Euskadi

2024/07/24
Traktore baten gidaria hil da Usurbilen, ibilgailua trenbidera erorita (0:42 min.)

Ezbeharraren ondorioz, Euskotrenen zerbitzua etenda dago Usurbil parean, ibilgailua noiz kenduko zain.

Audiorik gabe. Traktore baten gidaria hil da gaur arratsaldean Usurbilen (Gipuzkoa), ibilgailua trenbidera erorita, Segurtasun Sailak jakitera eman duenez. Istripua gaur arratsaldeko 19:30 aldera gertatu da, hildakoa traktorearekin lanean ari zela, Usurbilgo Txiki-Erdi auzoko baserri baten inguruan. Traktorea trenbidera erori da, eta gidaria hil egin da. Ezbeharraren ondorioz, Euskotrenen zerbitzua etenda dago Usurbil parean, ibilgailua noiz kenduko zain.

2024/07/24
Testurik gabe. (0:51 min.)

Testurik gabe.

Audio eta testurik gabe.

2024/07/22
Testurik gabe. (1:19 min.)

Testurik gabe.

Audio eta testurik gabe.

2024/07/22
BPGa % 0,4 hazi da EAEn bigarren hiruhilekoan, eta enplegua % 0,6 (1:11 min.)

Eustaten kalkuluen arabera, aurreko urteko aldi beraren aldean hazkundea % 1,8koa izan da bi kasuetan.

Audiorik gabe. Euskadiko Autonomia Erkidegoko Barne Produktu Gordina (BPG) % 0,4 igo da 2024ko bigarren hiruhilekoan aurreko hiruhilekoarekin alderatuta, Eustatek argitaratu duenez. 2023ko bigarren hiruhilekoarekin alderatuta ere hazi egin da eta % 1,8an kokatzen da. Estatistiken Institutuak eskura zituen koiunturako informazio ekonomikoaren arabera, urte arteko hazkundea zerbitzuen sektorearen bilakaeran oinarritzen da batez ere. Enplegua, lanaldi osoko baliokidetzako lanpostuetan neurtuta, ere igo egin da 2024ko bigarren hiruhilekoan; hain zuzen ere, % 0,6 aurreko hiruhilekoaren aldean. Aurreko urteko hiruhileko beraren aldean, % 1,8 hazi da.

2024/07/18
Gizonezko bat atxilotu dute Tuteran kirol-instalazio batean hainbat emakumeri musu ematen saiatzeaga (1:14 min.)

58 urteko gizonezkoa Tuterako Udaltzaingoak atxilotu zuen asteazken arratsaldeko 18:00etan.

Audiorik gabe. Tuterako Udaltzaingoak gizonezko bat atxilotu du sexu erasoa egotzita, kirol-instalazio baten barruan hainbat emakumeri musu ematen saiatzeagatik. 58 urteko gizonezkoa Tuterako Udaltzaingoak atxilotu atzo arratsaldeko 18:00etan, eta Foruzaingoen egoitzara eraman zuten, epailearen esku utzi arte.

2024/07/18
Testurik gabe. (1:14 min.)

Testurik gabe.

Audio eta testurik gabe.

2024/07/17
Alokairuko 7.000 etxebizitza publiko berri bideratuko ditu Jaurlaritzak datozen lau urteotan (0:41 min.)

3.500 bat gazteei zuzenduta egongo dira, Denis Itxaso sailburuak zehaztu duenez.

Audiorik gabe. Eusko Jaurlaritzako Etxebizitza Sailak alokairuko 7.000 etxebizitza publiko berri jarriko ditu, datozen lau urteotan, herritarren eskura (erdia, gazteentzat), Denis Itxaso sailburuak iragarri duenez. Lehendakaria buru, Etxebizitzaren aldeko Itun Sozialaren sinatzaileen bilera izan da gaur, eta bertan izan da Itxaso Etxebizitza sailburua ere. Erakundeez gain, gizarte eragileek, 3. sektorekoek, eta sustapen eta eraikuntzaren sektoreko enpresek hartzen dute parte aipatu foroan.

2024/07/17
Ostegunerako Araban eta Nafarroan iragarrita dagoen bero itogarriak alerta laranjan jarriko du Errib (1:07 min.)

Termometroek gora egingo dute, nabarmen, datozen ordueta, eta Euskalmetek abisu horia ezarriko beroagatik ostegun eta ostiral honetan, Arabako hegoaldean.

Audiorik gabe. Bero itogarria, 36-40 ºC arteko maximoekin. Hori da datozen egunetarako iragarri dutena Euskal Herriko hainbat puntutan. Eusko Jaurlaritzako Segurtasun Sailak abisu horia ezarriko du beroagatik ostegunean Arabako hegoaldean. Nafarroan, oraindik are eta bero handiagoa egingo du eta Espainiako meteorologia agentziak alerta laranja ezarriko du Erribera, termometroa 40 graduren bueltan ibiliko baita. Lurraldearen gainerako tokietan abisua horia izango da indarrean ostegunean. Kosta egin da, baina azkenean iritsi da uda honetako lehen beroaldia. Hala, bihar 13:00etatik 20:00ra arte Euskalmetek abisu horia ezarriko du Arabako Errioxan muturreko tenperaturak tarteko. Litekeena da 36 graduko maximoak izatea ordu tarte horretan Arabako hegoaldeko zenbait herritan. Gainera, baso-suteen arriskuagatik ere abisu horia aktibatuko da eguerditik 22:00ak arte.

2024/07/16
Testurik gabe. (1:07 min.)

Testurik gabe.

Audio eta testurik gabe.

2024/07/16
Elkarretaratzea egingo dute gaur Ugaon emakume bati arma zuriz egindako erasoa salatzeko (1:23 min.)

Udalerriko mugimendu feministak deituta eta Udalaren babesarekin egingo dute bilkura, 19:30ean Herriaren Enparantzan.

Audiorik gabe. Ugaoko (Bizkaia) mugimendu feministak deituta, elkarretaratzea dago gaur arratsaldean (19:00etan, Herriaren Enparantzan) igandean emakume bati arma zuriz egindako erasoa gaitzesteko. 35 urteko gizonezko batek andrazkoa hainbat aldiz sastatu zuen Usila industriaguneko dantzaleku baten kanpoaldean. Ustezko erasotzailea kartzelatzeko agindua eman zuen atzo epaileak, giza hilketa saiakera egotzita. Erasoa salatzeko bilkura deitu du mugimendu feministak, eta Ugaoko Udalak bat egin du. Adierazpen instituzional batean, udalak gogor arbuiatu du erasoa, eta elkartasuna adierazi dio erasoa jasan duen emakumeari. Halaber, biktimaren eskura jarri ditu arreta eta laguntza juridiko, sozial eta psikologikoko zerbitzuak, bai eta behar duen laguntza guztia ere. Erasoa igande arratsaldeko 17:30ean izan zen, dantzaleku baten kanpoaldean. Dantzalekuko segurtasun kamerek grabatutako irudietan ikus daiteke gizonezkoa, geldirik dagoen auto batera gerturatu eta gidariaren alboko eserlekuan eserita eta atea zabalik duen emakumeari behin eta berriz labana batekin eraso egiten diola.

2024/07/15
Testurik gabe. (1:24 min.)

Testurik gabe.

Audio eta testurik gabe.

2024/07/15
Sexu-eraso bat salatu dute Santurtziko jaietan (0:53 min.)

Sexu-eraso batekin amaitu da "El Carmen" jaietako lehen asteburua. Oraingoz, Ertzaintzaren esku jarraitzen du ikerketak.

Audiorik gabe. Santurtziko "El Carmen" jaietako lehen asteburua, eta lehen sexu-eraso salaketa. Horrela amaitu da beraz Bizkaiko herriko jaien hasiera. Ertzaintzak aditzera eman duenez, emakume batek salaketa jarri du igande goizaldean sexu-eraso baten biktima izan ostean. Horrekin batera, gertakaria kostaldeko herriko jai inguruan eman dela baieztatu du poliziak. Oraingoz, Ertzaintzaren esku jarraitzen du ikerketak. Bingen Zupiriak, Eusko Jaurlaritzako Segurtasun sailburuak, Ertzaintzak atestatuaren "baldintza guztiak" argitzea espero duela adierazi du, igandean Santurtzin gertatutako sexu-eraso salaketaren ostean. Poliziak atesttua ireki duela baieztatu ostean, sailburuak gogorarazi nahi izan du gertakari horiek salatzearen garrantzia.

2024/07/12
Gizonezko bat garun-heriotza egoeran da Baionan, autobus geltokitik gertu izandako liskar baten oste (1:07 min.)

Istilua ostegunean jazo zen, 21:00ak aldera, eta gizona berehala eraman zuten Baionako Ospitalera.

Audiorik gabe. Gizonezko bat garun-heriotza egoeran da Baionan, Place des Basques autobus-geltokitik gertu izandako liskar baten ondorioz, sud ouest hedabideak ostiral honetan jakitera eman duenez. Istilua ostegunean jazo zen, 21:00ak aldera, eta gizona berehala eraman zuten Baionako Ospitalera. Hasiera batean hiltzat jo zuten, baina garun-heriotza egoeran dagoela argitu dute gizona artatu duten osasun arloko profesionalek. Patrice Lanies hil eta ia urtebetera jazo da liskarra, biak Baionako jaien testuinguruan. Etxera itzultzean bere eraikineko atean pixa egin zuen gizon batek hil zuen Lanies.

2024/07/12
Inflazioak gora egin du ekainean, eta urte arteko tasa % 3,5an geratu da EAEn. (0:50 min.)

Igoera handienak Etxebizitzan, % 5 inguruko garestitzearekin, elikagai eta edari ez-alkoholikoetan (% 4,55) eta ostalaritza eta hoteletan (% 4,1) izan dira.

Audiorik gabe. Prezioek gora egin dute ekainean Hego Euskal Herrian, eta urte arteko inflazioa % 3,5ean eta % 3,4an geratu da, hurrenez hurren, EAEn eta Nafarroan. Hala ere, ekaineko urte arteko datua maiatzekoa baino apalagoa da, lau hamarren EAEn (maiatzean % 3,9koa baitzen), eta, hamarren bat, Nafarroan (maitzean % 3,5ekoa baitzen). INE Espainiako Estatistika Institutuak gaur eman ditu ekaineko behin betiko datuak. Maiatzetik ekainera, Kontsumorako Prezioen Indizea (KPI) bost hamarren igo da Nafarroan, eta hiru hamarren, Nafarroan. Prezioek gora egiten jarraitzen badute ere, igoera moteldu egin da. Etxebizitzak, elikagai eta edari ez-alkoholikoek, eta ostalaritzak eta hotelek izan dituzte urte arteko hazkunde handienak, hurrenez hurren, % 5, % 4,5 eta % 4,1eko garestitzeekin.

2024/07/11
Hego Euskal Herriko gazteen erdiek baino gehiagok 10 urte bete aurretik erabiltzen dute internet. (2:04 min.)

Gainera, Save the Childrenek ostegun honetan argitaratu duen txostenaren arabera, ia hirutik batek erabili ohi du bere egunerokoan 11 urte bete ondotik.

Audiorik gabe. Hego Euskal Herriko gazteen % 53,4k 10 urte bete aurretik erabiltzen du internet bere egunerokoan, eta hirutik ia batek 11 urte bete ondoren erabiltzen du. Hori da Save the Children haurren eskubideen aldeko erakundeak #DerechosSinConexión kanpainaren baitan ostegun honetan kaleratu duen txostenaren emaitzetako bat. Gainera, ikerketak ondorioztatu du 10 nerabetik ia 9 internetera konektatzen direla egunean hainbat aldiz edo etengabe. Haurren eta nerabeen eskubideak eta horiek ingurune digitalean babestea du helburu txostenak, eta 14 eta 17 urte bitarteko nerabeei egindako 3.315 inkestetan oinarrituta dago. Inkesta horietatik ia % 18 Hego Euskal Herriko ikastetxeetan egin dira, 292 EAEn eta 279 Nafarroan. Txostenak nabarmentzen duenez, gazteen % 80,5ek internet sare sozialetan sartzeko erabiltzen du, % 77k komunikaziorako, eta % 47,6k telesailak eta filmak ikusteko. Aipatzekoa da mutilen ia % 62 jokoetan online jokatzeko sartzen direla internetera, nesken % 8,8ren aurrean. Gurasoek jartzen dieten mugen inguruan, berriz, gazteen % 47,3k aitortu dute konexio-orduak mugatuta dituztela, eta % 34k adierazi du etxekoek azaldu dietela arriskuen berri. Inkestan parte hartu duten gazte askok (10 nerabetik ia 4k) diote eduki erotikoa eta pornografikoa aurkitu dutela bilatzen ibili gabe.

2024/07/11
Bihotzeko Kirurgia Zerbitzuak Basurtuko Ospitalean jarraitzea ebatzi du Osasun Sailak. (1:14 min.)

Alberto Martinez Osasun sailburu berriak azaldu duenez, zerbitzu bakarra eratuko dute, bi egoitza izango dituena: bata, Basurtun, eta bestea, Gurutzetan.

Audiorik gabe. Eusko Jaurlaritzako Osasun Sailak, Alberto Martinez sailburu berriaren gidaritzapean, Bihotzeko Kirurgia Zerbitzua Basurtuko Ospitalean mantentzea erabaki du, Eusko Jaurlaritzak ohar bidez jakinarazi duenez. Martinez berak azaldu du adostutakoa. Bizkaian Bihotzeko Kirurgia Zerbitzu bakarra izango da aurrerantzean, baina bi egoitzatan banatua: bata, Basurtun, eta bestea, Gurutzetako Ospitalean. Lanerako irizpideak berberak izango dituzte, eta zerbitzu eta zuzendaritza bakar baten menpe egongo dira bi taldeak. Kirurgietarako itxaron zerrenda bateratua izango dute, gainera.

2024/07/10
Emakume bat atxilotu dute Bilbon etxebizitza batean izandako borroka batean bikotekidea hiltzen saia (1:10 min.)

Emakumeak odol arrastoak zituen eta bere burua defendatzeko gizona erasotu zuela argudiatu zuen. Gizona larri zaurituta eraman zuten Gurutzetako ospitalera.

Audiorik gabe. Ertzaintzako agenteek emakume bat atxilotu dute Bilboko etxebizitza batean bere bikotekidea, 40 urte inguruko gizon bat, hiltzen saiatzea egotzita. Gizona larri zaurituta eraman zuten Gurutzetako ospitalera. Astelehen arratsaldean jazo ziren gertakariok. 14:30ak aldera, bizilagun batek Bilboko Zorrotza auzoko etxebizitza batean izandako istiluez ohartarazi zuen. Ertzaintzako patruila bat etxebizitzara iritsi zenean, gizon bat aurkitu zuen odoletan eta ia konorterik gabe. Emakumea ere etxean zegoen, eta odol arrastoak zituen. Honek azaldu zienez, bikotekidea erasotzen saiatu zitzaion eta, horren aurrean, bere burua defendatu zuen. Polizia autonomikoa gertakariaren nondik norakoak argitzen saiatzen ari da. Oraingoz, emakumea hilketa saiakeragatik atxilotu dute, eta ospitalean dagoen gizonari eginbideak ireki dizkiote genero-indarkeriako ustezko delitu batengatik.

2024/07/10
Hiru pertsona atxilotu dituzte bart sanferminetan sexu erasoak egitea egotzita. (1:18 min.)

Iruñeko Estafeta kalean adin txikiko neskato bati ukituak egiteagatik bi gizon atxilotu dituzte; hirugarrena, berriz, Gaztelu plazan neska bat lepotik hartu eta musu ematera behartzeagatik atxilotu dute.

Audiorik gabe. Foruzaingoak hiru gizonezko atxilotu ditu bart Iruñean, alde zaharreko tabernetan ukituakegiteagatik. Salaketa jarri duen emakume bat adin txikikoa da. Gaueko 12:30ak aldera, foruzainek nazionalitate frantsesa duen gizon bat atxilotu dute Gazteluko plazan, neska bat lepotik hartu eta musu ematera behartzeagatik. Bi bider gertatu da, bat taberna baten barruan, eta, bestea, kanpoaldean. Biktimak salaketa jarri du eta Foruzaingoak erasoaren ustezko egilea atxilotu du. Gainera, goizaldeko 05:00ak aldera, foruzainek espainiar nazionalitatea duten beste bi gizon atxilotu dituzte Iruñeko alde zaharreko Estafeta kaleko taberna batean ukituak egiteagatik. Kasu honetan, salatzailea adin txikiko neska bat da. Dagoeneko 11 dira Foruzaingoak sanferminetan egin dituen atxiloketak, EITBri jakinarazi dionez.

2024/07/05
Preso bat hilik aurkitu dute Bizkaiko espetxean, itxuraz bere buruaz beste eginda. (1:20 min.)

2021ean espetxeen eskumena eskualdatu zenetik, EAEko kartzeletan hildako zazpigarren presoa da.

Audiorik gabe. Bizkaiko espetxean (Basauri), itxuraz bere buruaz beste eginda, preso bat hilik aurkitu ondoren, gertatutakoa argitzeko ikerketa abia dezala eskatu dio presoen aldeko Salhaketa elkarteak Eusko Jaurlaritzari, Euskadi Irratiak jakitera eman duenez. Suizidioen aurkako protokoloak behar bezala martxan jartzeko ere egin dio deia. 2021ean espetxeen eskumena eskualdatu zenetik, Euskal Autonomia Erkidegoko (EAE) kartzeletan hildako zazpigarren presoa da. Halako gertakarien aurrean, "gardentasunez jokatu" eta informazioa eman dezala eskatu dio Salhaketak Jaurlaritzari. Era berean, suizidioaren aurkako protokoloak "azkarrago" aktiba ditzala eskatu dio Gobernuari, presoen %75ek buruko gaitzak dituztela aintzat hartuta. Osasun mentalaren arazoari aurre egiteko, preso, funtzionario eta hirugarren sektoreko elkarteen arteko "elkarlana" bultzatu nahi du Salhaketak. Horregatik, bilera eskatuko dio Maria Jesus San Jose Justizia sailburu berriari.

2024/07/05
Mundakak ez du emango etxebizitza eta apartamentu turistiko berrien lizentziarik urtebetez (1:07 min.)

Lehendik dauden etxebizitza turistikoei eta alokairuei dagokienez, Udalak, "bere eskumenen esparruan, aplikatu beharreko araudia betetzen dela zainduko du".

Audiorik gabe. Lehendik dauden etxebizitza turistikoei eta alokairuei dagokienez, Udalak, "bere eskumenen esparruan, aplikatu beharreko araudia betetzen dela zainduko du, bai alderdi espezifikoei dagokienez, bai inplikazio fiskalei dagokienez". Udalak ohar batean azaldu duenez, ezohiko bilkuran erabaki du Hiri Antolamenduko Plan Orokorra (HAPO) aldatzeko aurrerapena egitea, turismo-erabilerak arautzeko. Udalak zehaztu duenez, HAPO aldatzeko prozesuak "eragileen eta herritarren parte-hartzea izango du", eta gobernu taldeak zuzendu eta kudeatuko du, erredakzio-taldearen laguntzarekin.

2024/07/04
Droga trafikoan aritzen zen sare bat desegin eta bi pertsona atxilotu dituzte Erriberan (1:01 min.)

Sei atxilotuetako bi espetxean sartu dituzte Tuterako Instrukzio Auzitegiko epailearen aurretik igaro ondoren.

Audiorik gabe. Droga sare bat desegin dute Nafarroako Erriberan eta sei pertsona atxilotu dituzte, Foruzaingoak eta Guardia Zibilak elkarlanean egin duten droga trafikoaren kontrako operazioan. Sei atxilotuetako bi espetxean sartzea agindu du Tuterako 5. Instrukzio Auzitegiko epaileak eta sumarioa sekretupean jarri du. Halaber, egindako miaketetan 28 kilo speed antzeman dituzte, besteak beste. Foruzaingoak eta Nafarroako Guardia Zibilak elkarlanean aritu dira bost hilabete iraun duen "brújula-sukaldea" operazioa aurrera eramateko, bi polizia erakundeek ohar banatan jakinarazi dutenez. Sei atxilotuei droga trafikoa eta talde kriminaleko kide izatea leporatzen diete, eta horietako bi (Fustiñanako 58 urteko gizon bat eta 43 urteko Corteseko gizon bat) espetxean sartu dituzte.

2024/07/04
Testurik gabe. (0:52 min.)

Testurik gabe.

Audio eta testurik gabe.

2024/07/03
Gizon bat atxilotu dute Errenterian, beste bati labanaz eraso egitea egotzita. (1:05 min.)

Erasoa astearte arratsaldean jazo zen, Donostia kalean. Zauritua Donostia Ospitalera eraman zuten anbulantzian. Atxilotuak, polizia-aurrekariekin, 30 urte ditu.

Audiorik gabe. Ertzaintzak gizon bat atxilotu du astearte honetan Errenterian (Gipuzkoa), beste gizon bat labanaz zauritzea egotzita. Atxilotuak 30 urte ditu, eta epailearen esku jarriko dute asteazken honetan. Antza denez, polizia-aurrekariak ditu. Eusko Jaurlaritzako Segurtasun Sailak jakitera eman duenez, erasoa 17:00ak aldera jazo zen, Errenteriako Donostia kalean. Lekura hurbildu ziren ertzainek gizonezko bat topatu zuten kalean, aldakan odola zeriola. Antza denez, liskarra izan zuen atxilotuarekin, eta hark arma zuri batekin zauritu zuen. Bi gizonak aurretik ezagutzen ziren. Handik gertu aurkitu zuten ustezko erasotzailea, eta atxilotu egin zuten. Halaber, labana bat ere topatu zuten. Zauritua Donostia Ospitalera eraman zuten anbulantzian.

2024/07/03
Bizkaiko sei hondartzatan bainua debekatu dute, uraren kalitate txarragatik. (1:15 min.)

Areeta eta Ereaga (Getxo), Plentzia, Gorliz, San Antonio (Busturia), Laida Itsasadarra (Ibarrangelu) dira. Arazoa asteburuan izandako prezipitazio handiekin lotuta dago.

Audiorik gabe. Bizkaiko Areeta eta Ereaga (Getxo), Plentzia, Gorliz, San Antonio (Busturia), Laida (Ibarrangelu) hondartzatan bainua debekatu dute uraren kalitate txarragatik, eta horregatik gaur bandera gorria jarri dute. Atzo, Eusko Jaurlaritzako Osasun Sailak ez bainatzeko gomendioa egin zuen zazpi hondartzatako sei dira, Karraspion (Mendexa) bandera berdea baitago. Gauzak horrela, atzo ez bainatzeko gomendio zena gaur debeku bihurtu da. Eusko Jaurlaritzako Osasun Publikoaren eta Adikzioen Zuzendaritzak atzo jakitera eman zuenez, bainatzeko uraren kalitateari buruz aldiro egiten dituen analisien barruan, Bizkaiko hondartza horietan kalitate-irizpide mikrobiologikoen ez-betetze puntual bat antzeman zuten. Ez-betetze hori asteburuan Bizkaian izandako prezipitazio handiekin lotuta dago. Eguraldia lagun, arazoa bi edo hiru egun barru konpontzea aurreikusi du Osasun Sailak. Ildo horretan, egunero jarraituko du uraren kalitatea aztertzen gertakaria amaitu arte, eta jasotako emaitzen berri emango du.

2024/07/01
Astelehenean hasiko da Baionan gazte bati sexu erasoa egiteagatik atxilotutako apaizaren aurkako epa (1:22 min.)

20 urteko gazte batek otsailean jarri zuen 70 urteko apaizaren aurkako salaketa, sexu abusuengatik.

Audiorik gabe. Gaur hasiko da Baionan 20 urteko gizon bati sexu erasoa egitea eta eduki pedofiloak izatea leporatuta, atxilotutako 70 urteko apaizaren kontrako epaiketa. Otsailean zabaldu zen kasua, 20 urteko gizonezkoak sexu erasoagatik jarritako salaketarekin. Marc Aillet Baionako gotzainarekin jarri zen harremanetan gaztea. Gotzaiak ikerketa abiatu eta fiskaltzaren esku utzi zuen kasua. Apaizak ukatu egin zuen gazteari eraso egin izana baina, haren ordenagailuan eduki pedofiloak topatu zituztenean, sinesgarritasuna eman zion fiskalak gazteak egindako salaketari. Pederastia ere leporatzen diote gizonari. Baionako gotzainak kargutik kendu zuen behin-behinean eta atxilotuta dago apaiza. Haren aurkako akusazioak kontuan hartuta, 10 urteko espetxe zigorra jaso dezake.

2024/07/01
Atxilotu bat Eskoriatzan, borroka batean beste bi gizoni hautsitako botila batekin eraso egiteagatik (1:03 min.)

Borroka igande goizeko zortziak baino lehentxeago gertatu da. Ertzaintza tokira iristean bi gizon topatu ditu zaurituta; ospitalera eraman behar izan dituzte.

Audiorik gabe. 27 urteko gazte bat atxilotu dute Eskoriatzan (Gipuzkoa), borroka batean beste bi gizoni botila batekin eraso egitea egotzita. Zaurituak ospitalera eraman behar izan dituzte, Eusko Jaurlaritzako Segurtasun Sailak jakitera eman duenez. Gertaera goizeko zortziak baino lehentxeago izan da. Abisua jaso dute larrialdi zerbitzuek, lehenxeago izan den borroka batean bi pertsona zauritu direla esanez. Ertzaintzaren patruila bat erasoaren lekura joan denean, gizon bat aurkitu du, lepoan eta sabelean hainbat ebaki zituela, eta beste bat belarrian zauri odoltsu bat zuela. Lekura agertu diren osasun-zerbitzuek egiaztatu dute bi zaurituak Debagoieneko Ospitalera eraman behar zirela. Erztaintzako agenteek gertakarien ustezko egilea identifikatzea lortu dute. Atxilotu eta ertzain-etxera eraman dute, eta, ondoren, epailearen esku utzi dute.

2024/06/28
LGTBIQ+ mugimendua kalera aterako da gaur kolektiboaren eskubideak aldarrikatzeko Ekitaldi instituz (0:54 min.)

LGTBIQ+ Harrotasunaren Eguna dela eta, hainbat ekimen eta mobilizazio egingo dira Euskal Herrian kolektibo horrek egunerokotasunean jasaten dituen erasoak salatzeko eta aniztasunarekiko errespetua aldarrikatzeko. Manifestazio nagusiak lau hiriburuetan izango dira. Iruñean arratsaldeko zazpietan da hitzordua Baluarten. Donostian ere ordu berean deitu dute manifestazioa. Alderdi Ederretik abiatuko da. Bilboko martxa arratsaldeko zortzietan abiatuko da Casillatik eta Gasteizen ordu erdi beranduago elkartuko dira Andre Mari Zuriaren enparantzan. Erakundeek ere bilkurak egingo ditu. Nafarroako Legebiltzarra 11:00tan bilduko da. Eusko Legebiltzarrak ordu erdi beranduago egingo du bilkura.

Audiorik gabe. LGTBIQ+ Harrotasunaren Eguna dela eta, hainbat ekimen eta mobilizazio egingo dira Euskal Herrian kolektibo horrek egunerokotasunean jasaten dituen erasoak salatzeko eta aniztasunarekiko errespetua aldarrikatzeko. Manifestazio nagusiak lau hiriburuetan izango dira. Iruñean arratsaldeko zazpietan da hitzordua Baluarten. Donostian ere ordu berean deitu dute manifestazioa. Alderdi Ederretik abiatuko da. Bilboko martxa arratsaldeko zortzietan abiatuko da Casillatik eta Gasteizen ordu erdi beranduago elkartuko dira Andre Mari Zuriaren enparantzan.

2024/06/28
Fiskaltzak 36 urteko espetxe-zigorra eskatu du Barakaldon bi semeak hiltzen saiatu zen amarentzat (1:46 min.)

Auzipetuak gertakariak aitortu zituen, eta hilketa saiakera egotzi diote.

Audiorik gabe. Datorren asteartean hasiko da Bizkaiko Probintzia Auzitegian bi seme-alabak sedatzen eta lepoa mozten saiatu zen emakume baten aurkako epaiketa. Fiskalak 18 urteko kartzela-zigorra eskatu du harentzat, hilketa saiakera bakoitzeko. Gertakariak 2022ko abenduaren 31n izan ziren. Auzipetuak ez zuen zigor-aurrekaririk, eta 10 urteko seme-alabak hiltzen saiatu zen, Barakaldoko bere etxean. Akusazio fiskalaren idazkiak dioenez, zaintza gal zezakeela jakitean, benzodiazepinak eta antidepresiboak eman zizkien, txikitu egin zituen eta adingabeen Dalkyetan sartu zituen, beren bizitzarekin amaitzeko asmoz. Hartzera behartu zituen, eta konortea galdu zutenean, lepoa ebaki zien aizto batez. Hilketa saiakeraren ondoren, auzipetuak adingabeen aitari deitu zion, seme-alabei zerbait egin ziela eta etxera joateko esateko, eta gizona hara joan zen. Etxebizitzan zeudela, adingabeak ospitalera eraman zituen aitak. Haurrak urtarrilaren 5era arte egon ziren Gurutzetako ospitalean.

2024/06/27
Gidari bat atxilotu dute Erandion, homizidio saiakera leporatuta, autoarekin motozale bat harrapatze (0:56 min.)

Auto gidariak ertzainei aitortu zien motozalea nahita harrapatu zuela. Bestalde, zauritutako motozalea ospitalera eraman zuten.

Audiorik gabe. Ertzaintzak 35 urteko gizon bat atxilotu zuen asteartetik asteazkenerako goizaldean Erandion, bere autoarekin motozale bat harrapatzea egotzita, Eusko Jaurlaritzako Segurtasun Sailak jakinarazi duenez. Auto gidariak nahita harrapatu zuela aitortu zien ertzainei, eta horregatik homizidio ahalegina leporatu diote. Istripua asteazken gauerdian gertatu zen Erandioko errepide batean. Auto bat eta moto bat elkarrengandik oso gertu gidatzen ari zirela ohartu ziren ertzainak, jarraitzen hasi, eta bihurgune baten ondoren hots handi bat entzun zuten. Hurbildu zirenean motozalea lurrean etzanda aurkitu zuten, eta, handik metro batzuetara, autoaren gidaria bere ibilgailuaren kanpoaldean. Autoaren gidariak ertzainei aitortu zien motozalea nahita harrapatu zuela, eta, ondorioz, atxilotu egin zuten homizidio delitu saiakera leporatuta. Motozalea, berriz, ospitalera eraman zuten.

2024/06/27
Bilbobuseko greba bertan behera, langileek aurreakordioa berretsi ondoren. (1:19 min.)

650 langileetatik 527k parte hartu dute bozketan, horietatik 332k aurreakordioa babestu dute eta 186k kontrako botoa eman dute. bestalde, 6 boto baliogabe eta 3 boto zuri zenbatu dituzte.

Audiorik gabe. Joan den apirilaren 9tik Bilbobuseko langileak egiten ari ziren greba mugagabea bertan behera geratu da, beharginek UGT, CCOO eta USO sindikatuek patronalarekin sinatutako hitzarmen-aurreakordioari baietza eman ostean. ELAk eta LABek ez dute akordioa babesten. 650 langileetatik 527k parte hartu dute bozketan, horietatik 332k aurreakordioa babestu dute eta 186k kontrako botoa eman dute. bestalde, 6 boto baliogabe eta 3 boto zuri zenbatu dituzte, sindikatuetako iturriek jakitera eman dutenez. Hala, Bilbobuseko beharginak ostegun honetan itzuliko dira euren lanpostuetara, greba automatikoki bertan behera utzi ostean, UGT, CCOO eta USO sindikatuek eta Biobide zerbitzuaren enpresa arduradunak asteartean sinatutako testuari gehiengoak emandako babesarekin. Datozen egunetan sinatuko dute hitzarmena, iturriek adierazi dutenez. ELA eta LAB sindikatuek, grebarekin jarraitzearen aldekoak, aurreakordioaren edukia errefusatu dute, langileen erosteko ahalmena bermatzen ez duela uste baitute.

2024/06/26
Bilbobuseko langileek gaur bozkatuko dute Biobide enpresak eta enpresa-batzordeak adostutako aurreak (0:55 min.)

Atzo arratsaldean itxitako aurreakordioa Bilbobuseko langileen batzarrak eta Bilboko Udalak berretsi beharko dute.

Audiorik gabe. Biobide enpresako zuzendaritzak eta Bilbobusen enpresa-batzordeak aurreakordioa, lan-gatazkari amaiera emateko. Hainbat hilabetetako mobilizazioen ondoren, apirilaren 9tik greba mugagabean daude langileak. Enpresak azaldu duenez, azken negoziazio-bileran, hainbat eskaintza eta kontraeskaintza egin ondoren, azkenean onartu egin dute sindikatuek egindako azken proposamena. Orain, langileen batzarrak eta Bilboko Udalak berretsi beharko dute aurreakordioa. Gaur egingo da bozketa, goizez eta arratsaldez. CCOO, UGT eta USO sindikatuek dute gehiengoa.

2024/06/26
Hiru landunetik batek lana eta familia uztartzeko zailtasun handiak ditu Euskadin. (1:12 min.)

Gizonek eta emakumeek zaintzan eta etxeko lanetan ematen duten eguneko denboraren arteko aldeak gutxieneko balioak lortu ditu 2023an, nahiz eta oraindik ere emakumeak izan alderdi horietan denbora gehien ematen dutenak.

Audiorik gabe. Lana eta familia uztartzeko zailtasun handiak dituzten landunen kopuruak gora egin du Euskal Autonomia Erkidegoan (EAE) 2023an, Eustat Euskal Estatistika Erakundeak lana, familia eta norberaren bizitza uztartzeari buruz egindako inkestaren datuen arabera. Mendekotasuna duten pertsonak dituzten hiru pertsonatik ia batek (% 32,9) dio zailtasun handiak dituela lana eta zaintza uztartzeko, 2022an baino ehuneko 4 puntu gehiago. Zailtasun maila hori bera, baina seme-alaben zaintzari dagokionez, biztanleria landunaren % 29,2k hautematen du, 2022an baino ehuneko 1,1 puntu gehiagok. Azkenik, landunen % 27,7k adierazi du zailtasun handia duela lana eta jarduera pertsonalak bateratzeko, ehuneko 3,7 puntu gehiago.