Euskadi
2024/11/04
Bi pertsona atxilotu dituzte Donostian beste bati buruan ostikoak jo eta konorterik gabe uzteagatik (1:23 min.)
Hilketa saiakera egozten diete biei. Erasoa igande gauean gertatu zen, Gipuzkoako hiriburuko autobus-geltokiaren kanpoaldean, eta biktima Donostia Ospitalera eraman behar izan zuten, zauri larriekin.
Audiorik gabe. Ertzaintzak 29 eta 37 urteko bi gizon atxilotu ditu bart Donostian, hilketa saiakera egotzita. Biktima Donostiako Ospitalera eraman behar izan zuten, buruan zituen zauri larriak tarteko. Erasoa igande gauean 23:30ak aldera gertatu zen Gipuzkoako hiriburuko autobus geltokiaren kanpoaldean. Hainbat lekukoen arabera, hiru pertsona eztabaidan ari ziren, eta horietako bik hirugarren bati eraso egin zioten eta lurrera bota zuten. Behin lurrean, baina, erasotzailerik gazteenak buruan ostikoak ematen jarraitu zuen, biktima konorterik gabe utzi arte. Hainbat lekukok SOS DEIAK 112 Larrialdi Zerbitzuari deitu zioten, eta Ertzaintzaren patruilak bertaratu ziren. Biktimak arnasa hartzeko zailtasunak zituen, eta haustura izan zezakeen buruan. Ondorioz, Donostia Ospitalera eraman zuten. Bien bitartean, ingurua arakatu ondotik, Ertzaintzako agenteek geltoki inguruan topatu zituzten usteko bi egileak eta han bertan atxilotu zituzten. Atxilotuak ertzain-etxean daude, epailearen aurrera noiz pasako zain.
2024/11/04
Eskolarik gabe, trafikoan murrizketak ezarrita eta telelanerako deiarekin hasi dute astea Valentzian (1:08 min.)
Joan den astearteako denboraletik desagertuta dauden herritarrak bilatzea da erreskate taldeen lehentasuna. Azken datu ofizialen arabera, hildakoak 213 dira.
Audiorik gabe. Eskolarik gabe, trafikoan murrizketak ezarrita eta telelanerako deiarekin hasi dute astea Valentzia hiriburuan eta Goi Geruzetako Depresio Isolatuak (GOIDI) kaltetutako gainerako herrietan. Azken datuen arabera, hildakoak 213 dira jada. Denboraleak eragindako txikizioa, berriz, kalkulaezina da. Valentziako Generalitateko aldizkari ofizialak bart argitaratu duen ebazpenak biltzen ditu krisia kudeatzeko koordinazio mahaiak adostutako neurri bereziak. Besteak beste, trafikoari lotutako murrizketak 48 orduz luzatzea erabaki da —astearte gauerdira arte—, erreskate taldeen eta oinarrizko zerbitzuak (elikagaiak, ura, argindarra edota komunikazioa) berrezartzen ari diren enpresen joan-etorria errazteko.
2024/10/31
Testurik gabe. (2:12 min.)
Testurik gabe.
Audio eta testurik gabe.
2024/10/31
Gutxienez 95 hildako Espainia ekialdean izandako uholdeetan (1:59 min.)
Borraskak gogor jo ditu Valentziako Erkidegoa eta Gaztela-Mantxa. AEMETek alarma gorria ezarri zuen, baina ehunka pertsona ustekabean harrapatu dituzte euriteek eta uhaldiek. Urak ibilgailuak eraman ditu eta errepideak suntsitu ditu.
Audiorik gabe. Gutxienez 95 pertsona hil dira Valentziako Erkidegoa eta Gaztela-Mantxa astindu dituen uholdeen ondorioz. Biktima gehienak, 92, Valentzian izan dira, baina Albaceten, Cuencan eta Malagan ere hildakoak izan dira. Valentziako Auzitegi Medikuntzako Institutuak bederatzi lantalde aktibatu ditu kaltetutako lekuetara joan daitezen, gorpuak jaso eta identifikazioak egiteko. Desagertutako pertsonen kopurua ez da zehaztu, baina Valentziako Generalitateak zehaztu du bilaketa lanak bukatutzat eman dituztela. Gaztela-Mantxan, ordea, desagertutako pertsonen bila jarraitzen dute. Espainiako historia hurbileko bigarren hondamendi naturalik hilgarriena izan da. Depresioak Valentzia eta Albacete probintziak astindu ditu bereziki. Estatuko Meteorologia Agentziak (AEMET) alarma gorria ezarri zuen astearterako, goizetik. Hala eta guztiz ere, Valentziako Erkidegoko agintariek ez zieten herritarrei alerta-mezurik igorri 20:00ak arte. Ordurako, urak herri asko hartuta zituen. Pertsona asko lantokietan eta errepidean harrapatuta geratu dira. Milaka ibilgailu eraman dituzte urek, herritar gehienak lanetik itzultzeko bidean zeudenean, ez baitzen lana eteteko neurririk hartu, nahiz eta alarma gorria aktibatuta egon.
2024/10/24
Testurik gabe. (1:15 min.)
Testurik gabe.
Audio eta testurik gabe.
2024/10/24
Testurik gabe. (1:18 min.)
Testurik gabe.
Audio eta testurik gabe.
