azken berriak

2015/02/25
Burmuinaren Astea pertsona gorrentzako egokitutako eguna izango du (1:33 min.)

Martxoaren 10etik 12ra izango da Burmuinaren Astea Eureka Zientzia Museoan 18:30tik 20:30ra

Burmuinaren eta hizkuntzaren ikerketarako disziplina arteko euskal zentroak (BCBL) martxoaren 10etik 12ra Burmuinaren Astea antolatu du. Urtero antolatzen den ekitaldi honen xedea burmuina, misterioz betetako gai konplexu hori, guztion eskura jartzea da. Horretarako, hainbat hitzaldi antolatu dira, non burmuinean adituak direnek haien ezagutza jakitera emango dute. Hitzaldiak Mikeletegi Pasealekua, 43, Donostian kokatutako Eureka Zientzia Museoan izango dira. Hitzaldiak motzak izango dira (15 minutu inguru) eta 5 hitzalditako saiotan antolatuko dira (18:30tik 20:30ra). Alabaina, atsedenaldiak egongo dira entzuleek galderak egiteko eta atsedenen hartzeko aukera izan dezaten. Hitzaldi guztiak doakoak dira, baina ekitaldia antolatzea eta programatzea errazagoa izan dadin, aldez aurretik izena ematea beharrezkoa da. Konkretuki, martxoaren 12ko eguneko hitzaldiak interprete zerbitzua izango dute. Gainera, egun horretako hitzaldi baten titulua “¡Manos arriba! La lengua de signos en el cerebro” da. Hitzaldietan izena emateko bidal ezazu posta elektroniko bat burmuinarenastea@bcbl.es helbidera zein egunetan parte hartu nahi duzuen esanez. Informazio gehiago izateko: [Eureka Museoa](http://www.eurekamuseoa.es/es/semana-del-cerebro)