Zeinu Hizkuntza kurtsoak

Adin txikiko batek bigarren aldiz egin du ihes Zumarragako zentrotik

Martxoaren 2an egin zuen ihes eta egun batzuk gero atxilotu zuten, Getxon adineko emakume bati indarkeriaz lapurtzea egotzita.

17 urteko mutil batek bigarren aldiz egin du ihes Zumarragako adin txikikoen zentrotik, Justizia Saialak jakinarazi duenez.

Gertakariak joan den igandean jazo ziren. Ihesaldian hezitzaile bati eraso egin zion. Beste gazte bat ere saiatu zen ihes egiten, baina harrapatu egin zuten.

Martxoaren 2an, 18 urteko beste bi lagunekin batera egin zuen ihes, baina handik egun batzuetara atzeman zituzten hirurak.

17 urteko mutila apirilaren 2an atxilotu zuten Portugaleten eta berriro eraman zuten Zumarragako zentrora. Martxoaren 21ean, Getxon, 78 urteko emakume bati indarkeriaz egindako lapurretan parte hartu izana leporatzen diote.

Bestalde, zentroko hezitzaileak salaketa jarri du Ertzaintzan.

Hondarribira arrantza egitera joan zen gaztea bilatzeko lanei ekin diete berriro

29 urteko nafarra kainaberarekin arrantza egitera joan zen Jaizkibel ingurura astelehenean eta ordutik falta da. Ertzaintzak haren autoa aurkitu zuen Justiz inguruan.

Erreskate taldeek gaur goizean ekin diete berriroastelehenean Hondarribira, Jaizkibel ingurura, kainaberarekin arrantza egitera joan eta ordutik falta den gazte nafarra bilatzeko lanei, Eusko Jaurlaritzako Segurtasun Sailak jakinarazi duenez.

Gurutze Gorria, Ertzaintza, Itsas Salbamendua, Gipuzkoako Foru Aldundiko suhiltzaileak eta helikoptero bat ari dira haren bila, 08:30ean hasita.

Atzo, Pasaiatik Hondarribira doan eremua arakatu zuten, lurrez zein itsasoz. Ertzaintzak gazte nafarraren ibilgailua topatu zuen Justiz inguruan.

Kanaberarekin arrantza egitera joan zen Jaizkibel ingurura astelehenean, eta gauean etxera itzultzen ez zela ikusita, atzo goizean jarri zuten salaketa haren gertukoek. 29 urteko gizona da falta dena, Legasakoa.

Bilboko Aireportuko pasareletako langileak, greba mugagabean gaurtik hasita

CSIF sindikatuak deituta, pasareletako 13 beharginek greba abiatu dute baldintzak hobetzea eskatzeko, lanean eman dituzten 15 urteetan lehen aldiz. Oraingoz, lanuzteak ez du trabarik eragin.

CSIF sindikatuak deituta, Bilboko Aireportuko 'finger' edo pasareletako 13 langileek greba mugagabea abiatu dute gaur, % 5eko soldata igoera eta lan baldintza eta instalazioak hobetzea eskatzeko.

Lanuzteak Aste Santuko oporren hasierarekin bat egiten du, hegaldi kopurua nabarmen hazten den garai batekin, alegia. Bidaiariak hegazkinetara eramateko erabiltzen diren tunel edo pasarelak garraiatzeaz eta mantentzeaz arduratzen dira langileok.

Gorka Bermejo beharginon ordezkariak eitb.eus-i jakinarazi dionez, litekeena da grebaren ondorioz "hegaldiak atzeratzea edo bertan behera uztea", pasarelarik ez dagoenez, bidaiariak autobusez mugitu behar direlako, eta "Loiuko aireportuan ez dago hainbeste hegazkini zerbitzua emateko bitartekorik".

AENAko iturriek jakinarazi digutenez, "oraingoz, grebak ez du aparteko eraginik izan aireportuaren funtzionamenduan".

Gasteizko Mercedes lantegiak 4.000 ibilgailu gutxiago ekoitziko ditu aurten

2019an iragarritako bigarren produkzio jaitsiera da. Orotara, 148.000 ibilgailu ekoitziko dituzte Gasteizko lantegian.

Gasteizko Mercedes lantegiak aurreikusi baino 4.000 ibilgailu gutxiago ekoitziko ditu aurten, guztira 148.000 ibilgailuekoitziko baititu. Horrez gain, zuzendaritzak udako oporrak aldaraziko dizkie langileei eta udan ez du ikaslerik kontratatuko.

2019an iragarritako bigarren produkzio jaitsiera da. Izan ere, 2.000 ibilgailu gutxiago ekoitziko zituela aurreratu zuen zuzendaritzak, 2019an guztira 152.000 ekoitziko zituztela iragarrita.

Produkzio jaitsieraz gain, udako oporretako aldaketak jakinarazi dizkio zuzendaritzak enpresa batzordeari. Aurten, lau aste izango dituzte jarraian: abuztuaren 4tik irailaren 1era bitartean. Horrez gain, langile bakoitzak beste astebete izan ohi du hartzeko. Mercedes Euskal Autonomia Erkidegoko (EAE) enpresarik handiena da, 5.400 langile baititu.

Konpainiaren esanetan, dieselaren inguruan sortutako ziurgabetasunak eragin du produkzioaren jaitsiera. Gasteizen ekoizten dituzten ibilgailuen % 85ek diesel-motorra dute.

Zeinuk oporrak hartuko ditu

Aste Santua dela eta Zeinu TVk agur esango du apirilaren 25ra arte

Zeinu TVk oporrak hartuko ditu, baina apirilaren 25an, osteguna, berriz ere hemen izango gaituzue. Besterik gabe, ondo pasa oporretan eta kotxez joateko asmoa badaukazue kontuz ibili errepidean.

Ondo pasa oporretan eta ikus arte!

Adin txikiko batek bigarren aldiz egin du ihes Zumarragako zentrotik

Adin txikiko batek bigarren aldiz egin du ihe...
Adin txikiko batek bigarren aldiz egin du ihes Zumarragako zentrotik

Martxoaren 2an egin zuen ihes eta egu...
1:28 min.

Martxoaren 2an egin zuen ihes eta egun batzuk gero atxilotu zuten, Getxon adineko emakume bati indarkeriaz lapurtzea egotzita.

17 urteko mutil batek bigarren aldiz egin du ihes Zumarragako adin txikikoen zentrotik, Justizia Saialak jakinarazi duenez. Gertakariak joan den igandean jazo ziren. Ihesaldian hezitzaile bati eraso egin zion. Beste gazte bat ere saiatu zen ihes egiten, baina harrapatu egin zuten. Martxoaren 2an, 18 urteko beste bi lagunekin batera egin zuen ihes, baina handik egun batzuetara atzeman zituzten hirurak. 17 urteko mutila apirilaren 2an atxilotu zuten Portugaleten eta berriro eraman zuten Zumarragako zentrora. Martxoaren 21ean, Getxon, 78 urteko emakume bati indarkeriaz egindako lapurretan parte hartu izana leporatzen diote. Bestalde, zentroko hezitzaileak salaketa jarri du Ertzaintzan.

2019/04/17

Hondarribira arrantza egitera joan zen gaztea bilatzeko lanei ekin diete berriro

Hondarribira arrantza egitera joan zen gaztea...
Hondarribira arrantza egitera joan zen gaztea bilatzeko lanei ekin diete berriro

29 urteko nafarra kainaberarekin arra...
1:06 min.

29 urteko nafarra kainaberarekin arrantza egitera joan zen Jaizkibel ingurura astelehenean eta ordutik falta da. Ertzaintzak haren autoa aurkitu zuen Justiz inguruan.

Erreskate taldeek gaur goizean ekin diete berriroastelehenean Hondarribira, Jaizkibel ingurura, kainaberarekin arrantza egitera joan eta ordutik falta den gazte nafarra bilatzeko lanei, Eusko Jaurlaritzako Segurtasun Sailak jakinarazi duenez. Gurutze Gorria, Ertzaintza, Itsas Salbamendua, Gipuzkoako Foru Aldundiko suhiltzaileak eta helikoptero bat ari dira haren bila, 08:30ean hasita. Atzo, Pasaiatik Hondarribira doan eremua arakatu zuten, lurrez zein itsasoz. Ertzaintzak gazte nafarraren ibilgailua topatu zuen Justiz inguruan. Kanaberarekin arrantza egitera joan zen Jaizkibel ingurura astelehenean, eta gauean etxera itzultzen ez zela ikusita, atzo goizean jarri zuten salaketa haren gertukoek. 29 urteko gizona da falta dena, Legasakoa.

2019/04/17

Bilboko Aireportuko pasareletako langileak, greba mugagabean gaurtik hasita

Bilboko Aireportuko pasareletako langileak, g...
Bilboko Aireportuko pasareletako langileak, greba mugagabean gaurtik hasita

CSIF sindikatuak deituta, pasareletak...
1:10 min.

CSIF sindikatuak deituta, pasareletako 13 beharginek greba abiatu dute baldintzak hobetzea eskatzeko, lanean eman dituzten 15 urteetan lehen aldiz. Oraingoz, lanuzteak ez du trabarik eragin.

CSIF sindikatuak deituta, Bilboko Aireportuko 'finger' edo pasareletako 13 langileek greba mugagabea abiatu dute gaur, % 5eko soldata igoera eta lan baldintza eta instalazioak hobetzea eskatzeko. Lanuzteak Aste Santuko oporren hasierarekin bat egiten du, hegaldi kopurua nabarmen hazten den garai batekin, alegia. Bidaiariak hegazkinetara eramateko erabiltzen diren tunel edo pasarelak garraiatzeaz eta mantentzeaz arduratzen dira langileok. Gorka Bermejo beharginon ordezkariak eitb.eus-i jakinarazi dionez, litekeena da grebaren ondorioz "hegaldiak atzeratzea edo bertan behera uztea", pasarelarik ez dagoenez, bidaiariak autobusez mugitu behar direlako, eta "Loiuko aireportuan ez dago hainbeste hegazkini zerbitzua emateko bitartekorik". AENAko iturriek jakinarazi digutenez, "oraingoz, grebak ez du aparteko eraginik izan aireportuaren funtzionamenduan".

2019/04/17

Gasteizko Mercedes lantegiak 4.000 ibilgailu gutxiago ekoitziko ditu aurten

Gasteizko Mercedes lantegiak 4.000 ibilgailu ...
Gasteizko Mercedes lantegiak 4.000 ibilgailu gutxiago ekoitziko ditu aurten

2019an iragarritako bigarren produkzi...
1:34 min.

2019an iragarritako bigarren produkzio jaitsiera da. Orotara, 148.000 ibilgailu ekoitziko dituzte Gasteizko lantegian.

Gasteizko Mercedes lantegiak aurreikusi baino 4.000 ibilgailu gutxiago ekoitziko ditu aurten, guztira 148.000 ibilgailuekoitziko baititu. Horrez gain, zuzendaritzak udako oporrak aldaraziko dizkie langileei eta udan ez du ikaslerik kontratatuko. 2019an iragarritako bigarren produkzio jaitsiera da. Izan ere, 2.000 ibilgailu gutxiago ekoitziko zituela aurreratu zuen zuzendaritzak, 2019an guztira 152.000 ekoitziko zituztela iragarrita. Produkzio jaitsieraz gain, udako oporretako aldaketak jakinarazi dizkio zuzendaritzak enpresa batzordeari. Aurten, lau aste izango dituzte jarraian: abuztuaren 4tik irailaren 1era bitartean. Horrez gain, langile bakoitzak beste astebete izan ohi du hartzeko. Mercedes Euskal Autonomia Erkidegoko (EAE) enpresarik handiena da, 5.400 langile baititu. Konpainiaren esanetan, dieselaren inguruan sortutako ziurgabetasunak eragin du produkzioaren jaitsiera. Gasteizen ekoizten dituzten ibilgailuen % 85ek diesel-motorra dute.

2019/04/17

Zeinuk oporrak hartuko ditu

Zeinuk oporrak hartuko ditu ...
Zeinuk oporrak hartuko ditu

Aste Santua dela eta Zeinu TVk agur e...
0:23 min.

Aste Santua dela eta Zeinu TVk agur esango du apirilaren 25ra arte

Zeinu TVk oporrak hartuko ditu, baina apirilaren 25an, osteguna, berriz ere hemen izango gaituzue. Besterik gabe, ondo pasa oporretan eta kotxez joateko asmoa badaukazue kontuz ibili errepidean. Ondo pasa oporretan eta ikus arte!

2019/04/17

Apirila 2019
AAAOOLI
1234567
891011121314
15161718192021
22232425262728
2930 
Martxoa 2019
AAAOOLI
 123
45678910
11121314151617
18192021222324
25262728293031

        2019-03-22ko bideoen artxiboa

Bentzeno isuriak murrizteko agindu die Jaurlaritzak Durangoko bi enpresari

Bentzeno isuriak murrizteko agindu die Jaurla...
Bentzeno isuriak murrizteko agindu die Jaurlaritzak Durangoko bi enpresari

Exekutiboak hilabeteko epea eman die ...
1:24 min.

Exekutiboak hilabeteko epea eman die emisioak jaisteko. Legezko mugatik behera egon diren arren, denboran mantendu direla nabarmendu du Jaurlaritzak.

Eusko Jaurlaritzak errekerimendua helarazi die Durangoko (Bizkaia) bi galdategiri euren ekoizpen prozesuan bentzeno isuriak murritz ditzaten, eta hilabeteko epea eman die kopuruok zuzentzeko. Exekutiboak ohar batean adierazi duenez, emisiook "legezko mugatik behera daude, baina denboran mantendu dira". Hala, "herritarren osasuna babesteko neurriak indartzeko" hautua egin du Jaurlaritzak. Durangoko aire kalitatea kontrolatzeko kanpaina batean atzeman zituzten konposatu horren arrastoak. Durangoko Udalari gaur jakinarazi zaio, eta Jaurlaritzak ez du zehaztu zein enpresari agindu dion errekerimendua. Ingurumen Saileko teknikariek "bentzeno arrastoak" atzeman zituzten Durangoko airean. Herriko jarduera industrialak kontuan hartuta, ez zen ulergarria hidrokarburo lurrunkor hori atzematea, eta hori dela eta, ikerketa sakonagoa egin zuten. Gerora egiaztatu ahal izan zutenez, herriko bi galdategik botatzen zuten konposatua. Enpresok, berez, ez zuten gai hori erabiltzen, baina ekoizpen fasean sortzen zutela baieztatu ahal izan dute teknikariek. Hidrokarburo horren eraginpean egotea "oso arriskutsua da", Jaurlaritzak gogorarazi duenez.

Datozen egunetan ere, ez da aurreikusten fuel olio orbana euskal kostaldera heltzea

Datozen egunetan ere, ez da aurreikusten fuel...
Datozen egunetan ere, ez da aurreikusten fuel olio orbana euskal kostaldera heltzea

Dena dela, orbanaren bilakaera jarrai...
0:59 min.

Dena dela, orbanaren bilakaera jarraitzen du Eusko Jaurlaritzaren Segurtasun Sailak, badaezpada.

Aurreko egunetan bezala, datozenetan ere arriskutik kanpolegoke euskal kostaldea. Duela astebete pasatxo, martxoaren 12an, Frantziako kostaldetik 300 bat kilometrora hondoratu zen Grande America karga itsasontzia, eta fuel olio orban handia eragin zuen. Ordutik egoera gertutik jarraitzen ari da Eusko Jaurlaritzako Segurtasun Saila. Azken datuen arabera, "ez da aurreikusten euskal kostalderako eraginik", SOS Deiak bere Twitter kontuan gaur azaldu duenez. Larrialdiei Aurre Egiteko Zuzendaritzak txio berean erantsi du Segurtasun Sailak orbanaren bilakaera zaintzen jarraituko duela, badaezpada.

Euskalmetek meteorologia abisuak Nahieran jasotzeko zerbitzua jarri du abian

Euskalmetek meteorologia abisuak Nahieran jas...
Euskalmetek meteorologia abisuak Nahieran jasotzeko zerbitzua jarri du abian

Informazio-erreminta berriak baldintz...
1:34 min.

Informazio-erreminta berriak baldintza meteorologiko txarren aurreikuspenei buruzko datu zehatzak emango dizkio nahi duenari eta dohainik posta elektronikoaren bidez.

Euskalmet – Euskal Meteorologia Agentziak Segurtasun Sailaren meteorologia abisuak Nahieran jasotzeko zerbitzua aurkeztu du ostegun honetan. Orain arte, baldintza meteorologiko txarren ondorioz Segurtasun Sailak aktibatzen zituen oharrak prebentzio-lanetan inplikatutako organismoei eta erakundeei bakarrik bidaltzen zitzaizkien mezu elektronikoen eta SMS bidez. Larrialdiei Aurre Egiteko eta Meteorologiako Zuzendaritzak 2018an bakarrik 37.412 SMS eta 302.251 mezu elektroniko bidali zituen. Informazio-sistema instituzional horrek aurrerantzean ere bere horretan jarraituko du, baina hemendik aurrera, eta "Eskatu ahalako jakinarazpenak" sistema berriari esker, edozein pertsonak jaso ahal izango ditu ohar horiek bere helbide elektronikoan. Horretarako, alta hartu beharko du SOS-Deiak zerbitzuaren webgunean, eta aldez aurretik aukeratu beharko du EAEko zein eremu geografikori/ei buruzko informazioa nahi duen eta ze fenomeno interesatzen zaion. Zerbitzu berri horretan alta hartzen dutenek, mezu elektronikoak jasoko dituzte abisuak aktibatzen diren bakoitzean: abisu horiak (ez dago arriskurik biztanleria orokorrarentzat, baina bai jarduera jakin batzuentzat), alerta laranjak (arrisku meteorologiko esanguratsua dago) eta alarma gorriak (arriskua handia da ohikoak ez diren eta ezohiko intentsitatea duten fenomenoen inpaktuagatik).

Hasi da zerbitzua ematen erabat elektrikoa den Iruñerriko autobusen lehenengo linea

Hasi da zerbitzua ematen erabat elektrikoa de...
Hasi da zerbitzua ematen erabat elektrikoa den Iruñerriko autobusen lehenengo linea

Autobusek ez dute erregai gisa gasoli...
1:35 min.

Autobusek ez dute erregai gisa gasolioa erabiliko. Horrek esan nahi du ez dutela karbono dioxidorik isuriko. Gainera, ibilgailu berriak isilagoak izango dira.

Gaurtik aurrera, Iruñerriko 9. autobus linea erabat elektrikoa izango da; Renfe eta Nafarroako Unibertsitate Publikoa lotzen dituena, hain zuzen. Guztira, sei ibilgailu izango ditu. Beraz, Estatuan autobus gehien dituen linea izango da. Autobus horiek ez dute erregai gisa gasolioa erabiliko, eta, ondorioz, ez dute karbono dioxidorik isuriko, Iruñerriko Mankomunitateak jakinarazi duenez. Gainera, ingurumenarekin lotuta dituen abantailak nabarmendu ditu; izan ere, ez dute osasunerako kaltegarria den gasik isuriko, eta askoz isilagoak izango dira. Egoitza Castejonen duen Vectia enpresarenak dira autobus berriak, baina Renferen geltokian eta Nafarroako Unibertsitate Publikoan ere jarri dituzte ibilgailuak kargatzeko zutoinak. Pantografoak erabilita kargatuko dituzte, eta, horrenbestez, bateria txikiak beharko dituzte, joan-etorrirako soilik kargatuko baitituzte. Bestalde, bidaiariek doako WiFi konexioa izango dute autobus berrietan. Otsailean hasi ziren 18. lineako autobusak ere Internet zerbitzua eskaintzen.