inskribatzeko lehen egunean

Erizaintza, Erizaintza laguntzailea, Administrazia eta Zeladore kategoria profesionaleetan eman dute gehienek izena. Azterketak maiatza eta ekaina artean egingo dituzte

Euskal Osasun Zerbitzuak atzo, ostirala, ireki zuen 2016-2017 ekitaldiko Osakidetzaren Lan Eskaintza Publikoan (LEP) izena emateko epea. Eta 8.661 lagunek eman dute izena lehen egunean. Interesdunek hilabeteko epea (martxoaren 16ra arte) dute izena emateko Osakidetzaren webgunean. Erizaintza, Erizaintza laguntzailea, Administrazia eta Zeladore kategoria profesionaleetan eman dute gehienek izena.

Hemen daukazue LEPan izena emateko dokumentua.

Bestalde, badaude lan eskaintza publikoan jasotako lanbide kategorien oinarri bereziak, baita haietako bakoitzari dagokion gai zerrenda ere.

Gainerako kategorietako hautaproben deialdia datorren astean argitaratuko dute.

Guztira, 3.335 lanpostu eskainiko dituzte, ia lanbide kategoria eta espezialitate mediko guztietakoak, eta azterketak maiatza eta ekaina artean egingo dituzte.

Hiru pertsona zauritu dira Iruñean, asteburuan izandako hamar borrokatan

Guztira, hiru pertsona artatu dituzte osasun zentroetan. Horietako batek zauri larriak zituen belarrian, hozkada baten ondorioz

Hiru pertsona zauritu dira asteburuan Iruñean izandako hamar borroka edo erasotan, Iruñeko Udaltzaingoak ohar batean jakinarazi duenez. Hiru zauritu horiek osasun arreta bar izan zuten. Horietako batek zauri larriak zituen belarrian, hozkada baten ondorioz. Zehatz-mehatz esanda, geruza kartilaginosoaren zati bat galdu du.

Zenbait kasutan, borroka horietan parte hartu dutenak identifikatu dituzte eta beste kasu batzuk, ostera, ikerketa fasean daude. Udaltzaingoak azpimarratu duenez, eragindako lesioen arabera, litekeena da horietako zenbaiti lesio delituak leporatzea.

Hiritarren Segurtasunari lotuta, Udaltzaingoak 147 esku-hartze egin ditu asteburuan. Esaterako, zortzi droga atzemate egin ditu, horietako lau hiriko Donibane auzoko lokal batean.

Horiei lotuta, pertsona batek autoan ihes egin zuen. Gutxira, ordea, geldiarazi egin zuten eta auto barruan droga atzeman zuten. Halaber, droga proban positibo eman zuen eta 1.000 euroko isuna jartzeaz gain, gidabaimeneko sei puntu kendu zizkioten.

Trafikoari dagokionez, auto bat bidetik atera zen Nafarroa kalearen eta Abejeras kalearen arteko biribilgune batean eta, inor zauritu ez bazen ere, gidariak baimendutako alkohol tasa gainditu zuen. Ondorioz, 1.000 euroko isuna jarri eta gidabaimeneko sei puntu kendu zizkioten.

Troitiñoren aurkako epaiketa gaur ANn, estradizioa hiru urtez eskatu eta gero

2011an kartzelatik atera zuten eta Erresuma Batura joan zen. Hango agintariek behin eta berriz uko egin diote Justizia espainiarraren esku uzteari, aurreko maiatzera arte

Auzitegi Nazionaleko Lehen Sekzioak Antton Troitiño epaituko du gaur, astelehena, eta 11 urteko kartzela zigorra ezar liezaioke. 2011an kaleratu zuten Troitiño eta Erresuma Batura joan zen, ordutik han egon da, aurreko maiatzean Espainiaratu zuten arte.

Fiskaltzak Troitiño organizazio terrorista baten kide izatea eta delitua berriz egitea egotzi dio. Gainera, espetxera joateko zigorraz gain, 20 urteko erabateko gaitasungabetzea eta bost urteko zaintzapeko askatasuna ezartzea eskatu du.

Iazko maiatzean onartu zuen Erresuma Batuko Justiziak Troitiño Espainiaratzea, hiru urteko prozesuaren ostean.

Pablo Ruz De la Mata orduko fiskalaren Epaitegiko titularrak 2014an emandako atxilotzeko agindu bati esker lortu du estradizioa ANk. Orduan, ETAko kide izatea eta NANa faltsutzea leporatu zioten.

2012an atxilotu zuten Londresen, Auzitegi Nazionalak egindako lehen eskakizunari jarraituta. Horrezkero, kartzelan sartu zuten baina, 2013an Estrasburgoko Auzitegiak Parot doktrina bertan behera utzi eta gero, aske geratu zen berriz, Justizia britainiarrak estradizio eskaeraren nondik norakoak ezagutu nahi baitzituzten.

2014an atxilotu zuten berriz, Poliziak Ruzi erreguzko mandatua egitea eskatu eta gero, Troitiñoren Londreseko etxean ETAren agiriak agertu eta gero.

Fiskalaren arabera, Troitiño klandestinitatean murgildu zen, akats baten ondorioz 2011an aske geratu ostean, eta ETA organizazio terroristarekin harremanetan jarri zen berriz, Espainiatik ihes egiten lagun ziezaion, bilatzeko eta atxilotzeko agindua eraginkortasunik gabe uzteko. 2011an aske geratu zenerako, 24 urte emanda zituen espetxean, baina 2017ra arte geratzea aurreikusita zegoen, Parot doktrina aplikatuta.

Pentsiodunek protesta egingo dute otsailaren 22an, Gasteizen

Pentsiodunek protesta egingo dute otsailaren ...
Pentsiodunek protesta egingo dute otsailaren 22an, Gasteizen

'Arabako Pentsionistak Lanean' eta 'P...
2:53 min.

'Arabako Pentsionistak Lanean' eta 'Por una vida digna' erretirodunen elkarteek mobilizazioak iragarri dituzte, “erosteko ahalmen galeraren” aurrean protesta egiteko

1.080 euroko gutxieneko pentsioa eta urtero BEZaren arabera eguneratzea eskatu dute gaur 'Arabako Pentsionistak Lanean' eta 'Por una vida digna' erretirodunen elkarteek Gasteizen. Iñaki Martin 'Arabako Pentsionistak Lanean' elkarteko ordezkariak eta Juan Antonio Armentia 'Por una vida digna'ko bozeramaileak mobilizazioak iragarri dituzte, pentsiodunen kolektiboaren “erosteko ahalmen galeraren” aurrean protesta egiteko. Urtarrilaren 31an ia 1.400 erretirodunek elkarretaratzea egin zuten Correos eraikuntzaren aurrean, Gasteizen, % 0,25eko igoera iragarriz Gizarte Segurantzak bidalitako gutuna sinbolikoki itzultzeko. Orain bi elkarteek manifestazioa deitu dute otsailaren 22rako eta elkarretaratzeak hileko lehen astelehen guztietan, Andre Maria Zuriaren plazan. “Une honetan egoera jasanezina da, 2014tik % 0,25eko igoera batekin daramagu, eta 2022ra arte horrela jarraituko dugula mehatxu egin digute”, salatu du Armentiak. “Ezin daiteke onartu”, erantsi du. Etorkizuneko pentsioak kalkulatzeko zenbatekoen murrizketaz ohartarazi du ekintzaileak. Gainera, 2040an pentsioak % 40ko jaitsiera izatea aurreikusi dutela kritikatu du Armentiak. Ordurako “15 milioi pentsiodun baino gehiago” izango direla azpimarratu du Armentiak, baina ordainketak egiteko aurrekontu-saila BPGren % 10etik gora kokatuko ez duela azaldu du Espainiako Gobernuak. Gutxieneko alarguntza-pentsioa 480 eurokoa da eta erretirodunen batezbesteko pentsioa 760 eurokoa da. 1.080 euroko gutxieneko “pentsio duina” eskatu dute kolektiboek, baita urtero BEZaren arabera igotzea ere. Azkenik, 2018ko ekitaldiaren % 0,25a bertan behera uztea aldarrikatu du Armentiak. Bestalde, pentsioak “Estatuko Aurrekontu Orokorrekin bermatzea” defendatu du Martinek, pentsio funts pribatuekin osatu beharrean.

2018/02/19

Kamioientzako N-1eko bidesaria oker dabilela salatu du Hiruk eta eteteko eskatu du

Kamioientzako N-1eko bidesaria oker dabilela ...
Kamioientzako N-1eko bidesaria oker dabilela salatu du Hiruk eta eteteko eskatu du

Sindikatuak ziurtatu duenez, AT siste...
1:41 min.

Sindikatuak ziurtatu duenez, AT sistema martxan jarri eta lehen hilabetean hogei akats baino gehiago zenbatu ditu

Gipuzkoako N-1 errepidean kamioiei ezartzen zaien bidesari berria oker dabilela salatu du Hiru garraiolarien sindikatuak. Hori dela eta, AT sistemak behar bezala funtzionatzen duela egiaztatu arte bertan behera uztea eskatu du. Horrez gain, oker kobratutako gidariei dirua itzultzea ere eskatu du, baita horrek hilabete guztian bildutako dirua itzultzea esan nahi badu ere. Lasarte Orian eskainitako prentsaurrekoan Hiruko ordezkariek azaldu dutenez, Via-T sistema izanagatik ere AT sistemak ez die bidesaria kobratu hainbat garraiolariri. Gerora, ordea, ordaindu ez dutenek Aldundiaren mehatxuzko eskutitza jaso dute, baina xehetasunik (noiz eta nola) eta argazkirik gabe. Ez hori bakarrik, ba omen dira ordaindu beharrik gabe bidesaria kobratu zaien furgoneta, autobus, karabana eta bestelako garraiolariak. Salatu duenez, hogeitik gora kasu zenbatu dituzte eta Diputazioa ez da kaltetuekin harremanetan jarri. Ildo horretan, ordainketak errepasatzeko eskatu die Hiru sindikatuak gisa horretako ibilgailuak dituztenei, eta akatsen bat antzemanez gero, beraiekin harremanetan jartzeko. Duela hilabete sartu zen indarrean sistema berria eta egunean, batez beste, 32.000 kamioi igarotzen dira N-1 errepidetik.

2018/02/19

8.661 lagunek eman dute izena Osakidetzaren LEPean inskribatzeko lehen egunean

8.661 lagunek eman dute izena Osakidetzaren L...
8.661 lagunek eman dute izena Osakidetzaren LEPean inskribatzeko lehen egunean

Erizaintza, Erizaintza laguntzailea, ...
1:05 min.

Erizaintza, Erizaintza laguntzailea, Administrazia eta Zeladore kategoria profesionaleetan eman dute gehienek izena. Azterketak maiatza eta ekaina artean egingo dituzte

Euskal Osasun Zerbitzuak atzo, ostirala, ireki zuen 2016-2017 ekitaldiko Osakidetzaren Lan Eskaintza Publikoan (LEP) izena emateko epea. Eta 8.661 lagunek eman dute izena lehen egunean. Interesdunek hilabeteko epea (martxoaren 16ra arte) dute izena emateko Osakidetzaren webgunean. Erizaintza, Erizaintza laguntzailea, Administrazia eta Zeladore kategoria profesionaleetan eman dute gehienek izena. Hemen daukazue LEPan izena emateko dokumentua. Bestalde, badaude lan eskaintza publikoan jasotako lanbide kategorien oinarri bereziak, baita haietako bakoitzari dagokion gai zerrenda ere. Gainerako kategorietako hautaproben deialdia datorren astean argitaratuko dute. Guztira, 3.335 lanpostu eskainiko dituzte, ia lanbide kategoria eta espezialitate mediko guztietakoak, eta azterketak maiatza eta ekaina artean egingo dituzte.

2018/02/19

Hiru pertsona zauritu dira Iruñean, asteburuan izandako hamar borrokatan

Hiru pertsona zauritu dira Iruñean, asteburua...
Hiru pertsona zauritu dira Iruñean, asteburuan izandako hamar borrokatan

Guztira, hiru pertsona artatu dituzte...
1:41 min.

Guztira, hiru pertsona artatu dituzte osasun zentroetan. Horietako batek zauri larriak zituen belarrian, hozkada baten ondorioz

Hiru pertsona zauritu dira asteburuan Iruñean izandako hamar borroka edo erasotan, Iruñeko Udaltzaingoak ohar batean jakinarazi duenez. Hiru zauritu horiek osasun arreta bar izan zuten. Horietako batek zauri larriak zituen belarrian, hozkada baten ondorioz. Zehatz-mehatz esanda, geruza kartilaginosoaren zati bat galdu du. Zenbait kasutan, borroka horietan parte hartu dutenak identifikatu dituzte eta beste kasu batzuk, ostera, ikerketa fasean daude. Udaltzaingoak azpimarratu duenez, eragindako lesioen arabera, litekeena da horietako zenbaiti lesio delituak leporatzea. Hiritarren Segurtasunari lotuta, Udaltzaingoak 147 esku-hartze egin ditu asteburuan. Esaterako, zortzi droga atzemate egin ditu, horietako lau hiriko Donibane auzoko lokal batean. Horiei lotuta, pertsona batek autoan ihes egin zuen. Gutxira, ordea, geldiarazi egin zuten eta auto barruan droga atzeman zuten. Halaber, droga proban positibo eman zuen eta 1.000 euroko isuna jartzeaz gain, gidabaimeneko sei puntu kendu zizkioten. Trafikoari dagokionez, auto bat bidetik atera zen Nafarroa kalearen eta Abejeras kalearen arteko biribilgune batean eta, inor zauritu ez bazen ere, gidariak baimendutako alkohol tasa gainditu zuen. Ondorioz, 1.000 euroko isuna jarri eta gidabaimeneko sei puntu kendu zizkioten.

2018/02/19

Troitiñoren aurkako epaiketa gaur ANn, estradizioa hiru urtez eskatu eta gero

Troitiñoren aurkako epaiketa gaur ANn, estrad...
Troitiñoren aurkako epaiketa gaur ANn, estradizioa hiru urtez eskatu eta gero

2011an kartzelatik atera zuten eta Er...
2:37 min.

2011an kartzelatik atera zuten eta Erresuma Batura joan zen. Hango agintariek behin eta berriz uko egin diote Justizia espainiarraren esku uzteari, aurreko maiatzera arte

Auzitegi Nazionaleko Lehen Sekzioak Antton Troitiño epaituko du gaur, astelehena, eta 11 urteko kartzela zigorra ezar liezaioke. 2011an kaleratu zuten Troitiño eta Erresuma Batura joan zen, ordutik han egon da, aurreko maiatzean Espainiaratu zuten arte. Fiskaltzak Troitiño organizazio terrorista baten kide izatea eta delitua berriz egitea egotzi dio. Gainera, espetxera joateko zigorraz gain, 20 urteko erabateko gaitasungabetzea eta bost urteko zaintzapeko askatasuna ezartzea eskatu du. Iazko maiatzean onartu zuen Erresuma Batuko Justiziak Troitiño Espainiaratzea, hiru urteko prozesuaren ostean. Pablo Ruz De la Mata orduko fiskalaren Epaitegiko titularrak 2014an emandako atxilotzeko agindu bati esker lortu du estradizioa ANk. Orduan, ETAko kide izatea eta NANa faltsutzea leporatu zioten. 2012an atxilotu zuten Londresen, Auzitegi Nazionalak egindako lehen eskakizunari jarraituta. Horrezkero, kartzelan sartu zuten baina, 2013an Estrasburgoko Auzitegiak Parot doktrina bertan behera utzi eta gero, aske geratu zen berriz, Justizia britainiarrak estradizio eskaeraren nondik norakoak ezagutu nahi baitzituzten. 2014an atxilotu zuten berriz, Poliziak Ruzi erreguzko mandatua egitea eskatu eta gero, Troitiñoren Londreseko etxean ETAren agiriak agertu eta gero. Fiskalaren arabera, Troitiño klandestinitatean murgildu zen, akats baten ondorioz 2011an aske geratu ostean, eta ETA organizazio terroristarekin harremanetan jarri zen berriz, Espainiatik ihes egiten lagun ziezaion, bilatzeko eta atxilotzeko agindua eraginkortasunik gabe uzteko. 2011an aske geratu zenerako, 24 urte emanda zituen espetxean, baina 2017ra arte geratzea aurreikusita zegoen, Parot doktrina aplikatuta.

2018/02/19

Otsaila 2018
AAAOOLI
 1234
567891011
12131415161718
19202122232425
262728 
Urtarrila 2018
AAAOOLI
1234567
891011121314
15161718192021
22232425262728
293031 

        2018-02-05ko bideoen artxiboa

Bi autok aurrez aurre egin dute talka N-240an, Galdakaon, 2 pertsona hil ziren tokian

Bi autok aurrez aurre egin dute talka N-240an...
Bi autok aurrez aurre egin dute talka N-240an, Galdakaon, 2 pertsona hil ziren tokian

Pertsona bat zauritu da. Istripuaren ...
1:01 min.

Pertsona bat zauritu da. Istripuaren eraginez, txandaka ari dira bidea ematen, eta auto- ilarak sortu dira

Berriro N-240 errepidean, berriro Galdakaon, eta joan den ostegunean bi langile hil ziren toki berean, gainera. Pertsona bat zauritu da gaur goizean, bi autok aurrez aurre talka eginda, Eusko Jaurlaritzako Segurtasun Sailak eitb.eus-i jakinarazi dionez. Istripu horren ondorioz, errei bat itxi dute, eta txandaka bideratu dute trafikoa. Ondorioz, auto-ilara luzeak sortu dira N-240 errepidean, Bilborako bidean. Ezbeharra 07:20an gertatu da N-240 errepideko 55. kilometroan, Bilborako bidean. Istripuak AP-8an ere eragin dio, eta handik gutxira beste istripu bat izan da autobide horretan. Istripuaren ondorioz, pertsona bat autoan harrapatuta gelditu da, eta suhiltzaileek erreskatatu behar izan dute. Ondoren, Galdakaoko Ospitalera eraman dute. Gaur istripua gertatu den toki berean bi langile hil ziren aurreko astean, kamioi baten eta Bizkaibus baten arteko zirkulazio istripuan. Istripu hori gertatu eta gutxira, 08:05ean, hiru autok egin dute talka AP-8an, Galdakaon eta Donostiarako bidean. Ez da inor zauritu, baina pilaketak izan dira Donostiako noranzkoan.

Pisu turistikoak erregulatzeko izapideak hasi ditu Gasteizko Udalak

Pisu turistikoak erregulatzeko izapideak hasi...
Pisu turistikoak erregulatzeko izapideak hasi ditu Gasteizko Udalak

Neurri honen bitartez Euskadiko Turis...
1:25 min.

Neurri honen bitartez Euskadiko Turismo Legera egokitu nahi du. Legeak erabilera turistikoko etxebizitzak eta etxebizitza partikularretako logeletako ostatu ematea erregulatzen ditu

Gasteizko Udalak Hiri antolamendu plan orokorra aldatzeko izapideak hasi ditu ostiral honetan, etxebizitzen edota haien logelen erabilerak erregulatu ahal izateko, baliabide turistiko modura. Gorka Urtaran Gasteizko alkateak eman duen prentsaurrekoan azaldu duenez, neurri honek negozio mota hauek hirian gauzatu ahal izateko baldintzak zehaztuko ditu, eta udalbatzan eztabaidatuko dute; gehiengo osoa lortu beharko du bilkuran. Neurri honen bitartez Euskadiko Turismo Legera egokitu nahi du. Legeak erabilera turistikoko etxebizitzak eta etxebizitza partikularretako logeletako ostatu ematea erregulatzen ditu. Araudi honek udalen esku uzten du lurren eta eraikuntzen erabileraren erregulazioa; ondorioz, Gasteizko Udalak Eusko Jaurlaritzak bultzatutako protokoloarekin bat egin zuen, eta Donostiako eta Bilboko udalek ere gauza bera egin zuten, baita Eudel Euskadiko udalerrien sareak ere. Izapide hauekin bizilagunen komunitateen ongizatea bermatu, kontsumitzaileak korazatu eta enpresen arteko lehiakortasuna bermatu nahi ditu Udalak.

2013a baino lehen etxetik kaleratutako pertsonak demandak jartzera animatu dituzte

2013a baino lehen etxetik kaleratutako pertso...
2013a baino lehen etxetik kaleratutako pertsonak demandak jartzera animatu dituzte

Kaleratzeak Stop plataformak gehiegiz...
2:02 min.

Kaleratzeak Stop plataformak gehiegizko klausulengatik demandak aurkeztera animatu ditu, Donostia eta Gasteizko bi epaitegik antzeko bi kasu aintzat hartu ostean

2013. urtea baino lehen hipoteka-prozeduretan etxetik kaleratu zituzten pertsonak gehiegizko klausulengatik demandak aurkeztera animatu ditu Kaleratzeak Stop plataformak, Donostia eta Gasteizko bi epaitegik antzeko bi kasu aintzat hartu ostean. Plataformak dei hori egin du ostiral honetan, Gipuzkoako hiriburuko Justizia Auzitegiaren aurrean emandako prentsaurrekoan. Jose Maria Erauskin eta Maite Ortiz taldeko abokatuek ere parte hartu dute, baita PSE-EE, Elkarrekin Podemos, EH Bildu alderdietako eta sindikatuetako ordezkariek ere, besteak beste. Agerraldian, Erauskinek azaldu duenez, 2013. urtera arte Espainiako Estatuak ez zuen haren legedia Europako araudira egokitu, eta azken horrek hipoteka-prozeduren aurka egitea baimentzen zuen gehiegizko klausulen kasuetan, kontsumitzaileen babeslea den Europako zuzentarau hau 1998an ezkutatu bazen ere. Erauskinen hitzetan, arrazoi horregatik pertsona askok haien etxebizitzak galdu zituzten hipoteka-prozedura batean, etxegabetzeen aurkako lege-oposiziorik egon gabe, eta, gainera, izugarrizko zorra geratu zitzaten, komisioen, interesen, kostuen… gehiegizko aplikazioetatik etorritakoa. Hori dela eta, iaz Kaleratzeak Stopeko abokatuek sei demanda aurkeztu zituzten gehiegizko klausulengatik, eta horietatik bi EAEko epaitegiek aintzat hartu zituzten aldeko epaiekin, bere garaian ezer esan ezin zutenen aurkako klausula haiek gehiegizkoak direla uste dute, eta, beraz, baliogabeak, eta ez zutela inolako efekturik izan behar. "Pertsona haiei aplikatu zitzaien % 20ko atzerapen-interesa baliogabetzat jo dute, eta orain eskatu zizkieten kopuru haiek eskatzeari uzteko eskubidea dute, baita kasu batzuetan egindako aplikazioan ordaindutakoa itzultzekoa ere", esan du abokatuak. Erauskinek azaldu duenez, 2013a baino lehen etxetik kaleratu zituztenek ez ezik geroago ere kaltetuak izan eta auzitegietara jo ez zutenek ere jarri ahal dituzte demandak.

Kartzelaldi iraunkorra ekar dezaketen delituen zerrenda handituko du Gobernuak

Kartzelaldi iraunkorra ekar dezaketen delitue...
Kartzelaldi iraunkorra ekar dezaketen delituen zerrenda handituko du Gobernuak

Rafael Catalak iragarri duenez, dator...
2:13 min.

Rafael Catalak iragarri duenez, datorren ostiraleko ministroen kontseiluan lege proposamen bat onartuko dute, kartzelaldi iraunkor berrikusgarria aplikatu dakiekeen delitu zerrenda handitzeko

Kartzelaldi iraunkor berrikusgarria defendatzeko ekitaldia antolatu zuen PPk igande honetan Kordoban, eta Mariano Rajoy bera izan zen bertan. Marianok hitz egin aurretik, Rafael Catalá Justizia ministroak iragarri zuen datorren ostiraleko ministroen kontseiluan lege proposamen bat onartuko dutela, kartzelaldi iraunkor berrikusgarria aplikatu dakiekeen delitu zerrenda handitzeko. Gaur egun, zigor mota hau ezarri dakieken zortzi delitu daude, eta horiei ondorengoak gaineratu nahi dizkiete: hildako pertsona baten gorpua ezkutatzen saiatzea edo aurkitzen ez laguntzea, bahiketa bat hilketa batean amaitzea, jendearen bizitza arriskuan jartzen duten suak piztea eta elementu kimiko zein nuklearren hainbat erabilera. Oposizioak zigor hori indargabetzen saiatzeko izandako jarrera demagogikoa salatu zuen Justizia ministroak. Horrez gain, bereziki gaitzesgarriak diren delituen aurrean gizartearen gehiengoak indarrean mantentzeko duen nahiaren kontra egiten duela azpimarratu zuen. Kongresuak EAJren proposamena tramitatu zuen kartzelaldi iraunkor berrikusgarria baliogabetzeko. Tramiteak aurrera egin zuen, Ciudadanosen abstentzioari esker. Kongresuan berriz bozkatzerakoan zer egingo duten erabakitzeko deia egin zien Catalák Ciudadanos eta PSOE alderdiei. Ekitaldian zenbait biktimaren familiartekoak izan ziren: Marta del Castilloren aita eta Sandra Paloren gurasoak. Mariano Rajoyk esker ona adierazi zien, neurria defedantzeaz gain: "Espainiar gehienek badakite iraunkorra dena seme-alabaren bat erailda galtzen duten gurasoen mina dela. Eta min hori, tamalez, ezin da berrikusi". Beraz, justiziazkoa iruditu zitzaion Rajoyri anpliazio hori.

Autodefentsa Ziberfeministari buruzko tailerra

Autodefentsa Ziberfeministari buruzko tailerr...
Autodefentsa Ziberfeministari buruzko tailerra

Hurrengo otsailak 9 eta 10ean (ostira...
1:30 min.

Hurrengo otsailak 9 eta 10ean (ostirala eta larunbata) Feministaldek Autodefentsa Ziberfeministari buruzko tailerra antolatuko du.

Interneteko diskurtso matxistetaz kokoteraino daude, baita inolako ondoriorik ez dituzten eraso eta mehatxuetaz. Horregatik, Autodefentsa Ziberfeminista tailerrean testuinguru digitalean gertatzen diren biolentzia matxisten kontrako zenbait autodefentsa eta salaketa estrategiak landuko dira. Espazio honetan aktibista feministak aurre egin behar dieten biolentzia erak aztertu eta horiei erantzun bateratu bat nola eman aztertuko da. Horretaz gain, bertan Pikara Magazine eta Akelarre Feministako kideak izango dira. Noiz? Otsailak 9 ostirala, 18.00etan eta otsailak 10, 10.00etan. Non? John Jauregia, La Bolsa, Bilbon. Izen emateak eta zeinu-hizkuntzaren interprete zerbitzua eskatzeko 2018ko otsailaren 6a baino lehenago feministalde@gmail.com helbidean. Informazio gehigarria nahi izatekotan, bisitatu [www.feministalde.eus](http://www.feministalde.eus/eu/autodefentsa-ziberfeministari-buruzko-tailerra/)