Zeinu Hizkuntza kurtsoak

Lapurretak egiten dituen talde georgiar bateko beste bi kide atxilotuta, Gasteizen

Markak ipintzen dituzte hutsik dauden etxebizitzetan, ondoren lapurreta egiteko. Aurreko ostiralean, Ertzaintzak beste bi gizonezko atxilotu zituen, antzeko delituengatik

Ertzaintzak 33 eta 34 urteko bi gizonezko atxilotu zituen astelehenean Gasteizen, etxebizitzetan lapurretak egiten dituen talde bateko kide direlakoan.

Segurtasun Sailak hedabideei igorritako ohar baten bidez zabaldu duenez, atxilotuek plastikozko markak ipintzen zituzten, ustez, hutsik zeuden etxebizitzetan, ondoren lapurreta egiteko.

Aurreko ostiralean, hilak 13, Ertzaintzak beste bi gizonezko atxilotu zituen hiriburu arabarrean, antzeko delituengatik, eta gaizkile bateko kide izatea egotzita.

Igandean, 23:20 inguruan, gizon bat Gasteizeko etxebizitza batean zelatan zegoela jakin zuen Ertzaintzak, hiritar batek egindako abisuari esker. Hala, Ertzaintzako agenteak eraikinera bertaratu ziren eta sei etxebizitzatan plastizkozko 11 marka topatu zituzten, alegia, hutsik dauden etxebizitzetan markak jartzeko erabiltzen diren horietakoak, ondoren sarraila apurtu eta barruan lapurtzeko.

Hala, 01:30 inguruan, aurreko astelehenean, agenteek bi gizonezko topatu zituzten, eta horien janzkera eta itxura bat zetozen lekuko batek emandako deskripzioarekin. Orduan, komisariara eraman, identifikatu eta atxilotu egin zituzten, hiru etxebizitzatan lapurreta egitea egotzita.

Atxiloketaren ondotik, atxiloketaren unean zeramatzaten oinetakoak atzeman zizkieten eta, aztertu ostean, Polizia Zientifikoak ezarri zuen horietako batek oinetakoak bi lapurretan erabili izan zituztela.

Ertzaintzak ikertzen jarraitzen du beste kideak identifikatzeko.

Bestalde, pertsona susmagarriak edota ateetan markak ikusiz gero SOS DEIAK 112 zerbitzura deitzea eskatu du Ertzaintzak, agenteek susmagarriak identifikatu eta markak aztertu ahal izateko.

Nafarroako Auzitegiak atzera bota ditu 'La Manada' aske uztearen aurkako helegiteak

Aretoak adierazi duenez, erabakia 'irmoa' da eta, beraz, ezin zaio errekurtsorik jarri. Guardia Zibilaren egoeraren harira, aparteko ebazpen bat emango du epaimahaiak

'La Manada' auzian, Nafarroako Auzitegiko Bigarren Sekzioak atzera bota ditu zigortutako bost gazte sevillarrak behin-behinean aske utzi izanaren aurka Ministerio Fiskalak, akusazio partikularrak eta herri akusazioak (kasu honetan Nafarroako Gobernuak eta Iruñeko Udala) aurkeztutako helegiteak.

Aretoak ebazpen honen bidez adierazi duenez, ekainaren 21eko autoan jakinarazitako erabakia irmoa da eta, beraz, ezin zaio errekurtsorik jarri.

Ez da aho batez hartutako erabakia izan. Aretoko buruak boto partikularra eman du, eta bere desadostasuna agertu du behin-behineko espetxealdia saihesteko fidantza bat onartu izanarekin. Are gehiago, zigorraren erdia bete arte behin-behineko espetxealdia luzatzearen alde azaldu da.

Nafarroako Auzitegiak 'La Manada' taldeko bost gazteak behin-behinean aske utzi zituen, 6.000 euroko bermepean. 2016ko sanferminetan emakume gazte bati sexu-gehiegikeriak egitegatik bederatzi urteko kartzela-zigorra ezarri zieten. Epaia irmoa izan artean, baina, baldintzapean libre egongo dira bostak.

Epaimahaiak kautelazko hainbat neurri ezarri zizkien bost gazteei: astean hiru egunetan gertuen duten epaitegian aurkeztu beharko dute; Madrilgo Erkidegoan sartzea debekatuta izango dute, han bizi baita biktima, eta harekin harremanetan jartzea ere galarazita izango dute; pasaportea kenduko diete eta ezin izango dute epaileen baimenik gabe Espainiatik atera.

Aske gelditu eta gutxira pasaportea egiten ahalegindu zen Antonio Manuel Guerrero guardia zibilaren inguruan, ordea, ez dago oraingoz erabakirik. Epaimahaiak aurrerago hartuko du erabakia, aparteko ebazpen batean.

Neska bat atxilotu dute bikotekidea arma zuriz hiltzea egotzita, Asturiasen

Antza denez, atxilotuak bikotekidea hil zuen eztabaida baten ostean, bere amaren etxean zeudela

Lugones Asturiasko Siero kontzejuko neska bat atxilotu dute, bikotekidea -tarteko adineko gizonezkoa- arma zuriz hil duelakoan, antza, eztabaida bat izan eta gero.

Gertaera 02:30 inguruan izan zen atzo, asteartea, neskaren gurasoen etxebizitzan, dirudienez, eztabaida bat izan eta gero.

Larrialdi zerbitzuak jakinaren gainean jarri ostean, Asturiasko 112 zerbitzuko medikuak eta Polizia Nazionaleko agentea bertaratu ziren eta, etxebizitza aztertu ostean, emakumea atxilotu zuten.

Goizean zehar, Polizia Zientifikoko agenteak ere joan ziren etxebizitzara, frogen eta armaren bila.

Hilotza Asturiaseko Medikuntza Legaleko Institutura eraman zuten, autopsia egiteko. Ustezko hiltzailea, aldiz, komisarian dago oraindik, epailearenera joan aurretik.

Juana Rivasentzat bost urteko kartzela zigorra eskatu dute, adingabeak osteagatik

Guraso-ahala sei urtez kentzeko eskaera ere egin dute Fiskaltzak. Emakumeak beti esan du senar ohiaren tratu txarrak saihesteagatik ihes egin zuela seme-alabekin

Granadako Zigor arloko 1 zenbakiko Epaitegian Juana Rivas Maracenako (Granada) amaren kontrako epaiketa egingo dute gaur. Emakumeak ia hilabete eman zuen leku ezezagunen batean bi seme-alabekin, Francesco Arcuri aitari entregatzea saihesteko.

Emakumeak beti esan du gizonak tratu txarrak ematen zizkiola eta umeei zerbait egingo zien beldur ihes egin zuela. Arcuri 2009an zigortu zuten tratu txarrengatik, eta haren kontrako beste salaketa bat jarria du Rivasek. Fiskaltzak bost urteko kartzela zigorra eta guraso-ahala sei urtez kentzea eskatu du adingabeak ostearen delituagatik.

Francesco Arcuri senar ohia akusazio partikularra da eta Italiatik deklaratuko du bideokonferentziaz. Fiskaltzak eskatutako kartzela zigorraz gain, guraso-ahala zortzi urtez kentzea eta, erantzukizun zibilagatik, 30.000 euroko kalte-ordaina eskatu ditu Arcurik.

Juana Rivasek beti esan du senar ohiak ematen zizkion tratu txarrengatik joan zela Carloforten (Italia) bikoteak zeukan etxetik, eta arrazoi beragatik, beldurragatik, ia hilabete egon zela toki ezezagun batean gordeta. Tarte horretan milaka lagunen babesa jaso zuen, "Juana nire etxean dago" lelodun kanpainarekin.

Arcuri 2009an zigortu zuten lesioak eragiteagatik. 2016an haren kontrako beste salaketa bat jarri zuen Juana Rivasek Espainian. Granadako epaitegi batek, ordea, gertakariak Italian jazo zirela eta, auzia Italian epaitu beharrekoa zela ebatzi zuen. Salaketa 14 hilabete geroago heldu zen Italiako Justiziaren eskuetara, "irregulartasun askoren" ondoren.

Granadako 2 zenbakiko Instrukzio Epaitegiak Rivasen senitartekoak, abokatua eta Maracenako udal psikologoa ere ikertu zituen, adingabeak osteko prozesuan izan zuten parte hartzeagatik. Guztiak absolbitu zituzten, Rivas bera kenduta.

Libiak 'abandonatutako' emakumea eta gorpuak Espainiara eramateko baimena eskatu dute

Open Arms gobernuz kanpoko erakundeak uste du Italia eta Libia ez direla herrialde seguruak, eta hala, Espainiari eskatu dio lehorreratzeko baimena. Libiak Open Armsen bertsioa ukatu du

Proactiva Open Armseko zuzendariak astearte honetan jakitera eman duenez, gobernuz kanpoko erakundeak emakume eta umetxo baten gorpuak eta emakume bat bizirik topatu ditu Mediterraneoan, Libiako kostaldetik 80 miliara. Libiako kostazainek ontzia “suntsitu” eta “abandonatu” dutela salatu du Open Armsek.

Gobernuz kanpoko erakundeak atzo Mediterraneoko uretan Libiako kostazainek abandonatuta topatutako emakumea eta hilotzak Espainian lehorreratzeko baimena eskatu dio Sanchezen Gobernuari. Erakundearen arabera, Italia eta Libia ez dira herrialde seguruak, eta hala, laguntza eskatu dio Espainiako agintariei.

Open Armseko sortzaileak azaldu duenez, Italiak emakumea lehorreratzeko baimena eman die bart, Siziliako Cataniako portuan. Gorpuak eramateko baimenik ez dutela jakinarazi die, dena dela.

Matteo Salvini Italiako Barne ministroak gobernuz kanpoko erakundearen bertsioa faltsua zela esan zuen atzo, eta adierazpenak entzunda, Italia "emakumea artatzeko portu segurua" ez dela uste du Open Armsek.

Bestalde, Libiako Itsas Indarren bozeramaileak gezurtatu egin du gobernuz kanpoko erakundeak leporatutakoak. Bere hitzetan, itsas salbamenduko kideek profesionaltasunez jokatu zuten eta 119 gizon, 34 emakume eta 12 ume erreskatatu zituzten hainbat ordu iraun zuen operazio batean. Haurtxo baten gorpua ere aurkitu ei zuten.

Ofizial horren arabera, migratzailea jitoan egon ziren 60 orduz, jan-edanik gabe. Tarte horretan, batzuek erredurak izan zituzten eta erreskatatu ostean, Tripoliko itsas basera eraman zituzten artatzera. Ondoren, legez kanpoko immigrazio zerbitzuaren esku utzi zituzten.

Lapurretak egiten dituen talde georgiar bateko beste bi kide atxilotuta, Gasteizen

Lapurretak egiten dituen talde georgiar batek...
Lapurretak egiten dituen talde georgiar bateko beste bi kide atxilotuta, Gasteizen

Markak ipintzen dituzte hutsik dauden...
2:12 min.

Markak ipintzen dituzte hutsik dauden etxebizitzetan, ondoren lapurreta egiteko. Aurreko ostiralean, Ertzaintzak beste bi gizonezko atxilotu zituen, antzeko delituengatik

Ertzaintzak 33 eta 34 urteko bi gizonezko atxilotu zituen astelehenean Gasteizen, etxebizitzetan lapurretak egiten dituen talde bateko kide direlakoan. Segurtasun Sailak hedabideei igorritako ohar baten bidez zabaldu duenez, atxilotuek plastikozko markak ipintzen zituzten, ustez, hutsik zeuden etxebizitzetan, ondoren lapurreta egiteko. Aurreko ostiralean, hilak 13, Ertzaintzak beste bi gizonezko atxilotu zituen hiriburu arabarrean, antzeko delituengatik, eta gaizkile bateko kide izatea egotzita. Igandean, 23:20 inguruan, gizon bat Gasteizeko etxebizitza batean zelatan zegoela jakin zuen Ertzaintzak, hiritar batek egindako abisuari esker. Hala, Ertzaintzako agenteak eraikinera bertaratu ziren eta sei etxebizitzatan plastizkozko 11 marka topatu zituzten, alegia, hutsik dauden etxebizitzetan markak jartzeko erabiltzen diren horietakoak, ondoren sarraila apurtu eta barruan lapurtzeko. Hala, 01:30 inguruan, aurreko astelehenean, agenteek bi gizonezko topatu zituzten, eta horien janzkera eta itxura bat zetozen lekuko batek emandako deskripzioarekin. Orduan, komisariara eraman, identifikatu eta atxilotu egin zituzten, hiru etxebizitzatan lapurreta egitea egotzita. Atxiloketaren ondotik, atxiloketaren unean zeramatzaten oinetakoak atzeman zizkieten eta, aztertu ostean, Polizia Zientifikoak ezarri zuen horietako batek oinetakoak bi lapurretan erabili izan zituztela. Ertzaintzak ikertzen jarraitzen du beste kideak identifikatzeko. Bestalde, pertsona susmagarriak edota ateetan markak ikusiz gero SOS DEIAK 112 zerbitzura deitzea eskatu du Ertzaintzak, agenteek susmagarriak identifikatu eta markak aztertu ahal izateko.

2018/07/18

Nafarroako Auzitegiak atzera bota ditu

Nafarroako Auzitegiak atzera bota ditu 'La Ma...
Nafarroako Auzitegiak atzera bota ditu 'La Manada' aske uztearen aurkako helegiteak

Aretoak adierazi duenez, erabakia 'ir...
2:12 min.

Aretoak adierazi duenez, erabakia 'irmoa' da eta, beraz, ezin zaio errekurtsorik jarri. Guardia Zibilaren egoeraren harira, aparteko ebazpen bat emango du epaimahaiak

'La Manada' auzian, Nafarroako Auzitegiko Bigarren Sekzioak atzera bota ditu zigortutako bost gazte sevillarrak behin-behinean aske utzi izanaren aurka Ministerio Fiskalak, akusazio partikularrak eta herri akusazioak (kasu honetan Nafarroako Gobernuak eta Iruñeko Udala) aurkeztutako helegiteak. Aretoak ebazpen honen bidez adierazi duenez, ekainaren 21eko autoan jakinarazitako erabakia irmoa da eta, beraz, ezin zaio errekurtsorik jarri. Ez da aho batez hartutako erabakia izan. Aretoko buruak boto partikularra eman du, eta bere desadostasuna agertu du behin-behineko espetxealdia saihesteko fidantza bat onartu izanarekin. Are gehiago, zigorraren erdia bete arte behin-behineko espetxealdia luzatzearen alde azaldu da. Nafarroako Auzitegiak 'La Manada' taldeko bost gazteak behin-behinean aske utzi zituen, 6.000 euroko bermepean. 2016ko sanferminetan emakume gazte bati sexu-gehiegikeriak egitegatik bederatzi urteko kartzela-zigorra ezarri zieten. Epaia irmoa izan artean, baina, baldintzapean libre egongo dira bostak. Epaimahaiak kautelazko hainbat neurri ezarri zizkien bost gazteei: astean hiru egunetan gertuen duten epaitegian aurkeztu beharko dute; Madrilgo Erkidegoan sartzea debekatuta izango dute, han bizi baita biktima, eta harekin harremanetan jartzea ere galarazita izango dute; pasaportea kenduko diete eta ezin izango dute epaileen baimenik gabe Espainiatik atera. Aske gelditu eta gutxira pasaportea egiten ahalegindu zen Antonio Manuel Guerrero guardia zibilaren inguruan, ordea, ez dago oraingoz erabakirik. Epaimahaiak aurrerago hartuko du erabakia, aparteko ebazpen batean.

2018/07/18

Neska bat atxilotu dute bikotekidea arma zuriz hiltzea egotzita, Asturiasen

Neska bat atxilotu dute bikotekidea arma zuri...
Neska bat atxilotu dute bikotekidea arma zuriz hiltzea egotzita, Asturiasen

Antza denez, atxilotuak bikotekidea h...
1:01 min.

Antza denez, atxilotuak bikotekidea hil zuen eztabaida baten ostean, bere amaren etxean zeudela

Lugones Asturiasko Siero kontzejuko neska bat atxilotu dute, bikotekidea -tarteko adineko gizonezkoa- arma zuriz hil duelakoan, antza, eztabaida bat izan eta gero. Gertaera 02:30 inguruan izan zen atzo, asteartea, neskaren gurasoen etxebizitzan, dirudienez, eztabaida bat izan eta gero. Larrialdi zerbitzuak jakinaren gainean jarri ostean, Asturiasko 112 zerbitzuko medikuak eta Polizia Nazionaleko agentea bertaratu ziren eta, etxebizitza aztertu ostean, emakumea atxilotu zuten. Goizean zehar, Polizia Zientifikoko agenteak ere joan ziren etxebizitzara, frogen eta armaren bila. Hilotza Asturiaseko Medikuntza Legaleko Institutura eraman zuten, autopsia egiteko. Ustezko hiltzailea, aldiz, komisarian dago oraindik, epailearenera joan aurretik.

2018/07/18

Juana Rivasentzat bost urteko kartzela zigorra eskatu dute, adingabeak osteagatik

Juana Rivasentzat bost urteko kartzela zigorr...
Juana Rivasentzat bost urteko kartzela zigorra eskatu dute, adingabeak osteagatik

Guraso-ahala sei urtez kentzeko eskae...
2:40 min.

Guraso-ahala sei urtez kentzeko eskaera ere egin dute Fiskaltzak. Emakumeak beti esan du senar ohiaren tratu txarrak saihesteagatik ihes egin zuela seme-alabekin

Granadako Zigor arloko 1 zenbakiko Epaitegian Juana Rivas Maracenako (Granada) amaren kontrako epaiketa egingo dute gaur. Emakumeak ia hilabete eman zuen leku ezezagunen batean bi seme-alabekin, Francesco Arcuri aitari entregatzea saihesteko. Emakumeak beti esan du gizonak tratu txarrak ematen zizkiola eta umeei zerbait egingo zien beldur ihes egin zuela. Arcuri 2009an zigortu zuten tratu txarrengatik, eta haren kontrako beste salaketa bat jarria du Rivasek. Fiskaltzak bost urteko kartzela zigorra eta guraso-ahala sei urtez kentzea eskatu du adingabeak ostearen delituagatik. Francesco Arcuri senar ohia akusazio partikularra da eta Italiatik deklaratuko du bideokonferentziaz. Fiskaltzak eskatutako kartzela zigorraz gain, guraso-ahala zortzi urtez kentzea eta, erantzukizun zibilagatik, 30.000 euroko kalte-ordaina eskatu ditu Arcurik. Juana Rivasek beti esan du senar ohiak ematen zizkion tratu txarrengatik joan zela Carloforten (Italia) bikoteak zeukan etxetik, eta arrazoi beragatik, beldurragatik, ia hilabete egon zela toki ezezagun batean gordeta. Tarte horretan milaka lagunen babesa jaso zuen, "Juana nire etxean dago" lelodun kanpainarekin. Arcuri 2009an zigortu zuten lesioak eragiteagatik. 2016an haren kontrako beste salaketa bat jarri zuen Juana Rivasek Espainian. Granadako epaitegi batek, ordea, gertakariak Italian jazo zirela eta, auzia Italian epaitu beharrekoa zela ebatzi zuen. Salaketa 14 hilabete geroago heldu zen Italiako Justiziaren eskuetara, "irregulartasun askoren" ondoren. Granadako 2 zenbakiko Instrukzio Epaitegiak Rivasen senitartekoak, abokatua eta Maracenako udal psikologoa ere ikertu zituen, adingabeak osteko prozesuan izan zuten parte hartzeagatik. Guztiak absolbitu zituzten, Rivas bera kenduta.

2018/07/18

Libiak

Libiak 'abandonatutako' emakumea eta gorpuak ...
Libiak 'abandonatutako' emakumea eta gorpuak Espainiara eramateko baimena eskatu dute

Open Arms gobernuz kanpoko erakundeak...
2:53 min.

Open Arms gobernuz kanpoko erakundeak uste du Italia eta Libia ez direla herrialde seguruak, eta hala, Espainiari eskatu dio lehorreratzeko baimena. Libiak Open Armsen bertsioa ukatu du

Proactiva Open Armseko zuzendariak astearte honetan jakitera eman duenez, gobernuz kanpoko erakundeak emakume eta umetxo baten gorpuak eta emakume bat bizirik topatu ditu Mediterraneoan, Libiako kostaldetik 80 miliara. Libiako kostazainek ontzia “suntsitu” eta “abandonatu” dutela salatu du Open Armsek. Gobernuz kanpoko erakundeak atzo Mediterraneoko uretan Libiako kostazainek abandonatuta topatutako emakumea eta hilotzak Espainian lehorreratzeko baimena eskatu dio Sanchezen Gobernuari. Erakundearen arabera, Italia eta Libia ez dira herrialde seguruak, eta hala, laguntza eskatu dio Espainiako agintariei. Open Armseko sortzaileak azaldu duenez, Italiak emakumea lehorreratzeko baimena eman die bart, Siziliako Cataniako portuan. Gorpuak eramateko baimenik ez dutela jakinarazi die, dena dela. Matteo Salvini Italiako Barne ministroak gobernuz kanpoko erakundearen bertsioa faltsua zela esan zuen atzo, eta adierazpenak entzunda, Italia "emakumea artatzeko portu segurua" ez dela uste du Open Armsek. Bestalde, Libiako Itsas Indarren bozeramaileak gezurtatu egin du gobernuz kanpoko erakundeak leporatutakoak. Bere hitzetan, itsas salbamenduko kideek profesionaltasunez jokatu zuten eta 119 gizon, 34 emakume eta 12 ume erreskatatu zituzten hainbat ordu iraun zuen operazio batean. Haurtxo baten gorpua ere aurkitu ei zuten. Ofizial horren arabera, migratzailea jitoan egon ziren 60 orduz, jan-edanik gabe. Tarte horretan, batzuek erredurak izan zituzten eta erreskatatu ostean, Tripoliko itsas basera eraman zituzten artatzera. Ondoren, legez kanpoko immigrazio zerbitzuaren esku utzi zituzten.

2018/07/18

Uztaila 2018
AAAOOLI
 1
2345678
9101112131415
16171819202122
23242526272829
3031 
Ekaina 2018
AAAOOLI
 123
45678910
11121314151617
18192021222324
252627282930 

        2018-07-06ko bideoen artxiboa

Motor gidari bat hil da Trapagaranen, kamioi baten aurka talka eginda

Motor gidari bat hil da Trapagaranen, kamioi ...
Motor gidari bat hil da Trapagaranen, kamioi baten aurka talka eginda

Biktima, Trapagako 46 urteko ertzain ...
1:12 min.

Biktima, Trapagako 46 urteko ertzain bat, istripua izan den lekuan bertan hil da. Ertzaintza lekukoen bila dabil gertatutakoa argitzeko.

46 urteko motor gidari bat hil da gaur goizaldean Trapagaranen (Bizkaia), BI-745 errepidean, kamioi baten aurka talka eginda. Segurtasun Sailak jakitera eman duenez, ezbeharra 02:20an gertatu da. Motor batek eta kamioi batek talka egin dute, eta motor gidaria larri zauritu da, oraindik argitu gabe dauden arrazoiak direla eta. Osasun zerbitzuko langileak bertaratu dira, baina ezin izan dute ezer egin motor gidariaren bizitza salbatzeko, eta haren heriotza baieztatu dute. Biktima 46 urteko trapagarandar bat da, ertzaina, eta Bilboko Auzitegiko Patologia Zerbitzura eraman dute, autopsia egitera. Kamioilaria, errumaniarra, ospitalera eraman dute, alkohol edota drogaren eraginpean gidatzen ari ote zen zehazteko. Ertzaintza lekukoen bila dabil, eta Bizkaiko Trafiko Unitatearen telefonoa eman du, gertatutakoa argitzen lagundu ahal duenak bertara dei dezan: 94.607.90.34.

47 urteko emakume bat hil dute Madrilen

47 urteko emakume bat hil dute Madrilen...
47 urteko emakume bat hil dute Madrilen

Emakumea etxebizitza bihurtutako loka...
1:20 min.

Emakumea etxebizitza bihurtutako lokal batean aurkitu dute, Tetuanen. Poliziak urruntze agindua bere gain zuen gizon bat atxilotu du, ustezko hiltzaila izatea leporatuta.

47 urteko emakume bat hil dute gaur, ostirala, goizaldean, Madrilgo Tetuan auzoan. Ordu batzuk beranduago, Poliziak gizonezko bat atxilotu du, emakumearen hiltzailea delakoan. Gizonak urruntze agindua zeukan bere gain. Atxilotua Kuban jaiotako 48 bat urteko gizona da, eta larrialdi zerbitzuek emakumearen hilotza aurkitu eta ordu batzuetara atxilotu du Poliziak. Biktima 1974an Paraguayn jaioteko emakumea zen. Larrialdetako zerbitzuek goizaldeko lehen orduan topatu dute hilotza, indarkeria zantzu argiekin. Ostirala hasitakoan, 00:45 aldera, Madrilgo Erkidegoko 112 larrialdietarako telefonoak hainbat dei jaso ditu, Tetuan auzoko Goiri kalean, 11 zenbakiko atarian, hildako bat izan zitekeelakoan, larrialdietarako zerbitzuko iturriek eurek Europa Pressi adierazi diotenez. Hala, SUMMAko kideak bertaratu dira, eta emakumearen heriotza baieztatu besterik ez dute egin. Gorpua etxebizitza bihurtutako lokal batean zegoen, eta indarkeria zantzu argiak zituen. Polizia Nazionalak bere gain hartu du gertatutakoa argitzeko ardura.

Osasun Ministerioak tentsioa kontrolatzeko hainbat botika erretiratu ditu

Osasun Ministerioak tentsioa kontrolatzeko ha...
Osasun Ministerioak tentsioa kontrolatzeko hainbat botika erretiratu ditu

Minbizia eragin dezakeen ezpurutasuna...
0:57 min.

Minbizia eragin dezakeen ezpurutasuna antzeman dute. Hala ere, medikuarekin hitz egin gabe tratamendua ez eteteko aholkatu die Osasun Ministerioak gaixoei.

Espainiako Osasun Ministerioak hipertentsioari aurre egiteko ehun sendagaitik gora erretiratu ditu, minbizia eragin dezakeen ezpurutasuna antzeman ostean. Dena den, medikuarekin hitz egin gabe tratamendua ez etetea aholkatu die Osasun Ministerioak gaixoei. "Valsartan" printzipio aktiboa duten botikak dira merkatutik kendu dituztenak. "Prebentzio" neurri gisa hartu dute erabakia NDMA hauteman ostean. Izan ere, Osasunaren Mundu Erakundearen IARC Minbizia Ikertzeko Nazioarteko Agentziaren arabera, minbizia eragin dezakeen ezpurutasuna da. Kalitate akats baten ondorio izan ei da, eta Europako eta munduko hainbat herrialdeetan gertatu da.

Urpekari bat hil da umeak Thailandiako kobazulotik ateratzeko lanetan

Urpekari bat hil da umeak Thailandiako kobazu...
Urpekari bat hil da umeak Thailandiako kobazulotik ateratzeko lanetan

Itsas Armadako elite taldeko kide ohi...
1:53 min.

Itsas Armadako elite taldeko kide ohia oxigeno barik geratu da umeak dauden ganberatik bueltan zegoela. Horren heriotzak argi utzi du zein zailak izango diren erreskate-lanak, agintarien esanetan.

Thailandiako kobazuloan harrapatuta dauden 12 umeak eta haien entrenatzailea ateratzeko erreskate lanetan ziharduen urpekari bat hil da, itota, agintariek baieztatu dutenez. Biktima Itsas Armadako elite taldeko kide ohia zen, 38 urte zituen.Oxigeno barik geratu zen ostegunean, umeak dauden ganberatik itzultzen ari zela. Hildakoa behin-behineko kanpalekurako bidean zegoen. Umeak hortik 1,7 kilometrora daude. Aire konprimituko bonbonak utzi zituen umeen ganberan, eta itzultzen ari zenean hil zen, oxigeno barik geratu ondoren. Osasun langileak hura suspertzen saiatu ziren, baina ezin izan zuten bere onera ekarri, eta urpekariaren heriotza baieztatu besterik ezin izan zuten egin. Umeak dauden kobazuloko oxigeno maila % 50 murriztu da, agintariek gaur esan dutenez, eta erreserbak handitzea dute orain helburu nagusi. Erreskate taldeak bi aukera aztertzen ari dira umeak ateratzeko: urak hartutako pasabideetatik igaro edo mendian leku bat topatu helikoptero baten laguntzarekin ateratzeko. Umeak argaldu egin dira, baina animatuta eta onik daude. Hamar bat militar ari dira haiek artatzen, mediku bat eta psikologo bat tartean.