Zeinu Hizkuntza kurtsoak

Gazteluetako irakaslearentzat 20 hileko ordezko zigor eskaera egin du fiskalak

Sexu abusuak izan zirela frogatutzat jo badu ere, larrienak egiaztatu ezin izan direla argudiatu du. Ordezko zigor hori ezarriz gero, irakaslea ez litzateke espetxean sartuko.

Leioako ikastetxe pribatuan ikasle bati ustez egindako sexu abusuengatik epaitzen ari dira J.M.S irakasle ohia. Harentzat hiru urteko kartzela zigorra eskatu du fiskalak, gertakariak jazo ziren garaian indarrean zegoen Zigor Kodea kontuan hartuta.

Horrez gain, gaur egun indarrean dagoen Zigor Kodea aplikatuta, ordezko beste zigor eskaera bat ere egin du Fiskaltzak. Epaiak azken eskaera hori kontuan hartuko balu, irakaslea ez litzateke espetxean sartu beharko, bi urte beherakoa baita.

Fiskalak frogatutzat jo du maisuak adingabeari sexu abusu jarraituak egin zizkiola, baina argudiatu du abusu larrienak ezin izan direla egiaztatu.

Akusazio partikularrak 10 urteko kartzela zigorra eskatu du akusatuarentzat, ikaslearengan zuen botereaz baliatuta sexu abusuak egin zizkiola frogatutzat jo baitu. Defentsak absoluzioa eskatu du.

Navalentzako plan publiko-pribatuaren alde egin du Eusko Legebiltzarrak

Ontziola eskuratzeko operazio publiko-pribatua "aztertzeko eta babesteko" txostena abiatzea eskatu dio Legebiltzarrak Eusko Jaurlaritzari.

Eusko Legebiltzarra Sestaoko Naval ontziola eskuratzeko operazio publiko-pribatuaren alde agertu da aho batez; eta, Eusko Jaurlaritzari operazio hori abiatzeko txostena "aztertu eta babestu" dezala eskatu dio. EH Bilduk eta Elkarrekin Podemosek legez besteko proposamena joan den astean Eusko Legebiltzarrean aurkeztu ostean hartu dute erabakia, Sestaoko Naval ontziolaren erreskate publikoa eskatzeko, sektore estrategikoa eta EAEko ekonomiaren sutatzailea dela uste baitute.

Navaleko zuzendaritzak eta konkurtsoko administratzaileak urria bukatu orduko, ontziola ixteko lan-erregulazio txostena aurkeztuko dutela ohartarazi ostean hartu du erabakia Legebiltzarrak. Guztira, 177 langilek egiten dute lan Sestoko ontziolan.

Ontziolaren itxiera saihesteko, Urkulluren Gobernuak bere esku dituen tresna guztiak erabiltzeko eskatu dio Eusko Legebiltzarrak, baita berehalako inbertsio ekonomikoa ere.

Navaleko langileek Legebiltzarreko eztabaida jarraitu dute zuzenean, eta Legebiltzarreko kanpoaldean egin dute elkarretaratzea enpresaren erreskatea eskatzeko; atzo (asteazkena) 3.000 pertsonak Sestaon egindako manifestazioan egin zuten bezala.

Langile bat zauritu da Igorreko zabortegian edukiontzi baten barrura jausi ostean

Hustuketa lanetan zebilen zabor-bilketako kamioiaren gidaria barrura jausi da, argitu gabeko arrazoiak tarteko. Galdakaoko Ospitalera eraman dute.

Langile bat zauritu da gaur Igorreko zabortegian (Bizkaia) edukiontzi baten barrura jausita, Udaleko eta Jaurlaritzako Segurtasun Saileko iturriek eitb.eus-i jakinarazi diotenez.

Iturrion arabera, lan ezbeharra 11:30ean jazo da, Igorreko Urkizu auzoan dagoen zabortegian.

Durangoko Mankomunitateko zabor-bilketako kamioiaren gidaria hustuketa lanetan ari zen, eta argitu gabeko arrazoiak tarteko, edukiontzi barrura jausi da bi metroko altuera batetik.

Foru aldundiek markak hautsiko dituzte aurtengo diru-bilketan

EAEko ogasunek 14.706 milioi euro bilduko dituzte aurten, aurreikusitakoa baino 315,2 milioi (% 2,2) gehiago, Herri-Dirubideen Euskal Kontseiluak jakitera eman duenez.

Aurtengo zerga itunduen araberako diru-bilketaren itxiera-aurreikuspenak 14.706,5 milioi eurokoak dira. 315,2 milioi gehiago dira. 2019an, Zerga itunduen araberako diru bilketaren bilakaera ekonomiaren hedapen horrekin lerrokaturik egotea espero da, eta kalkulatzen da, beraz, foru-aldundiek 15.265,4 milioi euro bilduko dituztela zerga itunduen bidez.

Kalkulu horik gorabehera, Herri-Dirubideen Euskal Kontseilua osatzen duten erakundeek "arretaz" ibiltzeko eskatu dute, nazioarteko ekonomiaren gaineko "mehatxuak" direla eta.

Gasteizen, gaur (osteguna), Herri-Dirubideen Euskal Kontseilua osatzen duten erakundeek (Eusko Jaurlaritza, hiru foru aldundiak eta Eudel) ezagutzera eman dituzte 2018 eta 2019 urteetarako diru-bilketaren inguruko datuak.

Horrela, aurreikusten da foru aldundien diru-bilketa kontsolidatuak 2,2 puntutan gaindituko duela EAEn 2018ko ekitaldirako onartutako aurrekontu-aurreikuspena, Herri-Dirubideen Euskal Kontseiluaren arabera.

Urte arteko inflazioa % 2,1 eta % 2,4 igo da EAEn eta Nafarroan

Besteak beste, garraiobideen garestitzeak ekarri du igoera.

Kontsumorako Prezioen Indizearen (KPI) urte arteko tasa % 2,1 eta % 2,4 hazi da irailean, hurrenez hurren, Euskal Autonomia Erkidegoan (EAE) eta Nafarroan, Espainiako Estatistika Institutuak gaur emandako datuen arabera.

Abuztuko tasarekin alderatuta, berriz, prezioak % 0,1 eta % 0,2 garestitu dira.

Euskadin, honakoak izan dira garestitze handienak: garraiobideak, komunikazioak, hotelak, kafetegi eta jatetxeak, eta edari alkoholdunak eta tabakoa. Nafarroan, etxebizitzaren eta garraiobideen prezioak igo dira gehien.

Espainiako Estatuan, urte arteko tasa % 2,3 hazi da. Igoera horretan argindarraren garestitzeak eragin du, eta neurri txikiagoan, berokuntzarako gasolioarena eta gasarena.

Almeriako zabortegi batean aurkitutako emakumearen ustezko hiltzailea atxilotu dute

Madrilgo Adolfo Suárez aireportuko T-4 terminalean atxilotu dute hilketaren ustezko egilea, Mauritaniara ihes egiteko, hegazkina hartzera zihoanean. Epaileak kartzelan sartzeko agindua eman du.

Guardia Zibilak gizon bat atxilotu du Madrilgo Adolfo Suarez aireportuan bikotekidea hil duelakoan. Hain zuzen ere, Gadorreko (Almeria) zabortegi batean irailaren 27an aurkitutako emakumearen ustezko egilea delakoan atxilotu dute.

30 urteko gizonezkoa Almeriako Epaitegiko epailearen esku utzi dute, eta espetxeratze agindua eman du hark. Hortaz, kartzelara eraman dute, komunikatuta, baina fidantza ordaintzeko aukerarik gabe.

Esan bezala, irailean abiatu zuten hilketaren gaineko ikerketa, Gadorreko birziklatze instalazioetako langile batek gorpua aurkitu eta larrialdi zerbitzuei abisu eman zienean.

900 euroko gutxieneko soldata eta laguntza gehiago, Sanchez eta Iglesiasen itunean

Espainiako Gobernuaren eta Podemos-en arteko akordioak amatasun eta aitatasun baimen parekatuak eta mendekotasun laguntzan hobekuntzak ere barne hartzen ditu.

Lanbide arteko gutxieneko soldata 900 eurora igotzea, etxebizitzaren Estatuko planera diru gehiago bideratzea eta maizterrek babes gehiago izatea eta udalek alokairuaren prezioak arautu ahal izatea dira Espainiako Gobernuak eta Podemos-ek, 2019ko Aurrekontuen harira, gaur adostutako puntuetako batzuk.

Negoziaziotik gertu dauden iturriek jakitera eman dutenez, Gobernuak eta Podemos-ek bilera dute gaur berriro, Moncloan. Hantxe itunduko dituzte, halaber, amatasun eta aitatasun baimen parekatuak eta mendekotasun laguntzan hobekuntzak.

Esan bezala, gutxieneko soldataren igoera izan da hitzartutako gaietako bat. Podemos-ek 1.000 eurora igotzea eskatu zen hasiera batean, Gobernuak, ordea, 850 euroan utzi nahi zuen. Azkenik, erdibidean utzi dute.

Bestalde, 130.000 eurotik gorako soldata jasotzen dutenei pertsona fisikoen errentaren gaineko zerga igoko diote. Kontu horretan ere desadostasunak zituzten Sanchezek eta Iglesiasek hasiera batean. Lehenak 140.000 euroko soldatetan aplikatu nahi zuen igoera. Bigarrenak, berriz, 120.000 eurotik gorako lansarietan.

Era berean, 10 milioi eurotik gorako ondasuna dutenei % 1 igoko diote ondarearen gaineko zerga. Bukatzeko, jokoaren eta online apustuen publizitateari zuzendutako araudi berria onartzea ere adostu dute. Hala, tabakoaren publizitatean hartutako antzeko neurria aplikatuko dute jokoan ere.

Gazteluetako irakaslearentzat 20 hileko ordezko zigor eskaera egin du fiskalak

Gazteluetako irakaslearentzat 20 hileko ordez...
Gazteluetako irakaslearentzat 20 hileko ordezko zigor eskaera egin du fiskalak

Sexu abusuak izan zirela frogatutzat ...
1:44 min.

Sexu abusuak izan zirela frogatutzat jo badu ere, larrienak egiaztatu ezin izan direla argudiatu du. Ordezko zigor hori ezarriz gero, irakaslea ez litzateke espetxean sartuko.

Leioako ikastetxe pribatuan ikasle bati ustez egindako sexu abusuengatik epaitzen ari dira J.M.S irakasle ohia. Harentzat hiru urteko kartzela zigorra eskatu du fiskalak, gertakariak jazo ziren garaian indarrean zegoen Zigor Kodea kontuan hartuta. Horrez gain, gaur egun indarrean dagoen Zigor Kodea aplikatuta, ordezko beste zigor eskaera bat ere egin du Fiskaltzak. Epaiak azken eskaera hori kontuan hartuko balu, irakaslea ez litzateke espetxean sartu beharko, bi urte beherakoa baita. Fiskalak frogatutzat jo du maisuak adingabeari sexu abusu jarraituak egin zizkiola, baina argudiatu du abusu larrienak ezin izan direla egiaztatu. Akusazio partikularrak 10 urteko kartzela zigorra eskatu du akusatuarentzat, ikaslearengan zuen botereaz baliatuta sexu abusuak egin zizkiola frogatutzat jo baitu. Defentsak absoluzioa eskatu du.

2018/10/11

Navalentzako plan publiko-pribatuaren alde egin du Eusko Legebiltzarrak

Navalentzako plan publiko-pribatuaren alde eg...
Navalentzako plan publiko-pribatuaren alde egin du Eusko Legebiltzarrak

Ontziola eskuratzeko operazio publiko...
1:26 min.

Ontziola eskuratzeko operazio publiko-pribatua "aztertzeko eta babesteko" txostena abiatzea eskatu dio Legebiltzarrak Eusko Jaurlaritzari.

Eusko Legebiltzarra Sestaoko Naval ontziola eskuratzeko operazio publiko-pribatuaren alde agertu da aho batez; eta, Eusko Jaurlaritzari operazio hori abiatzeko txostena "aztertu eta babestu" dezala eskatu dio. EH Bilduk eta Elkarrekin Podemosek legez besteko proposamena joan den astean Eusko Legebiltzarrean aurkeztu ostean hartu dute erabakia, Sestaoko Naval ontziolaren erreskate publikoa eskatzeko, sektore estrategikoa eta EAEko ekonomiaren sutatzailea dela uste baitute. Navaleko zuzendaritzak eta konkurtsoko administratzaileak urria bukatu orduko, ontziola ixteko lan-erregulazio txostena aurkeztuko dutela ohartarazi ostean hartu du erabakia Legebiltzarrak. Guztira, 177 langilek egiten dute lan Sestoko ontziolan. Ontziolaren itxiera saihesteko, Urkulluren Gobernuak bere esku dituen tresna guztiak erabiltzeko eskatu dio Eusko Legebiltzarrak, baita berehalako inbertsio ekonomikoa ere. Navaleko langileek Legebiltzarreko eztabaida jarraitu dute zuzenean, eta Legebiltzarreko kanpoaldean egin dute elkarretaratzea enpresaren erreskatea eskatzeko; atzo (asteazkena) 3.000 pertsonak Sestaon egindako manifestazioan egin zuten bezala.

2018/10/11

Langile bat zauritu da Igorreko zabortegian edukiontzi baten barrura jausi ostean

Langile bat zauritu da Igorreko zabortegian e...
Langile bat zauritu da Igorreko zabortegian edukiontzi baten barrura jausi ostean

Hustuketa lanetan zebilen zabor-bilke...
0:37 min.

Hustuketa lanetan zebilen zabor-bilketako kamioiaren gidaria barrura jausi da, argitu gabeko arrazoiak tarteko. Galdakaoko Ospitalera eraman dute.

Langile bat zauritu da gaur Igorreko zabortegian (Bizkaia) edukiontzi baten barrura jausita, Udaleko eta Jaurlaritzako Segurtasun Saileko iturriek eitb.eus-i jakinarazi diotenez. Iturrion arabera, lan ezbeharra 11:30ean jazo da, Igorreko Urkizu auzoan dagoen zabortegian. Durangoko Mankomunitateko zabor-bilketako kamioiaren gidaria hustuketa lanetan ari zen, eta argitu gabeko arrazoiak tarteko, edukiontzi barrura jausi da bi metroko altuera batetik.

2018/10/11

Foru aldundiek markak hautsiko dituzte aurtengo diru-bilketan

Foru aldundiek markak hautsiko dituzte aurten...
Foru aldundiek markak hautsiko dituzte aurtengo diru-bilketan

EAEko ogasunek 14.706 milioi euro bil...
1:14 min.

EAEko ogasunek 14.706 milioi euro bilduko dituzte aurten, aurreikusitakoa baino 315,2 milioi (% 2,2) gehiago, Herri-Dirubideen Euskal Kontseiluak jakitera eman duenez.

Aurtengo zerga itunduen araberako diru-bilketaren itxiera-aurreikuspenak 14.706,5 milioi eurokoak dira. 315,2 milioi gehiago dira. 2019an, Zerga itunduen araberako diru bilketaren bilakaera ekonomiaren hedapen horrekin lerrokaturik egotea espero da, eta kalkulatzen da, beraz, foru-aldundiek 15.265,4 milioi euro bilduko dituztela zerga itunduen bidez. Kalkulu horik gorabehera, Herri-Dirubideen Euskal Kontseilua osatzen duten erakundeek "arretaz" ibiltzeko eskatu dute, nazioarteko ekonomiaren gaineko "mehatxuak" direla eta. Gasteizen, gaur (osteguna), Herri-Dirubideen Euskal Kontseilua osatzen duten erakundeek (Eusko Jaurlaritza, hiru foru aldundiak eta Eudel) ezagutzera eman dituzte 2018 eta 2019 urteetarako diru-bilketaren inguruko datuak. Horrela, aurreikusten da foru aldundien diru-bilketa kontsolidatuak 2,2 puntutan gaindituko duela EAEn 2018ko ekitaldirako onartutako aurrekontu-aurreikuspena, Herri-Dirubideen Euskal Kontseiluaren arabera.

2018/10/11

Urte arteko inflazioa % 2,1 eta % 2,4 igo da EAEn eta Nafarroan

Urte arteko inflazioa % 2,1 eta % 2,4 igo da ...
Urte arteko inflazioa % 2,1 eta % 2,4 igo da EAEn eta Nafarroan

Besteak beste, garraiobideen garestit...
1:04 min.

Besteak beste, garraiobideen garestitzeak ekarri du igoera.

Kontsumorako Prezioen Indizearen (KPI) urte arteko tasa % 2,1 eta % 2,4 hazi da irailean, hurrenez hurren, Euskal Autonomia Erkidegoan (EAE) eta Nafarroan, Espainiako Estatistika Institutuak gaur emandako datuen arabera. Abuztuko tasarekin alderatuta, berriz, prezioak % 0,1 eta % 0,2 garestitu dira. Euskadin, honakoak izan dira garestitze handienak: garraiobideak, komunikazioak, hotelak, kafetegi eta jatetxeak, eta edari alkoholdunak eta tabakoa. Nafarroan, etxebizitzaren eta garraiobideen prezioak igo dira gehien. Espainiako Estatuan, urte arteko tasa % 2,3 hazi da. Igoera horretan argindarraren garestitzeak eragin du, eta neurri txikiagoan, berokuntzarako gasolioarena eta gasarena.

2018/10/11

Almeriako zabortegi batean aurkitutako emakumearen ustezko hiltzailea atxilotu dute

Almeriako zabortegi batean aurkitutako emakum...
Almeriako zabortegi batean aurkitutako emakumearen ustezko hiltzailea atxilotu dute

Madrilgo Adolfo Suárez aireportuko T-...
1:00 min.

Madrilgo Adolfo Suárez aireportuko T-4 terminalean atxilotu dute hilketaren ustezko egilea, Mauritaniara ihes egiteko, hegazkina hartzera zihoanean. Epaileak kartzelan sartzeko agindua eman du.

Guardia Zibilak gizon bat atxilotu du Madrilgo Adolfo Suarez aireportuan bikotekidea hil duelakoan. Hain zuzen ere, Gadorreko (Almeria) zabortegi batean irailaren 27an aurkitutako emakumearen ustezko egilea delakoan atxilotu dute. 30 urteko gizonezkoa Almeriako Epaitegiko epailearen esku utzi dute, eta espetxeratze agindua eman du hark. Hortaz, kartzelara eraman dute, komunikatuta, baina fidantza ordaintzeko aukerarik gabe. Esan bezala, irailean abiatu zuten hilketaren gaineko ikerketa, Gadorreko birziklatze instalazioetako langile batek gorpua aurkitu eta larrialdi zerbitzuei abisu eman zienean.

2018/10/11

900 euroko gutxieneko soldata eta laguntza gehiago, Sanchez eta Iglesiasen itunean

900 euroko gutxieneko soldata eta laguntza ge...
900 euroko gutxieneko soldata eta laguntza gehiago, Sanchez eta Iglesiasen itunean

Espainiako Gobernuaren eta Podemos-en...
1:46 min.

Espainiako Gobernuaren eta Podemos-en arteko akordioak amatasun eta aitatasun baimen parekatuak eta mendekotasun laguntzan hobekuntzak ere barne hartzen ditu.

Lanbide arteko gutxieneko soldata 900 eurora igotzea, etxebizitzaren Estatuko planera diru gehiago bideratzea eta maizterrek babes gehiago izatea eta udalek alokairuaren prezioak arautu ahal izatea dira Espainiako Gobernuak eta Podemos-ek, 2019ko Aurrekontuen harira, gaur adostutako puntuetako batzuk. Negoziaziotik gertu dauden iturriek jakitera eman dutenez, Gobernuak eta Podemos-ek bilera dute gaur berriro, Moncloan. Hantxe itunduko dituzte, halaber, amatasun eta aitatasun baimen parekatuak eta mendekotasun laguntzan hobekuntzak. Esan bezala, gutxieneko soldataren igoera izan da hitzartutako gaietako bat. Podemos-ek 1.000 eurora igotzea eskatu zen hasiera batean, Gobernuak, ordea, 850 euroan utzi nahi zuen. Azkenik, erdibidean utzi dute. Bestalde, 130.000 eurotik gorako soldata jasotzen dutenei pertsona fisikoen errentaren gaineko zerga igoko diote. Kontu horretan ere desadostasunak zituzten Sanchezek eta Iglesiasek hasiera batean. Lehenak 140.000 euroko soldatetan aplikatu nahi zuen igoera. Bigarrenak, berriz, 120.000 eurotik gorako lansarietan. Era berean, 10 milioi eurotik gorako ondasuna dutenei % 1 igoko diote ondarearen gaineko zerga. Bukatzeko, jokoaren eta online apustuen publizitateari zuzendutako araudi berria onartzea ere adostu dute. Hala, tabakoaren publizitatean hartutako antzeko neurria aplikatuko dute jokoan ere.

2018/10/11

Urria 2018
AAAOOLI
1234567
891011121314
15161718192021
22232425262728
293031 
Iraila 2018
AAAOOLI
 12
3456789
10111213141516
17181920212223
24252627282930

        2018-10-04ko bideoen artxiboa

Egun historikoa euskal politikan, herritar batek Legebiltzarrean hitza hartu ostean

Egun historikoa euskal politikan, herritar ba...
Egun historikoa euskal politikan, herritar batek Legebiltzarrean hitza hartu ostean

Hamabost minutuko tartea izan du Sabi...
1:37 min.

Hamabost minutuko tartea izan du Sabin Zubiri Zubiak Eraikiz plataformako bozeramaileak hezkuntza inklusiboago baten aldeko legegintzako herri-ekimena aurkezteko eta babesteko.

Herritar batek Legebiltzarrean hitza hartzen duen aurreneko aldia izan da gaurkoa. Sabin Zubiri Zubiak Eraikiz plataformako bozeramailea izan da, hain zuzen, osoko bilkura batean parte hartu duen lehenengo herritarra, 2016an onartutako Herri Ekimen Lege berriari esker. Hamabost minutuko tartea izan du Zubirik hezkuntza inklusiboago baten aldeko legegintzako herri-ekimena aurkezteko eta babesteko. Horrek hezkuntza sistemaren kohesioa eta berdintasuna bultzatzea du helburu. Horretarako, besteak beste, atzerritik iritsitako ikasleak ikastetxe publiko eta itunpekoen artean hobeto banatzea planteatu du, segregazioarekin amaitzeko, gehien bat. Izan ere, euskal ikasleriaren erdia ikastetxe publikoetan dago matrikulatuta, eta beste erdia, berriz, pribatuetan. Nolanahi dela, bekadunak, etorkizunak, heziketa berezia behar duten ikasleak, errepikatzaileak eta maila sozioekonomiko baxuko haurrak publikoan batzen dira, bereziki.

Abian da Gazteluetako irakasle ohi baten aurkako epaiketa ustezko sexu-abusuengatik

Abian da Gazteluetako irakasle ohi baten aurk...
Abian da Gazteluetako irakasle ohi baten aurkako epaiketa ustezko sexu-abusuengatik

Ikasle baten gurasoek semea sexu-abus...
1:47 min.

Ikasle baten gurasoek semea sexu-abusuak jasaten ari zela salatu zuten, eta itxaropentsu agertu dira, epaiketak bakoitza bere lekuan jarriko duelakoan.

Ostegun honetan hasi da, Bizkaiko Justizia Auzitegian, Opus Deik Leioan duen Gaztelueta ikastetxeko J.M.M. irakasle ohiaren aurkako epaiketa. Duela hamar urte ikasle bati sexu-abusuak egin izana leporatzen diote akusatuari, biktimak 12 eta 13 urte zituenean. Aipatu ikastetxeko ikaslearen gurasoek semea sexu-abusuak jasaten ari zela salatu zuten, eta itxaropentsu agertu dira orain, epaiketak bakoitza bere lekuan jarriko duela iritzita, horrek biktimari mesede egingo diola uste baitute. Leticia de la Hoz akusazio partikularraren abokatuak, bere aldetik, 10 urteko espetxe-zigorra eskatu du irakasle ohiarentzat, eta nabarmendu du biktimarentzat oso gogorra izango dela ahozko epaiketara joatea, irakaslearekin topo egin eta duela urte batzuk bizitakoa gogoratu eta azaldu beharko duelako. Alabaina, familiak eta biktimak egia esan, eta horrekin J.M.M. zigortzea lortuko dutela ziurtatu du. Horretarako, adituen txostenez eta lekukoen adierazpenez baliatuko dira. Akusazio partikularrak biktimaren ikaskide ohiak deituko ditu deklaratzera, irakasleak izandako jokabidea argitze aldera.

Navaleko enpresa batzordea Industria ministroarekin bilduko da, Madrilen

Navaleko enpresa batzordea Industria ministro...
Navaleko enpresa batzordea Industria ministroarekin bilduko da, Madrilen

Ostegun honetan egingo duten bileran,...
2:26 min.

Ostegun honetan egingo duten bileran, langileen ordezkariek Sestaoko ontziola "babesteko" eskatuko diote Espainiako Gobernuari.

Navaleko enpresa batzordeak bilera du gaur, Madrilen, Reyes Maroto Industria, Merkataritza eta Turismo ministroarekin. Bertan, likidazio prozesuan dagoen Bizkaiko aipatu ontziolari "babesa emateko" eskatuko diote Espainiako Gobernuari. Gainera, batzordeak uste du Gobernuak eta Jaurlaritzak berma dezaketela Van Oord armadoreak Alexia ontzia Sestaon eraikitzea. Asteartean, batzarra izan zuten ontziolan, eta enpresa batzordeak hurrengo asteetan egingo dituzten ekintzen berri eman zien langileei. Atzo, berriz, EH Bilduko ordezkariekin, besteak beste, Arnaldo Otegi koordinatzaile nagusiarekin, bildu ziren, baita Josu Bergara (EAJ) Sestaoko alkatearekin ere. Esan bezala, Madrilen dute gaurko hitzordua. Lehenik eta behin, 13:00etan, Diputatuen Kongresuan Podemoseko ordezkariekin batuko dira. Geroago, 15:45 aldera, Reyes Marotorekin egingo dute bilera, Ministerioan. Bestalde, langileak Legebiltzarrera joango dira, kontrolerako saioa dela eta. Bertan, EH Bilduk, Podemosek eta PPk ontziolaren egoeraz galdetuko diote Arantxa Tapia Eusko Jaurlaritzako Ekonomiaren Garapen eta Azpiegituretako sailburuari. Azkenik, urriaren 10ean, Navaleko hartzekodunen konkurtsoaren urteurren egunean, langileek manifestazioa egingo dute, 18:30etik aurrera, ontziolatik hasita Sestaoko udaletxeraino.

Epaile batek tratu txarren biktima bat iraindu du Madrilen

Epaile batek tratu txarren biktima bat iraind...
Epaile batek tratu txarren biktima bat iraindu du Madrilen

Emakumeak kexa aurkeztu du Botere Jud...
2:36 min.

Emakumeak kexa aurkeztu du Botere Judizialaren Kontseilu Nagusiaren aurrean. Epaitegiko judizio-aretoan grabatutako bideo batean entzun daitekeenez, 'putakumea' eta 'maltzurra' deitzen dio epaileak

Indarkeria matxistaren biktima batek haren auzia ikertzen ari den Madrilgo epailea salatu du, judizio-aretoan grabatutako bideo batean emakumearen kontra botatako irainengatik. Grabazioa entzun daitekeenez, "putakumea" eta "maltzurra" deitzen dio. Emakumeak kexa-idazkia aurkeztu du Botere Judizialaren Kontseilu Nagusiaren aurrean, eta horrek izapide informatiboak abiatu ditu ostegun honetan. Francisco Javier Martinez Derqui Madrilgo Genero Indarkeriako 7. zenbakiko epaileari inpartzialtasun falta, etsaitasuna eta prebarikazioa egozten dizkio emakumeak, eta errekusatzea eskatu du. Epailea emakumearen dibortzioko demanda (bi seme-alaben jagotea tartean) eta tratu txarren bi salaketak ikertzen ari da. Bikotekidea mehatxuengatik eta tratu txar psikologikoak emateagatik salatu zuen emakumeak, eta Poliziak muturreko arriskuan zegoela ebatzi zuen. Dibortzioko demandaren saioa behin amaituta, epaitegiko judizio-aretoaren grabazio ofizialean entzun daitekeenez, epaileak "putakumea" eta "maltzurra" deitzen dio emakumeari, eta honakoa eransten du: "Ikusiko duzu nolako disgustua hartuko duen seme-alabak aitari eman behar dizkiola jakiten duenean, gauean 'Salvame' telebista programan egongo da ni larrutzen". Bideoa SER irrati kateak atera du. Izatez, kamerak grabatzeari utzi behar zion auzi-saioa amaitzerakoan, baina nonbait ahaztu egin zitzaien gelditza. Elkarrizketan fiskalak eta Justizia Administrazioaren abokatuak ere parte hartzen dute. Hirurak barre artean mintzatzen dira auziaz, eta biktima epaiketan ez egoteko arrazoiak zalantzan jartzen dituzte —babes-agindua kentzen ziotela jakitean, larritasun krisia eduki zuen emakumeak, eta Madrilgo Printzesa ospitaleko larrialdietara eraman behar izan zuten—. Abokatuak dioenez, "dena emakumeak prestatutako amarru bat dirudi", eta epaileak erantzuten du: "Bai, a zer nolako putakumea".

Trump eta Puigdemont, 2018ko Bakearen Nobel saria irabazteko faboritoen artean

Trump eta Puigdemont, 2018ko Bakearen Nobel s...
Trump eta Puigdemont, 2018ko Bakearen Nobel saria irabazteko faboritoen artean

Zerrenda horretan ere, Kim Jong-un ed...
2:41 min.

Zerrenda horretan ere, Kim Jong-un edo Frantzisko aita santua daude, "Time" aldizkariak jakitera eman duenez. Sariaren irabazlea ostiral honetan emango da ezagutzera.

Time AEBko aldizkariak Donald Trump presidente estatubatuarra eta Carles Puigdemont Kataluniako presidente ohia sartu ditu 2018ko Bakearen Nobel saria irabazteko faboritoen zerrendan. Sariaren irabazlea ostiral honetan emango da ezagutzera. Golardoetarako izendatuak publikoki ezagutzera ematen ez badira ere, Nobel sarietan adituak direnek beren iragarpenak egiten dituzte eta aldizkariak aurreikuspen horiek hartzen ditu saria ustez jaso dezaketenen zerrenda osatzeko. Trumpen kasuan, 18 legegile errepublikanok gutun bat idatzi zioten maiatzean Nobel sarietako batzordeari, Ipar Koreako gudarekin amaitzeko eta Koreako penintsularen desnuklearizazioa lortzeko presidenteak egindako lanagatik izendatu zezaten. Puigdemont, berriz, Ladbrokes apustu enpresaren zerrendako gogokoenen artean dago, 2017ko urriaren 1ean Kataluniako independentziaren harira egindako legez kanpoko erreferendumaren antolaketan izan zuen arduragatik, Time aldizkariak jasotakoaren arabera. Zerrenda horretan, halaber, Kim Jong-un Ipar Koreako burua dago; baita, Moon Jae-in Hego Koreako presidentea; NBEko Errefuxiatu Agentziako (ACNUR) goi mandataria; Frantzisko aita santua; Raif Badawi blogari saudiarabiarra; eta, Askatasun Zibiletarako Amerikako Batasuna. Aurtengo Nobel sarietan 331 izendatu daude: 216 lagun eta 115 talde. Historian izandako bigarren izendatu kopuru handiena da, 2016an izan baitzen handiena.