Zeinu Hizkuntza kurtsoak

Michael urakanak 4. kategoria harrapatu du, Floridatik 300 kilometrora

AEBko Urakanen Zentro Nazionalak (NHC) ohartarazi du Michaelen indarrak "sekulako arriskua" daukala, 210 kilometro orduko haize boladak eragin baititu.

Michael urakana 4. kategoriakoa da orain (gehienez 5. kategoria harrapa lezake Saffir-Simpson eskalan). Hori horrela, 210 kilometro orduko haize boladak eragin ditu Mexikoko Golkoan, eta Floridara iristear da, AEBko Urakanen Zentro Nazionalak (NHC) jakinarazi duenez.

Florida, Michael urakanaren zain

AEBko agintariek ebakuazioak agindu dituzte hainbat konderritan, Michael urakanak haize-bolada eta olatu handiak, zein eurite kaltegarriak ekarriko baititu.

Michael urakanak Mexikoko golkorako bidea hartu du, eta laster Floridako (AEB) kostaldera helduko da, haize-bolada eta olatu handiak zein eurite kaltegarriak eraginez.

Floridako gobernadoreak ebakuazioak agindu ditu hainbat konderritan, eta Guardia Nazionala mobilizatu du urakana asteazkenean sartuko baita AEBn. Urakanak eragindako uholdeek gutxienez 13 hildako utzi ditu Erdialdeko Amerikan.

Michaelek ekaitz tropikal izateari utzi dio eta lehen mailako kategoria hartu du Saffir-Simpson eskalan, eta baliteke hirugarren mailako kategoria harrapatu ondoren iristea AEBko kostaldera, Reuters albiste-agentziak Erresuma Batuko meteorologoak aipatuta jakitera eman duenez.

Aurreikuspenen arabera, Floridan lur hartu ostean, aurrera jarraituko du asteazkenean eta ostegunean, Ipar Carolina eta Hego Carolinaraino.

Kuban, berriz, urakanaren azken astinduak jasotzen ari dira, eta euriteek eta uholdeek utzitako kalteak zenbatzeari ekingo diote laster.

Coca-Cola, Pepsi eta Nestle, ozeanoak plastikoz gehien kutsatzen dituzten enpresak

42 herrialdetako kostak garbitu dituen 'Break Free From Plastic' mugimenduak egindako ikerketa baten arabera, bildutako plastikoen % 65 baino gehiago multinazional handien produktuenak dira.

Coca-Cola, Pepsi eta Nestle dira itsasoak erabilera bakarreko plastikoz gehien kutsatzen dituzten enpresak, "Break Free From Plastic" (plastikoarekin hautsi) mugimenduak gaur Manila hirian aurkeztutako ikerketa baten arabera. Aipaturiko mugimenduak 42 herrialdetako kostaldeak garbitu ditu.

Irailaren 9tik 15era bitartean, mundu osoko 10.000 boluntariok 239 garbiketa ekintza egin zituzten 42 herrialdetako kostalde eta ingurune naturaletan, besteak beste, Filipinetan, Thailandian, Vietnamen, Indian, Indonesian, Australian, Txilen, Ekuadorren, Brasilen, Mexikon, Ameriketako Estatu Batuetan, Kanadan, Marokon edota Espainian.

Guztira, plastikozko 187.000 pieza bildu zituzten eta erdiak baino gehiago (% 65 baino gehiago) multinazional handietako bilgarriak ziren. Coca-Cola, Pepsi eta Nestle zeuden zerrenda horren buruan. Bildutako 100.000 plastiko inguru birziklatzea oso zaila edo ezinezkoa den materialez egindakoak ziren: poliestirenoa, PVCa, PET )polietilen tereftalatoa) edo erabilera bakarreko plastikozko filmak.

Ustelkeria kasu bat ikertzen ari zen kazetari bat bortxatu eta hil dute Bulgarian

30 urteko kazetaria Europar Batasuneko funtsei buruzko ustelkeria kasu bat ikertzen ari zen.

Bulgarian, Victoria Marinova 30 urteko kazetaria bortxatu eta hil dute. Larunbatean aurkitu dute haren hilotza, Ruse hiria. Antza denez, Europar Batasuneko funtsei buruzko ustelkeria kasu bat ikertzen ari zen.

Poliziaren esanetan, oraingoz ez dago frogarik Marinovaren hilketa bere lanarekin lotuta dagoela esateko. Hala ere, ustelkeriaren aurkako taldeek eta Europako Parlamentuko zenbait kidek heriotza argitzeko ikerketa eskatu dute.

Harlem Desir Europako Segurtasun eta Lankidetzako Erakundeko (OSCE) ordezkariak, esaterako, ikerketa sakona eskatu du hilketaren egileak edo egileek egindakoa ordain dezaten.

2017tik Europar Batasunean hil duten laugarren kazetaria da. Daphne Caruana Galizia kazetaria 2017ko urrian hil zuten, bonba-autoz, Jan Kuciak kazetari suediarra urte bereko abuztuan hil zuten, eta Jan Kuciak kazetari eslovakiarra, 2018ko otsailean.

Denis Mukwegek eta Nadia Muradek jaso dute Bakearen Nobel saria

Sexu indarkeria gerrarako arma gisa eta gatazka armatuetan ez erabiltzeko egindako lanagatik saritu dituzte Mukwege eta Murad.

Denis Mukwege kongoarrak eta Nadia Murad irakiarrak lortu dute 2018ko Bakearen Nobel saria, sexu indarkeria gerrarako arma gisa eta gatazka armatuetan ez erabiltzeko egindako lanagatik, Nobelaren Batzorde norvegiarrak hala erabakita.

Mukwegek (1955) "urteak daramatza gerra garaietan sexu indarkeria jasan duten biktimak defendatzen", eta Murad, berriz, "biktima horien aurka burututako sexu gehiegikerien berri eman duen lekukoa" izan da, argudiatu du Nobelaren aipatu batzordeak.

Mukwege sendagileak eta harekin lan egiten duen taldeak "erasotuak izan diren hainbat lagun artatu dituzte, bortxaketa masiboen zigorgabetasuna gaitzetsi dute eta Kongoko zein beste herrialde batzuetako gobernuak gogor kritikatu dituzte, emakumeen aurkako indarkeriaren kontra urratsik ez emateagatik".

Muradi (1993) dagokionez, "Estatu Islamiarraren estrategia militarraren biktima izan da". Izan ere, sexu abusuak jasan dituzten 3.000 haur eta emakumeetako bat izan da. Gainera, hiru hilabetez gatibu egon ostean, ihes egitea eta jasandako abusuak salatzea lortu zuen.

"Ordura arte bizitakoari buruz hitz egiteko eta beste biktima batzuei laguntzeko adorea izan zuen", esan du Nobelaren Batzordeak.

Medikuntzaren saria eman zuten lehenik, eta hilabete baino gutxiagoko epean, Fisikaren, Kimikaren eta Bakearen Nobelak banatu dituzte. Ekonomia Nobelaren sariduna, berriz, datorren astelehenean ezagutaraziko dute.

Herbehereek eta Erresuma Batuak zibererasoak egitea egotzi diote Errusiari

Europar Batasunak eta NATOk salaketarekin bat egin dute. Errusiak, ostera, akusazioak ukatu ditu.

Erresuma Batuek eta Herbehereek mundu mailako zibererasoak egitea leporatu diote Errusiari, tartean, Arma Kimikoak Debekatzeko Erakundearen aurka apirilean egindako saiakera. Europar Batasunak eta NATOk bat egin dute salaketarekin. Errusiak akusazioak ukatu ditu eta Mendebaldea egiten ari den kanpainaren barruan kokatu ditu salaketak.

Herbehereetako agintariek salatu dutenez, apirilean ustez Errusiako Inteligentzia Zerbitzuko kide ziren lau pertsona kanporatu zituen herrialdetik Arma Kimikoak Debekatzeko Erakundearen aurkako zibereraso bat prestatzen ari zirenean. Erresuma Batuarekin elkarlanean lortu omen zuten eraso saiakera hori atzera botatzea.

Bestalde, Erresuma Batuak mundu mailako hainbat zibereraso egitea egotzi dio Errusiari. Eraso horiek esparru ezberdinetan izan omen zuten eragina, hala nola, garraioan edota 2016ko AEBko hauteskundeetan, Erresuma Batuko Segurtasun Zibernetikoko Zentro Nazionalak (NCSC) egindako txostenaren arabera.

Errusiak, bere aldetik, akusazioak ukatu ditu eta bere kontrako propaganda hutsa direla adierazi du.

302 pertsona atxilotu dituzte Washingtonen, Kavanaugh epailearen aurkako protestetan

Donald Trump presidente estatubatuarrak Auzitegi Goreneko magistratu izateko proposatutako hautagaia da, sexu-abusuak egin izana leporatu badiote ere. Senatuak larunbatean egingo du bozketa.

Ameriketako Estatu Batuetan, Brett Kavanaugh magistratuaren aurka protestan ari ziren 302 manifestari atxilotu ditu Kapitolioko Poliziak Washington hiriburuan. Donald Trump presidente estatubatuarrak Auzitegi Goreneko magistratu izateko proposatutako hautagaia da, sexu-abusuak egin izana leporatu badiote ere. Senatuak larunbatean bozkatuko du Goreneko magistratu izendatzen duen ala ez.

Kapitolioko Poliziak ohar batean azaldu duenez, 293 pertsona "legez kanpo" manifestatzeagatik atxilotu dituzte, eta gainerako bederatziak, "pilatzeagatik eta traba egiteagatik".

Besteak beste, Amy Schumer aktore eta komediantea eta Emily Ratajkowski modeloa daude atxilotuen artean. Larunbatean bertan baiezta daiteke Kavanaughen izendapena; izan ere, orduan egingo dute bozketa Senatuan. Errepublikanoek gehiengoa dute Senatuan (100 ordezkarietatik 51) eta kontserbadoreek 50 boto behar dituzte izendapena onartzeko.

Trump eta Puigdemont, 2018ko Bakearen Nobel saria irabazteko faboritoen artean

Zerrenda horretan ere, Kim Jong-un edo Frantzisko aita santua daude, "Time" aldizkariak jakitera eman duenez. Sariaren irabazlea ostiral honetan emango da ezagutzera.

Time AEBko aldizkariak Donald Trump presidente estatubatuarra eta Carles Puigdemont Kataluniako presidente ohia sartu ditu 2018ko Bakearen Nobel saria irabazteko faboritoen zerrendan. Sariaren irabazlea ostiral honetan emango da ezagutzera.

Golardoetarako izendatuak publikoki ezagutzera ematen ez badira ere, Nobel sarietan adituak direnek beren iragarpenak egiten dituzte eta aldizkariak aurreikuspen horiek hartzen ditu saria ustez jaso dezaketenen zerrenda osatzeko.

Trumpen kasuan, 18 legegile errepublikanok gutun bat idatzi zioten maiatzean Nobel sarietako batzordeari, Ipar Koreako gudarekin amaitzeko eta Koreako penintsularen desnuklearizazioa lortzeko presidenteak egindako lanagatik izendatu zezaten.

Puigdemont, berriz, Ladbrokes apustu enpresaren zerrendako gogokoenen artean dago, 2017ko urriaren 1ean Kataluniako independentziaren harira egindako legez kanpoko erreferendumaren antolaketan izan zuen arduragatik, Time aldizkariak jasotakoaren arabera.

Zerrenda horretan, halaber, Kim Jong-un Ipar Koreako burua dago; baita, Moon Jae-in Hego Koreako presidentea; NBEko Errefuxiatu Agentziako (ACNUR) goi mandataria; Frantzisko aita santua; Raif Badawi blogari saudiarabiarra; eta, Askatasun Zibiletarako Amerikako Batasuna.

Aurtengo Nobel sarietan 331 izendatu daude: 216 lagun eta 115 talde. Historian izandako bigarren izendatu kopuru handiena da, 2016an izan baitzen handiena.

1.400 baino gehiago dira Indonesiako lurrikara eta tsunamian hildakoak

Nazio Batuen Erakundeak 15 milioi dolar bideratuko ditu kaltedunei laguntzeko.

1.400dik gora dira jada ostiralean Indonesiako Celebes uhartean izandako lurrikararen eta ondorengo tsunamiaren ondorioz hildakoak, herrialdeko agintariek asteazken honetan jakinarazi duten azken balantzearen arabera.

Iturrion arabera, 2.500 pertsona larri zaurituta daude. Agintariek ohartarazi dutenez, biktimen kopuruak gora egin lezake, ehunka pertsona desagertuta baitaude oraindik. Erreskate taldeek hondakinen artean harrapatuta egon daitezkeen pertsonen bila jarraitzen dute. Oraindik orain, zenbait tokitara iritsi ezinda jarraitzen dute; izan ere, hainbat errepide itxita daude.

Dena dela, pixkanaka-pixkanaka bada ere, hasi dira argindarra eta erregaiaren hornidura berrezartzen. Argindarraren konpainiako langile batek EFE albiste agentziari baieztatu dionez, argindarra iritsi da Palu hiriaren % 30era. Halaber, goizaldean hasi dira gasolina banatzen.

Lurrikarek eta tsunamiak 1.200 hildako baino gehiago utzi dituzte Indonesian

Desagertu ugari daude, horien artean 61 atzerritar, eta 540 zauritu larri dira. Biktimen zati bat hobi komun batean lurperatzeko asmoa dute agintariek, gaixotasunak saihesteko.

Gutxienez 1.203 pertsona hil dira lurrikaren eta tsunamiaren ondorioz Indonesian, Ekintza Azkarreko Taldeak (ACT) emandako azken balantzearen arabera. Hondamendia iragan ostiralean gertatu zen, Celebes uhartean.

“Hildakoak 1.203 dira jadanik”, jakitera eman du Insan Nurrohman ACTko presidenteordeak, Antara bertako albiste-agentziak aipatuta.

Biktima kopuru handiena Paluko Petobo auzoan izan da; “tsunamiak guztiz suntsitu eta txikitu zuelako”, zehaztu duenez. Guztira, 700 hildako zenbatu dituzte bertan.

Hala ere, hildakoen kopuruak gora egitea espero dutela argi utzi du Insanek; izan ere, oraindik desagertu ugari daude, horien artean 61 atzerritar, eta 540 zauritu larri dira zenbait ospitaletan.

Oraingoz 16.732 pertsona ebakuatu dituzte 123 toki ezberdinetara Palu hirian, baita Donggala, Sigi eta Parigi Moutong barrutietan ere.

Igandean suntsitutako zonaldea bisitatu ondoren, Joko Wiodo Indonesiako presidenteak gaur iragarri duenez, tragediari aurre egiteko nazioarteko laguntza onartuko du herrialdeak.

Pablo Ibarren epaiketa berria 'luzea' izango dela ohartarazi du epaileak

“Auzi batzuk konplexuagoak dira, eta denbora asko behar dute. Hau horietako bat da”, esan die Dennis Bailey epaileak epaimahaia osatzeko deitu dituzten hautagaiei.

Pablo Ibarren epaiketa berria hasi da gaur Fort Lauderdalen. 1994an, Floridan, egindako hilketa hirukoitza leporatzen diote. Epaiketa urtarrilera arte ez bukatzea eta auzi konplexua izango dela esan die epaileak epaimahaikide posibleei.

Epaimahaiko 12 kideak aukeratzeko prozesua abiatu du gaur Dennis Bailey epaileak Fort Lauderdalen, Miamitik 45 kilometrora. Ibarri egingo dioten laugarren epaiketa izango da. 46 urteko gizonak 24 urte eman ditu preso, Casimir Sucharski, Sharon Anderson eta Marie Rogers hiltzea egotzita.

50 pertsonak, horien erdia emakumeak, agerraldia egin dute gaur, epaimahaiko 12 kideak aukeratzeko. Ibar errudun jo ala ez erabakitzeko erantzukizuna izango du epaimahaiak.

Akusatua, trajez eta gorbatarekin jantzita, eskuburdinez lotuta eta kateaturik heldu da, baina saioa hasi denean bilurrak kendu dizkiote. Horrela, epaileak epaimahaikide posibleei eginbeharra eta auzitegien egutegia azaltzen zien bitartean, oharrak hartu ahal izan ditu Ibarrek.

Jose Manuel Ibar Urtain boxeolariaren lobak 16 urte eman ditu heriotzaren korridorean, baina duela bi urte Floridako Gorte Gorenak zigorra baliogabe utzi zuen, zigortuaren aurka aurkeztutako frogak “eskasak” eta “ahulak “ izan zirelako.

Auzi oso konplexua dela esan die Bailey epaileak epaimahaikide posibleei. Horregatik, litekeena da bigarren fasea urtarriletik aurrera luzatzea. “Laguntza behar dugu”, azpimarratu du.

Pablo Ibarren Heriotza Zigorraren aurkako Elkarteak beste kanpaina bat abiarazi du, 350.000 euro biltzeko, AEBko epaitegietan euskal jatorriko presoaren defentsa ordaintzeko aurrekontua (1.100.000 euro) osatzeko. Prentsa ohar batean, elkarteak jakinarazi du defentsarako aurrekontua 1.300.000 dolarrekoa dela (1.100.000 euro inguru), eta horren % 60 badutela, baina oraindik beste 350.000 falta zaizkiela defentsa judiziala ordaintzeko.

Emakumeek urtean 52 egun gehiago egin behar dute lan gizonen pare kobratzeko

Emakumeak eta laneko pobrezia aztertzeko ikerketa egin du Oxfam Intermon erakundeak, eta, horren arabera, urtean ia bi hilabete gehiago egin behar dute lan emakumeek gizonek beste irabazteko.

Emakumeen eta gizonen arteko soldata arrakala agerian utzi du, beste behin, Oxfam Intermon gobernuz kanpoko erakundeak gaur argitara eman duen ikerketak. Bertan jasotzen denez, Espainiako Estatuan urtean, batez beste, 52 egun gehiago egin behar dute lan gizonen pare kobratzeko.

'Prekarietatearen kontrako ahotsak: emakumeak eta laneko pobrezia Europan' izenburupean, emakumeek lan munduan jasaten duten bazterkeria salatu du Oxfam Intermonek.

Europar Batasunean gizonen eta emakumeen arteko soldata arrakala txikitzen ari bada ere, oraindik Europako emakumeek gizonek baino % 16 gutxiago kobratzen dute urtean. Espainiako Estatuan % 14koa da aldea.

2010 eta 2017 urte arteko datuak bildu ditu gobernuz kanpoko erakundeak, eta, ondorioztatu duenez, emakumeek etxean egiten dituzten lanorduak ordainduz gero, Espainiako Barne Produktu Gordinaren % 41 izatera iritsiko litzateke kopurua, eta mundukoaren % 13 (10 bilioi euro).

Bestalde, Europako emakumeek astean, batez beste, 22 ordu ematen dituzte etxeko lanak egiten, eta gizonak ez dira 10 ordura iristen.

Chema Vera Oxfam Intermoneko arduradunak esan duenez, emakumeen "lan ikusezinaren gainean" ari da hazten Europa.

Migratzaileak, gazteak eta gurasobakarrak dira, batik bat, Europan egoerarik prekarioenean bizi diren emakumeak.

Egoera larri hau bideratzeko, gobernuz kanpoko erakundeak hainbat neurri proposatzen ditu, tartean, gutxieneko soldata 1.000 eurokoa izatea 2020rako. Enpleguaren behin-behinekotasuna jaistea ere ezinbestekotzat jo du, emakumeen egoera hobetzeko.

Italiak asilo politikoa lortzeko baldintzak gogortu ditu

Aurrerantzean zailagoa izango da asiloa lortzea eta errazagoa, ostera, migratzaileak kanporatzea. Italiako Parlamentuak 60 eguneko epea du orain dekretua berresteko.

Immigrazioaren kontrako neurrien baitan, Italiako Gobernuak errefuxiatuei asilo politikoa emateko baldintzak gogortu ditu dekretu bidez. Matteo Salvini Italiako Barne ministro eta Liga alderdi ultra eskuindarreko buru denak bultzatutako dekretua izan da. Aurrez, Italiak Mediterraneo itsasoan erreskatatutako migratzaileez beteriko ontziei portuak itxi zizkien.

"Italia seguruago bat lortzeko aurrerapauso bat da", adierazi du Salvinik bere Twitter kontuan. Liga alderdiak eta 5 Izarren Mugimenduak osatutako koalizioak agintzen du Italian eta Salviniren alderdiak legez kanpoko egoeran dauden ehunka mila migratzaile kanporatzea hitzeman du.

Dekretuak asilo politiko kasuak mugatu nahi ditu. "Noizean behin erabili beharko litzateke", azpimarratu du Giuseppe Conte lehen ministroak kazetariei egindako adierazpenetan.

Asilo baldintzak gogortzeaz gain, Italiak 90 egunetik 180ra igo du migratzaileen gehienezko atxiloaldia. Aurrerantzean, migratzaileak kanporatu ahal izateko prozedura gauzatzeko denbora gehiago izango du.

Gainera, asiloa dutenek edo lortzeko bidean daudenek beren babesa galduko dute delitu jakinen bat eginez gero. Gobernuak babesa galtzea ekarriko lukeen delitu zerrenda zabaldu du.

Sergio Mattarella Italiako presidentearen bulegoko iturriek azaldu dutenez, litekeena da dekretuaren zati batzuk Konstituzioaren aurkakoak izatea.

Italiako Parlamentuak 60 eguneko epea du orain dekretua berresteko.

Venezuelan 'indarkeria armatu endemikoa' dagoela salatu du Amnistia Internazionalak

Amnistia Internazionalaren arabera, "Gobernuaren ekintzek eta politikak txirotasunean bizi diren gazteak hiltzen eta kriminalizatzen dituzte, eta horrek segurtasun eza areagotzen du".

Venezuelan "indarkeria armatu endemikoa" dagoela kritikatu du Amnistia Internazionalak. Hori horrela, Estatuak, epaiketaz kanpo, gero eta gazte gehiago hiltzen dituela salatu du aipatu erakundeak, indarkeria hori, bereziki, txirotasunean bizi diren gazteen aurkakoa dela erantsita.

"Gobernuaren ekintzek eta politikak txirotasunean bizi diren gazteak hiltzen eta kriminalizatzen dituzte, eta horrek segurtasun eza areagotzen du, baita herritarren etsipena ere", adierazi du Esteban Beltran AIk Espainian duen erakundeko zuzendariak, Buenos Airesen emandako prentsaurreko batean.

"Hau ez da bizitza: segurtasuna eta bizitza eskubidea Venezuelan" txostena aurkeztu du Beltranek, hain zuzen, Argentinako hiriburuan. "Errazen erasotzen diren herritarren kontra Estatuak erabilitako errepresioa eta eskubideen urraketa" ditu ardatz dokumentu horrek.

Hala, Beltranek berak esan du 2016an 21.752 hilketa izan zirela: horietatik % 55, 15 eta 30 urte bitarteko gazteen aurkakoak.

"Hiltzen dituzten gazteak leku txiroetan bizi dira, horregatik, etsaitzat eta gaizkiletzat hartzen ditu Gobernuak", azpimarratu du. "Horrekin segurtasun eza areagotzea lortu dute, izan ere, 2016an 65.000tik gora venezuelar izan ziren Estatuaren indarkeria armatuaren biktima", gaineratu du.

Ildo horretan, Amnistia Internazionalak zehaztu du 2016az geroztik 19 segurtasun ministro egon direla, eta horietatik 11 indar armatuetako kide izan direla. "Horrek guztiak atxiloketa bidegabeak, epaiketaz kanpoko hilketak eta behartutako desagertzeak ekarri ditu", Beltranen ustez.

Testurik gabe

Testurik gabe

Audio eta testurik gabe.

Dagoeneko 81 dira Mangkhut tifoiaren eraginez Filipinetan hildakoak

Poliziaren balantze ofizialaren arabera, 52 pertsona desagertuta daude eta 17.200 artatu dituzte harrera zentroetan.

Dagoeneko 81 dira Filipinetan Mangkhut tifoiaren eraginez hildakoak, Poliziak eta Nekazaritza Departamentuak emandako datuen arabera. Oraindik dozenaka lagun falta dira, eta, beraz, hildakoak gehiago izan daitezke.

Poliziak jakinarazi duenez, gehienak (60 inguru) Cordillera eskualdean hil dira, eta 52 lagun desagertuta daude. Zehatz-mehatz esanda, 40 pertsona Itogon udalerriko meatze batean harrapatuta geratu dira.

Benigno Durana Jr. Poliziaren bozeramailearen esanetan, 12.860 etxe suntsitu dira, eta 17.200 lagun baino gehiago artatu dituzte harrera zentroetan.

Bestalde, 74 errepide itxita eta 2.186 gune argindarrik gabe daude, PNA albiste agentziak zabaldutako informazioaren arabera.

Action Against Hunger gobernuz kanpoko erakundearen esanetan, 893.000 pertsonakaltetu dira tifoiaren eraginez.

Michael urakanak 4. kategoria harrapatu du, Floridatik 300 kilometrora

Michael urakanak 4. kategoria harrapatu du, F...
Michael urakanak 4. kategoria harrapatu du, Floridatik 300 kilometrora

AEBko Urakanen Zentro Nazionalak (NHC...
0:40 min.

AEBko Urakanen Zentro Nazionalak (NHC) ohartarazi du Michaelen indarrak "sekulako arriskua" daukala, 210 kilometro orduko haize boladak eragin baititu.

Michael urakana 4. kategoriakoa da orain (gehienez 5. kategoria harrapa lezake Saffir-Simpson eskalan). Hori horrela, 210 kilometro orduko haize boladak eragin ditu Mexikoko Golkoan, eta Floridara iristear da, AEBko Urakanen Zentro Nazionalak (NHC) jakinarazi duenez.

2018/10/10

Florida, Michael urakanaren zain

Florida, Michael urakanaren zain...
Florida, Michael urakanaren zain

AEBko agintariek ebakuazioak agindu d...
1:31 min.

AEBko agintariek ebakuazioak agindu dituzte hainbat konderritan, Michael urakanak haize-bolada eta olatu handiak, zein eurite kaltegarriak ekarriko baititu.

Michael urakanak Mexikoko golkorako bidea hartu du, eta laster Floridako (AEB) kostaldera helduko da, haize-bolada eta olatu handiak zein eurite kaltegarriak eraginez. Floridako gobernadoreak ebakuazioak agindu ditu hainbat konderritan, eta Guardia Nazionala mobilizatu du urakana asteazkenean sartuko baita AEBn. Urakanak eragindako uholdeek gutxienez 13 hildako utzi ditu Erdialdeko Amerikan. Michaelek ekaitz tropikal izateari utzi dio eta lehen mailako kategoria hartu du Saffir-Simpson eskalan, eta baliteke hirugarren mailako kategoria harrapatu ondoren iristea AEBko kostaldera, Reuters albiste-agentziak Erresuma Batuko meteorologoak aipatuta jakitera eman duenez. Aurreikuspenen arabera, Floridan lur hartu ostean, aurrera jarraituko du asteazkenean eta ostegunean, Ipar Carolina eta Hego Carolinaraino. Kuban, berriz, urakanaren azken astinduak jasotzen ari dira, eta euriteek eta uholdeek utzitako kalteak zenbatzeari ekingo diote laster.

2018/10/09

Coca-Cola, Pepsi eta Nestle, ozeanoak plastikoz gehien kutsatzen dituzten enpresak

Coca-Cola, Pepsi eta Nestle, ozeanoak plastik...
Coca-Cola, Pepsi eta Nestle, ozeanoak plastikoz gehien kutsatzen dituzten enpresak

42 herrialdetako kostak garbitu ditue...
1:50 min.

42 herrialdetako kostak garbitu dituen 'Break Free From Plastic' mugimenduak egindako ikerketa baten arabera, bildutako plastikoen % 65 baino gehiago multinazional handien produktuenak dira.

Coca-Cola, Pepsi eta Nestle dira itsasoak erabilera bakarreko plastikoz gehien kutsatzen dituzten enpresak, "Break Free From Plastic" (plastikoarekin hautsi) mugimenduak gaur Manila hirian aurkeztutako ikerketa baten arabera. Aipaturiko mugimenduak 42 herrialdetako kostaldeak garbitu ditu. Irailaren 9tik 15era bitartean, mundu osoko 10.000 boluntariok 239 garbiketa ekintza egin zituzten 42 herrialdetako kostalde eta ingurune naturaletan, besteak beste, Filipinetan, Thailandian, Vietnamen, Indian, Indonesian, Australian, Txilen, Ekuadorren, Brasilen, Mexikon, Ameriketako Estatu Batuetan, Kanadan, Marokon edota Espainian. Guztira, plastikozko 187.000 pieza bildu zituzten eta erdiak baino gehiago (% 65 baino gehiago) multinazional handietako bilgarriak ziren. Coca-Cola, Pepsi eta Nestle zeuden zerrenda horren buruan. Bildutako 100.000 plastiko inguru birziklatzea oso zaila edo ezinezkoa den materialez egindakoak ziren: poliestirenoa, PVCa, PET )polietilen tereftalatoa) edo erabilera bakarreko plastikozko filmak.

2018/10/09

Ustelkeria kasu bat ikertzen ari zen kazetari bat bortxatu eta hil dute Bulgarian

Ustelkeria kasu bat ikertzen ari zen kazetari...
Ustelkeria kasu bat ikertzen ari zen kazetari bat bortxatu eta hil dute Bulgarian

30 urteko kazetaria Europar Batasunek...
1:59 min.

30 urteko kazetaria Europar Batasuneko funtsei buruzko ustelkeria kasu bat ikertzen ari zen.

Bulgarian, Victoria Marinova 30 urteko kazetaria bortxatu eta hil dute. Larunbatean aurkitu dute haren hilotza, Ruse hiria. Antza denez, Europar Batasuneko funtsei buruzko ustelkeria kasu bat ikertzen ari zen. Poliziaren esanetan, oraingoz ez dago frogarik Marinovaren hilketa bere lanarekin lotuta dagoela esateko. Hala ere, ustelkeriaren aurkako taldeek eta Europako Parlamentuko zenbait kidek heriotza argitzeko ikerketa eskatu dute. Harlem Desir Europako Segurtasun eta Lankidetzako Erakundeko (OSCE) ordezkariak, esaterako, ikerketa sakona eskatu du hilketaren egileak edo egileek egindakoa ordain dezaten. 2017tik Europar Batasunean hil duten laugarren kazetaria da. Daphne Caruana Galizia kazetaria 2017ko urrian hil zuten, bonba-autoz, Jan Kuciak kazetari suediarra urte bereko abuztuan hil zuten, eta Jan Kuciak kazetari eslovakiarra, 2018ko otsailean.

2018/10/08

Denis Mukwegek eta Nadia Muradek jaso dute Bakearen Nobel saria

Denis Mukwegek eta Nadia Muradek jaso dute Ba...
Denis Mukwegek eta Nadia Muradek jaso dute Bakearen Nobel saria

Sexu indarkeria gerrarako arma gisa e...
2:13 min.

Sexu indarkeria gerrarako arma gisa eta gatazka armatuetan ez erabiltzeko egindako lanagatik saritu dituzte Mukwege eta Murad.

Denis Mukwege kongoarrak eta Nadia Murad irakiarrak lortu dute 2018ko Bakearen Nobel saria, sexu indarkeria gerrarako arma gisa eta gatazka armatuetan ez erabiltzeko egindako lanagatik, Nobelaren Batzorde norvegiarrak hala erabakita. Mukwegek (1955) "urteak daramatza gerra garaietan sexu indarkeria jasan duten biktimak defendatzen", eta Murad, berriz, "biktima horien aurka burututako sexu gehiegikerien berri eman duen lekukoa" izan da, argudiatu du Nobelaren aipatu batzordeak. Mukwege sendagileak eta harekin lan egiten duen taldeak "erasotuak izan diren hainbat lagun artatu dituzte, bortxaketa masiboen zigorgabetasuna gaitzetsi dute eta Kongoko zein beste herrialde batzuetako gobernuak gogor kritikatu dituzte, emakumeen aurkako indarkeriaren kontra urratsik ez emateagatik". Muradi (1993) dagokionez, "Estatu Islamiarraren estrategia militarraren biktima izan da". Izan ere, sexu abusuak jasan dituzten 3.000 haur eta emakumeetako bat izan da. Gainera, hiru hilabetez gatibu egon ostean, ihes egitea eta jasandako abusuak salatzea lortu zuen. "Ordura arte bizitakoari buruz hitz egiteko eta beste biktima batzuei laguntzeko adorea izan zuen", esan du Nobelaren Batzordeak. Medikuntzaren saria eman zuten lehenik, eta hilabete baino gutxiagoko epean, Fisikaren, Kimikaren eta Bakearen Nobelak banatu dituzte. Ekonomia Nobelaren sariduna, berriz, datorren astelehenean ezagutaraziko dute.

2018/10/05

Herbehereek eta Erresuma Batuak zibererasoak egitea egotzi diote Errusiari

Herbehereek eta Erresuma Batuak zibererasoak ...
Herbehereek eta Erresuma Batuak zibererasoak egitea egotzi diote Errusiari

Europar Batasunak eta NATOk salaketar...
1:40 min.

Europar Batasunak eta NATOk salaketarekin bat egin dute. Errusiak, ostera, akusazioak ukatu ditu.

Erresuma Batuek eta Herbehereek mundu mailako zibererasoak egitea leporatu diote Errusiari, tartean, Arma Kimikoak Debekatzeko Erakundearen aurka apirilean egindako saiakera. Europar Batasunak eta NATOk bat egin dute salaketarekin. Errusiak akusazioak ukatu ditu eta Mendebaldea egiten ari den kanpainaren barruan kokatu ditu salaketak. Herbehereetako agintariek salatu dutenez, apirilean ustez Errusiako Inteligentzia Zerbitzuko kide ziren lau pertsona kanporatu zituen herrialdetik Arma Kimikoak Debekatzeko Erakundearen aurkako zibereraso bat prestatzen ari zirenean. Erresuma Batuarekin elkarlanean lortu omen zuten eraso saiakera hori atzera botatzea. Bestalde, Erresuma Batuak mundu mailako hainbat zibereraso egitea egotzi dio Errusiari. Eraso horiek esparru ezberdinetan izan omen zuten eragina, hala nola, garraioan edota 2016ko AEBko hauteskundeetan, Erresuma Batuko Segurtasun Zibernetikoko Zentro Nazionalak (NCSC) egindako txostenaren arabera. Errusiak, bere aldetik, akusazioak ukatu ditu eta bere kontrako propaganda hutsa direla adierazi du.

2018/10/05

302 pertsona atxilotu dituzte Washingtonen, Kavanaugh epailearen aurkako protestetan

302 pertsona atxilotu dituzte Washingtonen, K...
302 pertsona atxilotu dituzte Washingtonen, Kavanaugh epailearen aurkako protestetan

Donald Trump presidente estatubatuarr...
1:42 min.

Donald Trump presidente estatubatuarrak Auzitegi Goreneko magistratu izateko proposatutako hautagaia da, sexu-abusuak egin izana leporatu badiote ere. Senatuak larunbatean egingo du bozketa.

Ameriketako Estatu Batuetan, Brett Kavanaugh magistratuaren aurka protestan ari ziren 302 manifestari atxilotu ditu Kapitolioko Poliziak Washington hiriburuan. Donald Trump presidente estatubatuarrak Auzitegi Goreneko magistratu izateko proposatutako hautagaia da, sexu-abusuak egin izana leporatu badiote ere. Senatuak larunbatean bozkatuko du Goreneko magistratu izendatzen duen ala ez. Kapitolioko Poliziak ohar batean azaldu duenez, 293 pertsona "legez kanpo" manifestatzeagatik atxilotu dituzte, eta gainerako bederatziak, "pilatzeagatik eta traba egiteagatik". Besteak beste, Amy Schumer aktore eta komediantea eta Emily Ratajkowski modeloa daude atxilotuen artean. Larunbatean bertan baiezta daiteke Kavanaughen izendapena; izan ere, orduan egingo dute bozketa Senatuan. Errepublikanoek gehiengoa dute Senatuan (100 ordezkarietatik 51) eta kontserbadoreek 50 boto behar dituzte izendapena onartzeko.

2018/10/05

Trump eta Puigdemont, 2018ko Bakearen Nobel saria irabazteko faboritoen artean

Trump eta Puigdemont, 2018ko Bakearen Nobel s...
Trump eta Puigdemont, 2018ko Bakearen Nobel saria irabazteko faboritoen artean

Zerrenda horretan ere, Kim Jong-un ed...
2:41 min.

Zerrenda horretan ere, Kim Jong-un edo Frantzisko aita santua daude, "Time" aldizkariak jakitera eman duenez. Sariaren irabazlea ostiral honetan emango da ezagutzera.

Time AEBko aldizkariak Donald Trump presidente estatubatuarra eta Carles Puigdemont Kataluniako presidente ohia sartu ditu 2018ko Bakearen Nobel saria irabazteko faboritoen zerrendan. Sariaren irabazlea ostiral honetan emango da ezagutzera. Golardoetarako izendatuak publikoki ezagutzera ematen ez badira ere, Nobel sarietan adituak direnek beren iragarpenak egiten dituzte eta aldizkariak aurreikuspen horiek hartzen ditu saria ustez jaso dezaketenen zerrenda osatzeko. Trumpen kasuan, 18 legegile errepublikanok gutun bat idatzi zioten maiatzean Nobel sarietako batzordeari, Ipar Koreako gudarekin amaitzeko eta Koreako penintsularen desnuklearizazioa lortzeko presidenteak egindako lanagatik izendatu zezaten. Puigdemont, berriz, Ladbrokes apustu enpresaren zerrendako gogokoenen artean dago, 2017ko urriaren 1ean Kataluniako independentziaren harira egindako legez kanpoko erreferendumaren antolaketan izan zuen arduragatik, Time aldizkariak jasotakoaren arabera. Zerrenda horretan, halaber, Kim Jong-un Ipar Koreako burua dago; baita, Moon Jae-in Hego Koreako presidentea; NBEko Errefuxiatu Agentziako (ACNUR) goi mandataria; Frantzisko aita santua; Raif Badawi blogari saudiarabiarra; eta, Askatasun Zibiletarako Amerikako Batasuna. Aurtengo Nobel sarietan 331 izendatu daude: 216 lagun eta 115 talde. Historian izandako bigarren izendatu kopuru handiena da, 2016an izan baitzen handiena.

2018/10/04

1.400 baino gehiago dira Indonesiako lurrikara eta tsunamian hildakoak

1.400 baino gehiago dira Indonesiako lurrikar...
1.400 baino gehiago dira Indonesiako lurrikara eta tsunamian hildakoak

Nazio Batuen Erakundeak 15 milioi dol...
0:58 min.

Nazio Batuen Erakundeak 15 milioi dolar bideratuko ditu kaltedunei laguntzeko.

1.400dik gora dira jada ostiralean Indonesiako Celebes uhartean izandako lurrikararen eta ondorengo tsunamiaren ondorioz hildakoak, herrialdeko agintariek asteazken honetan jakinarazi duten azken balantzearen arabera. Iturrion arabera, 2.500 pertsona larri zaurituta daude. Agintariek ohartarazi dutenez, biktimen kopuruak gora egin lezake, ehunka pertsona desagertuta baitaude oraindik. Erreskate taldeek hondakinen artean harrapatuta egon daitezkeen pertsonen bila jarraitzen dute. Oraindik orain, zenbait tokitara iritsi ezinda jarraitzen dute; izan ere, hainbat errepide itxita daude. Dena dela, pixkanaka-pixkanaka bada ere, hasi dira argindarra eta erregaiaren hornidura berrezartzen. Argindarraren konpainiako langile batek EFE albiste agentziari baieztatu dionez, argindarra iritsi da Palu hiriaren % 30era. Halaber, goizaldean hasi dira gasolina banatzen.

2018/10/03

Lurrikarek eta tsunamiak 1.200 hildako baino gehiago utzi dituzte Indonesian

Lurrikarek eta tsunamiak 1.200 hildako baino ...
Lurrikarek eta tsunamiak 1.200 hildako baino gehiago utzi dituzte Indonesian

Desagertu ugari daude, horien artean ...
1:29 min.

Desagertu ugari daude, horien artean 61 atzerritar, eta 540 zauritu larri dira. Biktimen zati bat hobi komun batean lurperatzeko asmoa dute agintariek, gaixotasunak saihesteko.

Gutxienez 1.203 pertsona hil dira lurrikaren eta tsunamiaren ondorioz Indonesian, Ekintza Azkarreko Taldeak (ACT) emandako azken balantzearen arabera. Hondamendia iragan ostiralean gertatu zen, Celebes uhartean. “Hildakoak 1.203 dira jadanik”, jakitera eman du Insan Nurrohman ACTko presidenteordeak, Antara bertako albiste-agentziak aipatuta. Biktima kopuru handiena Paluko Petobo auzoan izan da; “tsunamiak guztiz suntsitu eta txikitu zuelako”, zehaztu duenez. Guztira, 700 hildako zenbatu dituzte bertan. Hala ere, hildakoen kopuruak gora egitea espero dutela argi utzi du Insanek; izan ere, oraindik desagertu ugari daude, horien artean 61 atzerritar, eta 540 zauritu larri dira zenbait ospitaletan. Oraingoz 16.732 pertsona ebakuatu dituzte 123 toki ezberdinetara Palu hirian, baita Donggala, Sigi eta Parigi Moutong barrutietan ere. Igandean suntsitutako zonaldea bisitatu ondoren, Joko Wiodo Indonesiako presidenteak gaur iragarri duenez, tragediari aurre egiteko nazioarteko laguntza onartuko du herrialdeak.

2018/10/02

Pablo Ibarren epaiketa berria

Pablo Ibarren epaiketa berria 'luzea' izango ...
Pablo Ibarren epaiketa berria 'luzea' izango dela ohartarazi du epaileak

“Auzi batzuk konplexuagoak dira, eta ...
2:26 min.

“Auzi batzuk konplexuagoak dira, eta denbora asko behar dute. Hau horietako bat da”, esan die Dennis Bailey epaileak epaimahaia osatzeko deitu dituzten hautagaiei.

Pablo Ibarren epaiketa berria hasi da gaur Fort Lauderdalen. 1994an, Floridan, egindako hilketa hirukoitza leporatzen diote. Epaiketa urtarrilera arte ez bukatzea eta auzi konplexua izango dela esan die epaileak epaimahaikide posibleei. Epaimahaiko 12 kideak aukeratzeko prozesua abiatu du gaur Dennis Bailey epaileak Fort Lauderdalen, Miamitik 45 kilometrora. Ibarri egingo dioten laugarren epaiketa izango da. 46 urteko gizonak 24 urte eman ditu preso, Casimir Sucharski, Sharon Anderson eta Marie Rogers hiltzea egotzita. 50 pertsonak, horien erdia emakumeak, agerraldia egin dute gaur, epaimahaiko 12 kideak aukeratzeko. Ibar errudun jo ala ez erabakitzeko erantzukizuna izango du epaimahaiak. Akusatua, trajez eta gorbatarekin jantzita, eskuburdinez lotuta eta kateaturik heldu da, baina saioa hasi denean bilurrak kendu dizkiote. Horrela, epaileak epaimahaikide posibleei eginbeharra eta auzitegien egutegia azaltzen zien bitartean, oharrak hartu ahal izan ditu Ibarrek. Jose Manuel Ibar Urtain boxeolariaren lobak 16 urte eman ditu heriotzaren korridorean, baina duela bi urte Floridako Gorte Gorenak zigorra baliogabe utzi zuen, zigortuaren aurka aurkeztutako frogak “eskasak” eta “ahulak “ izan zirelako. Auzi oso konplexua dela esan die Bailey epaileak epaimahaikide posibleei. Horregatik, litekeena da bigarren fasea urtarriletik aurrera luzatzea. “Laguntza behar dugu”, azpimarratu du. Pablo Ibarren Heriotza Zigorraren aurkako Elkarteak beste kanpaina bat abiarazi du, 350.000 euro biltzeko, AEBko epaitegietan euskal jatorriko presoaren defentsa ordaintzeko aurrekontua (1.100.000 euro) osatzeko. Prentsa ohar batean, elkarteak jakinarazi du defentsarako aurrekontua 1.300.000 dolarrekoa dela (1.100.000 euro inguru), eta horren % 60 badutela, baina oraindik beste 350.000 falta zaizkiela defentsa judiziala ordaintzeko.

2018/10/02

Emakumeek urtean 52 egun gehiago egin behar dute lan gizonen pare kobratzeko

Emakumeek urtean 52 egun gehiago egin behar d...
Emakumeek urtean 52 egun gehiago egin behar dute lan gizonen pare kobratzeko

Emakumeak eta laneko pobrezia aztertz...
2:07 min.

Emakumeak eta laneko pobrezia aztertzeko ikerketa egin du Oxfam Intermon erakundeak, eta, horren arabera, urtean ia bi hilabete gehiago egin behar dute lan emakumeek gizonek beste irabazteko.

Emakumeen eta gizonen arteko soldata arrakala agerian utzi du, beste behin, Oxfam Intermon gobernuz kanpoko erakundeak gaur argitara eman duen ikerketak. Bertan jasotzen denez, Espainiako Estatuan urtean, batez beste, 52 egun gehiago egin behar dute lan gizonen pare kobratzeko. 'Prekarietatearen kontrako ahotsak: emakumeak eta laneko pobrezia Europan' izenburupean, emakumeek lan munduan jasaten duten bazterkeria salatu du Oxfam Intermonek. Europar Batasunean gizonen eta emakumeen arteko soldata arrakala txikitzen ari bada ere, oraindik Europako emakumeek gizonek baino % 16 gutxiago kobratzen dute urtean. Espainiako Estatuan % 14koa da aldea. 2010 eta 2017 urte arteko datuak bildu ditu gobernuz kanpoko erakundeak, eta, ondorioztatu duenez, emakumeek etxean egiten dituzten lanorduak ordainduz gero, Espainiako Barne Produktu Gordinaren % 41 izatera iritsiko litzateke kopurua, eta mundukoaren % 13 (10 bilioi euro). Bestalde, Europako emakumeek astean, batez beste, 22 ordu ematen dituzte etxeko lanak egiten, eta gizonak ez dira 10 ordura iristen. Chema Vera Oxfam Intermoneko arduradunak esan duenez, emakumeen "lan ikusezinaren gainean" ari da hazten Europa. Migratzaileak, gazteak eta gurasobakarrak dira, batik bat, Europan egoerarik prekarioenean bizi diren emakumeak. Egoera larri hau bideratzeko, gobernuz kanpoko erakundeak hainbat neurri proposatzen ditu, tartean, gutxieneko soldata 1.000 eurokoa izatea 2020rako. Enpleguaren behin-behinekotasuna jaistea ere ezinbestekotzat jo du, emakumeen egoera hobetzeko.

2018/09/27

Italiak asilo politikoa lortzeko baldintzak gogortu ditu

Italiak asilo politikoa lortzeko baldintzak g...
Italiak asilo politikoa lortzeko baldintzak gogortu ditu

Aurrerantzean zailagoa izango da asil...
2:39 min.

Aurrerantzean zailagoa izango da asiloa lortzea eta errazagoa, ostera, migratzaileak kanporatzea. Italiako Parlamentuak 60 eguneko epea du orain dekretua berresteko.

Immigrazioaren kontrako neurrien baitan, Italiako Gobernuak errefuxiatuei asilo politikoa emateko baldintzak gogortu ditu dekretu bidez. Matteo Salvini Italiako Barne ministro eta Liga alderdi ultra eskuindarreko buru denak bultzatutako dekretua izan da. Aurrez, Italiak Mediterraneo itsasoan erreskatatutako migratzaileez beteriko ontziei portuak itxi zizkien. "Italia seguruago bat lortzeko aurrerapauso bat da", adierazi du Salvinik bere Twitter kontuan. Liga alderdiak eta 5 Izarren Mugimenduak osatutako koalizioak agintzen du Italian eta Salviniren alderdiak legez kanpoko egoeran dauden ehunka mila migratzaile kanporatzea hitzeman du. Dekretuak asilo politiko kasuak mugatu nahi ditu. "Noizean behin erabili beharko litzateke", azpimarratu du Giuseppe Conte lehen ministroak kazetariei egindako adierazpenetan. Asilo baldintzak gogortzeaz gain, Italiak 90 egunetik 180ra igo du migratzaileen gehienezko atxiloaldia. Aurrerantzean, migratzaileak kanporatu ahal izateko prozedura gauzatzeko denbora gehiago izango du. Gainera, asiloa dutenek edo lortzeko bidean daudenek beren babesa galduko dute delitu jakinen bat eginez gero. Gobernuak babesa galtzea ekarriko lukeen delitu zerrenda zabaldu du. Sergio Mattarella Italiako presidentearen bulegoko iturriek azaldu dutenez, litekeena da dekretuaren zati batzuk Konstituzioaren aurkakoak izatea. Italiako Parlamentuak 60 eguneko epea du orain dekretua berresteko.

2018/09/25

Venezuelan

Venezuelan 'indarkeria armatu endemikoa' dago...
Venezuelan 'indarkeria armatu endemikoa' dagoela salatu du Amnistia Internazionalak

Amnistia Internazionalaren arabera, "...
1:58 min.

Amnistia Internazionalaren arabera, "Gobernuaren ekintzek eta politikak txirotasunean bizi diren gazteak hiltzen eta kriminalizatzen dituzte, eta horrek segurtasun eza areagotzen du".

Venezuelan "indarkeria armatu endemikoa" dagoela kritikatu du Amnistia Internazionalak. Hori horrela, Estatuak, epaiketaz kanpo, gero eta gazte gehiago hiltzen dituela salatu du aipatu erakundeak, indarkeria hori, bereziki, txirotasunean bizi diren gazteen aurkakoa dela erantsita. "Gobernuaren ekintzek eta politikak txirotasunean bizi diren gazteak hiltzen eta kriminalizatzen dituzte, eta horrek segurtasun eza areagotzen du, baita herritarren etsipena ere", adierazi du Esteban Beltran AIk Espainian duen erakundeko zuzendariak, Buenos Airesen emandako prentsaurreko batean. "Hau ez da bizitza: segurtasuna eta bizitza eskubidea Venezuelan" txostena aurkeztu du Beltranek, hain zuzen, Argentinako hiriburuan. "Errazen erasotzen diren herritarren kontra Estatuak erabilitako errepresioa eta eskubideen urraketa" ditu ardatz dokumentu horrek. Hala, Beltranek berak esan du 2016an 21.752 hilketa izan zirela: horietatik % 55, 15 eta 30 urte bitarteko gazteen aurkakoak. "Hiltzen dituzten gazteak leku txiroetan bizi dira, horregatik, etsaitzat eta gaizkiletzat hartzen ditu Gobernuak", azpimarratu du. "Horrekin segurtasun eza areagotzea lortu dute, izan ere, 2016an 65.000tik gora venezuelar izan ziren Estatuaren indarkeria armatuaren biktima", gaineratu du. Ildo horretan, Amnistia Internazionalak zehaztu du 2016az geroztik 19 segurtasun ministro egon direla, eta horietatik 11 indar armatuetako kide izan direla. "Horrek guztiak atxiloketa bidegabeak, epaiketaz kanpoko hilketak eta behartutako desagertzeak ekarri ditu", Beltranen ustez.

2018/09/21

Testurik gabe

Testurik gabe...
Testurik gabe

Testurik gabe...
2:26 min.

Testurik gabe

Audio eta testurik gabe.

2018/09/20

Dagoeneko 81 dira Mangkhut tifoiaren eraginez Filipinetan hildakoak

Dagoeneko 81 dira Mangkhut tifoiaren eraginez...
Dagoeneko 81 dira Mangkhut tifoiaren eraginez Filipinetan hildakoak

Poliziaren balantze ofizialaren arabe...
1:17 min.

Poliziaren balantze ofizialaren arabera, 52 pertsona desagertuta daude eta 17.200 artatu dituzte harrera zentroetan.

Dagoeneko 81 dira Filipinetan Mangkhut tifoiaren eraginez hildakoak, Poliziak eta Nekazaritza Departamentuak emandako datuen arabera. Oraindik dozenaka lagun falta dira, eta, beraz, hildakoak gehiago izan daitezke. Poliziak jakinarazi duenez, gehienak (60 inguru) Cordillera eskualdean hil dira, eta 52 lagun desagertuta daude. Zehatz-mehatz esanda, 40 pertsona Itogon udalerriko meatze batean harrapatuta geratu dira. Benigno Durana Jr. Poliziaren bozeramailearen esanetan, 12.860 etxe suntsitu dira, eta 17.200 lagun baino gehiago artatu dituzte harrera zentroetan. Bestalde, 74 errepide itxita eta 2.186 gune argindarrik gabe daude, PNA albiste agentziak zabaldutako informazioaren arabera. Action Against Hunger gobernuz kanpoko erakundearen esanetan, 893.000 pertsonakaltetu dira tifoiaren eraginez.

2018/09/20