Zeinu Hizkuntza kurtsoak

Pentsiodunek protesta egingo dute otsailaren 22an, Gasteizen

'Arabako Pentsionistak Lanean' eta 'Por una vida digna' erretirodunen elkarteek mobilizazioak iragarri dituzte, “erosteko ahalmen galeraren” aurrean protesta egiteko

1.080 euroko gutxieneko pentsioa eta urtero BEZaren arabera eguneratzea eskatu dute gaur 'Arabako Pentsionistak Lanean' eta 'Por una vida digna' erretirodunen elkarteek Gasteizen. Iñaki Martin 'Arabako Pentsionistak Lanean' elkarteko ordezkariak eta Juan Antonio Armentia 'Por una vida digna'ko bozeramaileak mobilizazioak iragarri dituzte, pentsiodunen kolektiboaren “erosteko ahalmen galeraren” aurrean protesta egiteko.

Urtarrilaren 31an ia 1.400 erretirodunek elkarretaratzea egin zuten Correos eraikuntzaren aurrean, Gasteizen, % 0,25eko igoera iragarriz Gizarte Segurantzak bidalitako gutuna sinbolikoki itzultzeko. Orain bi elkarteek manifestazioa deitu dute otsailaren 22rako eta elkarretaratzeak hileko lehen astelehen guztietan, Andre Maria Zuriaren plazan.

“Une honetan egoera jasanezina da, 2014tik % 0,25eko igoera batekin daramagu, eta 2022ra arte horrela jarraituko dugula mehatxu egin digute”, salatu du Armentiak. “Ezin daiteke onartu”, erantsi du.

Etorkizuneko pentsioak kalkulatzeko zenbatekoen murrizketaz ohartarazi du ekintzaileak. Gainera, 2040an pentsioak % 40ko jaitsiera izatea aurreikusi dutela kritikatu du Armentiak. Ordurako “15 milioi pentsiodun baino gehiago” izango direla azpimarratu du Armentiak, baina ordainketak egiteko aurrekontu-saila BPGren % 10etik gora kokatuko ez duela azaldu du Espainiako Gobernuak.

Gutxieneko alarguntza-pentsioa 480 eurokoa da eta erretirodunen batezbesteko pentsioa 760 eurokoa da. 1.080 euroko gutxieneko “pentsio duina” eskatu dute kolektiboek, baita urtero BEZaren arabera igotzea ere. Azkenik, 2018ko ekitaldiaren % 0,25a bertan behera uztea aldarrikatu du Armentiak.

Bestalde, pentsioak “Estatuko Aurrekontu Orokorrekin bermatzea” defendatu du Martinek, pentsio funts pribatuekin osatu beharrean.

Kamioientzako N-1eko bidesaria oker dabilela salatu du Hiruk eta eteteko eskatu du

Sindikatuak ziurtatu duenez, AT sistema martxan jarri eta lehen hilabetean hogei akats baino gehiago zenbatu ditu

Gipuzkoako N-1 errepidean kamioiei ezartzen zaien bidesari berria oker dabilela salatu du Hiru garraiolarien sindikatuak. Hori dela eta, AT sistemak behar bezala funtzionatzen duela egiaztatu arte bertan behera uztea eskatu du. Horrez gain, oker kobratutako gidariei dirua itzultzea ere eskatu du, baita horrek hilabete guztian bildutako dirua itzultzea esan nahi badu ere.

Lasarte Orian eskainitako prentsaurrekoan Hiruko ordezkariek azaldu dutenez, Via-T sistema izanagatik ere AT sistemak ez die bidesaria kobratu hainbat garraiolariri. Gerora, ordea, ordaindu ez dutenek Aldundiaren mehatxuzko eskutitza jaso dute, baina xehetasunik (noiz eta nola) eta argazkirik gabe.

Ez hori bakarrik, ba omen dira ordaindu beharrik gabe bidesaria kobratu zaien furgoneta, autobus, karabana eta bestelako garraiolariak. Salatu duenez, hogeitik gora kasu zenbatu dituzte eta Diputazioa ez da kaltetuekin harremanetan jarri.

Ildo horretan, ordainketak errepasatzeko eskatu die Hiru sindikatuak gisa horretako ibilgailuak dituztenei, eta akatsen bat antzemanez gero, beraiekin harremanetan jartzeko.

Duela hilabete sartu zen indarrean sistema berria eta egunean, batez beste, 32.000 kamioi igarotzen dira N-1 errepidetik.

8.661 lagunek eman dute izena Osakidetzaren LEPean inskribatzeko lehen egunean

Erizaintza, Erizaintza laguntzailea, Administrazia eta Zeladore kategoria profesionaleetan eman dute gehienek izena. Azterketak maiatza eta ekaina artean egingo dituzte

Euskal Osasun Zerbitzuak atzo, ostirala, ireki zuen 2016-2017 ekitaldiko Osakidetzaren Lan Eskaintza Publikoan (LEP) izena emateko epea. Eta 8.661 lagunek eman dute izena lehen egunean. Interesdunek hilabeteko epea (martxoaren 16ra arte) dute izena emateko Osakidetzaren webgunean. Erizaintza, Erizaintza laguntzailea, Administrazia eta Zeladore kategoria profesionaleetan eman dute gehienek izena.

Hemen daukazue LEPan izena emateko dokumentua.

Bestalde, badaude lan eskaintza publikoan jasotako lanbide kategorien oinarri bereziak, baita haietako bakoitzari dagokion gai zerrenda ere.

Gainerako kategorietako hautaproben deialdia datorren astean argitaratuko dute.

Guztira, 3.335 lanpostu eskainiko dituzte, ia lanbide kategoria eta espezialitate mediko guztietakoak, eta azterketak maiatza eta ekaina artean egingo dituzte.

Hiru pertsona zauritu dira Iruñean, asteburuan izandako hamar borrokatan

Guztira, hiru pertsona artatu dituzte osasun zentroetan. Horietako batek zauri larriak zituen belarrian, hozkada baten ondorioz

Hiru pertsona zauritu dira asteburuan Iruñean izandako hamar borroka edo erasotan, Iruñeko Udaltzaingoak ohar batean jakinarazi duenez. Hiru zauritu horiek osasun arreta bar izan zuten. Horietako batek zauri larriak zituen belarrian, hozkada baten ondorioz. Zehatz-mehatz esanda, geruza kartilaginosoaren zati bat galdu du.

Zenbait kasutan, borroka horietan parte hartu dutenak identifikatu dituzte eta beste kasu batzuk, ostera, ikerketa fasean daude. Udaltzaingoak azpimarratu duenez, eragindako lesioen arabera, litekeena da horietako zenbaiti lesio delituak leporatzea.

Hiritarren Segurtasunari lotuta, Udaltzaingoak 147 esku-hartze egin ditu asteburuan. Esaterako, zortzi droga atzemate egin ditu, horietako lau hiriko Donibane auzoko lokal batean.

Horiei lotuta, pertsona batek autoan ihes egin zuen. Gutxira, ordea, geldiarazi egin zuten eta auto barruan droga atzeman zuten. Halaber, droga proban positibo eman zuen eta 1.000 euroko isuna jartzeaz gain, gidabaimeneko sei puntu kendu zizkioten.

Trafikoari dagokionez, auto bat bidetik atera zen Nafarroa kalearen eta Abejeras kalearen arteko biribilgune batean eta, inor zauritu ez bazen ere, gidariak baimendutako alkohol tasa gainditu zuen. Ondorioz, 1.000 euroko isuna jarri eta gidabaimeneko sei puntu kendu zizkioten.

Troitiñoren aurkako epaiketa gaur ANn, estradizioa hiru urtez eskatu eta gero

2011an kartzelatik atera zuten eta Erresuma Batura joan zen. Hango agintariek behin eta berriz uko egin diote Justizia espainiarraren esku uzteari, aurreko maiatzera arte

Auzitegi Nazionaleko Lehen Sekzioak Antton Troitiño epaituko du gaur, astelehena, eta 11 urteko kartzela zigorra ezar liezaioke. 2011an kaleratu zuten Troitiño eta Erresuma Batura joan zen, ordutik han egon da, aurreko maiatzean Espainiaratu zuten arte.

Fiskaltzak Troitiño organizazio terrorista baten kide izatea eta delitua berriz egitea egotzi dio. Gainera, espetxera joateko zigorraz gain, 20 urteko erabateko gaitasungabetzea eta bost urteko zaintzapeko askatasuna ezartzea eskatu du.

Iazko maiatzean onartu zuen Erresuma Batuko Justiziak Troitiño Espainiaratzea, hiru urteko prozesuaren ostean.

Pablo Ruz De la Mata orduko fiskalaren Epaitegiko titularrak 2014an emandako atxilotzeko agindu bati esker lortu du estradizioa ANk. Orduan, ETAko kide izatea eta NANa faltsutzea leporatu zioten.

2012an atxilotu zuten Londresen, Auzitegi Nazionalak egindako lehen eskakizunari jarraituta. Horrezkero, kartzelan sartu zuten baina, 2013an Estrasburgoko Auzitegiak Parot doktrina bertan behera utzi eta gero, aske geratu zen berriz, Justizia britainiarrak estradizio eskaeraren nondik norakoak ezagutu nahi baitzituzten.

2014an atxilotu zuten berriz, Poliziak Ruzi erreguzko mandatua egitea eskatu eta gero, Troitiñoren Londreseko etxean ETAren agiriak agertu eta gero.

Fiskalaren arabera, Troitiño klandestinitatean murgildu zen, akats baten ondorioz 2011an aske geratu ostean, eta ETA organizazio terroristarekin harremanetan jarri zen berriz, Espainiatik ihes egiten lagun ziezaion, bilatzeko eta atxilotzeko agindua eraginkortasunik gabe uzteko. 2011an aske geratu zenerako, 24 urte emanda zituen espetxean, baina 2017ra arte geratzea aurreikusita zegoen, Parot doktrina aplikatuta.

Pentsiodunek protesta egingo dute otsailaren 22an, Gasteizen

Pentsiodunek protesta egingo dute otsailaren ...
Pentsiodunek protesta egingo dute otsailaren 22an, Gasteizen

'Arabako Pentsionistak Lanean' eta 'P...
2:53 min.

'Arabako Pentsionistak Lanean' eta 'Por una vida digna' erretirodunen elkarteek mobilizazioak iragarri dituzte, “erosteko ahalmen galeraren” aurrean protesta egiteko

1.080 euroko gutxieneko pentsioa eta urtero BEZaren arabera eguneratzea eskatu dute gaur 'Arabako Pentsionistak Lanean' eta 'Por una vida digna' erretirodunen elkarteek Gasteizen. Iñaki Martin 'Arabako Pentsionistak Lanean' elkarteko ordezkariak eta Juan Antonio Armentia 'Por una vida digna'ko bozeramaileak mobilizazioak iragarri dituzte, pentsiodunen kolektiboaren “erosteko ahalmen galeraren” aurrean protesta egiteko. Urtarrilaren 31an ia 1.400 erretirodunek elkarretaratzea egin zuten Correos eraikuntzaren aurrean, Gasteizen, % 0,25eko igoera iragarriz Gizarte Segurantzak bidalitako gutuna sinbolikoki itzultzeko. Orain bi elkarteek manifestazioa deitu dute otsailaren 22rako eta elkarretaratzeak hileko lehen astelehen guztietan, Andre Maria Zuriaren plazan. “Une honetan egoera jasanezina da, 2014tik % 0,25eko igoera batekin daramagu, eta 2022ra arte horrela jarraituko dugula mehatxu egin digute”, salatu du Armentiak. “Ezin daiteke onartu”, erantsi du. Etorkizuneko pentsioak kalkulatzeko zenbatekoen murrizketaz ohartarazi du ekintzaileak. Gainera, 2040an pentsioak % 40ko jaitsiera izatea aurreikusi dutela kritikatu du Armentiak. Ordurako “15 milioi pentsiodun baino gehiago” izango direla azpimarratu du Armentiak, baina ordainketak egiteko aurrekontu-saila BPGren % 10etik gora kokatuko ez duela azaldu du Espainiako Gobernuak. Gutxieneko alarguntza-pentsioa 480 eurokoa da eta erretirodunen batezbesteko pentsioa 760 eurokoa da. 1.080 euroko gutxieneko “pentsio duina” eskatu dute kolektiboek, baita urtero BEZaren arabera igotzea ere. Azkenik, 2018ko ekitaldiaren % 0,25a bertan behera uztea aldarrikatu du Armentiak. Bestalde, pentsioak “Estatuko Aurrekontu Orokorrekin bermatzea” defendatu du Martinek, pentsio funts pribatuekin osatu beharrean.

2018/02/19

Kamioientzako N-1eko bidesaria oker dabilela salatu du Hiruk eta eteteko eskatu du

Kamioientzako N-1eko bidesaria oker dabilela ...
Kamioientzako N-1eko bidesaria oker dabilela salatu du Hiruk eta eteteko eskatu du

Sindikatuak ziurtatu duenez, AT siste...
1:41 min.

Sindikatuak ziurtatu duenez, AT sistema martxan jarri eta lehen hilabetean hogei akats baino gehiago zenbatu ditu

Gipuzkoako N-1 errepidean kamioiei ezartzen zaien bidesari berria oker dabilela salatu du Hiru garraiolarien sindikatuak. Hori dela eta, AT sistemak behar bezala funtzionatzen duela egiaztatu arte bertan behera uztea eskatu du. Horrez gain, oker kobratutako gidariei dirua itzultzea ere eskatu du, baita horrek hilabete guztian bildutako dirua itzultzea esan nahi badu ere. Lasarte Orian eskainitako prentsaurrekoan Hiruko ordezkariek azaldu dutenez, Via-T sistema izanagatik ere AT sistemak ez die bidesaria kobratu hainbat garraiolariri. Gerora, ordea, ordaindu ez dutenek Aldundiaren mehatxuzko eskutitza jaso dute, baina xehetasunik (noiz eta nola) eta argazkirik gabe. Ez hori bakarrik, ba omen dira ordaindu beharrik gabe bidesaria kobratu zaien furgoneta, autobus, karabana eta bestelako garraiolariak. Salatu duenez, hogeitik gora kasu zenbatu dituzte eta Diputazioa ez da kaltetuekin harremanetan jarri. Ildo horretan, ordainketak errepasatzeko eskatu die Hiru sindikatuak gisa horretako ibilgailuak dituztenei, eta akatsen bat antzemanez gero, beraiekin harremanetan jartzeko. Duela hilabete sartu zen indarrean sistema berria eta egunean, batez beste, 32.000 kamioi igarotzen dira N-1 errepidetik.

2018/02/19

8.661 lagunek eman dute izena Osakidetzaren LEPean inskribatzeko lehen egunean

8.661 lagunek eman dute izena Osakidetzaren L...
8.661 lagunek eman dute izena Osakidetzaren LEPean inskribatzeko lehen egunean

Erizaintza, Erizaintza laguntzailea, ...
1:05 min.

Erizaintza, Erizaintza laguntzailea, Administrazia eta Zeladore kategoria profesionaleetan eman dute gehienek izena. Azterketak maiatza eta ekaina artean egingo dituzte

Euskal Osasun Zerbitzuak atzo, ostirala, ireki zuen 2016-2017 ekitaldiko Osakidetzaren Lan Eskaintza Publikoan (LEP) izena emateko epea. Eta 8.661 lagunek eman dute izena lehen egunean. Interesdunek hilabeteko epea (martxoaren 16ra arte) dute izena emateko Osakidetzaren webgunean. Erizaintza, Erizaintza laguntzailea, Administrazia eta Zeladore kategoria profesionaleetan eman dute gehienek izena. Hemen daukazue LEPan izena emateko dokumentua. Bestalde, badaude lan eskaintza publikoan jasotako lanbide kategorien oinarri bereziak, baita haietako bakoitzari dagokion gai zerrenda ere. Gainerako kategorietako hautaproben deialdia datorren astean argitaratuko dute. Guztira, 3.335 lanpostu eskainiko dituzte, ia lanbide kategoria eta espezialitate mediko guztietakoak, eta azterketak maiatza eta ekaina artean egingo dituzte.

2018/02/19

Hiru pertsona zauritu dira Iruñean, asteburuan izandako hamar borrokatan

Hiru pertsona zauritu dira Iruñean, asteburua...
Hiru pertsona zauritu dira Iruñean, asteburuan izandako hamar borrokatan

Guztira, hiru pertsona artatu dituzte...
1:41 min.

Guztira, hiru pertsona artatu dituzte osasun zentroetan. Horietako batek zauri larriak zituen belarrian, hozkada baten ondorioz

Hiru pertsona zauritu dira asteburuan Iruñean izandako hamar borroka edo erasotan, Iruñeko Udaltzaingoak ohar batean jakinarazi duenez. Hiru zauritu horiek osasun arreta bar izan zuten. Horietako batek zauri larriak zituen belarrian, hozkada baten ondorioz. Zehatz-mehatz esanda, geruza kartilaginosoaren zati bat galdu du. Zenbait kasutan, borroka horietan parte hartu dutenak identifikatu dituzte eta beste kasu batzuk, ostera, ikerketa fasean daude. Udaltzaingoak azpimarratu duenez, eragindako lesioen arabera, litekeena da horietako zenbaiti lesio delituak leporatzea. Hiritarren Segurtasunari lotuta, Udaltzaingoak 147 esku-hartze egin ditu asteburuan. Esaterako, zortzi droga atzemate egin ditu, horietako lau hiriko Donibane auzoko lokal batean. Horiei lotuta, pertsona batek autoan ihes egin zuen. Gutxira, ordea, geldiarazi egin zuten eta auto barruan droga atzeman zuten. Halaber, droga proban positibo eman zuen eta 1.000 euroko isuna jartzeaz gain, gidabaimeneko sei puntu kendu zizkioten. Trafikoari dagokionez, auto bat bidetik atera zen Nafarroa kalearen eta Abejeras kalearen arteko biribilgune batean eta, inor zauritu ez bazen ere, gidariak baimendutako alkohol tasa gainditu zuen. Ondorioz, 1.000 euroko isuna jarri eta gidabaimeneko sei puntu kendu zizkioten.

2018/02/19

Troitiñoren aurkako epaiketa gaur ANn, estradizioa hiru urtez eskatu eta gero

Troitiñoren aurkako epaiketa gaur ANn, estrad...
Troitiñoren aurkako epaiketa gaur ANn, estradizioa hiru urtez eskatu eta gero

2011an kartzelatik atera zuten eta Er...
2:37 min.

2011an kartzelatik atera zuten eta Erresuma Batura joan zen. Hango agintariek behin eta berriz uko egin diote Justizia espainiarraren esku uzteari, aurreko maiatzera arte

Auzitegi Nazionaleko Lehen Sekzioak Antton Troitiño epaituko du gaur, astelehena, eta 11 urteko kartzela zigorra ezar liezaioke. 2011an kaleratu zuten Troitiño eta Erresuma Batura joan zen, ordutik han egon da, aurreko maiatzean Espainiaratu zuten arte. Fiskaltzak Troitiño organizazio terrorista baten kide izatea eta delitua berriz egitea egotzi dio. Gainera, espetxera joateko zigorraz gain, 20 urteko erabateko gaitasungabetzea eta bost urteko zaintzapeko askatasuna ezartzea eskatu du. Iazko maiatzean onartu zuen Erresuma Batuko Justiziak Troitiño Espainiaratzea, hiru urteko prozesuaren ostean. Pablo Ruz De la Mata orduko fiskalaren Epaitegiko titularrak 2014an emandako atxilotzeko agindu bati esker lortu du estradizioa ANk. Orduan, ETAko kide izatea eta NANa faltsutzea leporatu zioten. 2012an atxilotu zuten Londresen, Auzitegi Nazionalak egindako lehen eskakizunari jarraituta. Horrezkero, kartzelan sartu zuten baina, 2013an Estrasburgoko Auzitegiak Parot doktrina bertan behera utzi eta gero, aske geratu zen berriz, Justizia britainiarrak estradizio eskaeraren nondik norakoak ezagutu nahi baitzituzten. 2014an atxilotu zuten berriz, Poliziak Ruzi erreguzko mandatua egitea eskatu eta gero, Troitiñoren Londreseko etxean ETAren agiriak agertu eta gero. Fiskalaren arabera, Troitiño klandestinitatean murgildu zen, akats baten ondorioz 2011an aske geratu ostean, eta ETA organizazio terroristarekin harremanetan jarri zen berriz, Espainiatik ihes egiten lagun ziezaion, bilatzeko eta atxilotzeko agindua eraginkortasunik gabe uzteko. 2011an aske geratu zenerako, 24 urte emanda zituen espetxean, baina 2017ra arte geratzea aurreikusita zegoen, Parot doktrina aplikatuta.

2018/02/19

Otsaila 2018
AAAOOLI
 1234
567891011
12131415161718
19202122232425
262728 
Urtarrila 2018
AAAOOLI
1234567
891011121314
15161718192021
22232425262728
293031 

        2018-02-08ko bideoen artxiboa

Lan Ikuskaritzak 15.000 kontratu ikertu eta 1.873 arau-hauste aurkitu ditu 2017an

Lan Ikuskaritzak 15.000 kontratu ikertu eta 1...
Lan Ikuskaritzak 15.000 kontratu ikertu eta 1.873 arau-hauste aurkitu ditu 2017an

Euskadiko Lan eta Gizarte Segurantzar...
2:15 min.

Euskadiko Lan eta Gizarte Segurantzaren Ikuskaritzak 15.105 lan-kontratu aztertu zituen eta horietako ia 2.000 kontratutan irregulartasunak antzeman zituzten

Euskadiko Lan eta Gizarte Segurantzaren Ikuskaritzak 15.105 lan-kontratu aztertu zituen 2017an, eta horietako ia 2.000n (1.979) % 13ko irregulartasunak antzeman zituzten. Ondorioz, aldatu behar izan zituzten, kontratuak mugagabeak egiteko edo lanaldi partzialeko kontratazioen kasuan lan-orduak gehitzeko. Bestalde, ikuskatze horiei esker, Gizarte Segurantzan 2.686 langile gehiago izatea lortu zuten iaz. Maria Jesus San Jose Lan eta Justiziako sailburuak Euskadiko Lan eta Gizarte Segurantzaren Ikuskaritzaren 2017ko jardueren txostena aurkeztu du asteazken honetan, Jon Azkue Lan eta Justiziako sailburuordearekin eta Iciar Gonzalez Lan Ikuskaritzako zuzendariordearekin batera. Guztira, Lan Ikuskaritzak 37.129 jarduera egin zituen iaz eta 1.874 arau-hauste antzeman zituen horietan; horrek, 8,1 milioi euro utzi zituen. Bestalde, likidazio-espedienteei esker beste 31,1 milioi euro bildu zituen Ogasunak, San Josek azaldu duenez. Horrez gain, 5.671 errekerimendu (arau-hauste barik egindako abisuak) egin zituzten. Laneko istripuen ikerketen harira, Gonzalezek guztiak ikertzen direla esan du. Hori horrela, 2017an 19 zehapen-espediente zabaldu ziren heriotza eragin zuten istripuengatik edo istripu oso larriengatik. Sailburuaren hitzetan, datuok "izugarri onak" dira, eta miaketen eraginkortasuna agerian uzten dute. Hortaz, 2018an bide beretik jarraituko dutela iragarri du, batez ere, kontratazioan ematen den iruzurra kontrolatzeko asmoz.

Administrazioaren izapideak

Administrazioaren izapideak 'on line' egiteko...
Administrazioaren izapideak 'on line' egiteko aukera izango dute EAEko herritarrek

Agiri, espediente edo jakinarazpen of...
2:02 min.

Agiri, espediente edo jakinarazpen ofizialekin leiho birtual bakarra martxan jarriko du aurten Eusko Jaurlaritzak

Aurten 'Herritarraren Karpeta' egitasmoa martxan jarriko dutela iragarri du gaur Josu Erkoreka Eusko Jaurlaritzako bozeramaileak. Horrela, Euskal Administrazio Publikoarekin lotutako izapide guztiak 'on line' kudeatzeko aukera izango dute EAEko herritarrek, leiho birtual bakar baten bidez. Erkorekak, berak eskatuta, agerraldia egin du Eusko Legebiltzarreko Erakunde, Segurtasun eta Gobernantza Publikoaren Batzordean, Eusko Jaurlaritzaren Gobernantza eta Berrikuntza Publiko Plan Estrategikoa 2020 aurkezteko, eta horren baitan, 'Herritarren Karpeta' proiektua. Herritarren eta administrazioaren arteko harreman digitalean egitasmoak jauzi kualitatiboa suposatuko duela uste du sailburuak, Eusko Jaurlaritzaren webgune ofizialean izapide eta kudeaketa guztietarako leiho birtual bakarra izango delako. “Herritarrak edozein dispositibotik, edonoiz eta edonon sartu ahal izango dira. Itxaron barik, ilararik gabe”, goraipatu du Erkorekak. Gainera, karpeta pertsonalizatua izango dela jakitera eman du Jaurlaritzako bozeramaileak; izan ere, herritar bakoitzak bere agiriak, espedienteak edo jakinarazpen ofizialak eskuragarri izango ditu, une horretan egiten ari den tramitearen arabera (ordainketak, espedienteak, ziurtagiriak, jakinarazpenak edo mezuak). Erkorekak iragarri duenez, 'Herritarren Karpeta' 2018an abian jarri eta zenbait fasetan martxan jarriko dute legealdian zehar. Hasiera batean, dagoeneko online eskaintzen ari diren zerbitzu, jakinarazpen eta izapide guztiak toki horretan bilduko ditu Eusko Jaurlaritzak, orain webgune ezberdinetan sakabanaturik daudelako. 'Herritarren Karpetan' ematen diren datu pertsonal eta pribatu guztien segurtasun eta erabateko babesa bermatuko du Eusko Jaurlaritzak, Erkorekak ziurtatu duenez.

Erabakitzeko eskubidearen inguruan Kanadak duen legea proposatu du Podemosek

Erabakitzeko eskubidearen inguruan Kanadak du...
Erabakitzeko eskubidearen inguruan Kanadak duen legea proposatu du Podemosek

Erabakitzeko eskubidea gauzatzeko, Ka...
2:42 min.

Erabakitzeko eskubidea gauzatzeko, Kanadako Argitasun Legearen antzekoa sortzea da Elkarrekin Podemosek mahai gainean jarri duen proposamena. Quebeceko erreferenduma arautzeko onartutako legea da

EAEko estatus politiko berri baterako ekarpenak aurkeztu dituzte alderdi guztiek Eusko Legebiltzarreko Autogobernu Lantaldean. Elkarrekin Podemosek aurkeztu duen dokumentuak erabakitzeko eskubidea eta estutu berria bi lantaldetan eztabaidatzea proposatzen du. Alde batetik, Gernikako Estatutuaren erreforma landuko duen lantaldea proposatzen du Lander Martinez buru duen alderdiak. Horren iritzian, estatutu berri bat sortzea premiazkoa da, euskal alderdien arteko akordio transbertsalak eta zabalak batuko dituena. Akordio berriak nazio izaera eta eskubide historikoak bermatu beharko dituela nabarmendu du Martinezek. Bestalde, erabakitzeko eskubideaz hitz egiteko eta adosteko beste lantalde bat sortzea da Elkarrekin Podemosek gaur mahai gainera ekarri duena. Lurraldetasunaz haratago, erabakitzeko eskubidea dimentsio zabalago batean landuko duen mahai paralelo bat sortu nahi du Martinezen alderdiak. Kanadako Argitasun Legea jarri du adibidetzat Elkarrekin Podemosek, abiapuntu gisa. Quebeceko erreferenduma arautzeko Kanadako Parlamentuak onartu zuen legea da Argitasun Legea deritzona. EAJk estatus politiko berri bat proposatu du, euskal autogobernua gaurkotzeko; estatus berri hori "kontzertu politiko bat" izango litzateke, kontzertu ekonomikoarekin homologagarria bera, eta xedea izango luke lortzea Estatuarekin izaera konfederaleko aldebiko harremana. Jeltzaleen helburua da estatus politiko berri bat erdiestea, espainiar Estatuarekin beste lotura-mota gauzatzeko; proposamena eskubide historikoetan oinarritzen da, horietan bakarrik, eta Konstituzioaren lehen xedapen gehigarriak babesten du. Itunean eta bi aldeen nazio-errealitatean oinarrituko litzateke Euskadi eta Estatuaren arteko harreman berezi eta aldebiko hori. Espainiar Estatuarekin elkarbizitza-akordioa izatea proposatzen du; bi aldeek hitzarmena errespetatzeko konpromisoa hartu beharko lukete.

Epaile batek Espainiako Poliziako bi agente inputatu ditu, U-1eko kargengatik

Epaile batek Espainiako Poliziako bi agente i...
Epaile batek Espainiako Poliziako bi agente inputatu ditu, U-1eko kargengatik

Poliziaren oldarraldia ikertzen ari d...
1:50 min.

Poliziaren oldarraldia ikertzen ari den epaileak onartu egin du Iridia kolektiboak aurkeztutako kereila

Kataluniako erreferendumaren egunean Estatuko Segurtasun Indarrek egindako oldarraldiak ikertzen ari den Bartzelonako epaileak Espainiako Poliziako bi agente inputatu ditu. Gainera, agenteon koordinatzaile nagusia, Diego Perez de los Cobos, lekuko gisa deklaratzera deitu du. EFE agentziak jakinarazi duenez, Bartzelonako Instrukzio Arloko 7. Epaitegiak onartu egin du Iridia kolektiboak aurkeztutako kereila. Kolektibo horrek Bartzelonako eskola batean ustez hiru pertsona zauritu zituzten inspektoreorde bat eta agente bat identifikatzea lortu zuen. Auto batean, epaileak ikertu gisa deklaratzera deitu ditu bi poliziak, baina zitazio formala hainbat ikerketaren araberakoa izango da. Era berean, Diego Perez de los Cobos polizia operazioaren koordinatzaile nagusia lekuko gisa deitu du. Epaileak urriaren 1eko komunikazioak entregatzea ere agindu dio Espainiako Poliziari.

Foru Gobernuak frankismoko ikur bat kendu du NAPIko beirate batetik

Foru Gobernuak frankismoko ikur bat kendu du ...
Foru Gobernuak frankismoko ikur bat kendu du NAPIko beirate batetik

Nafarroako armarriaren erdian San Fer...
1:17 min.

Nafarroako armarriaren erdian San Fernandoren ohore-gurutzea zegoen jarrita Nafarroako Administrazio Publikoaren Institutuko beirate batean

Nafarroako Gobernuak San Fernandoren ohore-gurutzea zuen irudi bat kendu du Nafarroako Administrazio Publikoaren Institutuko (NAPI) beirate batetik. Modu horretan, ikurren eta frankismoko biktimen erreparazio legea bete du Uxue Barkosek zuzentzen duen Gobernuak. 1936ko golpe militarra babesteagatik, Franco diktadoreak San Fernandoren ohore-gurutzea eman zion Nafarroari, eta orduko agintariek Nafarroako armarriari gehitu zioten ikur frankista hori. Irudi zaharra kendu eta Vianako Printzea Erakundearen esku utzi du Foru Gobernuak. Horren lekuan, Alberto Chueca erriberritarrak egindako lana jarri dute.

Apirilaren 22an egingo dituzte presidentea aukeratzeko hauteskundeak Venezuelan

Apirilaren 22an egingo dituzte presidentea au...
Apirilaren 22an egingo dituzte presidentea aukeratzeko hauteskundeak Venezuelan

Oposizioak, bere aldetik, ez du argit...
1:22 min.

Oposizioak, bere aldetik, ez du argitu oraindik hauteskundeetan parte hartuko duen ala ez

Venezuelan presidentea aukeratzeko hauteskundeak egingo dituzte apirilaren 22an, Tibisay Lucena Venezuelako Hauteskunde Kontseilu Nazionaleko presidenteak iragarri duenez. Oposizioak, bere aldetik, ez du argitu oraindik hauteskundeetan parte hartuko duen ala ez. Lucenaren esanetan, Venezuelako Batzar Konstituziogileak onartutako dekretua beteko da horrela, hauteskundeak maiatza baino lehen egitea agindu baitzuen. "Hauteskunde presidentzialak 2018ko apirilaren 22rako deitu dira", adierazi du Lucenak. Gaineratu duenez, Hauteskunde Kontseilu Nazionala pasa den astelehenetik "saio iraunkorra" egin du bozak egiteko aukera ezberdinak aztertzeko. Hauteskunde erregistroa otsailaren 20ra arte egongo da zabalik, baina aurrez egun bat zehaztuko dute izena eman nahi duten edota bizilekua aldatu nahi duten herritarrentzat. Behin betiko hautesle-errolda martxoaren 5ean argitaratuko dute. Bestalde, hautagaitzak internet bidez aurkeztu beharko dira lehenik, otsailaren 24tik 26ra, eta azken egun horretan 48 orduko epea irekiko da hautagaiek baldintzak bete ditzaten. Hauteskunde kanpainak 16 egun iraungo du, apirilaren 2tik hauteskundeak egin baino hiru egun lehenagora arte.