Zeinu Hizkuntza kurtsoak

Emakumeak geraleku artean jaitsi ahalko dira uztailaren 1etik aurrera Bilbobusen

Bakarrik doazen emakumezko bidaiari guztiek edukiko dute erabilgarri aukera, 22:30etik 06:30era.

Bilbobusek uztailaren 1ean jarriko du indarrean segurtasuna handitzeko eta eraso matxistei aurrea hartzeko neurria, eta emakumeek bi geralekuren artean jaisteko aukera izango dute. Bilboko autobus zerbitzuak gutuna bidali die gidari guztiei gogoraraziz neurria Bilboko Udalaren osoko bilkurak onartuzuela eta derrigorrez bete beharrekoa dela.

Bakarrik bidaiatzen duten emakume guztiek baliatu ahalko dute aukera, linea eta asteko egun guztietan, 22:30etik 06:30era.

Gidariei bidalitako aginduaren arabera, bidaiariak aurretik "denbora nahikoarekin"jakinarazi beharko dio gidariari non jaitsi nahi duen. Bertan geldituko da autobusa, "zirkulazioarentzat arriskutsua ez bada behintzat"; arriskutsua izanez gero, berriz, "ahalik eta hurbilen" gelditzen saiatuko da txoferra. Emakumea autobuseko aurrealdeko atetik jaitsiko da, eta beste bidaiaririk ezingo da irten.

Horrez gain, gidariak erregistro batean jaso beharko ditu egindako geldialdi guztien lekua eta ordua.

Epaimahaiak ez du delitua berriro egiteko eta iheserako arriskurik ikusten

Nafarroako Auzitegiko Bigarren Sekzioaren arabera, 'La Manada'ko bost kideak behin-behinean espetxean mantentzeko baldintzak aldatu egin dira. Hiru magistratuetako batek boto partikularra eman du.

Atzo, osteguna, Nafarroako Auzitegiak 'La Manada' taldeko bost gazteak, 6.000 euroko bermepean, behin-behinean aske uzteko erabakia hedabideetara filtratu zen, baina gaur arte auzitegiak ez die autoa aldeei helarazi. 2016ko sanferminetan emakume gazte bati sexu-gehiegikeriak egiteagatik bederatzi urteko kartzela-zigorra ezarri zieten, baina epaia irmoa izan artean, baldintzapean libre egongo dira bostak.

Nafarroako Auzitegiaren esanetan, iraganean 'La Manada'ko bost kideak kartzelan sartzeko zeuden arrazoiak desagertu egin dira. Are gehiago, ihes egiteko arriskua behin-behineko espetxealdia ez den beste neurri batzuekin eragotzi daitekeela eta delitua berriro egiteko arriskurik ez dagoela uste du, zigortuetako lau antzeko beste auzi batean nahastuta daudelako(Pozoblancon).

Autoak nabarmendu duenez, zigortutako bost gizonak biktima bizi den tokitik 500 kilometro baino gehiagora bizi dira. Ildo horretan, magistratuen iritziz, "biktimaren lasaitasuna" bermatu daiteke 'La Manada'ko kideei behin-behineko espetxealdia ezarri gabe.

Epaimahaiak kautelazko hainbat neurri ezarri dizkie: astean hiru egunetan gertuen duten epaitegian aurkeztu beharko dute; Madrilgo Erkidegoan sartzea debekatuta izango dute, han bizi baita biktima, eta harekin harremanetan jartzea ere galarazita izango dute; pasaportea kenduko diete eta ezin izango dute epaileen baimenik gabe Espainiatik atera.

Hiru magistratuetako batek, Jose Francisco Cobo epaimahaiko presidenteak, boto partikularra eman du, behin-behineko espetxealdia luzatzeko eskatuz.

Asparrenan hilotz topatutako emakumearen ustezko hiltzailea kartzelara bidali dute

41 urteko gizonak Alemaniako justiziaren esku geratzea onartu du, eta laster estraditatuko dute.

Asparrenan (Araba) hilotz topatutako Sophia Loscher 28 urteko emakume alemaniarraren ustezko hiltzailea, Jaenen atxilotutako 41 urteko gizona, kartzelara bidali du Carmen Lamela Auzitegi Nazionaleko epaileak, eta aurki, Alemaniara estraditatuko dute, han epai dezaten.

Ertzaintzak ostegun arratsaldean aurkitu zuen gorpua, Guardia Zibilak hilketaren susmagarri nagusia atxilotu eta biharamunean. Gaztea Leipzigetik gertu (Alemania) desagertu zen, ekainaren 15ean. Ostiral honetan jakin denez, hiltzailea neskaren gorpua erretzen saiatu zen.

Alemaniako Justiziak 41 urteko gizona atxilotzeko nazioarteko agindua eman zuen, eta hala, Auzitegi Nazionalak hartu zuen auzia.

Hilketaren susmagarria kartzelara bidali zuen atzo Lamela epaileak, estradizioa izapidetzen den bitartean. Sophia Losche Alemaniako Alderdi Sozialdemokratako (SPD) gazteen presidente ohi eta Bamberg hiriko alderdi horretako presidenteordea zen, PSE-EEk ohar batean jakinarazi duenez.

Euskal sozialistek hilketagatik "samina eta haserrea" azaldu dute, eta Idoia Mendia PSE-EEko idazkari nagusiak Andrea Nahles SPDko buruari deitu dio doluminak helarazteko.

Ezker Anitzak ere "hilketa matxista gaitzetsi" du eta erakunde guztiei, europarrak barne, emakumeen kontrako indarkeria mota guztiak bukatzeko neurriak hartzeko deia egin die.

EBko biztanleek 'brexit'aren ostean han jarraitzeko sistema proposatu du Londresek

Hiru milioi herritar baino gehiagori eragingo lieke proposamenak. Eskaria aurkeztu beharko dute 'finkatu' edo 'aurrefinkatu' estatusa lortzeko.

Gobernu britainiarrak sistema berri bat proposatu zuen atzo han bizi diren Europar Batasuneko herritarrek bertan jarraitu ahal izateko, brexita indarrean sartu ostean.

Sajid Javid Barne ministroak azaldu duenez, Europar Batasuneko Finkatzeko Sistemaren proposamena prozesu "sinplea eta zuzena" da, EBko herritarrek mugarik jabe lurralde britainiarrean egoteko aukera izan dezaten.

Proposamenaren arabera, EBko herrialdeetako herritar batek bost urte baino gehiago jarraian eman izan baditu Erresuma Batuan 'finkatu' estatusa jasoko du eta, hortaz, britainiarren eskubide berdinak izango ditu lan egiteko, ikasteko eta gizarte zerbitzu zein onurak jasotzeko, gaur egun bezalaxe. Sistema hori bera aplikatuko litzaieke gertuko senideei, esaterako, ezkontide, seme-alaba, guraso eta ilobei.

Abenduaren 31aren aurretik Erresuma Batuan bizi direnen kasuan, aipatutako estatusa lortzen ez badute, 'aurrefinkatu' egoeran egongo dira, bost urteko epea bete arte. Barne Ministeriotik adierazi dutenez, sistema 2018 amaieratik 2021eko ekainera arte egongo da martxan, eta ez da zama izango.

Eskakizuna egiten duten herritarrek haien nortasuna eta Erresuma Batuan bizi direla egiaztatu beharko dute, hala nola, zigor aurrekari larriak ez dituztela. Gainera, aholkularitza zerbitzua ere izango dute prozesuan zehar.

Emakumeak geraleku artean jaitsi ahalko dira uztailaren 1etik aurrera Bilbobusen

Emakumeak geraleku artean jaitsi ahalko dira ...
Emakumeak geraleku artean jaitsi ahalko dira uztailaren 1etik aurrera Bilbobusen

Bakarrik doazen emakumezko bidaiari g...
1:34 min.

Bakarrik doazen emakumezko bidaiari guztiek edukiko dute erabilgarri aukera, 22:30etik 06:30era.

Bilbobusek uztailaren 1ean jarriko du indarrean segurtasuna handitzeko eta eraso matxistei aurrea hartzeko neurria, eta emakumeek bi geralekuren artean jaisteko aukera izango dute. Bilboko autobus zerbitzuak gutuna bidali die gidari guztiei gogoraraziz neurria Bilboko Udalaren osoko bilkurak onartuzuela eta derrigorrez bete beharrekoa dela. Bakarrik bidaiatzen duten emakume guztiek baliatu ahalko dute aukera, linea eta asteko egun guztietan, 22:30etik 06:30era. Gidariei bidalitako aginduaren arabera, bidaiariak aurretik "denbora nahikoarekin"jakinarazi beharko dio gidariari non jaitsi nahi duen. Bertan geldituko da autobusa, "zirkulazioarentzat arriskutsua ez bada behintzat"; arriskutsua izanez gero, berriz, "ahalik eta hurbilen" gelditzen saiatuko da txoferra. Emakumea autobuseko aurrealdeko atetik jaitsiko da, eta beste bidaiaririk ezingo da irten. Horrez gain, gidariak erregistro batean jaso beharko ditu egindako geldialdi guztien lekua eta ordua.

2018/06/22

Epaimahaiak ez du delitua berriro egiteko eta iheserako arriskurik ikusten

Epaimahaiak ez du delitua berriro egiteko eta...
Epaimahaiak ez du delitua berriro egiteko eta iheserako arriskurik ikusten

Nafarroako Auzitegiko Bigarren Sekzio...
2:02 min.

Nafarroako Auzitegiko Bigarren Sekzioaren arabera, 'La Manada'ko bost kideak behin-behinean espetxean mantentzeko baldintzak aldatu egin dira. Hiru magistratuetako batek boto partikularra eman du.

Atzo, osteguna, Nafarroako Auzitegiak 'La Manada' taldeko bost gazteak, 6.000 euroko bermepean, behin-behinean aske uzteko erabakia hedabideetara filtratu zen, baina gaur arte auzitegiak ez die autoa aldeei helarazi. 2016ko sanferminetan emakume gazte bati sexu-gehiegikeriak egiteagatik bederatzi urteko kartzela-zigorra ezarri zieten, baina epaia irmoa izan artean, baldintzapean libre egongo dira bostak. Nafarroako Auzitegiaren esanetan, iraganean 'La Manada'ko bost kideak kartzelan sartzeko zeuden arrazoiak desagertu egin dira. Are gehiago, ihes egiteko arriskua behin-behineko espetxealdia ez den beste neurri batzuekin eragotzi daitekeela eta delitua berriro egiteko arriskurik ez dagoela uste du, zigortuetako lau antzeko beste auzi batean nahastuta daudelako(Pozoblancon). Autoak nabarmendu duenez, zigortutako bost gizonak biktima bizi den tokitik 500 kilometro baino gehiagora bizi dira. Ildo horretan, magistratuen iritziz, "biktimaren lasaitasuna" bermatu daiteke 'La Manada'ko kideei behin-behineko espetxealdia ezarri gabe. Epaimahaiak kautelazko hainbat neurri ezarri dizkie: astean hiru egunetan gertuen duten epaitegian aurkeztu beharko dute; Madrilgo Erkidegoan sartzea debekatuta izango dute, han bizi baita biktima, eta harekin harremanetan jartzea ere galarazita izango dute; pasaportea kenduko diete eta ezin izango dute epaileen baimenik gabe Espainiatik atera. Hiru magistratuetako batek, Jose Francisco Cobo epaimahaiko presidenteak, boto partikularra eman du, behin-behineko espetxealdia luzatzeko eskatuz.

2018/06/22

Asparrenan hilotz topatutako emakumearen ustezko hiltzailea kartzelara bidali dute

Asparrenan hilotz topatutako emakumearen uste...
Asparrenan hilotz topatutako emakumearen ustezko hiltzailea kartzelara bidali dute

41 urteko gizonak Alemaniako justizia...
2:40 min.

41 urteko gizonak Alemaniako justiziaren esku geratzea onartu du, eta laster estraditatuko dute.

Asparrenan (Araba) hilotz topatutako Sophia Loscher 28 urteko emakume alemaniarraren ustezko hiltzailea, Jaenen atxilotutako 41 urteko gizona, kartzelara bidali du Carmen Lamela Auzitegi Nazionaleko epaileak, eta aurki, Alemaniara estraditatuko dute, han epai dezaten. Ertzaintzak ostegun arratsaldean aurkitu zuen gorpua, Guardia Zibilak hilketaren susmagarri nagusia atxilotu eta biharamunean. Gaztea Leipzigetik gertu (Alemania) desagertu zen, ekainaren 15ean. Ostiral honetan jakin denez, hiltzailea neskaren gorpua erretzen saiatu zen. Alemaniako Justiziak 41 urteko gizona atxilotzeko nazioarteko agindua eman zuen, eta hala, Auzitegi Nazionalak hartu zuen auzia. Hilketaren susmagarria kartzelara bidali zuen atzo Lamela epaileak, estradizioa izapidetzen den bitartean. Sophia Losche Alemaniako Alderdi Sozialdemokratako (SPD) gazteen presidente ohi eta Bamberg hiriko alderdi horretako presidenteordea zen, PSE-EEk ohar batean jakinarazi duenez. Euskal sozialistek hilketagatik "samina eta haserrea" azaldu dute, eta Idoia Mendia PSE-EEko idazkari nagusiak Andrea Nahles SPDko buruari deitu dio doluminak helarazteko. Ezker Anitzak ere "hilketa matxista gaitzetsi" du eta erakunde guztiei, europarrak barne, emakumeen kontrako indarkeria mota guztiak bukatzeko neurriak hartzeko deia egin die.

2018/06/22

EBko biztanleek

EBko biztanleek 'brexit'aren ostean han jarra...
EBko biztanleek 'brexit'aren ostean han jarraitzeko sistema proposatu du Londresek

Hiru milioi herritar baino gehiagori ...
1:53 min.

Hiru milioi herritar baino gehiagori eragingo lieke proposamenak. Eskaria aurkeztu beharko dute 'finkatu' edo 'aurrefinkatu' estatusa lortzeko.

Gobernu britainiarrak sistema berri bat proposatu zuen atzo han bizi diren Europar Batasuneko herritarrek bertan jarraitu ahal izateko, brexita indarrean sartu ostean. Sajid Javid Barne ministroak azaldu duenez, Europar Batasuneko Finkatzeko Sistemaren proposamena prozesu "sinplea eta zuzena" da, EBko herritarrek mugarik jabe lurralde britainiarrean egoteko aukera izan dezaten. Proposamenaren arabera, EBko herrialdeetako herritar batek bost urte baino gehiago jarraian eman izan baditu Erresuma Batuan 'finkatu' estatusa jasoko du eta, hortaz, britainiarren eskubide berdinak izango ditu lan egiteko, ikasteko eta gizarte zerbitzu zein onurak jasotzeko, gaur egun bezalaxe. Sistema hori bera aplikatuko litzaieke gertuko senideei, esaterako, ezkontide, seme-alaba, guraso eta ilobei. Abenduaren 31aren aurretik Erresuma Batuan bizi direnen kasuan, aipatutako estatusa lortzen ez badute, 'aurrefinkatu' egoeran egongo dira, bost urteko epea bete arte. Barne Ministeriotik adierazi dutenez, sistema 2018 amaieratik 2021eko ekainera arte egongo da martxan, eta ez da zama izango. Eskakizuna egiten duten herritarrek haien nortasuna eta Erresuma Batuan bizi direla egiaztatu beharko dute, hala nola, zigor aurrekari larriak ez dituztela. Gainera, aholkularitza zerbitzua ere izango dute prozesuan zehar.

2018/06/22

Ekaina 2018
AAAOOLI
 123
45678910
11121314151617
18192021222324
252627282930 
Maiatza 2018
AAAOOLI
 123456
78910111213
14151617181920
21222324252627
28293031 

        2018-06-12ko bideoen artxiboa

Bi taxi pirata atzeman dituzte Iruñean

Bi taxi pirata atzeman dituzte Iruñean...
Bi taxi pirata atzeman dituzte Iruñean

Gidariek 1.301 eta 2.600 euro bitarte...
0:48 min.

Gidariek 1.301 eta 2.600 euro bitarteko isuna jaso dezakete.

Iruñeko Udaltzaingoak taxi piraten aurkako kanpaina egin du asteburuan, eta tankera horretako bi ibilgailu atzeman ditu. Auto partikularrak dira, taxi zerbitzua modu irregularrean eskaintzen dutenak. Gidariei 1.301 eta 2.600 euro bitarteko isuna jar diezaiekete, Taxiaren Legearen arabera. Udaltzaingoak ohar batean adierazi duenez, jarduera hori arriskutsua da bezeroentzat eta garraio publikoarekiko lehia desleiala da. Hori horrela, ibilgailuok ez erabiltzeko gomendioa eman dute.

Kanaria Handiko leherketan hildako emakumearen heriotza indarkeria matxista kasua da

Kanaria Handiko leherketan hildako emakumeare...
Kanaria Handiko leherketan hildako emakumearen heriotza indarkeria matxista kasua da

40 urteko emakumea ostiralean hil zen...
1:14 min.

40 urteko emakumea ostiralean hil zen haren etxebizitzan izandako leherketan.

Espainiako Gobernuak Kanaria Handian duen ordezkaritzak astelehen honetan baieztatu duenez, joan den ostiralean Las Palmaseko bere etxebizitzan izandako leherketan hil zen 40 urteko emakumearen heriotza, genero indarkeria kasua da. Baieztapen horren ondotik, minutu bateko isilunea deitu du Espainiako Gobernu ordezkaritzak. Ostiral goizean hil zen, 10:09ak aldera hiriko etxebizitza batean izandako leherketa batean. Tokira bertaratu ziren larrialdi zerbitzuetako langileek heriotza baieztatu baino ez zuten egin.

Frantziak telefono mugikorrak debekatu ditu eskoletan

Frantziak telefono mugikorrak debekatu ditu e...
Frantziak telefono mugikorrak debekatu ditu eskoletan

Ikasleek ezin izango dute mugikorrik ...
2:50 min.

Ikasleek ezin izango dute mugikorrik erabili lehen mailako eta bigarren mailako ikastetxeetan, ezta institutuetan ere. Neurria datorren ikasturtean sartuko da indarrean.

Frantziako Asanblea Nazionalak datorren ikasturtetik aurrera telefono mugikorrak erabiltzea debekatu du eskoletan eta institutuetan. Emmanuel Macron presidenteak hauteskunde-kanpainan babestutako neurria da. Asanblea Nazionalean lehenengo irakurketan egindako botoa Senatuak balioztatu behar du, oraindik zehazteko dagoen egun batean. Akordio batera iritsi ezean, batzorde misto batek jo beharko luke baliozkotzat, Behe Ganberako iturriek azaldu dutenez. Lege-proposamenaren arabera, barne-araudiak espresuki hala baimentzen ez duen lekuak salbu, ikasleek ezin izango dute mugikorrik erabili lehen mailako eta bigarren mailako ikastetxeetan, ezta institutuetan ere. Ez dituzte zehaztu ez balizko zigorrak ez betoa ezartzeko modua ere, baina ikasleen motxilak eta arriskutsuak ez diren objektuak miatzea debekatuta dagoela kontuan izanda, ikasleek nahikoa izango lukete mugikorrak itzalita eta irakasle eta zaindarien bistatik kanpo izatea, Frantziako komunikabideen arabera. Errepublika Martxan Macronen alderdiak babestutako testuak dioenez, mugikorrak erabiltzeak eskolako giroa hobetzearekin bat ez datozen hainbat disfuntzio sortzen ditu. Debekuak kontzentrazioari mesede egiten dion ingurua bermatzea ahalbidetuko duela ere irakur daiteke. Jolasaldian ere kaltegarria izan daiteke, jarduera fisikoa murriztu eta interakzio sozialak mugatzen dituelako, nabarmendu du. 12 eta 17 urte arteko gazteen % 93k telefono mugikorra zuten 2016an, komunikazio elektronikoak erregulatzeko aginpidearen arabera; 2005ean, aldiz, % 72k zuten. Diputatuen arabera, erabilerak arriskua duten jarduerak sustatu ditzake, besteak beste, erasoa eta sexismoa Interneten, baita ikasleek indarkeriazko edukiak ikustea ere. Debeku honekin marko juridikoa eman nahi diote herrialdeko 51.000 eskoletan eta 7.100 institutuetako batzuetan gero eta zabalduago dagoen praktikari. Ganberan atera dituzten ondorioak pozgarriak izan direla adierazi dute.

Air Francek greba deitu du ekainaren 23tik 26ra

Air Francek greba deitu du ekainaren 23tik 26...
Air Francek greba deitu du ekainaren 23tik 26ra

Sindikatuek azaldu dutenez, zuzendari...
2:27 min.

Sindikatuek azaldu dutenez, zuzendaritzaren proposamenen aurkako gehiengo bozka entzuteko beharra dela eta deitu dituzte mobilizazioak.

Air France hegazkin-konpainiak greba deitu du ekainaren 23tik 26ra, soldata arloko aldarrikapenak egiteko. Joan den otsailean hamabost eguneko lanuzteak antolatu zituzten, eta horien ondorioz, Jean-Marc Janaillac taldeko presidenteak dimisioa eman zuen. Sindikatuek azaldu dutenez, zuzendaritzaren proposamenen aurkako gehiengo bozka entzuteko beharra dela eta deitu dituzte mobilizazioak. Internet bidez hedatutako agiri baten arabera, langileek orduz gero ardura eta pazientzia erakutsi dute. Protestak amaitzeko asmoz pasa den maiatzaren 7an enpresak antolatutako barne bozketari buruz hitz egin dute testuan. Zuzendaritzak, ordea, ez zuen aurreikusitako emaitza lortu. Beraz, Janaillacek dimisioa eman zuen. Orduz gero, Air France-KLM taldeak Anne-Marie Couderc izendatu du behin-behineko presidente kargurako. Zuzendaritzak, bere aldetik, greba deialdi hori salatu du ohar batean, interes kolektiboarekin eta konpainiaren etorkizunarekin bat ez datorrelako. Horrez gain, gatazka hasi zenetik gaur egunera arte, Air Franceko zuzendaritzak langileen ordezkariekin hitz egiten jarraitu duela azpimarratu du, krisia amaitzeko konpromisoa lortzeko. Air Franceko langileek otsailaren 22an egin zuten lehen greba, zazpi urtez soldatak bere horretan izan ostean, 2017ko etekinen zati bat jaso behar zutela aldarrikatzeko. Sidikatuek soldatak % 6 igotzea eskatu dute, azken urteotan galdutako erosteko ahalmena berreskuratzeko. Zuzendaritzaren arabera, grebak 400 milioi euroko galerak eragin dizkio taldeari.

'Aquarius' ontzia Valentzian porturatuko da, ...
'Aquarius' ontzia Valentzian porturatuko da, Italia eta Maltaren ezezkoen ostean

Valentziako Generalitateak ziurtatu d...
2:46 min.

Valentziako Generalitateak ziurtatu duenez, Espainiako Gobernuak portu hori eskaini du salbamendu ontzia hartzeko. Mediterraneoan 629 migratzaile erreskatatu ostean, porturatzeko baimenaren zain dago.

Italiak eta Maltak lehorreratzeko baimena ukatu ostean, 'Aquarius' salbamendu ontzia Valentzian porturatuko da, Espainiako Gobernuak ohar bidez jakinarazi duenez. Pedro Sanchez Espainiako Gobernu presidenteak itsasontzia Valentziako portuan hartzeko argibideak eman ditu. Mediterraneo itsasoan erreskatatutako 629 pertsona baino gehiago ditu barruan. Gure betebeharra giza hondamendi bat saihesten laguntzea eta pertsona horiei portu seguru bat eskaintzea da, Nazioarteko Zuzenbideko betebeharrak jarraituz", adierazi du Espainiako Gobernuak komunikatu batean. Sos Mediterranee gobernuz kanpoko erakundearen salbamendu ontziak 629 pertsona erreskatatu ditu azken orduetan Mediterraneo itsasoan, tartean, bakarrik bidaiatzen ari diren 123 adin txikiko, 11 haur eta zazpi emakume haurdun. Itsasontzia Mediterraneoan noraezean dabil, porturatzeko baimenaren zain, Matteo Salvini Italiako Barne ministroak itsasontziari Italian lehorreratzeko baimena ukatu ostean. Italiako ateak ixteaz gain, erantzukizuna bere gain hartzeko eta pertsona horiei harrera egiteko eskatu zion Maltari. Maltak, ordea, ohartarazi du bera ez dela auziaren erantzulea. Eusko Jaurlaritzak ACNUR erakundeari eta Espainiako Exekutiboari Aquarius itsasontziko etorkinen % 10 hartzeko eskaintza egin diela azaldu du gaur Iñigo Urkullu lehendakariak. Urkulluk nabarmendu duenez, elkartasuna eta konpromisoa euskal herritarren kulturaren baitan daudenez, Eusko Jaurlaritzak Aquarius itsasontzian dauden hainbat etorkin hartzeko eskaintza egin die ACNUR erakundeari eta Espainiako Gobernuari. Malta eta Italiako kostaldeen aurrean dago itsasontzia, bi herrialde horietako agintariek hango portuetara sartzea debekatu ostean.