telebista zeinu hizkuntzan
DBHko ikasle batek labanaz zauritu ditu hiru irakasle eta beste ikasle bat Cadizen
Gertakariak Elena Garcia Armada Institutuan jazo dira, Jerez de la Fronterako San Jose Obrero auzoan.
Audiorik gabe.
14 urteko ikasle bat atxilotu dute gaur Jerez de la Fronteran (Cadiz), hiriko institutu batean hiru irakasle eta ikasle bat arma zuri batekin zauritzeagatik, polizia-iturriek jakitera eman dutenez.
Gertakariak Elena Garcia Armada Institutuan jazo dira, San Jose Obrero auzoan. Ikaslea, DBHko hirugarren mailako ikaslea, "haserre" joan zen bere gelaren atzealdera, bere motxila zegoen tokira, eta "labanak" atera zituen bertatik, alboko gelako ikasle batek azaldu duenez.
Adingabea berehala aurkitu eta Jerez de la Fronterako komisariara eraman dute. Ikerketa amaitu eta Adingabeen Fiskaltzaren esku utziko dute, Poliziak azaldu duenez. Ikasleak jolastokian bildu dituzte; izan ere, horietako askoren gurasoak haien bila joan dira etxera eramateko.
Afrikako aire masa bero batek 30 °C-tik gora igoaraziko ditu maximoak asteburuan
Astelehenera arte iraungo du beroaldiak. Termometroak 33 °C-raino igoko dira, eta litekeena da urrian orain arte izandako maximoen errekorrak haustea.
Audiorik gabe.
Muturreko tenperatura altuak, 33 ºC-rainok cl oak barnealdean, urri betean. Hala omen dator asteburuko eguraldia, EITB Mediako Eguraldi zerbitzuak eta Euskalmetek egindako iragarpenaren arabera. Biak ala biek ohartarazi dutenez, beroaldia izango dugu etzitik aurrera, hiru egunez. Izan ere, asteartean behera egingo dute termometroek. Larunbatean, Afrikako iparraldetik datorren aire masa oso epel bat sartuko zaigu, eta hego haizeak lagunduta, tenperatura maximoak igoaraziko ditu: 32-33 ºC inguruan errendituko dira barnealdean, eta 29-30 ºC-an kostaldean. Hori horrela, Baiona (27 ºC espero dituzte) eta Donostia (29 gradu) izango dira hiriburu "epelenak", eta 30 ºC-ko langa gaindituta egongo dira gainerako hiriburuak: Bilbo (32), Gasteiz (33) eta Iruñea (31). Gainera, eguzkia izango dugu jaun eta jabe lurralde osoan. Arratsaldean, brisa sartuko da kostaldean, eta bero sentsazioa apalduko du. Tenperatura minimoak 17 ºC-koak izango dira kostaldean, eta 14-15 ºC-ra jaitsiko dira barnealdean.
Indarkeria matxistaren biktima kopurua % 57 hazi da EAEko "etxerik gabeko" pertsonentzako zentroetan
2022an, 276 zentrotan eman zitzaien arreta etxerik ez duten edo babes bila dabiltzan pertsonei. Batez beste, egunean 3.410 lagun hartu zituzten zentro horiek, 2020an baino % 1,8 gutxiago.
Audiorik gabe.
Etxerik ez duten pertsonak artatzeko zentroen gastua 76 milioi eurokoa izan zen 2022an Euskal Autonomia Erkidegoan. 2020tik —pandemiaren urtea— % 15,8 igo da gastua, Eustatek argitaratutako datuen arabera.
Indarkeria matxistaren biktima kopurua, berriz, % 57 hazi zen iaz EAEko zentroetan; guztira, 270 plaza. "Etxebizitza arriskutsua" sailean sartzen dituzte emakume horiek. Izan ere, indarkeriaren mehatxupean bizi diren pertsonak dira.
Tenperatura maximoak nabarmen igoko dira gaur, batez ere Kantauri isurialdean
Oro har balio altuenak 28 eta 30 ºC artekoak izango dira.
Audiorik gabe.
Gaur giroa eguzkitsua izango da, goi-hodei batzuk agertuko diren arren, eguzkia jaun eta jabe izango baita. Tenperatura maximoak nabarmen igoko dira, batez ere Kantauri isurialdean, eta oro har balio altuenak 28 eta 30 ºC artekoak izango dira.
Euskalmetek jakitera eman duenez, goizean hego-ekialdeko haizea ibiliko da, eta bereziki ekialdean harro ibiliko da. Arratsaldean, ostera, kostaldetik hasita, haizeak ipar-mendebaldera egingo du; aldaketan haizea indartu egin daiteke eta, ordutik aurrera, pixkanaka tenperatura jaitsi egingo da.
Trebezia lingusitikoak behar eta eskubide bat direla aldarrikatuko da Hizkuntzen Europako Egunean
Bingen Zupiriak Europako hizkuntza gutxituei Bruselan gaur egingo dieten omenaldian hartuko du parte.
Audiorik gabe.
Gaur, irailak 26, Hizkuntzen Europako Eguna ospatuko da trebezia linguistikoak herritar guztien beharrizan eta eskubide bat direla nabarmentzeko. 2001az geroztik, herritarren artean egun honetan zabaldu nahi izan den mezuetako bat da aipatutakoa.
Europa aberatsa da, hizkuntzei dagokienez —200dik gora daude—. Bertan, beste kontinente batzuetatik iritsitako familiak erabiltzen dituzten hizkuntzak ere entzuten dira.
Egun honek dituen helburu nagusien artean daude aniztasun linguistikoaren aberastasunaz kontzientziatzea, berori "zaindu eta babestu" behar delako. Halaber, gaurko ospakizunak xede du ikasten diren hizkuntzen aukera handitzea, alegia, eleaniztasunari bultzada ematea. Bukatzeko, gutxienez bi hizkuntzatan maila ona lortzeko beharra azpimarratu nahi du.
20 urteko motor-gidari bat hil da Zestoan izan den trafiko istripuan
17:20an izan da moto baten eta kamioi baten arteko ezbeharra. Hildakoa Zumaiako bizilaguna zen.
Audiorik gabe.
20 urteko motor-gidari bat hil da gaur arratsaldean Zestoan, GI-2633 errepidean Zumaiako noranzkoan, izan den trafiko istripuan.
Ertzaintzak jakitera eman duenez, moto batek eta kamioi batek elkar jo dute. Ondorioz, motor-gidaria kamioiaren azpian harrapatuta geratu da, eta bertan zendu da.
Osasun-zerbitzuetako langileak, Ertzaintzako agenteak eta suhiltzaileak bertaratu dira. Hildakoa Zumaiako bizilaguna zen.
Bi pertsona larri zauritu dira Iturzaetako lepoan, motor baten eta auto baten arteko istripuan
Helikoptero medikalizatu batek Nafarroako Unibertsitate Ospitalera eraman ditu motorrean zihoazen 32 eta 21 urteko bi gizonezko.
Audiorik gabe.
Bi pertsona larri zauritu dira igande honetan NA-2011 errepidean, Iturzaetako lepoan, motor baten eta auto baten arteko istripuan, Nafarroako Foru Gobernuak jakitera eman duenez.
SOS Nafarroak 15:45ean izan du istripuaren berri, eta Nabaskozeko suhiltzaileak, Espartza Zaraitzuko mediku-taldea, bizi-euskarri aurreratuko anbulantzia bat, oinarrizko bizi-euskarriko anbulantzia bat, helikoptero medikalizatu bat eta Foruzaingoaren patruilak bertaratu dira.
Helikoptero medikalizatuak Nafarroako Unibertsitate Ospitalera eraman ditu motorreko bidaiariak, 32 eta 21 urteko bi gizonezko, traumatismo larriak baitzituzten.
Foruzaingoak ikerketa ireki du gertatutakoa argitzeko.
Eusko Jaurlaritzak % 1,7ra igo du Euskadiren aurtengo hazkundea, eta % 2,1era eutsi dio 2024an
Bigarren hiruhilekoa aurreikusitakoa baino dinamikoagoa izan da, eta, horren ondorioz, Eusko Jaurlaritzak hazkunde-aurreikuspenak igo ditu.
Audiorik gabe.
Eusko Jaurlaritzaren aurreikuspenen arabera, Euskadiko ekonomia % 1,7 haziko da aurten, eta % 2,1 datorren urtean. Gainera, bi ekitaldietan 13.000 enplegu sortzea espero da, eta langabezia-tasa % 7,7ra jaitsiko da 2023an eta % 7,0ra 2024an.
Erkoreka eta Ertzaintzako sindikatuak gaur bilduko dira Lakuan
ErNE, ESAN eta SiPE sindikatuak hartuko ditu Segurtasun sailburuak. Erkorekak ohartarazi du planteamendu guztiek "errealismo, erantzukizun eta legezkotasun" printzipioak errespetatu beharko dituztela.
Audiorik gabe.
Josu Erkoreka lehendakariorde eta Segurtasun sailburuak aurreratu duenez, Ertzaintzako ordezkari sindikalekin bilduko da gaur (11:15ean) Eusko Jaurlaritzak Lakuan (Gasteiz) dituen instalazioetan.
Sailburuak esan duenez, sindikatuekin bilduko da ErNEk, ESANk eta SiPEk azaldu duten kezka aztertzeko; izan ere, herritarren "ertzainekiko errespetu faltak" areagotu dira. Hala ere, lan-aldarrikapenei heltzeko aukera alde batera ez dute utziko.
Azken hilabeteetan, ertzainak kalera atera dira hitzarmen berri bat eskatzeko. Era berean, soldata igotzea eskatu dute, hobekien ordaindutako udaltzainekin parekatzeko.
Autoentzako ingurumen-bereizgarriak
Gero eta auto gehiago ikusten dira aurreko kristalean pegatina urdina, berdea edo horia jarrita.
Audiorik gabe.
Mugikortasunaren Europako Astean murgilduta gaude egunotan eta, gaur gainera, Autorik Gabeko Munduko Eguna ospatzen ari gara. Jardunaldi horietan, erakundeak eta herritarrak sentsibilizatu nahi dira garraiobide iraunkorragoak erabiltzeak osasun publikorako eta ingurumenerako dituen onurei buruz.
Estatuko Klima Aldaketari eta Trantsizio Energetikoari buruzko Legea 2021ean sartu zen indarrean. Haren helburuetako bat ahalik ere hiri garbienak, kutsadura gutxikoak, lortzea da. Hori dela eta, legeak ezartzen du 50.000 biztanle baino gehiago dutenek eta, 20.000 biztanle baino gehiago izan arren, araututako kutsatzaileen muga-balioak gainditzen dituztenek emisio txikiko eremuak (EME) ezarri behar dituztela eta ibilgailuak horietara sartzea mugatu behar zutela.
Autoak gune horietara sartzea baimentzeko moduetako bat Trafikoko Zuzendaritza Nagusiak (TZN) sortu dituen ingurumen-bereizgarriak dira. Bereizgarri horiek ibilgailuak sailkatzen dituzte ingurumenean izan dezaketen eraginaren arabera. Auto berrienek Euro 6 izeneko teknologia daramate eta hauen motorrek gutxiago kutsatzen dute.
Errei bat itxita AP-8an, Deba parean eta Irungo noranzkoan
Kamioi batek zama galdu du, eta atzetik zihoan auto batek horren kontra jo. Eskuineko erreia itxita dago, baina dagoeneko bukatu dira auto ilarak.
Audiorik gabe.
Kamioi batek zeraman zamaren zati bat galdu du gaur goizean AP-8an, Deba (Gipuzkoa) parean eta Irungo noranzkoan, Eusko Jaurlaritzako Segurtasun Sailak eitb.eus-i jakinarazi dionez.
Atzetik zihoan auto batek zama horren kontra egin du talka. Zorionez, ez da inor zauritu, baina errei bat itxi behar izan dute.
Ezbeharra 08:45ean jazo da aipatu autobideko 56. kilometroan.
Gizon bat ikerketapean jarri dute Cintruenigon, osasun baldintzak betetzen ez dituen oliba olioa sal
Ikertutakoak oliba-olio birjina saltzen zuen oliba-olio birjina estraren izenean, etiketarik gabe, eta osasun baldintza "eskasetan" Cintruenigoko lokal batean.
Audiorik gabe.
Nafarroako Guardia Zibilak 44 urteko gizon bat ikertu du oliba-olio birjina estraren izenean oliba-olio birjina saltzeagatik, etiketarik gabe, eta osasun baldintza "egokiak" bete gabe.
Guardia Zibilak ohar batean jakinarazi duenez, Naturaren Babeserako Zerbitzuko agenteek ikerketa abiatu zuten pertsona batek salaketa aurkeztu ondoren. Salaketaren arabera, Cintruenigoko lokal batean ustez oliba-olio birjina estra saltzen zuten, etiketarik gabe, higiene eta osasun baldintza "eskasetan".
Agenteek saltokian zeuden ontzi guztiak kontatu eta olio laginak hartu zituzten. Guztira, 5 eta 25 litroko 1.048 ontzi zenbatu zituzten, beteak eta hutsak.
Ikerketari esker agenteek egiaztatu zutenez, jabeak ontziak eskuz garbitzen zituen harraska batean ondoren berrerabiltzeko.
Establezimenduko beste toki batean, itxi gabe zegoen olio gordailu bat aurkitu zuten eta bertara zikinkeria edota intsektuak sar zitezkeela egiaztatu zuten.
Laginak aztertuta ondorioztatu zuten oliba-olio birjina zela, ez oliba-olio birjina estra, eta ez zuela Nafarroako Jatorri Izendapena.
Hori dela eta, osasun publikoaren kontrako delitua eta industria-jabetzari buruzko delituak leporatu dizkiote.
78 urteko gizonezko bat hil da Fiteron izandako lan-istripuan
Merkantzia husten ari zela, erori egin da gizonezkoa eta tokian bertan hil da. Fiteroko bizilaguna zen.
Audiorik gabe.
78 urteko gizonezko bat hil da Fiteroko Nekazaritza Kooperatiban gaur izan den lan-istripuan. Lehen informazioen arabera, erorikoa izan du, merkantzia husten ari zela. Lekuan bertan zendu da. 12:00ak aldera gertatu da ezbeharra.
Abisua jaso ondoren, Nafarroako Guardia Zibilaren Polizia Judizialaren Unitate Organikoko agenteak bertaratu dira, ikuskapen teknikoa egiteko eta istripuaren arrazoiak argitzeko ikerketa bideratzeko.
24 orduan hiru pertsona lan-istripuz Euskal Herrian. Atzo, 35 urteko emakume bat hil zen Adunan, sagar-bilketan ari zela traktorearekin istripua izanda, eta Amurrion, 32 urteko gizonezko bat zendu zen in itinere izandako trafiko-istripu batean.
EAEko hiriburuetako hoteletan okupazioak gora egin du udako jaietan
Euskal Autonomia Erkidegoko hotel-establezimenduei erreparatuz gero, abuztuan 896.915 ostatu-gau zenbatu dira, 2022ko abuztuan baino % 6,9 gehiago.
Audiorik gabe.
2023ko abuztuan Euskal Autonomia Erkidegoko (EAE) hotel-establezimenduetako sarrerak % 3,5 igo dira, eta ostatu-gauak % 6,9, urtetik urterako ehunekoetan, Eustatek landutako datuen arabera. Erregistratutako 411.372 sarrerek 896.915 ostatu-gau ekarri dituzte.
Sarreren % 51,9 eta ostatu-gauen % 48,6 atzerritar jatorrikoak izan dira; Hala, sarrerek % 9,6 egin dute gora, eta ostatu-gauek % 15,2, Eustat - Euskal Estatistika Erakundeak astelehen honetan jakitera eman duenez.
Abisu horipean egongo da bihar EAE, orduko 100 kilometroko haizea-kolpeengatik
00:00etatik 09:00etara egongo da indarrean abisua. Haizeak gogor jotzen ez duen lekuetan orduko 60-80 kilometroko haize-boladak espero dira.
Audiorik gabe.
Eusko Jaurlaritzako larrialdi eta meteorologia zuzendaritzak abisu horia ezarri du biharko (osteguna) Euskal Autonomia Erkidegoan, hegotik iritsitako haize-boladek orduko 100 kilometroko abiadura har dezaketelakoan, Segurtasun Sailak jakitera eman duenez.
00:00etatik 09:00etara egongo da indarrean abisua. Haizeak gogor jotzen ez duen lekuetan orduko 60-80 kilometroko haize-boladak espero dira.
EAEko biztanleriaren % 6,3 bizi da desgaitasun egoeran
Profil nagusia % 65etik beherako desgaitasuna duen gizon nagusiarena da.
Audiorik gabe.
Sailburuak azpimarratu du beharrezkoa dela "pertsona horientzako bizimodu independentearen ereduaren oinarriak finkatzen jarraitzea, azpiegiturak, garraio sistemak, zerbitzu publikoak eta pribatuak eta jarrera sozialak birformulatuta, inklusiboak izan daitezen".
Melgosak aldarrikatu duenez, pertsona guztiek "duintasunez eta autonomiaz bizitzeko eta gure gizartearen parte aktiboa izateko" eskubidea dute, "familia zaintzaileek ere beren bizitza aurrera eramateko eskubidea dutela" gogorarazita. Egoera hori "bereziki emakumeei, gure gizarteko zaintzaile handiei" dagokien egoera da.
EAEko ekonomia % 1,5 hazi zen 2023ko bigarren hiruhilekoan
Lanaldi osoko lanpostuak kontuan izanda, enpleguak % 0,7 egin zuen gora, urteko lehen hiruhilekoko datuekin alderatuta.
Audiorik gabe.
Euskal Autonomia Erkidegoko BPGa % 0,4 hazi zen 2023ko bigarren hiruhilekoan, eta, aurreikusitakoaren arabera, urtetik urterako hazkundea % 1,5eko izango da, uztailean iragarritakoa baino hamarren bat txikiagoa.
Lanaldi osoko lanpostuak kontuan izanda, enpleguak % 0,7 egin zuen gora, urteko lehen hiruhilekoko datuekin alderatuta. Horrek esan nahi du urte arteko hazkundea % 1,5ekoa izan dela; guztira, 2022ko bigarren hiruhilekoan baino 14.270 lanpostu gehiago, Eustatek emandako datuek erakusten dutenez.
Epaileak bermerik gabe espetxera bidali du Murtzian emazte ohia hiltzea egotzita atxilotutako gizona
Asteazkenetik 34 urteko emakumearen bila ari ziren eta haren gorpua larunbatean aurkitu zuten Cieza udalerriko putzu batean.
Audiorik gabe.
Murtzian, epaileak bermerik gabe espetxera bidali du Cieza udalerrian emazte ohia hiltzea egotzita atxilotutako gizona. 40 urteko atxilotuari homizidio delitua eta urruntze agindua urratzea leporatzen diote.
Asteazkenetik 34 urteko emakumearen bila ari ziren Cieza inguruetan eta haren gorpua larunbatean aurkitu zuten udalerriko putzu batean.
Emakumearen nebak ostegunean salatu zuen desagerpena, bezperatik bere berri ez baitzuen.
Poliziak ikerketa abiatu ondotik, atzo iristen zaila den Ciezako putzu batean aurkitu zuten gorpua eta Guardia Zibilaren mendiko agenteek atera behar izan zuten.
Ustezko hiltzailea pasa den ostegunean atxilotu zuten, biktimarekiko urruntze agindua bazuen ere berarekin harremanetan jarri zelako.
Gizon bat atxilotu dute Tuteran bikotekidea erasotzeagatik
23 urteko emakumea ospitalera eraman zuten.
Audiorik gabe.
Gizon bat atxilotu dute igande honetan Tuteran 23 urteko bikotekideari eraso egin eta zauritzeagatik, Tuterako Udaltzaingoak jakitera eman duenez. Emakumea ospitalera eraman behar izan zuten.
08:00ak aldera SOS Nafarroak deia jaso zuen Tuterako etxebizitza batean liskar bat zegoela ohartaraziz. Bertaratu zirenean, agenteek emakume bat aurkitu zuten besoan zauri odoltsu bat zuela, antza arma zuri batekin egina.
Etxebizitzan biktimaren anaia ere bazegoen, eta hark ere zauriak zituen eskuan. Antza, ustezko erasotzaileak egin ziozkion, arma kentzen saiatu zenean. Emakumea ospitalera eraman zuten, eta jostura-puntu batzuk jarri ondoren, sendagiria eman zioten.
13:00ak aldera, ustezko erasotzailea bere borondatez joan zen polizia-etxera eta Foruzaingoak atxilotu egin zuen.
Gaurtik aurrera eskola-garraioa izango dute berriro Arabako eta Bizkaiko ikasleek
Eusko Jaurlaritzako Hezkuntza Sailak eta eskola garraioko enpresek elkarrizketari berriro ekitea erabaki dute, "etorkizunera begira hobetzeko proposamenak aztertu eta planteatzeko”.
Audiorik gabe.
Eskola-garraioko enpresek gaur ekingo diote berriro zerbitzuari Araban eta Bizkaian, Hezkuntza Sailarekin etorkizunerako hobekuntza proposamenak egitea adostu ostean.
Hezkuntza Sailak eta eskola garraioko enpresek elkarrizketari berriro ekitea erabaki dute, eta hurbilketa horren ondorioz, ikasturte hasieran bermatuta egon ez den zerbitzua berrezarriko da Araban eta Bizkaian.
Aske geratu dira adingabe baten bideo sexuala zabaltzeagatik atxilotutako Real Madrileko harrobiko j
Biktimaren amak jarri zuen salaketa irailaren 6an, Kanaria Handiko Mogan herrian. Ikerketako iturrien arabera, atxilotuetako batek grabatu zuen bideoa uda hasieran, neskaren baimenik gabe.
Audiorik gabe.
Guardia Zibilak Real Madrileko harrobiko hiru jokalari atxilotu ditu Madrilen, 16 urteko neska baten bideo sexuala WhastApp sare sozialaren bidez zabaltzeagatik. Epailearen aurrean deklaratu ondoren, libre utzi dituzte hirurak. Atxilotuen telefono mugikorren kopiak egiteko agindu du epaileak.
Sexu-izaerako sekretuak ezagutzera ematea leporatu diete futbolariei, baina ez sexu-erasoa egitea. Ikerketako arduradunek baieztatu dute bideoan grabatuta dauden sexu-harremanak baimendutakoak izan zirela; ez, ordea, eduki horiek zabaltzea.
Biktimaren amak jarri zuen salaketa, irailaren 6an, Kanaria Handiko Mogan herrian. Aipatutako iturrien arabera, atxilotuetako batek grabatu zuen bideoa uda hasieran, neskaren baimenik gabe.
Real Madrileko bigarren taldeko (Real Madril Gaztela) jokalari bat eta hirugarren taldeko (Real Madril C) bi dira atxilotuak. Madrilgo klubaren egoitza nagusian atxilotu dituzte, goizean.
Albistea zabaldu eta berehala, Irene Montero Espainiako Gobernuko Berdintasun ministroak esan du sexu-irudiak baimenik gabe zabaltzea sexu-indarkeria dela.
Maiatzaren 14ean hasiko da Basurtun haur jaioberri bat bahitu zuen emakumearen aurkako epaiketa
Fiskaltzak lau urteko kartzela-zigorra eskatuko du kasu horrengatik auzipetutako emakumearentzat.
Audiorik gabe.
2024ko maiatzaren 14ean hasiko da 2022ko urriaren 19an Basurtuko ospitalean haur jaioberri bat bahitzeagatik auzipetutako emakumearen aurkako epaiketa, Bizkaiko Lurralde Auzitegiko lehenengo atalean, eta Fiskaltzak lau urteko kartzela-zigorra eskatuko du bere aurka, EITBk jakin ahal izan duenez.
2022ko urriaren 19an izan zen bahiketa. Osasun langile baten plantak egiten lortu zuen emakumeak ospitalean sartu eta haurra eramatea. Jaioberria, azkenean, osasun egoera onean aurkitu zuten, Santutxuko etxebizitza baten lanpasean.
Fiskaltzak lau urteko espetxe-zigorra eskatuko du emakumearen aurka haurra legez kanpo atxikitzea egotzita.
Gizon baten gorpua agertu da Kontxako hondartzan
Udalak jakinarazi duenez, 40 urte inguruko gizon atzerritarra da hildakoa. Ikerketa abiatu dute heriotzaren zergatiak argitzeko.
Audiorik gabe.
Gizon baten gorpua agertu da gaur goizean Donostiako Kontxa hondartzan. Udaletik jakinarazi dutenez, 40 urte inguruko gizon atzerritarra da hildakoa.
Hondartza garbitzen ari zen langile batek ur izkinan aurkitu du hilotza 08:00ak aldera, eta Udaltzaingoari jakinarazi dio.
Udaltzaingoak ingurua hesitu du, epaileak gorpua altxatu bitartean.
Hildakoaren bi lagunek gorpua identifikatu dute.
Ikerketak argitu beharko ditu heriotzaren zergatiak.
65 eta 80 urte arteko 2.000 donostiar boluntarioren bila ari dira, alzheimerra prebenitzeko ikerketa
Bi urte iraungo ditu ikerketak, eta 2025erako behin betiko emaitzak izatea aurreikusten da
Audiorik gabe.
CITA-alzheimer Fundazioa 65 eta 80 urte arteko 2.000 donostiar boluntarioren bila ari da, alzheimerra prebenitzeko ikerketa batean parte hartzeko. Hainbat bizi-ohitura hartuta, alzheimerra edota beste dementzia mota batzuk izateko aukera murriztu daitekeela erakutsi nahi dute ikertzaileek.
'Donostiar ahaztezinen bila gabiltza' leloa du kanpainak, eta "CITA GO-ON" deritzon proiektuaren barruan kokatu dute. Pablo Martinez-Lage CITA-Alzheimer fundazioko zuzendari zientifikoak aurkeztu du ekimena gaur eguerdian, Donostiako Udaletxean, Eneko Goia alkatearekin batera.
Martinez-Lageren hitzetan, biztanleriaren zahartzeak berekin dakarren "erronka nagusia" alzheimerrari eta beste dementzia motei aurre egitea izango da. "Ez badugu ezer egiten, 20 edo 30 urte barru bikoiztu egingo da dementzia duten pertsonen kopurua", ziurtatu du.
Gaur aurkeztu duten ikerketaren ardatzean bizi-ohitura osasungarriak jarriko dituzte: ariketa fisikoa zein kognitiboa, elikadura osasuntsua eta integrazio soziala izango dira gakoak.
Suediako Kronlinska Institutu sonatuaren babesa izango du egitasmoak, eta bertatik aterako diren ondorioak nazioartean partekatuko dituzte. Izan ere, Europako hainbat herrialdetan, Estatu Batuetan, Txinan edota Australian antzeko lan-lerroak eta antzeko metologia ari dira erabiltzen alzheimerra ikertzeko lanetan.
Aurreikuspenen arabera, bi urte iraungo ditu ikerketak, eta 2025ean emaitzak izatea espero da. Parte hartu nahi dutenek cita-alzheimer.org webgunean dagoen formularioa beteta edota 943021792 telefonora deituta eman dezakete izena.
Bilbok Kale Nagusia itxiko du irailaren 16an eta 17an, Mugikortasunaren Europako Astearen baitan
Bilboko Udaleko ordezkariek Erriberako Merkatuan aurkeztu dute ekimena, irailaren 16tik 22ra bitartean egingo dena, "eraginkortasun energetikoa" lelopean.
Audiorik gabe.
Bilbok Kale Nagusia itxiko du irailaren 16an eta 17an, Mugikortasunaren Europako Astearen baitan. Larunbatean, Plaza Biribiletik Mazarredora itxiko dute, eta, gero, igandean, Moyua plazara arte, garraio jasangarriak eta mugikortasun aktiboa bultzatzeko.
Nora Abete alkateorde eta Bilboko Udaleko Mugikortasun eta Jasangarritasun zinegotziak eta Alvaro Perez Osasun eta Kontsumo zinegotziak Mugikortasunaren Europako Astea aurkeztu dute gaur Erriberako Merkatuan. Urtero egiten da, irailaren 16tik 22ra bitartean, eta aurten "eraginkortasun energetikoa" lelopean egingo da.
Europako Batzordeak bultzatutako Mugikortasunaren Europako Astea honako helburu hauek ditu: arduradun politikoak zein herritarrak sentsibilizatzea hirian autoa zentzuz erabiltzeak dituen ondorio kaltegarriei buruz, bai osasun publikoan, bai ingurumenean, eta garraio jasangarriagoak erabiltzeak (besteak beste, garraio publikoa, bizikleta eta oinezko joan-etorriak) dituen onurei buruz.
Ia 3.000 herrik eta hirik parte hartzen dute kanpaina honetan, eta irailaren 22an amaituko da, "Nire autoa gabeko eguna" ekitaldiarekin.
18 urteko gazte bat atxilotu dute Bilbon indarkeria erabiliz lapurretak nola egin Interneten irakast
Bideoak milioi bat bistaratze baino gehiago eta milaka 'like' izan zituen.
Audiorik gabe.
Espainiako Poliziak 18 urteko gizon bat atxilotu du Bilbon, delitua egiteko probokazioa egotzita, Internet bidez gazteak 'mataleon' teknika erabiliz lapurtzera bultzatzeagatik.
Ikertzaileen arabera, aldez aurretik 14 urtetik beherako gazteei delituak egiteko eskatzen zien beste bideoak ere egin ditu, Espainiako Gobernuak Euskadin duen Ordezkaritzak jakinarazi duenez.
Ikerketa Bilboko Informazio Brigadako (BPI) ikertzaileek ziberpatruilatze-lanetan bideo bat aurkitu zutenean hasi zen. Bideo horretan gazte batek 'mataleon' metodoa erabiliz lapurretak egiten erakusten zien beste batzuei, itxuraz adingabeak ziren atzerritarrei.
Delitu-mota hori biktimari bizkarretik erasotzean eta lepoan besoekin sakatzean datza, garuneranzko odol-fluxua mozteko eta berehala konortea galtzea eragiteko.
Ildo horretan, egiaztatu zuten bideoa Bizkaiko hiriburuko merkataritza-gune handi bateko terrazetan grabatu zela, eta milioi bat bistaratze baino gehiago eta milaka 'like' izan zituela. Halaber, albiste ere izan zen zenbait egunkaritan, eta horrek "alarma sozial nabarmena" eragin zuen.
EAEko Zibersegurtasun Agentzia berria abiatzeko bilera egin dute
Administrazio Kontseilua lehenbiziko aldiz elkartu da Arabako Parke Teknologikoan (Miñaon) kokatuko den Agentzia berri honen jarduerari hasiera emateko.
Audiorik gabe.
Josu Erkoreka lehenengo lehendakariorde eta Segurtasuneko sailburua buru zela, eta Arantxa Tapia Ekonomiaren Garapen, Industria eta Ingurumeneko sailburua ere bertan zela, egin dute gaur goizean Cyberzaintza, Euskadiko Zibersegurtasun Agentzia berria, sortzeko bilera.
Segurtasun Sailak ohar batean azaldu duenez, Interneten eta teknologia berrien erabileraren ondorio diren mehatxuei modu integralean eta zeharkakotasunez aurre egiteko sortu da.
Administrazio Kontseilua lehenbiziko aldiz elkartu da Arabako Parke Teknologikoan (Miñaon) kokatuko den Agentzia berri honen jarduerari hasiera emateko. Agentzia, zehazki, Basque Cybersecurity Centreren egoitzan kokatuko da.
Cyberzaintzaren gobernu-organoko kideak Eusko Jaurlaritzako, foru-aldundietako eta udaletako ordezkariak izango dira. Kontseilu honen lehenengo eginkizunetako bat legezko oinarriak eta oinarri operatiboak ezartzen dituzten eta agentziaren helburuak, eginkizunak eta egiturak zehazten dituzten estatutuei oniritzia ematea da. Estatutuok laster aurkeztuko dituzte Gobernu Kontseiluan, honek onar ditzan.
Agentzia berriak hiru arlotan jardungo du: ziberdelituak; azpiegitura eta datu publikoen babesa; eta enpresa egituren eta datuen babesa.
Besteak beste, hauek dira Agentziaren zeregin nagusietako batzuk: ziberintzidentziak eta zibererasoak ikertu eta aztertzea; antzematea eta horiei erantzutea, horretarako irizpideak finkatuta eta babes-neurri egokiak sustatuta zibermehatxuei aurre egiteko eta zerbitzu publiko kritikoak eta funtsezkoak identifikatu eta zaintzea, horien ziberbabeserako neurri egokiak proposatzeko.
Ziberdelituek % 31 gora egin dute EAEn 2023ko lehenengo seihilekoan, eta gehienak iruzurrak izan dir
Guztira, 12.878 ziberdelitu jazo dira, horietako % 89 iruzurrak.
Audiorik gabe.
Euskadin salatzen diren lau delitutatik bat teknologia berrien bidez egiten da. Denbora horretan, zehazki, 12.878 ziberdelitu erregistratu dira, iazko aldi berean baino % 31 gehiago. Horietako gehien-gehienak, orain arte bezala, ziberiruzurrak izan dira, eta ziberdelitu guztien % 89 dira.
Josu Erkoreka lehenengo lehendakariorde eta Segurtasuneko sailburua buru dela, eta Arantxa Tapia Ekonomiaren Garapen, Industria eta Ingurumeneko sailburua ere bertan dela, egin dute gaur goizean Cyberzaintza, Euskadiko Zibersegurtasun Agentzia berria, sortzeko bilera. Batzarra 2023ko lehenengo seihilekoko datuen azterketarekin amaitu da.
Esan bezala, ziberdelituen sailkapenaren buruan ziberiruzurrak daude. Aurtengo lehenengo seihilekoan 11.508 ziberiruzur izan dira, iaz baino % 30,5 gehiago.
Ziberfaltsifikazioei dagokionez, 505 antzeman dituzte, 2022ko lehenengo seihilekoan baino % 9 gehiago. Zerrendan hurrengoak zibermehatxuak eta ziberjazarpenak dira. Horrela, 390 salatu dituzte, iaz baino % 8 gehiago.
Teknologia berrien bidez sekretuak argitara eta jakitera emateagatik 89 salaketa aurkeztu dira, 2022ko lehenengo seihilekoan baino % 2 gehiago.
Bestalde, Internet bidezko delitu sexualak eta eta erasoak kopuruan gutxi izan badira ere, portzentajean hazkunde handienak izan dituzte iazko epe berdinarekin alderatuta. Horrela, 44 zibereraso izan dira, iaz baino % 144 gehiago. Azkenik, 36 ziberdelitu sexual jazo dira, % 71 gehiago.
Testurik gabe.
Testurik gabe.
Audio eta testurik gabe.
22 urteko gizonezko bat atxilotu dute Donostian eduki pedofiloko bideoak partekatzeagatik
Erabiltzailearen Internet-zerbitzuen hornitzaileak emandako informazioari esker, agenteek etxebizitza geolokalizatu eta titularra identifikatu ahal izan zuten.
Audiorik gabe.
Espainiako Poliziak 22 urteko gizon bat atxilotu du Donostian, adingabeak galbideratzea egotzita, Internet bidez haur-pornografia eduki eta partekatzeagatik.
Poliziaren Zuzendaritza Nagusiak ostiral honetan ohar baten bidez jakinarazi duenez, Madrilgo Ikerketa Teknologikoko Brigada Zentralak (BIT) Gipuzkoako hiriburuko etxebizitza batetik artxibo pedofiloak partekatzen ari zirela antzeman zuenean hasi ziren ikerketak.
Joan den asteartean, susmagarriaren etxebizitza miatu eta atxilotu egin zuten. Poliziak telefono mugikor bat, tableta bat eta disko gogor bat atzeman zizkion.
Etxean bertan haren telefoak aztertuta, eduki pedofiloko bideo ugari zituela baieztatu zuten.
Testurik gabe.
Testurik gabe.
Audio eta testurik gabe.
Bilboko metro zerbitzua berrezarri dute lau orduz etenda egon ostean
Matxura 08:00ak baino lehentxeago izan da, eta Etxebarri eta San Ignazio arteko zirkulazioari eragin dio hasieran, baina 1. linean eta 2.ean izan du eragina azkenean.
Audiorik gabe.
Bilboko metro zerbitzua etenda egon da gaur goizean, lau ordu baino gehiagoan, arazo elektriko baten ondorioz. Matxura 08:00ak baino lehentxeago izan da, eta epe horretan Etxebarri eta San Ignazio artean ordubete zerbitzurik gabe egon ondoren, Metro Bilbaok San Ignazio-Indautxu eta Bolueta-Basauri tarteetan zirkulazioa berrezartzea lortu du, baina zerbitzuak etenda jarraitu du Indautxu eta Bolueta artean. Azkenik, 12:00ak pasatxo zirenean, zerbitzua berrezarri dute metro osoan.
Metro Bilbaoko iturriek azaldu dutenez, katenaria osatzen duten kableetako baten hausturak eragin du arazoa.
F Ligako greba-deialdiari eutsi diote jokalariek
Sindikatuek eta patronalak ez dute akordiorik adostu, 10 orduko bilera egin arren, eta datorren astean bilduko dira berriro. Ondorioz, txapelketako lehen jardunaldia ez da jokatuko.
Audiorik gabe.
Irailaren 7an abiatzekoa zen F Ligako 2023-24 denboraldiaren hasiera bertan behera geratuko da; izan ere, jokalariek lehenengo bi jardunaldietarako deitu zuten greba-deialdiak bere horretan jarraitzen du, asteazken honetan sindikatuek eta patronalak izandako 10 orduko bilera adostasunik gabe bukatu ondoren.
Hala, maila goreneko emakume futbolarien ordezkariak (FUTPRO, AFE, CCOO, Futbolistas ON eta UGT) eta patronala ez dira ados jarri lan-hitzarmena hobetzeko, eta, ondorioz, liga txapelketaren hasiera atzeratu egingo da.
Zabaldutako informazioen arabera, negoziazioetako desadostasun nagusia gutxieneko soldata izan da. Hasiera batean, sindikatuek eskatu zuten gutxieneko soldata 25.000 eurokoa izatea, eta 23.000ra jaitsi zuten gero. Patronalak, bere aldetik, 16.000 euroko gutxieneko soldata eskaini zuen hasierako bileretan, eta 20.000raino igo du gero, eta hortxe geratu dira bi aldeak.
Astelehenetik aurrera eskola garraioa bermatuta egongo dela ziurtatu du Bildarratz sailburuak
Eusko Jaurlaritzako Hezkuntza sailburuak azaldu duenez, "aukera ezberdinak" aztertu eta zuzenbideak eskaintzen dituen tresna guztiak erabiliko dituzte eskola-garraioa bermatuta egon dadin.
Audiorik gabe.
Bizkaiko eta Arabako hainbat ikastetxe publikotan eskola-garraioko zerbitzurik gabe abiatu dute gaur 2023-2024 ikasturtea. Jokin Bildarratz Eusko Jaurlaritzako Hezkuntza sailburuak lasaitasun mezua helarazi nahi izan die kaltetutako familiei, eta astelehenetik aurrera zerbitzua bermatuta egongo dela ziurtatu du.
Eskola-garraioko hainbat enpresak Eusko Jaurlaritzaren aurrean planto egin, eta gaur ez dute zerbitzua eskaini Araban eta Bizkaian. Atzo konpainiek bilera egin eta erabaki zuten gaur helegiteak aurkeztuko dituztela Hezkuntza Sailak herenegun kaleratutako aginduaren aurka, hau da, joan den ikasturtean kudeatu zituzten ibilbideetan zerbitzua ematera behartzen dituen aginduaren kontra, aurten lizitatu gabe egon arren.
Hezkuntza sailburuak azaldu duenez, "aukera ezberdinak" aztertu eta zuzenbideak eskaintzen dituen tresna guztiak erabiliko dituzte eskola-garraioa bermatuta egon dadin, taxien aukera baztertu gabe.
Bildarratzek familiei esan die garraioa funtsezko zerbitzu publikoa dela haurrak eskolara joan ahal izateko eta berak gidatzen duen Sailak "erantzukizunez" kudeatu dituela baliabideak.
Iñigo Urkullu lehendakariak, Jokin Bildarratz Eusko Jaurlaritzako Hezkuntza sailburua lagun zuela, Leioako Txomin Aresti Haur eta Lehen Hezkuntzako ikastetxea bisitatu du gaur goizean, ikasturte hasierarekin bat eginez, eta bertan egin ditu adierazpenak. Familiei barkamena eskatu ostean, Eusko Jaurlaritzak "ahalegin handia" egin duela azpimarratu du. Hori dela eta, beren jarrera berraztertzeko eskatu die zerbitzua eskaintzen duten enpresei.
Testurik gabe.
Testurik gabe.
Audio eta testurik gabe.
Ostegunera arte luzatu dute abisu horia Euskadin tenperatura altuengatik
Osteguneko 24:00ak arte egongo da indarrean, eta tenperatura maximoak 32 gradura irits daitezke isurialde atlantikoaren barnealdean.
Audiorik gabe.
Eusko Jaurlaritzako Larrialdiei Aurre Egiteko eta Meteorologiako Zuzendaritzak ostegunera arte luzatu du abisu horia tenperatura altu iraunkorragatik, asteartean 31,9 graduko maximoak izan ostean, Segurtasun Sailak jakitera eman duenez.
Asteazken honetan, abisu horia egongo da indarrean 24:00ak arte. Tenperatura maximoak 30 gradura irits daitezke kostaldean, eta 32 gradu ingurura isurialde atlantikoaren barnealdean.
Abisu horia ostegunean ere egongo da indarrean, tenperatura altuengatik. Iragarpenaren arabera, tenperatura maximoak 29 graduren bueltan kokatuko dira kostaldean, eta 32 graduren inguruan isurialde atlantikoaren barnealdean.
Gaur hasi dute 2023-2024 ikasturtea haur-eskoletan, eta aurrerantzean doakoak izango dira
Behin betiko datuen arabera, matrikulazio berriak % 25 igo dira Haurreskolak Partzuergoan.
Audiorik gabe.
Gaur hasi dute 2023-2024 ikasturtea haur-eskoletan (0-3 urte), eta, lehen aldiz, doakoak izango dira Euskal Autonomia Erkidegoan. Behin betiko datuen arabera, matrikulazio berriak % 25 igo dira Haurreskolak Partzuergoan.
Eusko Jaurlaritzako Hezkuntza Sailak Haurreskolak Partzuergoaren 0 eta 3 urte bitarteko eskolen finantzaketa indartu du aurtengo aurrekontuetan, % 8,93ko igoerarekin, 61 milioi eurokoa izango baita. Horri esker, Partzuergoko ikastetxe publiko guztiak doakoak izango dira 2023-2024 ikasturtetik aurrera.
Ikasturte berria bihar hasiko da ofizialki Araban, Bizkaian eta Gipuzkoan, eskola-garraioaren gatazka pil-pilean dagoela. Atzo, Eusko Jaurlaritzako Hezkuntza Sailak eskola-garraioko enpresak lizitatu gabeko ibilbideetan jardutera behartzen dituen agindua argitaratu zuen Euskal Herriko Agintaritzaren Aldizkarian. Erabakia ezagutu berritan, eskola-garraioa eskaintzen duten enpresek EAEko Justizia Auzitegi Nagusian alegazioak aurkeztuko dituztela iragarri dute.
Harrapatze anizkoitzagatik Haron atxilotutako gizonak tratamendu medikoa jasotzera zihoan osasun-zen
Pertsona bat hil eta bost zauritu dira atzo gauean Errioxako udalerriko osasun-zentroko aparkalekuan izandako harrapaketan. Atxilotutako gizona Bizkaikoa da.
Audiorik gabe.
Astelehen gauean, gurasoekin tratamendua jasotzera zihoan gizonezko batek bost pertsona zauritu eta osasun-langile bat hil zituen Haron (Errioxa), osasun-zentroko aparkalekuan, autoarekin harrapatuta. Gidaria momentuan atxilotu zuten, eta iturriek ez dute baztertzen osasun mentaleko arazoak izan zitzakeen hipotesia.
Guardia Zibilak baieztatu duenez, gertakariaren lekukoen arabera, Bizkaian bizi den 26 urteko gizona Gobernuaren aurkako oihuak egiten ari zen.
Astelehenean, 22:15ak aldera, larrialdi-zerbitzuek eta Guardia Zibilak hainbat dei jaso zituzten ibilgailu bat osasun-zentroko aparkalekuan abiadura handian sartu zela eta sei pertsona harrapatu zituela ohartarazteko.
Halako batean, ibilgailua nahita azeleratu zuen, eta sei pertsona harrapatu egin zituen. Aurrekaririk ez duen gizon hori Haroko polizia-etxean dago atxilotuta, epailearen esku uzteko zain, eta homizidio delitua eta bost hilketa saiakera egotzi dizkiote.
Beroak jarraitzen du Hego Euskal Herrian, 20 gradutik gorako tenperaturekin gauean
Astelehen itogarria izan ostean ia lurralde osoan, Donostian 26,3 gradurainoko maximoak erregistratu dira bart.
Audiorik gabe.
Beroak protagonista izaten jarraitzen du Hego Euskal Herrian, eta bi gauetan 20 gradutik gorako tenperaturak izan ditugu ia lurralde osoan. Hiriburuko datuei dagokienez, Gasteiz bakarrik libratu da gau tropikaletik; izan ere, astearte honetako lehen orduetan, Arabako hiriburuak ez ditu 18 graduak gainditu.
Donostiak izan ditu gaur gauean baliorik altuenak, 26,3 graduko maximoekin 05:30ean. Bestalde, Bilbok 23 graduko maximoekin egin du lo, 01:00a aldera neurtutakoa, aurreko gauean 28,3 graduko maximoak izan ostean.
Astearte honetan, abisu horiak jarraituko du euskal kostaldean, tenperatura altuak espero baitira: 29 graduko maximoak aurreikusi dituzte. Barnealdean, berriz, maximoak 32 gradu ingurukoak izango dira, eta 28 gradukoak Ebroko ardatzean.
Tenperatura altuekin batera, astelehen arratsaldean metro koadroko 16,9 litro pilatu ziren.
Langabeziak gora egin du abuztuan Euskadin, bigarren hilabetez jarraian, baina 2008ko datuetatik urr
Langabeziak gora egin du abuztuan Euskadin, bigarren hilabetez jarraian, baina 2008ko datuetatik urrun.
Audiorik gabe.
Abuztuan, 2.483 langabe gehiago izan dira Euskadin, eta guztira 108.658 pertsona daude lan bila, % 2,34 gehiago. Duela urtebeteko datuekin alderatuta, 5.100 langabe gutxiago daude, % 4,48 gutxiago, eta 2008tik erregistratutako langabe kopuru txikieneko abuztua da, Espainiako Lan eta Gizarte Ekonomia Ministerioak astelehen honetan emandako datuen arabera.
Kontratazioei dagokienez, hilabete honetan berriro nabarmendu dituzte kontratu mugagabeak, guztien % 22,53 izan baitira. 48.532 kontratu sinatu dira, eta horietatik 10.934k izan dira mugagabeak.
Euskal pentsiodunek mobilizazioei ekingo diete berriro astelehenetik aurrera
Udako geldialdiaren ondoren, Euskal Herriko Pentsiodunen Mugimenduak 1.080 euroko gutxieneko pentsioa eskatzen jarraituko du.
Audiorik gabe.
Euskal Herriko Pentsiodunen Mugimenduak asteroko mobilizazioei ekingo die berriro astelehen honetan, irailak 4, Bilbon eta Iruñean, eta hilaren 11n Donostian eta Gasteizen. Udako geldialdiaren ondoren, euskal pentsiodunek 1.080 euroko gutxieneko pentsioa eskatzeko protestak egiten jarraituko dute, "hurrengo gobernuaren berehalako konpromiso gisa, 2023ko urtarrilera arteko atzeraeraginezko ondorioekin”.
Hala, ohartarazi duenez, bizi-kostuen garestitzeak bizi-baldintzak "izugarri okertzea" ekarri du eta "gero eta zailago" jartzen du.
Bi pertsona hil dira Toledon euri erauntsien ondorioz, baina egoera samurtzen ari da pixkanaka
Goialdeko depresioaren eraginez, gainera, bi pertsona desagertu da Madrilen.
Audiorik gabe.
Goi-geruzetako depresio isolatuak penintsularen erdialdean azken orduetan eragindako euriteek gutxienez bi hildako utzi dute Toledon, bata Bargas herrian eta bestea Casarrubios del Monten. Itxura guztien arabera, euren ibilgailuetan harrapatuta geratu dira biak; izan ere, denboraleak bi puntu horietan jo du gogorren.
Gainera, bi pertsona desagertu dira: gizonezko bat, autoa Alberche ibaira erori ondoren Aldea de Fresnon (Madril), eta 80 urteko gizon bat, Villamantan (Madril).
Errepide asko itxita egon dira, eta gaur-gaurkoz arazoak daude hainbat errepidetan, batez ere Madrilen, Toledon, Tarragonan eta Sevillan, itxita baitaude oraindik.
Egoerak hobera egin badu ere, Euskal Autonomia Erkidegoan abisu horia ezarri dute euriteengatik eta ekaitzengatik. Ordubetean 15 litro egin dezake 14:00etatik 21:00etara.
DBHko ikasle batek labanaz zauritu ditu hiru ...
DBHko ikasle batek labanaz zauritu ditu hiru irakasle eta beste ikasle bat Cadizen
Gertakariak Elena Garcia Armada Insti...
0:55 min.
Gertakariak Elena Garcia Armada Institutuan jazo dira, Jerez de la Fronterako San Jose Obrero auzoan.
Audiorik gabe. 14 urteko ikasle bat atxilotu dute gaur Jerez de la Fronteran (Cadiz), hiriko institutu batean hiru irakasle eta ikasle bat arma zuri batekin zauritzeagatik, polizia-iturriek jakitera eman dutenez. Gertakariak Elena Garcia Armada Institutuan jazo dira, San Jose Obrero auzoan. Ikaslea, DBHko hirugarren mailako ikaslea, "haserre" joan zen bere gelaren atzealdera, bere motxila zegoen tokira, eta "labanak" atera zituen bertatik, alboko gelako ikasle batek azaldu duenez. Adingabea berehala aurkitu eta Jerez de la Fronterako komisariara eraman dute. Ikerketa amaitu eta Adingabeen Fiskaltzaren esku utziko dute, Poliziak azaldu duenez. Ikasleak jolastokian bildu dituzte; izan ere, horietako askoren gurasoak haien bila joan dira etxera eramateko.
2023/09/28
Afrikako aire masa bero batek 30 °C-tik gora ...
Afrikako aire masa bero batek 30 °C-tik gora igoaraziko ditu maximoak asteburuan
Astelehenera arte iraungo du beroaldi...
1:02 min.
Astelehenera arte iraungo du beroaldiak. Termometroak 33 °C-raino igoko dira, eta litekeena da urrian orain arte izandako maximoen errekorrak haustea.
Audiorik gabe. Muturreko tenperatura altuak, 33 ºC-rainok cl oak barnealdean, urri betean. Hala omen dator asteburuko eguraldia, EITB Mediako Eguraldi zerbitzuak eta Euskalmetek egindako iragarpenaren arabera. Biak ala biek ohartarazi dutenez, beroaldia izango dugu etzitik aurrera, hiru egunez. Izan ere, asteartean behera egingo dute termometroek. Larunbatean, Afrikako iparraldetik datorren aire masa oso epel bat sartuko zaigu, eta hego haizeak lagunduta, tenperatura maximoak igoaraziko ditu: 32-33 ºC inguruan errendituko dira barnealdean, eta 29-30 ºC-an kostaldean. Hori horrela, Baiona (27 ºC espero dituzte) eta Donostia (29 gradu) izango dira hiriburu "epelenak", eta 30 ºC-ko langa gaindituta egongo dira gainerako hiriburuak: Bilbo (32), Gasteiz (33) eta Iruñea (31). Gainera, eguzkia izango dugu jaun eta jabe lurralde osoan. Arratsaldean, brisa sartuko da kostaldean, eta bero sentsazioa apalduko du. Tenperatura minimoak 17 ºC-koak izango dira kostaldean, eta 14-15 ºC-ra jaitsiko dira barnealdean.
2023/09/28
Indarkeria matxistaren biktima kopurua % 57 h...
Indarkeria matxistaren biktima kopurua % 57 hazi da EAEko "etxerik gabeko" pertsonentzako zentroetan
2022an, 276 zentrotan eman zitzaien a...
0:59 min.
2022an, 276 zentrotan eman zitzaien arreta etxerik ez duten edo babes bila dabiltzan pertsonei. Batez beste, egunean 3.410 lagun hartu zituzten zentro horiek, 2020an baino % 1,8 gutxiago.
Audiorik gabe. Etxerik ez duten pertsonak artatzeko zentroen gastua 76 milioi eurokoa izan zen 2022an Euskal Autonomia Erkidegoan. 2020tik —pandemiaren urtea— % 15,8 igo da gastua, Eustatek argitaratutako datuen arabera. Indarkeria matxistaren biktima kopurua, berriz, % 57 hazi zen iaz EAEko zentroetan; guztira, 270 plaza. "Etxebizitza arriskutsua" sailean sartzen dituzte emakume horiek. Izan ere, indarkeriaren mehatxupean bizi diren pertsonak dira.
2023/09/27
Tenperatura maximoak nabarmen igoko dira gaur...
Tenperatura maximoak nabarmen igoko dira gaur, batez ere Kantauri isurialdean
Oro har balio altuenak 28 eta 30 ºC a...
0:48 min.
Oro har balio altuenak 28 eta 30 ºC artekoak izango dira.
Audiorik gabe. Gaur giroa eguzkitsua izango da, goi-hodei batzuk agertuko diren arren, eguzkia jaun eta jabe izango baita. Tenperatura maximoak nabarmen igoko dira, batez ere Kantauri isurialdean, eta oro har balio altuenak 28 eta 30 ºC artekoak izango dira. Euskalmetek jakitera eman duenez, goizean hego-ekialdeko haizea ibiliko da, eta bereziki ekialdean harro ibiliko da. Arratsaldean, ostera, kostaldetik hasita, haizeak ipar-mendebaldera egingo du; aldaketan haizea indartu egin daiteke eta, ordutik aurrera, pixkanaka tenperatura jaitsi egingo da.
2023/09/27
Trebezia lingusitikoak behar eta eskubide bat...
Trebezia lingusitikoak behar eta eskubide bat direla aldarrikatuko da Hizkuntzen Europako Egunean
Bingen Zupiriak Europako hizkuntza gu...
0:48 min.
Bingen Zupiriak Europako hizkuntza gutxituei Bruselan gaur egingo dieten omenaldian hartuko du parte.
Audiorik gabe. Gaur, irailak 26, Hizkuntzen Europako Eguna ospatuko da trebezia linguistikoak herritar guztien beharrizan eta eskubide bat direla nabarmentzeko. 2001az geroztik, herritarren artean egun honetan zabaldu nahi izan den mezuetako bat da aipatutakoa. Europa aberatsa da, hizkuntzei dagokienez —200dik gora daude—. Bertan, beste kontinente batzuetatik iritsitako familiak erabiltzen dituzten hizkuntzak ere entzuten dira. Egun honek dituen helburu nagusien artean daude aniztasun linguistikoaren aberastasunaz kontzientziatzea, berori "zaindu eta babestu" behar delako. Halaber, gaurko ospakizunak xede du ikasten diren hizkuntzen aukera handitzea, alegia, eleaniztasunari bultzada ematea. Bukatzeko, gutxienez bi hizkuntzatan maila ona lortzeko beharra azpimarratu nahi du.
2023/09/26
20 urteko motor-gidari bat hil da Zestoan iza...
20 urteko motor-gidari bat hil da Zestoan izan den trafiko istripuan
17:20an izan da moto baten eta kamioi...
0:34 min.
17:20an izan da moto baten eta kamioi baten arteko ezbeharra. Hildakoa Zumaiako bizilaguna zen.
Audiorik gabe. 20 urteko motor-gidari bat hil da gaur arratsaldean Zestoan, GI-2633 errepidean Zumaiako noranzkoan, izan den trafiko istripuan. Ertzaintzak jakitera eman duenez, moto batek eta kamioi batek elkar jo dute. Ondorioz, motor-gidaria kamioiaren azpian harrapatuta geratu da, eta bertan zendu da. Osasun-zerbitzuetako langileak, Ertzaintzako agenteak eta suhiltzaileak bertaratu dira. Hildakoa Zumaiako bizilaguna zen.
2023/09/26
Bi pertsona larri zauritu dira Iturzaetako le...
Bi pertsona larri zauritu dira Iturzaetako lepoan, motor baten eta auto baten arteko istripuan
Helikoptero medikalizatu batek Nafarr...
1:03 min.
Helikoptero medikalizatu batek Nafarroako Unibertsitate Ospitalera eraman ditu motorrean zihoazen 32 eta 21 urteko bi gizonezko.
Audiorik gabe. Bi pertsona larri zauritu dira igande honetan NA-2011 errepidean, Iturzaetako lepoan, motor baten eta auto baten arteko istripuan, Nafarroako Foru Gobernuak jakitera eman duenez. SOS Nafarroak 15:45ean izan du istripuaren berri, eta Nabaskozeko suhiltzaileak, Espartza Zaraitzuko mediku-taldea, bizi-euskarri aurreratuko anbulantzia bat, oinarrizko bizi-euskarriko anbulantzia bat, helikoptero medikalizatu bat eta Foruzaingoaren patruilak bertaratu dira. Helikoptero medikalizatuak Nafarroako Unibertsitate Ospitalera eraman ditu motorreko bidaiariak, 32 eta 21 urteko bi gizonezko, traumatismo larriak baitzituzten. Foruzaingoak ikerketa ireki du gertatutakoa argitzeko.
2023/09/25
Eusko Jaurlaritzak % 1,7ra igo du Euskadiren ...
Eusko Jaurlaritzak % 1,7ra igo du Euskadiren aurtengo hazkundea, eta % 2,1era eutsi dio 2024an
Bigarren hiruhilekoa aurreikusitakoa ...
0:34 min.
Bigarren hiruhilekoa aurreikusitakoa baino dinamikoagoa izan da, eta, horren ondorioz, Eusko Jaurlaritzak hazkunde-aurreikuspenak igo ditu.
Audiorik gabe. Eusko Jaurlaritzaren aurreikuspenen arabera, Euskadiko ekonomia % 1,7 haziko da aurten, eta % 2,1 datorren urtean. Gainera, bi ekitaldietan 13.000 enplegu sortzea espero da, eta langabezia-tasa % 7,7ra jaitsiko da 2023an eta % 7,0ra 2024an.
2023/09/25
Erkoreka eta Ertzaintzako sindikatuak gaur bi...
Erkoreka eta Ertzaintzako sindikatuak gaur bilduko dira Lakuan
ErNE, ESAN eta SiPE sindikatuak hartu...
0:57 min.
ErNE, ESAN eta SiPE sindikatuak hartuko ditu Segurtasun sailburuak. Erkorekak ohartarazi du planteamendu guztiek "errealismo, erantzukizun eta legezkotasun" printzipioak errespetatu beharko dituztela.
Audiorik gabe. Josu Erkoreka lehendakariorde eta Segurtasun sailburuak aurreratu duenez, Ertzaintzako ordezkari sindikalekin bilduko da gaur (11:15ean) Eusko Jaurlaritzak Lakuan (Gasteiz) dituen instalazioetan. Sailburuak esan duenez, sindikatuekin bilduko da ErNEk, ESANk eta SiPEk azaldu duten kezka aztertzeko; izan ere, herritarren "ertzainekiko errespetu faltak" areagotu dira. Hala ere, lan-aldarrikapenei heltzeko aukera alde batera ez dute utziko. Azken hilabeteetan, ertzainak kalera atera dira hitzarmen berri bat eskatzeko. Era berean, soldata igotzea eskatu dute, hobekien ordaindutako udaltzainekin parekatzeko.
2023/09/22
Autoentzako ingurumen-bereizgarriak...
Autoentzako ingurumen-bereizgarriak
Gero eta auto gehiago ikusten dira au...
1:32 min.
Gero eta auto gehiago ikusten dira aurreko kristalean pegatina urdina, berdea edo horia jarrita.
Audiorik gabe. Mugikortasunaren Europako Astean murgilduta gaude egunotan eta, gaur gainera, Autorik Gabeko Munduko Eguna ospatzen ari gara. Jardunaldi horietan, erakundeak eta herritarrak sentsibilizatu nahi dira garraiobide iraunkorragoak erabiltzeak osasun publikorako eta ingurumenerako dituen onurei buruz. Estatuko Klima Aldaketari eta Trantsizio Energetikoari buruzko Legea 2021ean sartu zen indarrean. Haren helburuetako bat ahalik ere hiri garbienak, kutsadura gutxikoak, lortzea da. Hori dela eta, legeak ezartzen du 50.000 biztanle baino gehiago dutenek eta, 20.000 biztanle baino gehiago izan arren, araututako kutsatzaileen muga-balioak gainditzen dituztenek emisio txikiko eremuak (EME) ezarri behar dituztela eta ibilgailuak horietara sartzea mugatu behar zutela. Autoak gune horietara sartzea baimentzeko moduetako bat Trafikoko Zuzendaritza Nagusiak (TZN) sortu dituen ingurumen-bereizgarriak dira. Bereizgarri horiek ibilgailuak sailkatzen dituzte ingurumenean izan dezaketen eraginaren arabera. Auto berrienek Euro 6 izeneko teknologia daramate eta hauen motorrek gutxiago kutsatzen dute.
2023/09/22
Errei bat itxita AP-8an, Deba parean eta Irun...
Errei bat itxita AP-8an, Deba parean eta Irungo noranzkoan
Kamioi batek zama galdu du, eta atzet...
0:43 min.
Kamioi batek zama galdu du, eta atzetik zihoan auto batek horren kontra jo. Eskuineko erreia itxita dago, baina dagoeneko bukatu dira auto ilarak.
Audiorik gabe. Kamioi batek zeraman zamaren zati bat galdu du gaur goizean AP-8an, Deba (Gipuzkoa) parean eta Irungo noranzkoan, Eusko Jaurlaritzako Segurtasun Sailak eitb.eus-i jakinarazi dionez. Atzetik zihoan auto batek zama horren kontra egin du talka. Zorionez, ez da inor zauritu, baina errei bat itxi behar izan dute. Ezbeharra 08:45ean jazo da aipatu autobideko 56. kilometroan.
2023/09/21
Gizon bat ikerketapean jarri dute Cintruenigo...
Gizon bat ikerketapean jarri dute Cintruenigon, osasun baldintzak betetzen ez dituen oliba olioa sal
Ikertutakoak oliba-olio birjina saltz...
1:38 min.
Ikertutakoak oliba-olio birjina saltzen zuen oliba-olio birjina estraren izenean, etiketarik gabe, eta osasun baldintza "eskasetan" Cintruenigoko lokal batean.
Audiorik gabe. Nafarroako Guardia Zibilak 44 urteko gizon bat ikertu du oliba-olio birjina estraren izenean oliba-olio birjina saltzeagatik, etiketarik gabe, eta osasun baldintza "egokiak" bete gabe. Guardia Zibilak ohar batean jakinarazi duenez, Naturaren Babeserako Zerbitzuko agenteek ikerketa abiatu zuten pertsona batek salaketa aurkeztu ondoren. Salaketaren arabera, Cintruenigoko lokal batean ustez oliba-olio birjina estra saltzen zuten, etiketarik gabe, higiene eta osasun baldintza "eskasetan". Agenteek saltokian zeuden ontzi guztiak kontatu eta olio laginak hartu zituzten. Guztira, 5 eta 25 litroko 1.048 ontzi zenbatu zituzten, beteak eta hutsak. Ikerketari esker agenteek egiaztatu zutenez, jabeak ontziak eskuz garbitzen zituen harraska batean ondoren berrerabiltzeko. Establezimenduko beste toki batean, itxi gabe zegoen olio gordailu bat aurkitu zuten eta bertara zikinkeria edota intsektuak sar zitezkeela egiaztatu zuten. Laginak aztertuta ondorioztatu zuten oliba-olio birjina zela, ez oliba-olio birjina estra, eta ez zuela Nafarroako Jatorri Izendapena. Hori dela eta, osasun publikoaren kontrako delitua eta industria-jabetzari buruzko delituak leporatu dizkiote.
2023/09/21
78 urteko gizonezko bat hil da Fiteron izanda...
78 urteko gizonezko bat hil da Fiteron izandako lan-istripuan
Merkantzia husten ari zela, erori egi...
1:06 min.
Merkantzia husten ari zela, erori egin da gizonezkoa eta tokian bertan hil da. Fiteroko bizilaguna zen.
Audiorik gabe. 78 urteko gizonezko bat hil da Fiteroko Nekazaritza Kooperatiban gaur izan den lan-istripuan. Lehen informazioen arabera, erorikoa izan du, merkantzia husten ari zela. Lekuan bertan zendu da. 12:00ak aldera gertatu da ezbeharra. Abisua jaso ondoren, Nafarroako Guardia Zibilaren Polizia Judizialaren Unitate Organikoko agenteak bertaratu dira, ikuskapen teknikoa egiteko eta istripuaren arrazoiak argitzeko ikerketa bideratzeko. 24 orduan hiru pertsona lan-istripuz Euskal Herrian. Atzo, 35 urteko emakume bat hil zen Adunan, sagar-bilketan ari zela traktorearekin istripua izanda, eta Amurrion, 32 urteko gizonezko bat zendu zen in itinere izandako trafiko-istripu batean.
2023/09/21
EAEko hiriburuetako hoteletan okupazioak gora...
EAEko hiriburuetako hoteletan okupazioak gora egin du udako jaietan
Euskal Autonomia Erkidegoko hotel-est...
1:07 min.
Euskal Autonomia Erkidegoko hotel-establezimenduei erreparatuz gero, abuztuan 896.915 ostatu-gau zenbatu dira, 2022ko abuztuan baino % 6,9 gehiago.
Audiorik gabe. 2023ko abuztuan Euskal Autonomia Erkidegoko (EAE) hotel-establezimenduetako sarrerak % 3,5 igo dira, eta ostatu-gauak % 6,9, urtetik urterako ehunekoetan, Eustatek landutako datuen arabera. Erregistratutako 411.372 sarrerek 896.915 ostatu-gau ekarri dituzte. Sarreren % 51,9 eta ostatu-gauen % 48,6 atzerritar jatorrikoak izan dira; Hala, sarrerek % 9,6 egin dute gora, eta ostatu-gauek % 15,2, Eustat - Euskal Estatistika Erakundeak astelehen honetan jakitera eman duenez.
2023/09/20
Abisu horipean egongo da bihar EAE, orduko 10...
Abisu horipean egongo da bihar EAE, orduko 100 kilometroko haizea-kolpeengatik
00:00etatik 09:00etara egongo da inda...
0:46 min.
00:00etatik 09:00etara egongo da indarrean abisua. Haizeak gogor jotzen ez duen lekuetan orduko 60-80 kilometroko haize-boladak espero dira.
Audiorik gabe. Eusko Jaurlaritzako larrialdi eta meteorologia zuzendaritzak abisu horia ezarri du biharko (osteguna) Euskal Autonomia Erkidegoan, hegotik iritsitako haize-boladek orduko 100 kilometroko abiadura har dezaketelakoan, Segurtasun Sailak jakitera eman duenez. 00:00etatik 09:00etara egongo da indarrean abisua. Haizeak gogor jotzen ez duen lekuetan orduko 60-80 kilometroko haize-boladak espero dira.
2023/09/20
EAEko biztanleriaren % 6,3 bizi da desgaitasu...
EAEko biztanleriaren % 6,3 bizi da desgaitasun egoeran
Profil nagusia % 65etik beherako desg...
2:06 min.
Profil nagusia % 65etik beherako desgaitasuna duen gizon nagusiarena da.
Audiorik gabe. Sailburuak azpimarratu du beharrezkoa dela "pertsona horientzako bizimodu independentearen ereduaren oinarriak finkatzen jarraitzea, azpiegiturak, garraio sistemak, zerbitzu publikoak eta pribatuak eta jarrera sozialak birformulatuta, inklusiboak izan daitezen". Melgosak aldarrikatu duenez, pertsona guztiek "duintasunez eta autonomiaz bizitzeko eta gure gizartearen parte aktiboa izateko" eskubidea dute, "familia zaintzaileek ere beren bizitza aurrera eramateko eskubidea dutela" gogorarazita. Egoera hori "bereziki emakumeei, gure gizarteko zaintzaile handiei" dagokien egoera da.
2023/09/20
EAEko ekonomia % 1,5 hazi zen 2023ko bigarren...
EAEko ekonomia % 1,5 hazi zen 2023ko bigarren hiruhilekoan
Lanaldi osoko lanpostuak kontuan izan...
0:53 min.
Lanaldi osoko lanpostuak kontuan izanda, enpleguak % 0,7 egin zuen gora, urteko lehen hiruhilekoko datuekin alderatuta.
Audiorik gabe. Euskal Autonomia Erkidegoko BPGa % 0,4 hazi zen 2023ko bigarren hiruhilekoan, eta, aurreikusitakoaren arabera, urtetik urterako hazkundea % 1,5eko izango da, uztailean iragarritakoa baino hamarren bat txikiagoa. Lanaldi osoko lanpostuak kontuan izanda, enpleguak % 0,7 egin zuen gora, urteko lehen hiruhilekoko datuekin alderatuta. Horrek esan nahi du urte arteko hazkundea % 1,5ekoa izan dela; guztira, 2022ko bigarren hiruhilekoan baino 14.270 lanpostu gehiago, Eustatek emandako datuek erakusten dutenez.
2023/09/19
Epaileak bermerik gabe espetxera bidali du Mu...
Epaileak bermerik gabe espetxera bidali du Murtzian emazte ohia hiltzea egotzita atxilotutako gizona
Asteazkenetik 34 urteko emakumearen b...
1:07 min.
Asteazkenetik 34 urteko emakumearen bila ari ziren eta haren gorpua larunbatean aurkitu zuten Cieza udalerriko putzu batean.
Audiorik gabe. Murtzian, epaileak bermerik gabe espetxera bidali du Cieza udalerrian emazte ohia hiltzea egotzita atxilotutako gizona. 40 urteko atxilotuari homizidio delitua eta urruntze agindua urratzea leporatzen diote. Asteazkenetik 34 urteko emakumearen bila ari ziren Cieza inguruetan eta haren gorpua larunbatean aurkitu zuten udalerriko putzu batean. Emakumearen nebak ostegunean salatu zuen desagerpena, bezperatik bere berri ez baitzuen. Poliziak ikerketa abiatu ondotik, atzo iristen zaila den Ciezako putzu batean aurkitu zuten gorpua eta Guardia Zibilaren mendiko agenteek atera behar izan zuten. Ustezko hiltzailea pasa den ostegunean atxilotu zuten, biktimarekiko urruntze agindua bazuen ere berarekin harremanetan jarri zelako.
2023/09/18
Gizon bat atxilotu dute Tuteran bikotekidea e...
Gizon bat atxilotu dute Tuteran bikotekidea erasotzeagatik
23 urteko emakumea ospitalera eraman ...
1:03 min.
23 urteko emakumea ospitalera eraman zuten.
Audiorik gabe. Gizon bat atxilotu dute igande honetan Tuteran 23 urteko bikotekideari eraso egin eta zauritzeagatik, Tuterako Udaltzaingoak jakitera eman duenez. Emakumea ospitalera eraman behar izan zuten. 08:00ak aldera SOS Nafarroak deia jaso zuen Tuterako etxebizitza batean liskar bat zegoela ohartaraziz. Bertaratu zirenean, agenteek emakume bat aurkitu zuten besoan zauri odoltsu bat zuela, antza arma zuri batekin egina. Etxebizitzan biktimaren anaia ere bazegoen, eta hark ere zauriak zituen eskuan. Antza, ustezko erasotzaileak egin ziozkion, arma kentzen saiatu zenean. Emakumea ospitalera eraman zuten, eta jostura-puntu batzuk jarri ondoren, sendagiria eman zioten. 13:00ak aldera, ustezko erasotzailea bere borondatez joan zen polizia-etxera eta Foruzaingoak atxilotu egin zuen.
2023/09/18
Gaurtik aurrera eskola-garraioa izango dute b...
Gaurtik aurrera eskola-garraioa izango dute berriro Arabako eta Bizkaiko ikasleek
Eusko Jaurlaritzako Hezkuntza Sailak ...
0:41 min.
Eusko Jaurlaritzako Hezkuntza Sailak eta eskola garraioko enpresek elkarrizketari berriro ekitea erabaki dute, "etorkizunera begira hobetzeko proposamenak aztertu eta planteatzeko”.
Audiorik gabe. Eskola-garraioko enpresek gaur ekingo diote berriro zerbitzuari Araban eta Bizkaian, Hezkuntza Sailarekin etorkizunerako hobekuntza proposamenak egitea adostu ostean. Hezkuntza Sailak eta eskola garraioko enpresek elkarrizketari berriro ekitea erabaki dute, eta hurbilketa horren ondorioz, ikasturte hasieran bermatuta egon ez den zerbitzua berrezarriko da Araban eta Bizkaian.
2023/09/18
Aske geratu dira adingabe baten bideo sexuala...
Aske geratu dira adingabe baten bideo sexuala zabaltzeagatik atxilotutako Real Madrileko harrobiko j
Biktimaren amak jarri zuen salaketa i...
1:30 min.
Biktimaren amak jarri zuen salaketa irailaren 6an, Kanaria Handiko Mogan herrian. Ikerketako iturrien arabera, atxilotuetako batek grabatu zuen bideoa uda hasieran, neskaren baimenik gabe.
Audiorik gabe. Guardia Zibilak Real Madrileko harrobiko hiru jokalari atxilotu ditu Madrilen, 16 urteko neska baten bideo sexuala WhastApp sare sozialaren bidez zabaltzeagatik. Epailearen aurrean deklaratu ondoren, libre utzi dituzte hirurak. Atxilotuen telefono mugikorren kopiak egiteko agindu du epaileak. Sexu-izaerako sekretuak ezagutzera ematea leporatu diete futbolariei, baina ez sexu-erasoa egitea. Ikerketako arduradunek baieztatu dute bideoan grabatuta dauden sexu-harremanak baimendutakoak izan zirela; ez, ordea, eduki horiek zabaltzea. Biktimaren amak jarri zuen salaketa, irailaren 6an, Kanaria Handiko Mogan herrian. Aipatutako iturrien arabera, atxilotuetako batek grabatu zuen bideoa uda hasieran, neskaren baimenik gabe. Real Madrileko bigarren taldeko (Real Madril Gaztela) jokalari bat eta hirugarren taldeko (Real Madril C) bi dira atxilotuak. Madrilgo klubaren egoitza nagusian atxilotu dituzte, goizean. Albistea zabaldu eta berehala, Irene Montero Espainiako Gobernuko Berdintasun ministroak esan du sexu-irudiak baimenik gabe zabaltzea sexu-indarkeria dela.
2023/09/15
Maiatzaren 14ean hasiko da Basurtun haur jaio...
Maiatzaren 14ean hasiko da Basurtun haur jaioberri bat bahitu zuen emakumearen aurkako epaiketa
Fiskaltzak lau urteko kartzela-zigorr...
0:52 min.
Fiskaltzak lau urteko kartzela-zigorra eskatuko du kasu horrengatik auzipetutako emakumearentzat.
Audiorik gabe. 2024ko maiatzaren 14ean hasiko da 2022ko urriaren 19an Basurtuko ospitalean haur jaioberri bat bahitzeagatik auzipetutako emakumearen aurkako epaiketa, Bizkaiko Lurralde Auzitegiko lehenengo atalean, eta Fiskaltzak lau urteko kartzela-zigorra eskatuko du bere aurka, EITBk jakin ahal izan duenez. 2022ko urriaren 19an izan zen bahiketa. Osasun langile baten plantak egiten lortu zuen emakumeak ospitalean sartu eta haurra eramatea. Jaioberria, azkenean, osasun egoera onean aurkitu zuten, Santutxuko etxebizitza baten lanpasean. Fiskaltzak lau urteko espetxe-zigorra eskatuko du emakumearen aurka haurra legez kanpo atxikitzea egotzita.
2023/09/15
Gizon baten gorpua agertu da Kontxako hondart...
Gizon baten gorpua agertu da Kontxako hondartzan
Udalak jakinarazi duenez, 40 urte ing...
0:42 min.
Udalak jakinarazi duenez, 40 urte inguruko gizon atzerritarra da hildakoa. Ikerketa abiatu dute heriotzaren zergatiak argitzeko.
Audiorik gabe. Gizon baten gorpua agertu da gaur goizean Donostiako Kontxa hondartzan. Udaletik jakinarazi dutenez, 40 urte inguruko gizon atzerritarra da hildakoa. Hondartza garbitzen ari zen langile batek ur izkinan aurkitu du hilotza 08:00ak aldera, eta Udaltzaingoari jakinarazi dio. Udaltzaingoak ingurua hesitu du, epaileak gorpua altxatu bitartean. Hildakoaren bi lagunek gorpua identifikatu dute. Ikerketak argitu beharko ditu heriotzaren zergatiak.
2023/09/15
65 eta 80 urte arteko 2.000 donostiar bolunta...
65 eta 80 urte arteko 2.000 donostiar boluntarioren bila ari dira, alzheimerra prebenitzeko ikerketa
Bi urte iraungo ditu ikerketak, eta 2...
1:58 min.
Bi urte iraungo ditu ikerketak, eta 2025erako behin betiko emaitzak izatea aurreikusten da
Audiorik gabe. CITA-alzheimer Fundazioa 65 eta 80 urte arteko 2.000 donostiar boluntarioren bila ari da, alzheimerra prebenitzeko ikerketa batean parte hartzeko. Hainbat bizi-ohitura hartuta, alzheimerra edota beste dementzia mota batzuk izateko aukera murriztu daitekeela erakutsi nahi dute ikertzaileek. 'Donostiar ahaztezinen bila gabiltza' leloa du kanpainak, eta "CITA GO-ON" deritzon proiektuaren barruan kokatu dute. Pablo Martinez-Lage CITA-Alzheimer fundazioko zuzendari zientifikoak aurkeztu du ekimena gaur eguerdian, Donostiako Udaletxean, Eneko Goia alkatearekin batera. Martinez-Lageren hitzetan, biztanleriaren zahartzeak berekin dakarren "erronka nagusia" alzheimerrari eta beste dementzia motei aurre egitea izango da. "Ez badugu ezer egiten, 20 edo 30 urte barru bikoiztu egingo da dementzia duten pertsonen kopurua", ziurtatu du. Gaur aurkeztu duten ikerketaren ardatzean bizi-ohitura osasungarriak jarriko dituzte: ariketa fisikoa zein kognitiboa, elikadura osasuntsua eta integrazio soziala izango dira gakoak. Suediako Kronlinska Institutu sonatuaren babesa izango du egitasmoak, eta bertatik aterako diren ondorioak nazioartean partekatuko dituzte. Izan ere, Europako hainbat herrialdetan, Estatu Batuetan, Txinan edota Australian antzeko lan-lerroak eta antzeko metologia ari dira erabiltzen alzheimerra ikertzeko lanetan. Aurreikuspenen arabera, bi urte iraungo ditu ikerketak, eta 2025ean emaitzak izatea espero da. Parte hartu nahi dutenek cita-alzheimer.org webgunean dagoen formularioa beteta edota 943021792 telefonora deituta eman dezakete izena.
2023/09/14
Bilbok Kale Nagusia itxiko du irailaren 16an ...
Bilbok Kale Nagusia itxiko du irailaren 16an eta 17an, Mugikortasunaren Europako Astearen baitan
Bilboko Udaleko ordezkariek Erriberak...
1:53 min.
Bilboko Udaleko ordezkariek Erriberako Merkatuan aurkeztu dute ekimena, irailaren 16tik 22ra bitartean egingo dena, "eraginkortasun energetikoa" lelopean.
Audiorik gabe. Bilbok Kale Nagusia itxiko du irailaren 16an eta 17an, Mugikortasunaren Europako Astearen baitan. Larunbatean, Plaza Biribiletik Mazarredora itxiko dute, eta, gero, igandean, Moyua plazara arte, garraio jasangarriak eta mugikortasun aktiboa bultzatzeko. Nora Abete alkateorde eta Bilboko Udaleko Mugikortasun eta Jasangarritasun zinegotziak eta Alvaro Perez Osasun eta Kontsumo zinegotziak Mugikortasunaren Europako Astea aurkeztu dute gaur Erriberako Merkatuan. Urtero egiten da, irailaren 16tik 22ra bitartean, eta aurten "eraginkortasun energetikoa" lelopean egingo da. Europako Batzordeak bultzatutako Mugikortasunaren Europako Astea honako helburu hauek ditu: arduradun politikoak zein herritarrak sentsibilizatzea hirian autoa zentzuz erabiltzeak dituen ondorio kaltegarriei buruz, bai osasun publikoan, bai ingurumenean, eta garraio jasangarriagoak erabiltzeak (besteak beste, garraio publikoa, bizikleta eta oinezko joan-etorriak) dituen onurei buruz. Ia 3.000 herrik eta hirik parte hartzen dute kanpaina honetan, eta irailaren 22an amaituko da, "Nire autoa gabeko eguna" ekitaldiarekin.
2023/09/14
18 urteko gazte bat atxilotu dute Bilbon inda...
18 urteko gazte bat atxilotu dute Bilbon indarkeria erabiliz lapurretak nola egin Interneten irakast
Bideoak milioi bat bistaratze baino g...
1:16 min.
Bideoak milioi bat bistaratze baino gehiago eta milaka 'like' izan zituen.
Audiorik gabe. Espainiako Poliziak 18 urteko gizon bat atxilotu du Bilbon, delitua egiteko probokazioa egotzita, Internet bidez gazteak 'mataleon' teknika erabiliz lapurtzera bultzatzeagatik. Ikertzaileen arabera, aldez aurretik 14 urtetik beherako gazteei delituak egiteko eskatzen zien beste bideoak ere egin ditu, Espainiako Gobernuak Euskadin duen Ordezkaritzak jakinarazi duenez. Ikerketa Bilboko Informazio Brigadako (BPI) ikertzaileek ziberpatruilatze-lanetan bideo bat aurkitu zutenean hasi zen. Bideo horretan gazte batek 'mataleon' metodoa erabiliz lapurretak egiten erakusten zien beste batzuei, itxuraz adingabeak ziren atzerritarrei. Delitu-mota hori biktimari bizkarretik erasotzean eta lepoan besoekin sakatzean datza, garuneranzko odol-fluxua mozteko eta berehala konortea galtzea eragiteko. Ildo horretan, egiaztatu zuten bideoa Bizkaiko hiriburuko merkataritza-gune handi bateko terrazetan grabatu zela, eta milioi bat bistaratze baino gehiago eta milaka 'like' izan zituela. Halaber, albiste ere izan zen zenbait egunkaritan, eta horrek "alarma sozial nabarmena" eragin zuen.
2023/09/14
EAEko Zibersegurtasun Agentzia berria abiatze...
EAEko Zibersegurtasun Agentzia berria abiatzeko bilera egin dute
Administrazio Kontseilua lehenbiziko ...
2:12 min.
Administrazio Kontseilua lehenbiziko aldiz elkartu da Arabako Parke Teknologikoan (Miñaon) kokatuko den Agentzia berri honen jarduerari hasiera emateko.
Audiorik gabe. Josu Erkoreka lehenengo lehendakariorde eta Segurtasuneko sailburua buru zela, eta Arantxa Tapia Ekonomiaren Garapen, Industria eta Ingurumeneko sailburua ere bertan zela, egin dute gaur goizean Cyberzaintza, Euskadiko Zibersegurtasun Agentzia berria, sortzeko bilera. Segurtasun Sailak ohar batean azaldu duenez, Interneten eta teknologia berrien erabileraren ondorio diren mehatxuei modu integralean eta zeharkakotasunez aurre egiteko sortu da. Administrazio Kontseilua lehenbiziko aldiz elkartu da Arabako Parke Teknologikoan (Miñaon) kokatuko den Agentzia berri honen jarduerari hasiera emateko. Agentzia, zehazki, Basque Cybersecurity Centreren egoitzan kokatuko da. Cyberzaintzaren gobernu-organoko kideak Eusko Jaurlaritzako, foru-aldundietako eta udaletako ordezkariak izango dira. Kontseilu honen lehenengo eginkizunetako bat legezko oinarriak eta oinarri operatiboak ezartzen dituzten eta agentziaren helburuak, eginkizunak eta egiturak zehazten dituzten estatutuei oniritzia ematea da. Estatutuok laster aurkeztuko dituzte Gobernu Kontseiluan, honek onar ditzan. Agentzia berriak hiru arlotan jardungo du: ziberdelituak; azpiegitura eta datu publikoen babesa; eta enpresa egituren eta datuen babesa. Besteak beste, hauek dira Agentziaren zeregin nagusietako batzuk: ziberintzidentziak eta zibererasoak ikertu eta aztertzea; antzematea eta horiei erantzutea, horretarako irizpideak finkatuta eta babes-neurri egokiak sustatuta zibermehatxuei aurre egiteko eta zerbitzu publiko kritikoak eta funtsezkoak identifikatu eta zaintzea, horien ziberbabeserako neurri egokiak proposatzeko.
2023/09/13
Ziberdelituek % 31 gora egin dute EAEn 2023ko...
Ziberdelituek % 31 gora egin dute EAEn 2023ko lehenengo seihilekoan, eta gehienak iruzurrak izan dir
Guztira, 12.878 ziberdelitu jazo dira...
2:01 min.
Guztira, 12.878 ziberdelitu jazo dira, horietako % 89 iruzurrak.
Audiorik gabe. Euskadin salatzen diren lau delitutatik bat teknologia berrien bidez egiten da. Denbora horretan, zehazki, 12.878 ziberdelitu erregistratu dira, iazko aldi berean baino % 31 gehiago. Horietako gehien-gehienak, orain arte bezala, ziberiruzurrak izan dira, eta ziberdelitu guztien % 89 dira. Josu Erkoreka lehenengo lehendakariorde eta Segurtasuneko sailburua buru dela, eta Arantxa Tapia Ekonomiaren Garapen, Industria eta Ingurumeneko sailburua ere bertan dela, egin dute gaur goizean Cyberzaintza, Euskadiko Zibersegurtasun Agentzia berria, sortzeko bilera. Batzarra 2023ko lehenengo seihilekoko datuen azterketarekin amaitu da. Esan bezala, ziberdelituen sailkapenaren buruan ziberiruzurrak daude. Aurtengo lehenengo seihilekoan 11.508 ziberiruzur izan dira, iaz baino % 30,5 gehiago. Ziberfaltsifikazioei dagokionez, 505 antzeman dituzte, 2022ko lehenengo seihilekoan baino % 9 gehiago. Zerrendan hurrengoak zibermehatxuak eta ziberjazarpenak dira. Horrela, 390 salatu dituzte, iaz baino % 8 gehiago. Teknologia berrien bidez sekretuak argitara eta jakitera emateagatik 89 salaketa aurkeztu dira, 2022ko lehenengo seihilekoan baino % 2 gehiago. Bestalde, Internet bidezko delitu sexualak eta eta erasoak kopuruan gutxi izan badira ere, portzentajean hazkunde handienak izan dituzte iazko epe berdinarekin alderatuta. Horrela, 44 zibereraso izan dira, iaz baino % 144 gehiago. Azkenik, 36 ziberdelitu sexual jazo dira, % 71 gehiago.
2023/09/13
Testurik gabe....
Testurik gabe.
Testurik gabe....
0:47 min.
Testurik gabe.
Audio eta testurik gabe.
2023/09/08
22 urteko gizonezko bat atxilotu dute Donosti...
22 urteko gizonezko bat atxilotu dute Donostian eduki pedofiloko bideoak partekatzeagatik
Erabiltzailearen Internet-zerbitzuen ...
0:48 min.
Erabiltzailearen Internet-zerbitzuen hornitzaileak emandako informazioari esker, agenteek etxebizitza geolokalizatu eta titularra identifikatu ahal izan zuten.
Audiorik gabe. Espainiako Poliziak 22 urteko gizon bat atxilotu du Donostian, adingabeak galbideratzea egotzita, Internet bidez haur-pornografia eduki eta partekatzeagatik. Poliziaren Zuzendaritza Nagusiak ostiral honetan ohar baten bidez jakinarazi duenez, Madrilgo Ikerketa Teknologikoko Brigada Zentralak (BIT) Gipuzkoako hiriburuko etxebizitza batetik artxibo pedofiloak partekatzen ari zirela antzeman zuenean hasi ziren ikerketak. Joan den asteartean, susmagarriaren etxebizitza miatu eta atxilotu egin zuten. Poliziak telefono mugikor bat, tableta bat eta disko gogor bat atzeman zizkion. Etxean bertan haren telefoak aztertuta, eduki pedofiloko bideo ugari zituela baieztatu zuten.
2023/09/08
Testurik gabe....
Testurik gabe.
Testurik gabe....
1:20 min.
Testurik gabe.
Audio eta testurik gabe.
2023/09/08
Bilboko metro zerbitzua berrezarri dute lau o...
Bilboko metro zerbitzua berrezarri dute lau orduz etenda egon ostean
Matxura 08:00ak baino lehentxeago iza...
0:44 min.
Matxura 08:00ak baino lehentxeago izan da, eta Etxebarri eta San Ignazio arteko zirkulazioari eragin dio hasieran, baina 1. linean eta 2.ean izan du eragina azkenean.
Audiorik gabe. Bilboko metro zerbitzua etenda egon da gaur goizean, lau ordu baino gehiagoan, arazo elektriko baten ondorioz. Matxura 08:00ak baino lehentxeago izan da, eta epe horretan Etxebarri eta San Ignazio artean ordubete zerbitzurik gabe egon ondoren, Metro Bilbaok San Ignazio-Indautxu eta Bolueta-Basauri tarteetan zirkulazioa berrezartzea lortu du, baina zerbitzuak etenda jarraitu du Indautxu eta Bolueta artean. Azkenik, 12:00ak pasatxo zirenean, zerbitzua berrezarri dute metro osoan. Metro Bilbaoko iturriek azaldu dutenez, katenaria osatzen duten kableetako baten hausturak eragin du arazoa.
2023/09/07
F Ligako greba-deialdiari eutsi diote jokalar...
F Ligako greba-deialdiari eutsi diote jokalariek
Sindikatuek eta patronalak ez dute ak...
0:58 min.
Sindikatuek eta patronalak ez dute akordiorik adostu, 10 orduko bilera egin arren, eta datorren astean bilduko dira berriro. Ondorioz, txapelketako lehen jardunaldia ez da jokatuko.
Audiorik gabe. Irailaren 7an abiatzekoa zen F Ligako 2023-24 denboraldiaren hasiera bertan behera geratuko da; izan ere, jokalariek lehenengo bi jardunaldietarako deitu zuten greba-deialdiak bere horretan jarraitzen du, asteazken honetan sindikatuek eta patronalak izandako 10 orduko bilera adostasunik gabe bukatu ondoren. Hala, maila goreneko emakume futbolarien ordezkariak (FUTPRO, AFE, CCOO, Futbolistas ON eta UGT) eta patronala ez dira ados jarri lan-hitzarmena hobetzeko, eta, ondorioz, liga txapelketaren hasiera atzeratu egingo da. Zabaldutako informazioen arabera, negoziazioetako desadostasun nagusia gutxieneko soldata izan da. Hasiera batean, sindikatuek eskatu zuten gutxieneko soldata 25.000 eurokoa izatea, eta 23.000ra jaitsi zuten gero. Patronalak, bere aldetik, 16.000 euroko gutxieneko soldata eskaini zuen hasierako bileretan, eta 20.000raino igo du gero, eta hortxe geratu dira bi aldeak.
2023/09/07
Astelehenetik aurrera eskola garraioa bermatu...
Astelehenetik aurrera eskola garraioa bermatuta egongo dela ziurtatu du Bildarratz sailburuak
Eusko Jaurlaritzako Hezkuntza sailbur...
1:42 min.
Eusko Jaurlaritzako Hezkuntza sailburuak azaldu duenez, "aukera ezberdinak" aztertu eta zuzenbideak eskaintzen dituen tresna guztiak erabiliko dituzte eskola-garraioa bermatuta egon dadin.
Audiorik gabe. Bizkaiko eta Arabako hainbat ikastetxe publikotan eskola-garraioko zerbitzurik gabe abiatu dute gaur 2023-2024 ikasturtea. Jokin Bildarratz Eusko Jaurlaritzako Hezkuntza sailburuak lasaitasun mezua helarazi nahi izan die kaltetutako familiei, eta astelehenetik aurrera zerbitzua bermatuta egongo dela ziurtatu du. Eskola-garraioko hainbat enpresak Eusko Jaurlaritzaren aurrean planto egin, eta gaur ez dute zerbitzua eskaini Araban eta Bizkaian. Atzo konpainiek bilera egin eta erabaki zuten gaur helegiteak aurkeztuko dituztela Hezkuntza Sailak herenegun kaleratutako aginduaren aurka, hau da, joan den ikasturtean kudeatu zituzten ibilbideetan zerbitzua ematera behartzen dituen aginduaren kontra, aurten lizitatu gabe egon arren. Hezkuntza sailburuak azaldu duenez, "aukera ezberdinak" aztertu eta zuzenbideak eskaintzen dituen tresna guztiak erabiliko dituzte eskola-garraioa bermatuta egon dadin, taxien aukera baztertu gabe. Bildarratzek familiei esan die garraioa funtsezko zerbitzu publikoa dela haurrak eskolara joan ahal izateko eta berak gidatzen duen Sailak "erantzukizunez" kudeatu dituela baliabideak. Iñigo Urkullu lehendakariak, Jokin Bildarratz Eusko Jaurlaritzako Hezkuntza sailburua lagun zuela, Leioako Txomin Aresti Haur eta Lehen Hezkuntzako ikastetxea bisitatu du gaur goizean, ikasturte hasierarekin bat eginez, eta bertan egin ditu adierazpenak. Familiei barkamena eskatu ostean, Eusko Jaurlaritzak "ahalegin handia" egin duela azpimarratu du. Hori dela eta, beren jarrera berraztertzeko eskatu die zerbitzua eskaintzen duten enpresei.
2023/09/07
Testurik gabe....
Testurik gabe.
Testurik gabe....
1:01 min.
Testurik gabe.
Audio eta testurik gabe.
2023/09/06
Ostegunera arte luzatu dute abisu horia Euska...
Ostegunera arte luzatu dute abisu horia Euskadin tenperatura altuengatik
Osteguneko 24:00ak arte egongo da ind...
0:43 min.
Osteguneko 24:00ak arte egongo da indarrean, eta tenperatura maximoak 32 gradura irits daitezke isurialde atlantikoaren barnealdean.
Audiorik gabe. Eusko Jaurlaritzako Larrialdiei Aurre Egiteko eta Meteorologiako Zuzendaritzak ostegunera arte luzatu du abisu horia tenperatura altu iraunkorragatik, asteartean 31,9 graduko maximoak izan ostean, Segurtasun Sailak jakitera eman duenez. Asteazken honetan, abisu horia egongo da indarrean 24:00ak arte. Tenperatura maximoak 30 gradura irits daitezke kostaldean, eta 32 gradu ingurura isurialde atlantikoaren barnealdean. Abisu horia ostegunean ere egongo da indarrean, tenperatura altuengatik. Iragarpenaren arabera, tenperatura maximoak 29 graduren bueltan kokatuko dira kostaldean, eta 32 graduren inguruan isurialde atlantikoaren barnealdean.
2023/09/06
Gaur hasi dute 2023-2024 ikasturtea haur-esko...
Gaur hasi dute 2023-2024 ikasturtea haur-eskoletan, eta aurrerantzean doakoak izango dira
Behin betiko datuen arabera, matrikul...
1:26 min.
Behin betiko datuen arabera, matrikulazio berriak % 25 igo dira Haurreskolak Partzuergoan.
Audiorik gabe. Gaur hasi dute 2023-2024 ikasturtea haur-eskoletan (0-3 urte), eta, lehen aldiz, doakoak izango dira Euskal Autonomia Erkidegoan. Behin betiko datuen arabera, matrikulazio berriak % 25 igo dira Haurreskolak Partzuergoan. Eusko Jaurlaritzako Hezkuntza Sailak Haurreskolak Partzuergoaren 0 eta 3 urte bitarteko eskolen finantzaketa indartu du aurtengo aurrekontuetan, % 8,93ko igoerarekin, 61 milioi eurokoa izango baita. Horri esker, Partzuergoko ikastetxe publiko guztiak doakoak izango dira 2023-2024 ikasturtetik aurrera. Ikasturte berria bihar hasiko da ofizialki Araban, Bizkaian eta Gipuzkoan, eskola-garraioaren gatazka pil-pilean dagoela. Atzo, Eusko Jaurlaritzako Hezkuntza Sailak eskola-garraioko enpresak lizitatu gabeko ibilbideetan jardutera behartzen dituen agindua argitaratu zuen Euskal Herriko Agintaritzaren Aldizkarian. Erabakia ezagutu berritan, eskola-garraioa eskaintzen duten enpresek EAEko Justizia Auzitegi Nagusian alegazioak aurkeztuko dituztela iragarri dute.
2023/09/06
Harrapatze anizkoitzagatik Haron atxilotutako...
Harrapatze anizkoitzagatik Haron atxilotutako gizonak tratamendu medikoa jasotzera zihoan osasun-zen
Pertsona bat hil eta bost zauritu dir...
1:17 min.
Pertsona bat hil eta bost zauritu dira atzo gauean Errioxako udalerriko osasun-zentroko aparkalekuan izandako harrapaketan. Atxilotutako gizona Bizkaikoa da.
Audiorik gabe. Astelehen gauean, gurasoekin tratamendua jasotzera zihoan gizonezko batek bost pertsona zauritu eta osasun-langile bat hil zituen Haron (Errioxa), osasun-zentroko aparkalekuan, autoarekin harrapatuta. Gidaria momentuan atxilotu zuten, eta iturriek ez dute baztertzen osasun mentaleko arazoak izan zitzakeen hipotesia. Guardia Zibilak baieztatu duenez, gertakariaren lekukoen arabera, Bizkaian bizi den 26 urteko gizona Gobernuaren aurkako oihuak egiten ari zen. Astelehenean, 22:15ak aldera, larrialdi-zerbitzuek eta Guardia Zibilak hainbat dei jaso zituzten ibilgailu bat osasun-zentroko aparkalekuan abiadura handian sartu zela eta sei pertsona harrapatu zituela ohartarazteko. Halako batean, ibilgailua nahita azeleratu zuen, eta sei pertsona harrapatu egin zituen. Aurrekaririk ez duen gizon hori Haroko polizia-etxean dago atxilotuta, epailearen esku uzteko zain, eta homizidio delitua eta bost hilketa saiakera egotzi dizkiote.
2023/09/05
Beroak jarraitzen du Hego Euskal Herrian, 20 ...
Beroak jarraitzen du Hego Euskal Herrian, 20 gradutik gorako tenperaturekin gauean
Astelehen itogarria izan ostean ia lu...
1:02 min.
Astelehen itogarria izan ostean ia lurralde osoan, Donostian 26,3 gradurainoko maximoak erregistratu dira bart.
Audiorik gabe. Beroak protagonista izaten jarraitzen du Hego Euskal Herrian, eta bi gauetan 20 gradutik gorako tenperaturak izan ditugu ia lurralde osoan. Hiriburuko datuei dagokienez, Gasteiz bakarrik libratu da gau tropikaletik; izan ere, astearte honetako lehen orduetan, Arabako hiriburuak ez ditu 18 graduak gainditu. Donostiak izan ditu gaur gauean baliorik altuenak, 26,3 graduko maximoekin 05:30ean. Bestalde, Bilbok 23 graduko maximoekin egin du lo, 01:00a aldera neurtutakoa, aurreko gauean 28,3 graduko maximoak izan ostean. Astearte honetan, abisu horiak jarraituko du euskal kostaldean, tenperatura altuak espero baitira: 29 graduko maximoak aurreikusi dituzte. Barnealdean, berriz, maximoak 32 gradu ingurukoak izango dira, eta 28 gradukoak Ebroko ardatzean. Tenperatura altuekin batera, astelehen arratsaldean metro koadroko 16,9 litro pilatu ziren.
2023/09/05
Langabeziak gora egin du abuztuan Euskadin, b...
Langabeziak gora egin du abuztuan Euskadin, bigarren hilabetez jarraian, baina 2008ko datuetatik urr
Langabeziak gora egin du abuztuan Eus...
0:56 min.
Langabeziak gora egin du abuztuan Euskadin, bigarren hilabetez jarraian, baina 2008ko datuetatik urrun.
Audiorik gabe. Abuztuan, 2.483 langabe gehiago izan dira Euskadin, eta guztira 108.658 pertsona daude lan bila, % 2,34 gehiago. Duela urtebeteko datuekin alderatuta, 5.100 langabe gutxiago daude, % 4,48 gutxiago, eta 2008tik erregistratutako langabe kopuru txikieneko abuztua da, Espainiako Lan eta Gizarte Ekonomia Ministerioak astelehen honetan emandako datuen arabera. Kontratazioei dagokienez, hilabete honetan berriro nabarmendu dituzte kontratu mugagabeak, guztien % 22,53 izan baitira. 48.532 kontratu sinatu dira, eta horietatik 10.934k izan dira mugagabeak.
2023/09/04
Euskal pentsiodunek mobilizazioei ekingo diet...
Euskal pentsiodunek mobilizazioei ekingo diete berriro astelehenetik aurrera
Udako geldialdiaren ondoren, Euskal H...
1:01 min.
Udako geldialdiaren ondoren, Euskal Herriko Pentsiodunen Mugimenduak 1.080 euroko gutxieneko pentsioa eskatzen jarraituko du.
Audiorik gabe. Euskal Herriko Pentsiodunen Mugimenduak asteroko mobilizazioei ekingo die berriro astelehen honetan, irailak 4, Bilbon eta Iruñean, eta hilaren 11n Donostian eta Gasteizen. Udako geldialdiaren ondoren, euskal pentsiodunek 1.080 euroko gutxieneko pentsioa eskatzeko protestak egiten jarraituko dute, "hurrengo gobernuaren berehalako konpromiso gisa, 2023ko urtarrilera arteko atzeraeraginezko ondorioekin”. Hala, ohartarazi duenez, bizi-kostuen garestitzeak bizi-baldintzak "izugarri okertzea" ekarri du eta "gero eta zailago" jartzen du.
2023/09/04
Bi pertsona hil dira Toledon euri erauntsien ...
Bi pertsona hil dira Toledon euri erauntsien ondorioz, baina egoera samurtzen ari da pixkanaka
Goialdeko depresioaren eraginez, gain...
1:15 min.
Goialdeko depresioaren eraginez, gainera, bi pertsona desagertu da Madrilen.
Audiorik gabe. Goi-geruzetako depresio isolatuak penintsularen erdialdean azken orduetan eragindako euriteek gutxienez bi hildako utzi dute Toledon, bata Bargas herrian eta bestea Casarrubios del Monten. Itxura guztien arabera, euren ibilgailuetan harrapatuta geratu dira biak; izan ere, denboraleak bi puntu horietan jo du gogorren. Gainera, bi pertsona desagertu dira: gizonezko bat, autoa Alberche ibaira erori ondoren Aldea de Fresnon (Madril), eta 80 urteko gizon bat, Villamantan (Madril). Errepide asko itxita egon dira, eta gaur-gaurkoz arazoak daude hainbat errepidetan, batez ere Madrilen, Toledon, Tarragonan eta Sevillan, itxita baitaude oraindik. Egoerak hobera egin badu ere, Euskal Autonomia Erkidegoan abisu horia ezarri dute euriteengatik eta ekaitzengatik. Ordubetean 15 litro egin dezake 14:00etatik 21:00etara.
2023/09/04
