Zeinu Hizkuntza kurtsoak

Uholdeak eta lur-jausiak eragin ditu euri jasak Gipuzkoan

Euri jasa handien ondorioz, zenbait tokitan lur-jausiak izan dira, eta Lezon (Gipuzkoa) GI-636 errepidea itxi dute. Gero, zirkulazioa bere onera etorri da.

Euria izan da asteburu honetako protagonista nagusia, eta, azken orduotan, uholde txikiak sortu dira Donostia, Oiartzun, Errenteria, Pasaia, Hernani eta Irun inguruan. Ibaien emaria nabarmen igo da, eta urak arazo batzuk utzi ditu goizaldean Euskal Herriko hainbat tokitan. Larrialdi zerbitzuek arreta berezia jarri behar izan dute kostaldean eta Gipuzkoa ipar-ekialdean.

Eusko Jaurlaritzako Segurtasun Sailak jakitera eman duenez, Oiartzun eta Bidasoako arroetan "hainbat gertakari suertatu dira", eta maila laranjara igo dira. Halaber, Ereñotzuko estazioa (Urumeako arroan) maila horira iritsi da, eta bidea itxi dute Hernani eta Ereñotzu artean.

Errenterian, Oiartzun eta Fanderia errekek gainezka egin dute, eta herrigunean, berriz, Landare elkartean ura sartu da eta Herriko taberna argirik gabe geratu da. Irunen ere hainbat etxepetan sartu da ura. Oiartzun inguruan, Bidasoa ibaiaren arroetan uholdeak izan dira, eta Hernanin, futbol zelaia urez gainezka geratu da.

Gainera, azken orduotako euri jasa handien ondorioz, zenbait tokitan lur-jausiak izan dira, eta Lezon (Gipuzkoa) GI-636 errepidea itxi behar izan dute, bi norabideetan, Trafiko Zuzendaritzak jakitera eman duenez. Garbiketa zerbitzuko langileak lekuan izan dira goiz osoan, bazterrak garbitzen.

Arratsaldean, lanak amaituta errepidea ireki dute berriro, eta zirkulazioa bere onera etorri da. Gipuzkoako errepideetan arazo ugari eragin dituzte prezipitazioek, eta zenbait tokitan lur-jausiak izan dira.

Ildo horretatik, arretaz gidatzea eta abiadura moteltzea aholkatu du Trafiko Zuzendaritzak. Halaber, Hernani eta Ereñotzu artean bidea itxi dute, euria dela eta. Trafiko Zuzendaritzak jakinarazi duenez, azken orduotako euri jasek ur putzu handiak sortu dituzte. Bizkaian ere euri jasa handiak izan dira igande goizean, eta Lekeition ‘Haratzago’ lelopean ospatzen ari diren Bizkaiko ikastolen aldeko jaia zapuztu du eguraldiak. Dena dela, euskaltzale ugari murgildu da Ibilaldian. Gainera, Gorlizen, ‘XIII. Triatloia Gorlizko Badia’ lasterketa bertan behera geratu da, eguraldia dela eta.

Iruñean, Takonera parkearen ondoan, Sortzen Euskal Eskola Publiko Berriaren aldeko elkartearen jaia ospatzen ari dira. Alabaina, goizeko ekitaldiak bertan behera geratu dira, euria dela eta.

Arazo nagusiak eguneko lehen orduetan jaso dira, baina goizean egoera korapilatsua izan ostean, arratsaldean normaltasunera itzuli dira errepideak, itsasgora pasa ondoren.

65 urteko gizon baten gorpua aurkitu dute Gordexolan, ibaian

Ertzaintza heriotzaren nondik norakoak ikertzen ari da. Hilotza 08:05 aldera topatu dute, La Calzada auzoan.

65 urteko gizon baten hilotza aurkitu dute astelehen honetan Gordexolan, ibaiaren ertzean, Eusko Jaurlaritzako Segurtasun Sailak eitb.eus-i baieztatu dionez. Gorpuak ez du indarkeria zantzurik.

Larrialdi zerbitzuek 08:05 aldera jaso dute abisua, Calzada auzoaren parean, ibaian, pertsona bat zegoela esanez.

Ertzainak eta suhiltzaileak bertaratu dira, eta hilotza atera dute uretatik.

Bestalde, Ertzaintzak ikerketa abiatu du heriotzaren nondik norakoak zehazteko. Ur-emari gutxiko ibaia izaki, biktimari zer gertatu ote zaion argitzeko. Lehen hipotesien arabera, litekeena da gizonak zorabio bat jasatea edota irrist egitea.

La Ertzaintza ha abierto una investigación para esclarecer las circunstancias de su muerte. Se trata de un río con poco caudal por lo que habrá que determinar qué le ha podido pasar. Las primeras hipótesis apuntan a que el hombre ha sufrido algún desvanecimiento o un resbalón fatal.

30 pertsona atera dituzte Erriberagoitiko kanpin batetik, sutea bat tarteko

Goizean piztu dira garrak, argitu gabeko arrazoiak tarteko. Lauzpabost autokarabana eta hainbat bungalow kiskali dira.

30 bat pertsona Erriberagoitiko (Araba) kanpin batetik atera behar izan dituzte gaur sute bat tarteko, Eusko Jaurlaritzako Segurtasun Sailak jakinarazi duenez. Zorionez, ez da inor zauritu, baina kalte materialak handiak dira: hainbat autokarabana eta bungalow kiskali dira.

Sutea 09:45ean piztu da, El Roble Verde kanpinean. Argitu gabeko arrazoiak tarteko, bertan zeuden lauzpabost autokarabanek eta bungalow batzuk su hartu dute.

Ez da inor zauritu. Badaezpada, 30 pertsona atera dituzte bertatik.

Urnietako misiolariaren hilketa gaitzesteko bilkura deitu du arratsalderako Udalak

Elkarretaratzea 19:00etan egingo dute San Joan plazan, udaletxearen aurrean. Ostiralean hil zuten misiolari urnietarra, Burkina Fason, lantoki zuen ikastetxean.

Urnietako Udalak elkarretaratzea deitu du gaur arratsalderako, Fernando Hernandez (60 urte) Urnietako misiolari salestarraren hilketa gaitzesteko. Ostiralean hil zuten misiolari urnietarra, Burkina Fason, lantoki zuen ikastetxean.

Orain arte zabaldutakoaren arabera, salestarren etxeko langile ohi batek hil zuen Fernando Hernandez, labankada emanda, hura bazkaltzen ari zela, eta beste apaiz bat larri zauritu zuen. Salestarrek Bobo-Dioiulasso hirian kudeatzen duten etxean gertatu zen erasoa.

Zentroko ikasle batzuek erasotzailea atxiki zuten, poliziak iritsi eta atxilotu zuten arte. Albistearen berri izan ostean, Urnietako Udalak eta salestarren komunitateak doluminak eman dizkie hildakoaren senide eta lagunei. Kontzentrazioa 19:00etarako deitu dute San Joan plazan, udaletxearen aurrean.

Fernando Hernandezen hilotza ez dute Urnietara ekarriko, eta Burkina Fason bertan egingo diote azken agurra, berak eskatu bezala. Senideak dokumentazioa prestatzen ari dira Afrikako herrialde horretara joateko.

Suediako Fiskaltzak Assange atxilotzea eskatu du

Auzitegiak eskaera onartuz gero, Wikileakseko sortzailea atxilotzeko agindua emango du. AEBk ere eskatua dute estradizioa, beraz, Erresuma Batuak erabaki beharko du zein aginduk duen lehentasuna.

Suediako Fiskaltzak Julian Assange Wikileakseko sortzailea atxilotzeko eskaera formala egin du gaur, haren kontra aurkeztutako bortxaketa salaketa bat tarteko. Fiskaltzak aurreratu duenez, Uppsala barrutiko Auzitegiak eskaera onartzen badu, Assange atxilotzeko agindu europarra emango du.

Assange apirilaren 11n atxilotu zuten Erresuma Batuan, Ekuadorrek zazpi urtean emandako babesa kendu ostean. Ondoren, epaitegi britainiar batek 50 asteko espetxe zigorra ezarri zion, 2012an Erresuma Batuak ezarritako behin-behineko askatasun baldintzak urratzeagatik.

Suediako Fiskaltzaren arabera, "Assangek 25 aste emango ditu preso", eta horren ondotik libre geratuko da. AEBk ere eskatua dute estradizioa. Washingtonek dokumentu sekretuak zabaldu izana egotzi dio Assangeri, eta bost urteko kartzela zigorra ezar diezaiokete delitu horrengatik.

Perssonek azaldu duenez, "Europako atxilotze aginduaren eta AEBn estradizio eskaeraren artean gatazkarik balego, Erresuma Batuko agintariek ebatzi beharko lukete nork duen lehentasuna. Emaitza zein izango den aurreikustea ezinezkoa da. Dena dela, uste dut Suediako auzia Erresuma Batuko prozedurekin batera gauza daitekeela".

Halaber, Per Samuelson Assangeren abokatuetako batek aurreratu du erabakia atzeratzeko eskatuko dio epaileari, hark bere bezeroarekin hitz egin arte. "Ingalaterran preso dagoenez, oraindik ezin izan dut berarekin telefonoz hitz egin", ohartarazi du.

Suediak 2017an artxibatu zuen Assangen kontrako auzia, ikerketan aurrera egin ezin zezakeela kontuan hartuta (Wikileakseko sortzailea Ekuadorrek Londresen zuen enbaxadan zegoen). Duela astebete zabaldu zuen berriro ikerketa, Assangeren egoera pertsonala aldatu egin zela kontuan hartuta.

Uholdeak eta lur-jausiak eragin ditu euri jasak Gipuzkoan

Uholdeak eta lur-jausiak eragin ditu euri jas...
Uholdeak eta lur-jausiak eragin ditu euri jasak Gipuzkoan

Euri jasa handien ondorioz, zenbait t...
2:13 min.

Euri jasa handien ondorioz, zenbait tokitan lur-jausiak izan dira, eta Lezon (Gipuzkoa) GI-636 errepidea itxi dute. Gero, zirkulazioa bere onera etorri da.

Euria izan da asteburu honetako protagonista nagusia, eta, azken orduotan, uholde txikiak sortu dira Donostia, Oiartzun, Errenteria, Pasaia, Hernani eta Irun inguruan. Ibaien emaria nabarmen igo da, eta urak arazo batzuk utzi ditu goizaldean Euskal Herriko hainbat tokitan. Larrialdi zerbitzuek arreta berezia jarri behar izan dute kostaldean eta Gipuzkoa ipar-ekialdean. Eusko Jaurlaritzako Segurtasun Sailak jakitera eman duenez, Oiartzun eta Bidasoako arroetan "hainbat gertakari suertatu dira", eta maila laranjara igo dira. Halaber, Ereñotzuko estazioa (Urumeako arroan) maila horira iritsi da, eta bidea itxi dute Hernani eta Ereñotzu artean. Errenterian, Oiartzun eta Fanderia errekek gainezka egin dute, eta herrigunean, berriz, Landare elkartean ura sartu da eta Herriko taberna argirik gabe geratu da. Irunen ere hainbat etxepetan sartu da ura. Oiartzun inguruan, Bidasoa ibaiaren arroetan uholdeak izan dira, eta Hernanin, futbol zelaia urez gainezka geratu da. Gainera, azken orduotako euri jasa handien ondorioz, zenbait tokitan lur-jausiak izan dira, eta Lezon (Gipuzkoa) GI-636 errepidea itxi behar izan dute, bi norabideetan, Trafiko Zuzendaritzak jakitera eman duenez. Garbiketa zerbitzuko langileak lekuan izan dira goiz osoan, bazterrak garbitzen. Arratsaldean, lanak amaituta errepidea ireki dute berriro, eta zirkulazioa bere onera etorri da. Gipuzkoako errepideetan arazo ugari eragin dituzte prezipitazioek, eta zenbait tokitan lur-jausiak izan dira. Ildo horretatik, arretaz gidatzea eta abiadura moteltzea aholkatu du Trafiko Zuzendaritzak. Halaber, Hernani eta Ereñotzu artean bidea itxi dute, euria dela eta. Trafiko Zuzendaritzak jakinarazi duenez, azken orduotako euri jasek ur putzu handiak sortu dituzte. Bizkaian ere euri jasa handiak izan dira igande goizean, eta Lekeition ‘Haratzago’ lelopean ospatzen ari diren Bizkaiko ikastolen aldeko jaia zapuztu du eguraldiak. Dena dela, euskaltzale ugari murgildu da Ibilaldian. Gainera, Gorlizen, ‘XIII. Triatloia Gorlizko Badia’ lasterketa bertan behera geratu da, eguraldia dela eta. Iruñean, Takonera parkearen ondoan, Sortzen Euskal Eskola Publiko Berriaren aldeko elkartearen jaia ospatzen ari dira. Alabaina, goizeko ekitaldiak bertan behera geratu dira, euria dela eta. Arazo nagusiak eguneko lehen orduetan jaso dira, baina goizean egoera korapilatsua izan ostean, arratsaldean normaltasunera itzuli dira errepideak, itsasgora pasa ondoren.

2019/05/20

65 urteko gizon baten gorpua aurkitu dute Gordexolan, ibaian

65 urteko gizon baten gorpua aurkitu dute Gor...
65 urteko gizon baten gorpua aurkitu dute Gordexolan, ibaian

Ertzaintza heriotzaren nondik norakoa...
0:51 min.

Ertzaintza heriotzaren nondik norakoak ikertzen ari da. Hilotza 08:05 aldera topatu dute, La Calzada auzoan.

65 urteko gizon baten hilotza aurkitu dute astelehen honetan Gordexolan, ibaiaren ertzean, Eusko Jaurlaritzako Segurtasun Sailak eitb.eus-i baieztatu dionez. Gorpuak ez du indarkeria zantzurik. Larrialdi zerbitzuek 08:05 aldera jaso dute abisua, Calzada auzoaren parean, ibaian, pertsona bat zegoela esanez. Ertzainak eta suhiltzaileak bertaratu dira, eta hilotza atera dute uretatik. Bestalde, Ertzaintzak ikerketa abiatu du heriotzaren nondik norakoak zehazteko. Ur-emari gutxiko ibaia izaki, biktimari zer gertatu ote zaion argitzeko. Lehen hipotesien arabera, litekeena da gizonak zorabio bat jasatea edota irrist egitea. La Ertzaintza ha abierto una investigación para esclarecer las circunstancias de su muerte. Se trata de un río con poco caudal por lo que habrá que determinar qué le ha podido pasar. Las primeras hipótesis apuntan a que el hombre ha sufrido algún desvanecimiento o un resbalón fatal.

2019/05/20

30 pertsona atera dituzte Erriberagoitiko kanpin batetik, sutea bat tarteko

30 pertsona atera dituzte Erriberagoitiko kan...
30 pertsona atera dituzte Erriberagoitiko kanpin batetik, sutea bat tarteko

Goizean piztu dira garrak, argitu gab...
0:51 min.

Goizean piztu dira garrak, argitu gabeko arrazoiak tarteko. Lauzpabost autokarabana eta hainbat bungalow kiskali dira.

30 bat pertsona Erriberagoitiko (Araba) kanpin batetik atera behar izan dituzte gaur sute bat tarteko, Eusko Jaurlaritzako Segurtasun Sailak jakinarazi duenez. Zorionez, ez da inor zauritu, baina kalte materialak handiak dira: hainbat autokarabana eta bungalow kiskali dira. Sutea 09:45ean piztu da, El Roble Verde kanpinean. Argitu gabeko arrazoiak tarteko, bertan zeuden lauzpabost autokarabanek eta bungalow batzuk su hartu dute. Ez da inor zauritu. Badaezpada, 30 pertsona atera dituzte bertatik.

2019/05/20

Urnietako misiolariaren hilketa gaitzesteko bilkura deitu du arratsalderako Udalak

Urnietako misiolariaren hilketa gaitzesteko b...
Urnietako misiolariaren hilketa gaitzesteko bilkura deitu du arratsalderako Udalak

Elkarretaratzea 19:00etan egingo dute...
1:30 min.

Elkarretaratzea 19:00etan egingo dute San Joan plazan, udaletxearen aurrean. Ostiralean hil zuten misiolari urnietarra, Burkina Fason, lantoki zuen ikastetxean.

Urnietako Udalak elkarretaratzea deitu du gaur arratsalderako, Fernando Hernandez (60 urte) Urnietako misiolari salestarraren hilketa gaitzesteko. Ostiralean hil zuten misiolari urnietarra, Burkina Fason, lantoki zuen ikastetxean. Orain arte zabaldutakoaren arabera, salestarren etxeko langile ohi batek hil zuen Fernando Hernandez, labankada emanda, hura bazkaltzen ari zela, eta beste apaiz bat larri zauritu zuen. Salestarrek Bobo-Dioiulasso hirian kudeatzen duten etxean gertatu zen erasoa. Zentroko ikasle batzuek erasotzailea atxiki zuten, poliziak iritsi eta atxilotu zuten arte. Albistearen berri izan ostean, Urnietako Udalak eta salestarren komunitateak doluminak eman dizkie hildakoaren senide eta lagunei. Kontzentrazioa 19:00etarako deitu dute San Joan plazan, udaletxearen aurrean. Fernando Hernandezen hilotza ez dute Urnietara ekarriko, eta Burkina Fason bertan egingo diote azken agurra, berak eskatu bezala. Senideak dokumentazioa prestatzen ari dira Afrikako herrialde horretara joateko.

2019/05/20

Suediako Fiskaltzak Assange atxilotzea eskatu du

Suediako Fiskaltzak Assange atxilotzea eskatu...
Suediako Fiskaltzak Assange atxilotzea eskatu du

Auzitegiak eskaera onartuz gero, Wiki...
2:29 min.

Auzitegiak eskaera onartuz gero, Wikileakseko sortzailea atxilotzeko agindua emango du. AEBk ere eskatua dute estradizioa, beraz, Erresuma Batuak erabaki beharko du zein aginduk duen lehentasuna.

Suediako Fiskaltzak Julian Assange Wikileakseko sortzailea atxilotzeko eskaera formala egin du gaur, haren kontra aurkeztutako bortxaketa salaketa bat tarteko. Fiskaltzak aurreratu duenez, Uppsala barrutiko Auzitegiak eskaera onartzen badu, Assange atxilotzeko agindu europarra emango du. Assange apirilaren 11n atxilotu zuten Erresuma Batuan, Ekuadorrek zazpi urtean emandako babesa kendu ostean. Ondoren, epaitegi britainiar batek 50 asteko espetxe zigorra ezarri zion, 2012an Erresuma Batuak ezarritako behin-behineko askatasun baldintzak urratzeagatik. Suediako Fiskaltzaren arabera, "Assangek 25 aste emango ditu preso", eta horren ondotik libre geratuko da. AEBk ere eskatua dute estradizioa. Washingtonek dokumentu sekretuak zabaldu izana egotzi dio Assangeri, eta bost urteko kartzela zigorra ezar diezaiokete delitu horrengatik. Perssonek azaldu duenez, "Europako atxilotze aginduaren eta AEBn estradizio eskaeraren artean gatazkarik balego, Erresuma Batuko agintariek ebatzi beharko lukete nork duen lehentasuna. Emaitza zein izango den aurreikustea ezinezkoa da. Dena dela, uste dut Suediako auzia Erresuma Batuko prozedurekin batera gauza daitekeela". Halaber, Per Samuelson Assangeren abokatuetako batek aurreratu du erabakia atzeratzeko eskatuko dio epaileari, hark bere bezeroarekin hitz egin arte. "Ingalaterran preso dagoenez, oraindik ezin izan dut berarekin telefonoz hitz egin", ohartarazi du. Suediak 2017an artxibatu zuen Assangen kontrako auzia, ikerketan aurrera egin ezin zezakeela kontuan hartuta (Wikileakseko sortzailea Ekuadorrek Londresen zuen enbaxadan zegoen). Duela astebete zabaldu zuen berriro ikerketa, Assangeren egoera pertsonala aldatu egin zela kontuan hartuta.

2019/05/20

Maiatza 2019
AAAOOLI
 12345
6789101112
13141516171819
20212223242526
2728293031 
Apirila 2019
AAAOOLI
1234567
891011121314
15161718192021
22232425262728
2930 

        2019-05-02ko bideoen artxiboa

Amiantoaren biktimentzako lege bat eskatu dio berriro Legebiltzarrak Kongresuari

Amiantoaren biktimentzako lege bat eskatu dio...
Amiantoaren biktimentzako lege bat eskatu dio berriro Legebiltzarrak Kongresuari

2016tik hirugarren aldiz egin du eska...
2:24 min.

2016tik hirugarren aldiz egin du eskaera, aho batez. Sustantzia horren eraginpean egon diren biktimei ordaintzeko Estatu mailako funts bat sortzea eskatu du Eusko Legebiltzarrak.

Azken urteetan hirugarren aldiz, Eusko Legebiltzarrak Diputatuen Kongresuari eskatu dio amiantoaren biktimei ordaintzeko estatu funts bat sortzeko legea onartu dezan. Heriotza eta gaixotasun larri ugari eragin ditu material kantzerigeno horrek. Aho batez onartu dute testua Legebiltzarreko talde guztiek (EAJ, EH Bildu, Elkarrekin Podemos, PSE-EE eta PP), 2016 eta 2017an Gorte Orokorretara eraman zuten legegintzako ekinbide beraren bitartez. Gai honi buruzko Estatu mailako lege bat onartzeko beste bi saiakeren ostean, Legebiltzarrak beste behin saiatuko du. Aurrekoek prozesuan eta epeetan egindako akatsengatik huts egin zuten. Aho batez eta eztabaidarik gabe onartu duten testuak nabarmentzen duenez, 1994 eta 2008 artean Espainian 3.943 pertsona hil ziren amiantoari zuzenean lotutako gaixotasunengatik. Sustantzia hori, garai batean eraikuntzan eta industrian oso erabilia, debekatu egin zuten, kantzerigenoa izateagatik. Horregatik, amiantoaren biktimei kalte-ordaina emateko estatu funts bat sortzea eskatzen du Legebiltzarrak, sustantzia horren eraginpean jartzeagatik jasandako "kaltea erreparatzeko". Euskadiko Amiantoaren Biktimen Elkarteak oraingoan estatu funts bat sortzeko eskaera "entzunda" izatea eskatu du. Zenbait ordezkari Legebiltzarreko bozketan izan dira. Elkartearen arabera, biktimen eta familiarren egoera "arintzea" da mota horretako erreminta baten helburua. Kalte-ordainak eskatzeko "prozesu judizial luzeekin" bukatzeko lagunduko luke, eta arrazoi desberdinengatik "erreklamazioa egiteko enpresarik ez duten" pertsonak "babestuko" lituzke.

Zarautzen, Beasainen, Zallan eta Sopelan irekiko dituzte IAT zentro berriak

Zarautzen, Beasainen, Zallan eta Sopelan irek...
Zarautzen, Beasainen, Zallan eta Sopelan irekiko dituzte IAT zentro berriak

Oraingo pilaketak arintzeko, Bergaran...
1:20 min.

Oraingo pilaketak arintzeko, Bergaran 4.linea jarriko da, eta Zarautzen behin-behineko estazio bat. Urnieta eta Irungo zentroei informazio-espedientea zabalduko die Jaurlaritzak, atzerapenak argitzeko

Azken hilabete hauetan izan diren pilaketak eragotzi eta Ibilgailuen Azterketa Teknikoaren zerbitzua sendotzeko Jaurlaritzak lau zentro berri irekiko ditu, gaur 'Faktoria'-n Javier Zarrionaindia Eusko Jaurlaritzako Industria sailburuordeak aurreratu duenez. Jaurlaritzak ikertu egingo du, era berean, Irungo eta Urnietako zentruetan izan den 'kolapsoa' zerk eragindakoa izan den. Informazio espedientea zabalduko dute, egoera aztertu eta, beharko balitz, neurriak hartzeko: 'Egia da Europa osoan araudia aldatu eta zorroztu egin direla azterketak, baina ez da normala Bergaran hamar minutu behar izatea; Irunen, 18 eta Urnietan, berriz, 20 minutu', ohartarazi du sailburuordeak.

Gazte bat atxilotu dute Gasteizen neska-lagun adingabeari eraso egitea egotzita

Gazte bat atxilotu dute Gasteizen neska-lagun...
Gazte bat atxilotu dute Gasteizen neska-lagun adingabeari eraso egitea egotzita

Erasoak, irainak eta mehatxuak behin ...
0:49 min.

Erasoak, irainak eta mehatxuak behin eta berriro jasan dituela salatu du gazteak polizia etxean.

Gasteizko Udaltzaingoak 18 urteko gazte bat atxilotu du genero indarkeria egotzita, neska-lagun adingabeari eraso egin ostean. Adingabeak salaketa jarri zuen asteartean nagusi baten laguntzaz, Udaltzaingoak jakinarazi duenez. Erasoak, irainak eta mehatxuak behin eta berriro jasan dituela salatu du gazteak polizia etxean. udaltzainek asteartean bertan atxilotu zuten gaztea, Adurtza auzoko inguruetan. Asteazkenean epailearen aurrera eraman zuten.

Boto batzuk ostu zituen mojaren auzia Fiskaltzara bideratu du Hauteskunde Batzordeak

Boto batzuk ostu zituen mojaren auzia Fiskalt...
Boto batzuk ostu zituen mojaren auzia Fiskaltzara bideratu du Hauteskunde Batzordeak

Antza, moja adineko bi emakumerekin z...
1:34 min.

Antza, moja adineko bi emakumerekin zegoen, eta horiek EAJren eta PSOEren aldeko boto-paperak eskatu zituzten, baina mojak PPren aldekoak sartu zizkien gutun-azalean.

Bizkaiko Hauteskunde Batzordeak Fiskaltzara bideratu du ustez Bilbon PPren aldeko boto batzuk ostu zituen mojaren auzia. Antza denez, moja La Misericordia zahar-etxeko adineko bi emakumerekin zegoen, eta horiek EAJren eta PSOEren aldeko boto-paperak eskatu zituzten, baina mojak PPren aldekoak sartu zizkien gutun-azalean. Une horretan, Elkarrekin Podemoseko ordezkari batek salatu zuen gertatutakoa, eta PSE-EEk salaketa aurkeztu du Hauteskunde Batzordean. Erakundeak arrazoia eman die sozialistei, eta auzia Fiskaltzaren esku utzi du. PSE-EEk ohar batean gogorarazi duenez, hautesle batek hautatutako boto-paper bat aldatzeak sei hilabete eta hiru urte arteko espetxe zigorra ekar lezake.

Altxamendu militarra gidatzea leporatu dio Madurok AEBko Segurtasun idazkariari

Altxamendu militarra gidatzea leporatu dio Ma...
Altxamendu militarra gidatzea leporatu dio Madurok AEBko Segurtasun idazkariari

Venezuelako presidenteak ziurtatu due...
1:29 min.

Venezuelako presidenteak ziurtatu duenez, Jusizia altxamendu militarraren arduradunen bila ari da eta 'berandu baino lehen' ordainduko dute egindakoa.

Nicolas Maduro Venezuelako presidenteak azken orduetan adierazi duenez, Juan Guaido Asanblea Nazionaleko presidenteak gidatutako altxamendu militarra Etxe Zurian prestatu zuten, eta John Bolton AEBko Segurtasun idazkariari egotzi dio berau gidatzea. "Altxamendu kolpista John Boltonek gidatu du Etxe Zuritik. John Boltonek Venezuelako demokraziaren aurka egindako legez kanpoko ekintzak ikertzeko eskatzen diot AEBri", esan du Madurok Maiatzaren 1aren harira Caracasen egindako ekitaldian. Maduroren esanetan, Justizia altxamendu kolpistaren arduradunen bila ari da, eta "berandu baino lehen" kartzelarekin ordainduko dute egindakoa. "Enbaxadatik enbaxadara ihes egiten ari dira", salatu du Madurok, Leopoldo Lopez oposizioko kideari zeharka aipamena eginez, Miraflores Jauregiaren atarian bildutako jarraitzaileen artean. "Justizia horien bila ari da, eta berandu baino lehen kartzelarekin ordainduko dute beren traizioa", adierazi du.