Zeinu Hizkuntza kurtsoak

Milioi erdi Barik txartel iraungiko dira aurten: zer egin behar dut?

Txartela 2013an erosi zutenek berritu egin beharko dute aurten.

Milioi erdi Barik txartel iraungiko dira aurten. Bizkaiko Garraio Partzuergoak 2013an jarri zuen martxan, eta hasiera batean lau urteko epe-muga jarri zioten arren, 2017an hiru urte gehiago luzatu zuten. Hori dela eta, aurten iraungiko dira Barik txartel asko. Partzuergotik, hilero 40.000 txartel iraungitzea aurreikusten dute.

Guztira 1.900.000 txartel inguru daude eta, Partzuergoaren esanetan, erabiltzaile bakoitzak, batez beste, bizpahiru txartel ditu. Txartelaren iraungitze data Partzuergoaren webgunean ikus daiteke (https://www.ctb.eus/eu/barik-iraungitze-data-kontsultatu).

Txartel zaharreko dirua ez da galtzen, erabiltzaileak txartel berrira pasatu ahalko baitu lau hilabeteko epean, iraungitze datatik zenbatzen hasita. Horretarako, Bizkaiko Garraio Partzuergoak dituen 11 bulegoetako (https://www.ctb.eus/eu/bezeroarentzako-arreta) batera joan beharra dago.

Nolanahi ere, espero da txartel fisikoen erabilera jaistea, urte amaieran Partzuergoak sistema berria jarriko baitu abian ordainketan telefonoarekin egin ahal izateko. Hala ere, txartel fisikoak ez dira guztiz desagertuko.

Espainiako Gobernuak % 0,9 igoko ditu erretiro-pentsioak 2020an

"Ez da pentsiodunen erosteko ahalmenaren murrizketarik izango, 2021eko apirila baino lehen" ordainsari konpentsatzaile bat jasoko baitute, urteko inflazioak igoera hori gainditzen badu.

Erretiro-pentsioak % 0,9 igoko dira urtarrilaren 1etik aurrera, Espainiako Gobernuak astearte honetan onartu duen lege-dekretuaren arabera. Gainera, urteko inflazioak igoera hori gainditzen badu, pentsiodunek "2021eko apirila baino lehen" jasoko dute ordainsari konpentsatzaile bat.

Sanchezek azaroaren 10eko hauteskundeen aurretik aurreratutako neurria da, urtero pentsioak aurreikusitako inflazioaren arabera berriro baloratzeko konpromisoa hartu baitzuen orduan.

Gobernuak egiten duen inflazioaren batez besteko aurreikuspenari erantzuten dio igoerak, eta igoera horrekin ia 10 milioi pentsiodunekin hartutako konpromisoa betetzen duela azaldu du Sanchezek. Horrenbestez, erosteko ahalmena galtzeak ekarri zien "% 0,25eko gehienezko igoera" zuzendu du.

Moncloatik jakinarazi dutenez, igoera hori "otsaileko nominan aplikatuko da, eta urtarrileko atzerapenak sartuko ditu".

Gizon bat atxilotu dute Donostian emakume bati sexu abusua egiteagatik

Hainbat deliturengatik aurrekariak dituen 40 urteko gizonezko bat da atxilo hartutakoa. Egia auzoko kale batean biktimari atzetik hurbildu zitzaion eta ukituak egin zizkion.

Ertzaintzak 40 urteko gizonezko bat atxilotu zuen atzo Donostian emakume bati sexu abusua egiteagatik, Eusko Jaurlaritzako Segurtasun Sailak ohar batean jakinarazi duenez.

Eraso matxista 12:00ak aldera jazo zen, Egia auzoko kale batean. Gizona atzetik hurbildu zitzaion emakumeari, eta ukituak egin zizkion jarrera lizunarekin.

Biktimak aurre egin zion, eta gizonak ihes egin zuen. Jarraian, Ertzaintzarengana jo zuen emakumeak salaketa aurkeztera. Agenteek handik gutxira atzeman zuten ustezko erasotzailea Mandasko Dukearen etorbidean, eta sexu abusu delitua egotzita atxilotu zuten.

Atxilotutakoak aurrekariak ditu hainbat deliturengatik. Gaur goizean eraman dute epailearen aurrera.

Gizon bat atxilotu dute zaintza-dispositiboa kendu eta urruntze-agindua urratzeagatik

Gertakaria Erriberako herri batean jazo da. Gizonak bikotekide ohiaren aurkako kautelazko urruntze-agindua zuen, eta urratu egin du.

Foruzaingoak 30 urteko gizonezko bat atxilotu du kautelazko neurria urratzea egotzita; izan ere, epailearen aginduz, bere bikotekide ohiarekiko urruntze-agindua zuen, eta bere kokapenaren berri ematen zuen gailua kendu du.

Gertakaria Erriberako herri batean gertatu da orain gutxi, patruila bat atxilotuak esleituta zuen zaintza-dispositiboa egiaztatzera bertaratu ondoren, bi ordu baino gehiago baitzeramatzan konexiorik gabe. Genero indarkeriarekin lotutako urruntze neurriak dituzten pertsonak aurkitzeko mekanismoa da gailu hori.

Agenteak biktimaren etxera heldu zirenean, atxilotua haren etxebizitza barruan zegoela ikusi zuten, urruntze-agindua indarrean zuen arren.

Atxilotutako gazteak agenteei adierazi dienez, metalezko zerra batekin kendu zuen gailua, eta alboko baxera batetik salto eginez sartu zen etxera, bezperan etxeko giltzak konfiskatu baitzizkioten.

Hori guztia dela eta, kautelazko neurria urratzea egotzita atxilotu zuten, eta polizia-etxera eraman zuten, atestatua egin eta agintaritza judizialaren esku uzteko.

Milioi erdi Barik txartel iraungiko dira aurten: zer egin behar dut?

Milioi erdi Barik txartel iraungiko dira aurt...
Milioi erdi Barik txartel iraungiko dira aurten: zer egin behar dut?

Txartela 2013an erosi zutenek berritu...
1:47 min.

Txartela 2013an erosi zutenek berritu egin beharko dute aurten.

Milioi erdi Barik txartel iraungiko dira aurten. Bizkaiko Garraio Partzuergoak 2013an jarri zuen martxan, eta hasiera batean lau urteko epe-muga jarri zioten arren, 2017an hiru urte gehiago luzatu zuten. Hori dela eta, aurten iraungiko dira Barik txartel asko. Partzuergotik, hilero 40.000 txartel iraungitzea aurreikusten dute. Guztira 1.900.000 txartel inguru daude eta, Partzuergoaren esanetan, erabiltzaile bakoitzak, batez beste, bizpahiru txartel ditu. Txartelaren iraungitze data Partzuergoaren webgunean ikus daiteke (https://www.ctb.eus/eu/barik-iraungitze-data-kontsultatu). Txartel zaharreko dirua ez da galtzen, erabiltzaileak txartel berrira pasatu ahalko baitu lau hilabeteko epean, iraungitze datatik zenbatzen hasita. Horretarako, Bizkaiko Garraio Partzuergoak dituen 11 bulegoetako (https://www.ctb.eus/eu/bezeroarentzako-arreta) batera joan beharra dago. Nolanahi ere, espero da txartel fisikoen erabilera jaistea, urte amaieran Partzuergoak sistema berria jarriko baitu abian ordainketan telefonoarekin egin ahal izateko. Hala ere, txartel fisikoak ez dira guztiz desagertuko.

2020/01/16

Espainiako Gobernuak % 0,9 igoko ditu erretiro-pentsioak 2020an

Espainiako Gobernuak % 0,9 igoko ditu erretir...
Espainiako Gobernuak % 0,9 igoko ditu erretiro-pentsioak 2020an

"Ez da pentsiodunen erosteko ahalmena...
1:15 min.

"Ez da pentsiodunen erosteko ahalmenaren murrizketarik izango, 2021eko apirila baino lehen" ordainsari konpentsatzaile bat jasoko baitute, urteko inflazioak igoera hori gainditzen badu.

Erretiro-pentsioak % 0,9 igoko dira urtarrilaren 1etik aurrera, Espainiako Gobernuak astearte honetan onartu duen lege-dekretuaren arabera. Gainera, urteko inflazioak igoera hori gainditzen badu, pentsiodunek "2021eko apirila baino lehen" jasoko dute ordainsari konpentsatzaile bat. Sanchezek azaroaren 10eko hauteskundeen aurretik aurreratutako neurria da, urtero pentsioak aurreikusitako inflazioaren arabera berriro baloratzeko konpromisoa hartu baitzuen orduan. Gobernuak egiten duen inflazioaren batez besteko aurreikuspenari erantzuten dio igoerak, eta igoera horrekin ia 10 milioi pentsiodunekin hartutako konpromisoa betetzen duela azaldu du Sanchezek. Horrenbestez, erosteko ahalmena galtzeak ekarri zien "% 0,25eko gehienezko igoera" zuzendu du. Moncloatik jakinarazi dutenez, igoera hori "otsaileko nominan aplikatuko da, eta urtarrileko atzerapenak sartuko ditu".

2020/01/16

Gizon bat atxilotu dute Donostian emakume bati sexu abusua egiteagatik

Gizon bat atxilotu dute Donostian emakume bat...
Gizon bat atxilotu dute Donostian emakume bati sexu abusua egiteagatik

Hainbat deliturengatik aurrekariak di...
1:03 min.

Hainbat deliturengatik aurrekariak dituen 40 urteko gizonezko bat da atxilo hartutakoa. Egia auzoko kale batean biktimari atzetik hurbildu zitzaion eta ukituak egin zizkion.

Ertzaintzak 40 urteko gizonezko bat atxilotu zuen atzo Donostian emakume bati sexu abusua egiteagatik, Eusko Jaurlaritzako Segurtasun Sailak ohar batean jakinarazi duenez. Eraso matxista 12:00ak aldera jazo zen, Egia auzoko kale batean. Gizona atzetik hurbildu zitzaion emakumeari, eta ukituak egin zizkion jarrera lizunarekin. Biktimak aurre egin zion, eta gizonak ihes egin zuen. Jarraian, Ertzaintzarengana jo zuen emakumeak salaketa aurkeztera. Agenteek handik gutxira atzeman zuten ustezko erasotzailea Mandasko Dukearen etorbidean, eta sexu abusu delitua egotzita atxilotu zuten. Atxilotutakoak aurrekariak ditu hainbat deliturengatik. Gaur goizean eraman dute epailearen aurrera.

2020/01/16

Gizon bat atxilotu dute zaintza-dispositiboa kendu eta urruntze-agindua urratzeagatik

Gizon bat atxilotu dute zaintza-dispositiboa ...
Gizon bat atxilotu dute zaintza-dispositiboa kendu eta urruntze-agindua urratzeagatik

Gertakaria Erriberako herri batean ja...
1:06 min.

Gertakaria Erriberako herri batean jazo da. Gizonak bikotekide ohiaren aurkako kautelazko urruntze-agindua zuen, eta urratu egin du.

Foruzaingoak 30 urteko gizonezko bat atxilotu du kautelazko neurria urratzea egotzita; izan ere, epailearen aginduz, bere bikotekide ohiarekiko urruntze-agindua zuen, eta bere kokapenaren berri ematen zuen gailua kendu du. Gertakaria Erriberako herri batean gertatu da orain gutxi, patruila bat atxilotuak esleituta zuen zaintza-dispositiboa egiaztatzera bertaratu ondoren, bi ordu baino gehiago baitzeramatzan konexiorik gabe. Genero indarkeriarekin lotutako urruntze neurriak dituzten pertsonak aurkitzeko mekanismoa da gailu hori. Agenteak biktimaren etxera heldu zirenean, atxilotua haren etxebizitza barruan zegoela ikusi zuten, urruntze-agindua indarrean zuen arren. Atxilotutako gazteak agenteei adierazi dienez, metalezko zerra batekin kendu zuen gailua, eta alboko baxera batetik salto eginez sartu zen etxera, bezperan etxeko giltzak konfiskatu baitzizkioten. Hori guztia dela eta, kautelazko neurria urratzea egotzita atxilotu zuten, eta polizia-etxera eraman zuten, atestatua egin eta agintaritza judizialaren esku uzteko.

2020/01/16

Urtarrila 2020
AAAOOLI
 12345
6789101112
13141516171819
20212223242526
2728293031 
Abendua 2019
AAAOOLI
 1
2345678
9101112131415
16171819202122
23242526272829
3031 

        2020-01-09ko bideoen artxiboa

Fiskaltzak 29 urte eskatu ditu 8 akusatuentzat Saudi Arabiari armak saltzea egotzita

Fiskaltzak 29 urte eskatu ditu 8 akusatuentza...
Fiskaltzak 29 urte eskatu ditu 8 akusatuentzat Saudi Arabiari armak saltzea egotzita

Fiskaltzak erakunde kriminala, nazioa...
1:30 min.

Fiskaltzak erakunde kriminala, nazioarteko transakzioetan ustelkeria eta diru publikoak bidegabe erabiltzea egotzi die, besteak beste. Defexek material militarra saldu zion Saudi Arabiari.

Ustelkeriaren aurkako Fiskaltzak 20 eta 29 urte arteko espetxe zigorrak eskatu ditu Defex enpresa publikoari lotutako 8 akusaturentzat, tartean Jose Ignacio Encinas presidente ohiarentzat, 2005 eta 2014 urteen artean Saudi Arabiari material militarra hornitzeko 11 kontratutan ustez irregulartasunak egiteagatik, 48 milioi euro baino gehiagoren truke. 8 akusatuei, Fiskaltzak erakunde kriminaleko delituak, nazioarteko transakzioetako ustelkeria, ondasun publikoak bidegabe erabiltzea, dokumentuak faltsutzea eta, kasu batzuetan, zuritzea leporatu diote. Fiskaltzak Auzitegi Nazionaleko epaileari igorri dion idatzian dioenez, 2005 eta 2014 artean hamaika kontratu lortu ziren Saudi Arabiarekin, "herrialde horretako agintari eta funtzionario publikoei legez kanpoko komisioak ordainduz lortu eta gauzatu zirenak". Horretarako, "kontratu publikoen prezioaren ehuneko batean zehaztutako komisioak adostu zituzten, kasuren batean kontratuaren balioaren % 20koak, prestazio edo zerbitzu batzuen truke. Prestazio edo zerbitzu horiek ez ziren existitzen, baina errealitate komertzialaren itxura sortzea eta enpresa publikoak egindako ordainketak justifikatzea ahalbidetu zuten". Defex auzian Saudi Arabiari, Egiptori, Brasili, Angolari eta Kameruni egindako hornidura militarreko kontratuak ikertzen ari dira. Auzia hainbat piezatan ikertzen ari dira.

Baionako autobus geltokia eta portua itxi dituzte grebalariek

Baionako autobus geltokia eta portua itxi dit...
Baionako autobus geltokia eta portua itxi dituzte grebalariek

Pentsioen erreformaren aurkako mobili...
1:03 min.

Pentsioen erreformaren aurkako mobilizazioek 36. egunean Frantziako tren eta hegazkin zerbitzuan eragozpenak espero dituzte. Garraio zerbitzuko langileei hezkuntza eta osasun alorrekoak batu zaizkie.

Frantziako Estatuan eta Ipar Euskal Herrian mobilizazio eguna dute gaurkoa Emmanuel Macronek egin asmo duen pentsioen erreformaren kontra, 36. egunez. Aurrekoetan bezala, garraio zerbitzuan espero dira eragozpen gehien. Ipar Euskal Herrian, Baionako autobus geltokia inguratu dute manifestariek eta portua ere itxi dute. Frantzian, "eragozpen handiak" aurreikusi ditu SNFC konpainiak lurralde osoan, eta bereiziki Ile-de-Francen. Garraio arloko langileek ez ezik, hezkuntza, osasuna eta beste arlo batzuetako langileek ere egin dute greba. Parisen, esaterako, Eiffel dorrea itxita egongo da gaur, bertako beharginek deialdiarekin bat egin dutelako.

Australiak suteek kaltetutako eremuetan hondamendi egoera zabaldu du

Australiak suteek kaltetutako eremuetan honda...
Australiak suteek kaltetutako eremuetan hondamendi egoera zabaldu du

Neurria tenperaturak 40 gradu igo eta...
0:59 min.

Neurria tenperaturak 40 gradu igo eta haize zakarra aurreikusi delako onartu egin da.

Victoria estatuak, Australiako hego-ekialdean, suteen ondorioz sortutako hondamendi-egoera zabaldu du gaur, urtarrilak 9, eta herritarrak deitu ditu arrisku-eremuak hustera, hurrengo egunetan egoera zaildu baino lehen. Agintariei jabetza pribatuez ohartzeko eta hustuketak agintzeko ahalmen gehiago ematen dien neurriak tenperaturak 40 graduraino igotzea eta haize bortitzak izatea aurreikusten du, Estatuko hogei foku aktiboak larriagotzen dituena. Irailetik 26 hildako eragin dituzte suteek, horietatik hogei Hegoaldeko Gales Berrian, non herrialde osoan dauden 2.000 etxe baino gehiagotatik 1.870 erre badira.

2019a Europako urterik beroena izan da, eta mundu mailan, bigarrena

2019a Europako urterik beroena izan da, eta m...
2019a Europako urterik beroena izan da, eta mundu mailan, bigarrena

2019ko abendua ere, 2015ekoarekin bat...
1:28 min.

2019ko abendua ere, 2015ekoarekin batera, beroena izan da.

C3S Klima Zerbitzuaren arabera, 2019a Europako urterik beroena izan da, eta mundu mailan bigarren beroena. C3Sko tenperatura datuek adierazten dutenez, lurrean dagoen batez besteko aire tenperatura 0,04 ºC baxuagoa izan da 2016an baino. Datuek historian aztertu diren bost urterik beroenak azken bost urteak izan direla erakutsi dute. 2019a esaterako, bigarren beroena izan da. Kopernikok adierazitako datuen arabera, berotzerik nabarmenenak Alaskan eta Artikoko hainbat tokitan izan dira. Lurreko tokirik gehienak batez bestekoa baino tenperatura beroagoak izan dute, Europa ekialdean eta hegoaldean bereziki, baita Afrika eta Australian. Kanadan aldiz, kontrakoa gertatu da eta urteko tenperaturak batez bestekoaren azpitik izan dira.