Zeinu Hizkuntza kurtsoak

Gazteluetako irakaslearentzat 20 hileko ordezko zigor eskaera egin du fiskalak

Sexu abusuak izan zirela frogatutzat jo badu ere, larrienak egiaztatu ezin izan direla argudiatu du. Ordezko zigor hori ezarriz gero, irakaslea ez litzateke espetxean sartuko.

Leioako ikastetxe pribatuan ikasle bati ustez egindako sexu abusuengatik epaitzen ari dira J.M.S irakasle ohia. Harentzat hiru urteko kartzela zigorra eskatu du fiskalak, gertakariak jazo ziren garaian indarrean zegoen Zigor Kodea kontuan hartuta.

Horrez gain, gaur egun indarrean dagoen Zigor Kodea aplikatuta, ordezko beste zigor eskaera bat ere egin du Fiskaltzak. Epaiak azken eskaera hori kontuan hartuko balu, irakaslea ez litzateke espetxean sartu beharko, bi urte beherakoa baita.

Fiskalak frogatutzat jo du maisuak adingabeari sexu abusu jarraituak egin zizkiola, baina argudiatu du abusu larrienak ezin izan direla egiaztatu.

Akusazio partikularrak 10 urteko kartzela zigorra eskatu du akusatuarentzat, ikaslearengan zuen botereaz baliatuta sexu abusuak egin zizkiola frogatutzat jo baitu. Defentsak absoluzioa eskatu du.

Navalentzako plan publiko-pribatuaren alde egin du Eusko Legebiltzarrak

Ontziola eskuratzeko operazio publiko-pribatua "aztertzeko eta babesteko" txostena abiatzea eskatu dio Legebiltzarrak Eusko Jaurlaritzari.

Eusko Legebiltzarra Sestaoko Naval ontziola eskuratzeko operazio publiko-pribatuaren alde agertu da aho batez; eta, Eusko Jaurlaritzari operazio hori abiatzeko txostena "aztertu eta babestu" dezala eskatu dio. EH Bilduk eta Elkarrekin Podemosek legez besteko proposamena joan den astean Eusko Legebiltzarrean aurkeztu ostean hartu dute erabakia, Sestaoko Naval ontziolaren erreskate publikoa eskatzeko, sektore estrategikoa eta EAEko ekonomiaren sutatzailea dela uste baitute.

Navaleko zuzendaritzak eta konkurtsoko administratzaileak urria bukatu orduko, ontziola ixteko lan-erregulazio txostena aurkeztuko dutela ohartarazi ostean hartu du erabakia Legebiltzarrak. Guztira, 177 langilek egiten dute lan Sestoko ontziolan.

Ontziolaren itxiera saihesteko, Urkulluren Gobernuak bere esku dituen tresna guztiak erabiltzeko eskatu dio Eusko Legebiltzarrak, baita berehalako inbertsio ekonomikoa ere.

Navaleko langileek Legebiltzarreko eztabaida jarraitu dute zuzenean, eta Legebiltzarreko kanpoaldean egin dute elkarretaratzea enpresaren erreskatea eskatzeko; atzo (asteazkena) 3.000 pertsonak Sestaon egindako manifestazioan egin zuten bezala.

Langile bat zauritu da Igorreko zabortegian edukiontzi baten barrura jausi ostean

Hustuketa lanetan zebilen zabor-bilketako kamioiaren gidaria barrura jausi da, argitu gabeko arrazoiak tarteko. Galdakaoko Ospitalera eraman dute.

Langile bat zauritu da gaur Igorreko zabortegian (Bizkaia) edukiontzi baten barrura jausita, Udaleko eta Jaurlaritzako Segurtasun Saileko iturriek eitb.eus-i jakinarazi diotenez.

Iturrion arabera, lan ezbeharra 11:30ean jazo da, Igorreko Urkizu auzoan dagoen zabortegian.

Durangoko Mankomunitateko zabor-bilketako kamioiaren gidaria hustuketa lanetan ari zen, eta argitu gabeko arrazoiak tarteko, edukiontzi barrura jausi da bi metroko altuera batetik.

Foru aldundiek markak hautsiko dituzte aurtengo diru-bilketan

EAEko ogasunek 14.706 milioi euro bilduko dituzte aurten, aurreikusitakoa baino 315,2 milioi (% 2,2) gehiago, Herri-Dirubideen Euskal Kontseiluak jakitera eman duenez.

Aurtengo zerga itunduen araberako diru-bilketaren itxiera-aurreikuspenak 14.706,5 milioi eurokoak dira. 315,2 milioi gehiago dira. 2019an, Zerga itunduen araberako diru bilketaren bilakaera ekonomiaren hedapen horrekin lerrokaturik egotea espero da, eta kalkulatzen da, beraz, foru-aldundiek 15.265,4 milioi euro bilduko dituztela zerga itunduen bidez.

Kalkulu horik gorabehera, Herri-Dirubideen Euskal Kontseilua osatzen duten erakundeek "arretaz" ibiltzeko eskatu dute, nazioarteko ekonomiaren gaineko "mehatxuak" direla eta.

Gasteizen, gaur (osteguna), Herri-Dirubideen Euskal Kontseilua osatzen duten erakundeek (Eusko Jaurlaritza, hiru foru aldundiak eta Eudel) ezagutzera eman dituzte 2018 eta 2019 urteetarako diru-bilketaren inguruko datuak.

Horrela, aurreikusten da foru aldundien diru-bilketa kontsolidatuak 2,2 puntutan gaindituko duela EAEn 2018ko ekitaldirako onartutako aurrekontu-aurreikuspena, Herri-Dirubideen Euskal Kontseiluaren arabera.

Urte arteko inflazioa % 2,1 eta % 2,4 igo da EAEn eta Nafarroan

Besteak beste, garraiobideen garestitzeak ekarri du igoera.

Kontsumorako Prezioen Indizearen (KPI) urte arteko tasa % 2,1 eta % 2,4 hazi da irailean, hurrenez hurren, Euskal Autonomia Erkidegoan (EAE) eta Nafarroan, Espainiako Estatistika Institutuak gaur emandako datuen arabera.

Abuztuko tasarekin alderatuta, berriz, prezioak % 0,1 eta % 0,2 garestitu dira.

Euskadin, honakoak izan dira garestitze handienak: garraiobideak, komunikazioak, hotelak, kafetegi eta jatetxeak, eta edari alkoholdunak eta tabakoa. Nafarroan, etxebizitzaren eta garraiobideen prezioak igo dira gehien.

Espainiako Estatuan, urte arteko tasa % 2,3 hazi da. Igoera horretan argindarraren garestitzeak eragin du, eta neurri txikiagoan, berokuntzarako gasolioarena eta gasarena.

Almeriako zabortegi batean aurkitutako emakumearen ustezko hiltzailea atxilotu dute

Madrilgo Adolfo Suárez aireportuko T-4 terminalean atxilotu dute hilketaren ustezko egilea, Mauritaniara ihes egiteko, hegazkina hartzera zihoanean. Epaileak kartzelan sartzeko agindua eman du.

Guardia Zibilak gizon bat atxilotu du Madrilgo Adolfo Suarez aireportuan bikotekidea hil duelakoan. Hain zuzen ere, Gadorreko (Almeria) zabortegi batean irailaren 27an aurkitutako emakumearen ustezko egilea delakoan atxilotu dute.

30 urteko gizonezkoa Almeriako Epaitegiko epailearen esku utzi dute, eta espetxeratze agindua eman du hark. Hortaz, kartzelara eraman dute, komunikatuta, baina fidantza ordaintzeko aukerarik gabe.

Esan bezala, irailean abiatu zuten hilketaren gaineko ikerketa, Gadorreko birziklatze instalazioetako langile batek gorpua aurkitu eta larrialdi zerbitzuei abisu eman zienean.

900 euroko gutxieneko soldata eta laguntza gehiago, Sanchez eta Iglesiasen itunean

Espainiako Gobernuaren eta Podemos-en arteko akordioak amatasun eta aitatasun baimen parekatuak eta mendekotasun laguntzan hobekuntzak ere barne hartzen ditu.

Lanbide arteko gutxieneko soldata 900 eurora igotzea, etxebizitzaren Estatuko planera diru gehiago bideratzea eta maizterrek babes gehiago izatea eta udalek alokairuaren prezioak arautu ahal izatea dira Espainiako Gobernuak eta Podemos-ek, 2019ko Aurrekontuen harira, gaur adostutako puntuetako batzuk.

Negoziaziotik gertu dauden iturriek jakitera eman dutenez, Gobernuak eta Podemos-ek bilera dute gaur berriro, Moncloan. Hantxe itunduko dituzte, halaber, amatasun eta aitatasun baimen parekatuak eta mendekotasun laguntzan hobekuntzak.

Esan bezala, gutxieneko soldataren igoera izan da hitzartutako gaietako bat. Podemos-ek 1.000 eurora igotzea eskatu zen hasiera batean, Gobernuak, ordea, 850 euroan utzi nahi zuen. Azkenik, erdibidean utzi dute.

Bestalde, 130.000 eurotik gorako soldata jasotzen dutenei pertsona fisikoen errentaren gaineko zerga igoko diote. Kontu horretan ere desadostasunak zituzten Sanchezek eta Iglesiasek hasiera batean. Lehenak 140.000 euroko soldatetan aplikatu nahi zuen igoera. Bigarrenak, berriz, 120.000 eurotik gorako lansarietan.

Era berean, 10 milioi eurotik gorako ondasuna dutenei % 1 igoko diote ondarearen gaineko zerga. Bukatzeko, jokoaren eta online apustuen publizitateari zuzendutako araudi berria onartzea ere adostu dute. Hala, tabakoaren publizitatean hartutako antzeko neurria aplikatuko dute jokoan ere.

Gazteluetako irakaslearentzat 20 hileko ordezko zigor eskaera egin du fiskalak

Gazteluetako irakaslearentzat 20 hileko ordez...
Gazteluetako irakaslearentzat 20 hileko ordezko zigor eskaera egin du fiskalak

Sexu abusuak izan zirela frogatutzat ...
1:44 min.

Sexu abusuak izan zirela frogatutzat jo badu ere, larrienak egiaztatu ezin izan direla argudiatu du. Ordezko zigor hori ezarriz gero, irakaslea ez litzateke espetxean sartuko.

Leioako ikastetxe pribatuan ikasle bati ustez egindako sexu abusuengatik epaitzen ari dira J.M.S irakasle ohia. Harentzat hiru urteko kartzela zigorra eskatu du fiskalak, gertakariak jazo ziren garaian indarrean zegoen Zigor Kodea kontuan hartuta. Horrez gain, gaur egun indarrean dagoen Zigor Kodea aplikatuta, ordezko beste zigor eskaera bat ere egin du Fiskaltzak. Epaiak azken eskaera hori kontuan hartuko balu, irakaslea ez litzateke espetxean sartu beharko, bi urte beherakoa baita. Fiskalak frogatutzat jo du maisuak adingabeari sexu abusu jarraituak egin zizkiola, baina argudiatu du abusu larrienak ezin izan direla egiaztatu. Akusazio partikularrak 10 urteko kartzela zigorra eskatu du akusatuarentzat, ikaslearengan zuen botereaz baliatuta sexu abusuak egin zizkiola frogatutzat jo baitu. Defentsak absoluzioa eskatu du.

2018/10/11

Navalentzako plan publiko-pribatuaren alde egin du Eusko Legebiltzarrak

Navalentzako plan publiko-pribatuaren alde eg...
Navalentzako plan publiko-pribatuaren alde egin du Eusko Legebiltzarrak

Ontziola eskuratzeko operazio publiko...
1:26 min.

Ontziola eskuratzeko operazio publiko-pribatua "aztertzeko eta babesteko" txostena abiatzea eskatu dio Legebiltzarrak Eusko Jaurlaritzari.

Eusko Legebiltzarra Sestaoko Naval ontziola eskuratzeko operazio publiko-pribatuaren alde agertu da aho batez; eta, Eusko Jaurlaritzari operazio hori abiatzeko txostena "aztertu eta babestu" dezala eskatu dio. EH Bilduk eta Elkarrekin Podemosek legez besteko proposamena joan den astean Eusko Legebiltzarrean aurkeztu ostean hartu dute erabakia, Sestaoko Naval ontziolaren erreskate publikoa eskatzeko, sektore estrategikoa eta EAEko ekonomiaren sutatzailea dela uste baitute. Navaleko zuzendaritzak eta konkurtsoko administratzaileak urria bukatu orduko, ontziola ixteko lan-erregulazio txostena aurkeztuko dutela ohartarazi ostean hartu du erabakia Legebiltzarrak. Guztira, 177 langilek egiten dute lan Sestoko ontziolan. Ontziolaren itxiera saihesteko, Urkulluren Gobernuak bere esku dituen tresna guztiak erabiltzeko eskatu dio Eusko Legebiltzarrak, baita berehalako inbertsio ekonomikoa ere. Navaleko langileek Legebiltzarreko eztabaida jarraitu dute zuzenean, eta Legebiltzarreko kanpoaldean egin dute elkarretaratzea enpresaren erreskatea eskatzeko; atzo (asteazkena) 3.000 pertsonak Sestaon egindako manifestazioan egin zuten bezala.

2018/10/11

Langile bat zauritu da Igorreko zabortegian edukiontzi baten barrura jausi ostean

Langile bat zauritu da Igorreko zabortegian e...
Langile bat zauritu da Igorreko zabortegian edukiontzi baten barrura jausi ostean

Hustuketa lanetan zebilen zabor-bilke...
0:37 min.

Hustuketa lanetan zebilen zabor-bilketako kamioiaren gidaria barrura jausi da, argitu gabeko arrazoiak tarteko. Galdakaoko Ospitalera eraman dute.

Langile bat zauritu da gaur Igorreko zabortegian (Bizkaia) edukiontzi baten barrura jausita, Udaleko eta Jaurlaritzako Segurtasun Saileko iturriek eitb.eus-i jakinarazi diotenez. Iturrion arabera, lan ezbeharra 11:30ean jazo da, Igorreko Urkizu auzoan dagoen zabortegian. Durangoko Mankomunitateko zabor-bilketako kamioiaren gidaria hustuketa lanetan ari zen, eta argitu gabeko arrazoiak tarteko, edukiontzi barrura jausi da bi metroko altuera batetik.

2018/10/11

Foru aldundiek markak hautsiko dituzte aurtengo diru-bilketan

Foru aldundiek markak hautsiko dituzte aurten...
Foru aldundiek markak hautsiko dituzte aurtengo diru-bilketan

EAEko ogasunek 14.706 milioi euro bil...
1:14 min.

EAEko ogasunek 14.706 milioi euro bilduko dituzte aurten, aurreikusitakoa baino 315,2 milioi (% 2,2) gehiago, Herri-Dirubideen Euskal Kontseiluak jakitera eman duenez.

Aurtengo zerga itunduen araberako diru-bilketaren itxiera-aurreikuspenak 14.706,5 milioi eurokoak dira. 315,2 milioi gehiago dira. 2019an, Zerga itunduen araberako diru bilketaren bilakaera ekonomiaren hedapen horrekin lerrokaturik egotea espero da, eta kalkulatzen da, beraz, foru-aldundiek 15.265,4 milioi euro bilduko dituztela zerga itunduen bidez. Kalkulu horik gorabehera, Herri-Dirubideen Euskal Kontseilua osatzen duten erakundeek "arretaz" ibiltzeko eskatu dute, nazioarteko ekonomiaren gaineko "mehatxuak" direla eta. Gasteizen, gaur (osteguna), Herri-Dirubideen Euskal Kontseilua osatzen duten erakundeek (Eusko Jaurlaritza, hiru foru aldundiak eta Eudel) ezagutzera eman dituzte 2018 eta 2019 urteetarako diru-bilketaren inguruko datuak. Horrela, aurreikusten da foru aldundien diru-bilketa kontsolidatuak 2,2 puntutan gaindituko duela EAEn 2018ko ekitaldirako onartutako aurrekontu-aurreikuspena, Herri-Dirubideen Euskal Kontseiluaren arabera.

2018/10/11

Urte arteko inflazioa % 2,1 eta % 2,4 igo da EAEn eta Nafarroan

Urte arteko inflazioa % 2,1 eta % 2,4 igo da ...
Urte arteko inflazioa % 2,1 eta % 2,4 igo da EAEn eta Nafarroan

Besteak beste, garraiobideen garestit...
1:04 min.

Besteak beste, garraiobideen garestitzeak ekarri du igoera.

Kontsumorako Prezioen Indizearen (KPI) urte arteko tasa % 2,1 eta % 2,4 hazi da irailean, hurrenez hurren, Euskal Autonomia Erkidegoan (EAE) eta Nafarroan, Espainiako Estatistika Institutuak gaur emandako datuen arabera. Abuztuko tasarekin alderatuta, berriz, prezioak % 0,1 eta % 0,2 garestitu dira. Euskadin, honakoak izan dira garestitze handienak: garraiobideak, komunikazioak, hotelak, kafetegi eta jatetxeak, eta edari alkoholdunak eta tabakoa. Nafarroan, etxebizitzaren eta garraiobideen prezioak igo dira gehien. Espainiako Estatuan, urte arteko tasa % 2,3 hazi da. Igoera horretan argindarraren garestitzeak eragin du, eta neurri txikiagoan, berokuntzarako gasolioarena eta gasarena.

2018/10/11

Almeriako zabortegi batean aurkitutako emakumearen ustezko hiltzailea atxilotu dute

Almeriako zabortegi batean aurkitutako emakum...
Almeriako zabortegi batean aurkitutako emakumearen ustezko hiltzailea atxilotu dute

Madrilgo Adolfo Suárez aireportuko T-...
1:00 min.

Madrilgo Adolfo Suárez aireportuko T-4 terminalean atxilotu dute hilketaren ustezko egilea, Mauritaniara ihes egiteko, hegazkina hartzera zihoanean. Epaileak kartzelan sartzeko agindua eman du.

Guardia Zibilak gizon bat atxilotu du Madrilgo Adolfo Suarez aireportuan bikotekidea hil duelakoan. Hain zuzen ere, Gadorreko (Almeria) zabortegi batean irailaren 27an aurkitutako emakumearen ustezko egilea delakoan atxilotu dute. 30 urteko gizonezkoa Almeriako Epaitegiko epailearen esku utzi dute, eta espetxeratze agindua eman du hark. Hortaz, kartzelara eraman dute, komunikatuta, baina fidantza ordaintzeko aukerarik gabe. Esan bezala, irailean abiatu zuten hilketaren gaineko ikerketa, Gadorreko birziklatze instalazioetako langile batek gorpua aurkitu eta larrialdi zerbitzuei abisu eman zienean.

2018/10/11

900 euroko gutxieneko soldata eta laguntza gehiago, Sanchez eta Iglesiasen itunean

900 euroko gutxieneko soldata eta laguntza ge...
900 euroko gutxieneko soldata eta laguntza gehiago, Sanchez eta Iglesiasen itunean

Espainiako Gobernuaren eta Podemos-en...
1:46 min.

Espainiako Gobernuaren eta Podemos-en arteko akordioak amatasun eta aitatasun baimen parekatuak eta mendekotasun laguntzan hobekuntzak ere barne hartzen ditu.

Lanbide arteko gutxieneko soldata 900 eurora igotzea, etxebizitzaren Estatuko planera diru gehiago bideratzea eta maizterrek babes gehiago izatea eta udalek alokairuaren prezioak arautu ahal izatea dira Espainiako Gobernuak eta Podemos-ek, 2019ko Aurrekontuen harira, gaur adostutako puntuetako batzuk. Negoziaziotik gertu dauden iturriek jakitera eman dutenez, Gobernuak eta Podemos-ek bilera dute gaur berriro, Moncloan. Hantxe itunduko dituzte, halaber, amatasun eta aitatasun baimen parekatuak eta mendekotasun laguntzan hobekuntzak. Esan bezala, gutxieneko soldataren igoera izan da hitzartutako gaietako bat. Podemos-ek 1.000 eurora igotzea eskatu zen hasiera batean, Gobernuak, ordea, 850 euroan utzi nahi zuen. Azkenik, erdibidean utzi dute. Bestalde, 130.000 eurotik gorako soldata jasotzen dutenei pertsona fisikoen errentaren gaineko zerga igoko diote. Kontu horretan ere desadostasunak zituzten Sanchezek eta Iglesiasek hasiera batean. Lehenak 140.000 euroko soldatetan aplikatu nahi zuen igoera. Bigarrenak, berriz, 120.000 eurotik gorako lansarietan. Era berean, 10 milioi eurotik gorako ondasuna dutenei % 1 igoko diote ondarearen gaineko zerga. Bukatzeko, jokoaren eta online apustuen publizitateari zuzendutako araudi berria onartzea ere adostu dute. Hala, tabakoaren publizitatean hartutako antzeko neurria aplikatuko dute jokoan ere.

2018/10/11

Urria 2018
AAAOOLI
1234567
891011121314
15161718192021
22232425262728
293031 
Iraila 2018
AAAOOLI
 12
3456789
10111213141516
17181920212223
24252627282930

        2018-09-28ko bideoen artxiboa

Gizon batek neska bat harrapatu ondoren ihes egin eta kokainan positibo eman du

Gizon batek neska bat harrapatu ondoren ihes ...
Gizon batek neska bat harrapatu ondoren ihes egin eta kokainan positibo eman du

Udaltzaingoak ikerketa abiatu du harr...
1:10 min.

Udaltzaingoak ikerketa abiatu du harrapaketaren nondik norakoak argitzeko.

37 urteko gizon bat atxilotu dute Gasteizen, 12 urteko neska bat ibilgailuarekin harrapatu ondoren ihes egin eta kokainan positibo eman baitu. Gasteizko Udaltzaingoak jakitera eman duenez, gizonak ez zuen zirkulatzeko baimenik. Harrapaketa Blas de Otero eta Donostia kaleen artean gertatu zen atzo (osteguna) 14:30ak aldera. Udaltzaingoak ikerketa abiatu du harrapaketaren nondik norakoak argitzeko. Gizonak neska harrapatu ostean ihes egin zuen, baina Ertzaintzaren laguntzari esker minutu gutxi gerora harrapatu zuten. Udaltzainek egindako droga probetan kokainan positibo eman ondoren. Neska Txagorritxu ospitalera eraman behar izan zuten arin zauritua.

A1 autobidea itxi dute Iruña Okan, Gasteizera bidean, kamioi istripu batengatik

A1 autobidea itxi dute Iruña Okan, Gasteizera...
A1 autobidea itxi dute Iruña Okan, Gasteizera bidean, kamioi istripu batengatik

Ezbeharra izan duten bi kamioiak erre...
1:33 min.

Ezbeharra izan duten bi kamioiak erretiratu bitartean, bypass bat zabaldu dute. Istripuaren ondorioz, bi kamioi gidariak zauritu dira.

A-1 autobidea itxi dute ostiral goizean Iruña Okan, Gasteizera bidean, bi kamioiren arteko istripua izan ondoren, Eusko Jaurlaritzako Segurtasun Sailak jakinarazi duenez. Ezbeharraren ondorioz, auto-ilara luzeak sortu dira. Ezbeharra izan duten bi kamioiak erretiratu bitartean, bypass bat zabaldu dute. Bi kamioi gidariak zauritu dira, horietako bat larri, eta Santiago ospitalera eraman dituzte. Istripua 09:00ak aldera gertatu da. Antza denez, txatarra zeraman kamioi batek enborrak zeramatzan beste bat jo du atzetik, eta egurrak errepidean sakabanatu dira. Larrialdi zerbitzuak aipatuz EFE albiste agentziak zabaldu duen informazioaren arabera, enborrak garraiatzen ari zen kamioiak ezbeharra izan du eta gidaria ibilgailutik jaitsi da. Orduan, atzetik zetorren eta txatarra zeraman kamioiak geldirik zegoen kamioia jo du eta, ondorioz, gidaria harrapatuta gelditu da kabinaren eta errepideko hesiaren artean. Bi femurrak hautsita ditu eta hemorragiak, berriz, hanketan.

Greba eguna dute gaur Gipuzkoako adinekoen egoitzetan, deitutako 17en artean lehena

Greba eguna dute gaur Gipuzkoako adinekoen eg...
Greba eguna dute gaur Gipuzkoako adinekoen egoitzetan, deitutako 17en artean lehena

ELA sindikatuak soldata igotzea eta l...
1:20 min.

ELA sindikatuak soldata igotzea eta lan baldintzak hobetzea eskatu du, baina eskakizunetako batzuk 'ez dira onargarriak', patronalaren ustez. % 50-60ko gutxieneko zerbitzuak ezarri dituzte.

Gipuzkoako adinekoen egoitzetan lan egiten duten 5.000 langileak grebara deituta daude ostiral honetan, lurralde hitzarmen berriaren "benetako negoziazioa" eskatzeko. % 50eko gutxieneko zerbitzuak ezarri dituzte; % 60koak, puntako orduetan. ELA sindikatuak udazken honetarako deitutako 17 lanuzteen artean lehena da gaurkoa. Sindikatuak "lan baldintzak hobetzea" eta soldatak % 3 igotzea (igoera bi urtean aplikatzekoa) eskatu du. ELAren arabera, sektore honetan % 30eko "soldata arrakala" dago. Sindikatu abertzaleak "akordio bakarra eta bi esparruetako (sektore eta enpresa aldi berean) hitzarmen kolektiboen sinadura bakarra" eskatu ditu. Garen patronalaren arabera, "ez da zilegi" enpresa batzuek adostuta dituzten baldintzak oinarri gisa hartzea eta hobekuntzak horietatik abiatuta eskatzea.

Puigdemontek parte hartuko du Gure Esku Dagoren Gernikako ekitaldian

Puigdemontek parte hartuko du Gure Esku Dagor...
Puigdemontek parte hartuko du Gure Esku Dagoren Gernikako ekitaldian

Erabakitzeko eskubidearen aldeko dina...
1:59 min.

Erabakitzeko eskubidearen aldeko dinamikak Kataluniako urriaren 1eko erreferenduma gogoratuko du. Halaber, espetxean edota erbestean dauden buruzagi independentistei elkartasuna adieraziko die.

Kataluniarekiko elkartasunez, Gure Esku Dago erabakitzeko eskubidearen aldeko dinamikak ekitaldia egingo du larunbatean Gernikan. Kataluniako urriaren 1eko erreferenduma gogoratuko dute eta Carles Puigdemontek parte hartuko du, bideo baten bidez. Halaber, Kataluniako eta Euskal Herriko eragile sozial eta politikoetako ordezkariak izango dira Gernikan. Bi astetako sormen eta elkarlan prozesu baten ondoren, Picassoren "Gernika" koadroaren mural erraldoia (100x50) prest dago. Anjel Oiarbide Gure Esku Dagoko bozeramailearen esanetan, "sateliteetatik ikusteko modukoa" izango da "mezua mundu osora iritsi dadin: asmo politikoei erantzuteko tresna eta bide demokratikoak behar ditugu". Larunbatean Gernikara joateko deia egin dute, "euskal herritarron askatasunaren, bakearen eta demokraziaren sinbolo den" herrira, urriaren 1eko erreferenduma gogoratzeko. Erabakitzeko eskubidearen aldeko dinamikak urriaren 1eko erreferendumaren "izaera demokratiko, baketsu eta eredugarria" aldarrikatu nahi du Estatu espainiarraren indarkeriaren eta errepresioaren gainetik. Halaber, preso politikoei, erbesteratuei eta errepresaliatuei eta haien senideei elkartasun osoa adierazi nahi die. Hori guztia ekitaldi politiko eta kultural oso berezi batekin egin nahi du, "uneak eskatzen duen mailako oihartzuna izan dezan elkartasun keinu honek".

Espainiako Estatuaren zor publikoa sekula baino handiagoa da

Espainiako Estatuaren zor publikoa sekula bai...
Espainiako Estatuaren zor publikoa sekula baino handiagoa da

Espainiako Estatuko Administrazio Pub...
1:06 min.

Espainiako Estatuko Administrazio Publikoek 1.163.885 milioi euroko zorra zuten pilatuta ekainaren amaieran, Barne Produktu Gordinaren % 98,1 adina.

Espainiako Estatuko Administrazio Publikoek 1.163.885 milioi euroko zorra zuten pilatuta ekainaren amaieran, Barne Produktu Gordinaren % 98,1 adina. Lehenengo hiruhilekoko errekorra gaindituta, sekula baino handiagoa da zor publikoa. Espainiako bankuak gaur argitara eman dituen datuen arabera, zorraren zati handiena Administrazio Zentralarena da, 1.032.903 milioi euro hain zuzen ere (BPGren % 87,1). Autonomia erkidegoen zorra ere inoizko maila altuenera iritsi zen, 293.246 milioi eurora (BPGren % 24,7), eta udal administrazioena 29.413 milioi eurokoa zen ekainaren amaieran (BPGren % 2,5).